توك متخرج من الجامعه وودك تقدم على اعانه الخريجين ؟
🛑هذا الفيديو يشرح لكم كيفيه التقديم على الاعانه بشكل كامل🛑
الفيديو يحتوي على طريقتين الاولى عن طريق برنامج سهل، الثانيه عن طريق موقع الهيئه العامه للقوى العامله
الطلبه الي قاعد يستخدمون ال Ai بشغلكم:
عشان تضمن الجامعه ماتصيدك انك ناسخ من مواقع الذكاء الصناعي. هذا الموقع يجيك على نسبه النسخ من ال Ai اسمه Ai content detector
كل مازادت النسبه كان افضل ويدل على انه الكتابه مو من مواقع ال Ai.
الطلبه الي بيسوون جداولهم ويحاتون الاوقات هذا موقع سريع وسهل تسوون ويبين لكم اذا في تضارب اوقات استخدمه دايم شخصيا
هذا من الصفحه الرئيسيه
تحديد مواعيد الكلاس واسم كل كلاس ووقته وايامه
تغير الايام عشان تناسب ايام الاسبوع
اذا خلصتو من اي ماده Add activity
🛑طريقه تسجيل المواد🛑
حق الي ناسي يسجل هذه طريقه التسجيل الكامله وجم نصيحه حق التسجيل
اذا علقت الصفحه بطل غيرها لاتسويrefresh ديربالك
عد ٥ ثواني من بعد الساعه ٦ ودش مادري ليش بس انا من قمت اسويها ضبطت وياي😂
في مواد تبطلك مواد بنفس الكورس فسجلهم بالترتيب
الي يسال عن المشروع الي منعو تواجده:
عباره عن سستم سيفتي داخل السياره لتحكم كامل بالسياره عن طريق التلفون+ تشغيل السياره عن طريق بصمه الوجه+ باسكود للباب يفتح الباب برمز سري+ تشغيل عن بعد+ تشغيل عن طريق البصمه+مفتاح ذكي
هذا جزء من التوصيل و يقولون بطل التوصيل مولازم سياره🙂
ودك تتطور بتقديم البرزنتيشن وانت موعارف شلون. سواء كنت طالب او موظف هذا ثريد فيه جم نصيحه من واقع تجربتي بعد اتباعي لهذه الخطوات صرت افضل وحتى التقييمات مالتي زادت:
اذا كنت مشغول فضل التويته وارجعلها بعدين
هذه بعض الاختراصات وايد راح تسهل لكم استخدام اللابتوب او PC وراح تسرع لكم انجاز شغلكم
صراحه من تعلمت هذه الاختصارات نسيت سالفه اضغط على يمين الماوس واختار نسخ وبعدين لصق وسهلت وايد اشياء مثل تسجيل المواد وغيره من الاشياء
فضلها بتحتاجها 👆
هذا الموقع بديلchatGPT واحسن منه
هذا الموقع تبع شركه Googleواسمه bard
الموقع يعطيك اجابه كامله + مصادر اذا حاب تتاكد + محدث على اخر سنه عكس chatgpt
فيه وايد اضافات تقدرون تجربونه هذا الرابط:
طلبه AUM سمعت خبر حلو من بعض الدكاتره وبفرحكم فيه :
في وايد مواد راح ينشال منها الفاينل ريبورت وراح يكون مكانه شيين بدال الريبورت والبرزنتيشن
اول شي برزنتيشن يكون voice over وتسوون له سبمت
ثاني تسليم يكون q/a تجاوبون على الاساله
طبعا هالكلام منقول من بعض الدكاتره ماعندي علم…
دام الكورس توه مبلش فبعطيكم خطتي صراحه من قمت امشي عليها صار وقت الفراغ عندي اكبر والانجاز اكثر.
احيانا تنسى مواعيد اسايمنتاتك وتسليماتك خصوصا لو عندك اكثر من ٤ مواد.
هذه لسته اسويها بشكل جدا جدا جدا بدائي احط المواعيد والتسليمات واذا خلصت باختصار احط بين القوسين خالص.…
مشاريع استثنائيه وماتسمحون ببعض المشاريع بتواجدها بعذر انه مو مناسب المشروع عشان الحجم. مو المفروض يكون معرض لمشاريع الطلبه وانا مشارك بالمعرض بس مو مسموح لي ادخل مشروعي وانا مسوي تصميم كامل على نظام عالمي وفائز فيه بجائزه. و تدعون انكم تدعمون الطلبه شي غريب
بما ان وايد ناس تتوهق بالتسجيل و انه الجداول اللي تحطها الجامعة مو الكل عنده القدرة يمشي عليها، بلشت اسوي جداول مع طلبة عندهم خبرة بكل تخصص عشان اسوي جداول متكاملة تستفيدون منها بإذن الله . و طبعا الجداول تتفاوت بين شخص و شخص و انشاءلله تكون الجداول هذي الافضل.هندسة الكمبيوتر.💻
جدول رواتب المهندسين في الهيئات والمؤسسات الحكوميه.
طبعا الاختلاف يكون على حسب البدلات والمكان بالهيئة والمؤسسة نفسها
@36aaly
وين ودكم تتوظفون مهندسينا 👀 ؟
منع استخدام مواقع الذكاء الصناعي من الجامعه:
بسلبس المواد كلها تمت
اضافه شي يديد ومثل ماتقرون انه ممنوع تستخدمون اي شي يكتبلكم مثل موقع chatGPT وراح يعتبر اذا استخدمتوه وصادوكم حاله غش. تقدرون تستخدمونه اذا بتفهمون شغله معينه بس لاتسوون كوبي
تبون مواقع ثانيه محد يصيدكم ؟👀
🛑 تبي تعرف معدلك كنسبه مئويه 🛑
وايد طلبه يسالون شنو افضل معدل للجامعه وموعارفين حسبه المعدل من 4 نقاط
هذه المعادله تحطها باي آله حاسبه وبتطلع لك نسبتك.
بس حط مكان ال GPA معدلك واحسب وهذا مثال حطيته لكم.
وقولو جم معدلاتكم طلعت👀
متخرج او قريب تخرجك وتحاتي امتحانات التخصص ؟ جمعيه المهندسين مسوين فيديوات لبعض التخصصات مراجعه لهم
تنويه هذه المراجعه تقريبا شامله وديروبالكم لحد يقول لكم عندي الامتحان واشترك والي يقول مراجعتي اهي الامتحان
فيديوات شرح جمعية المهندسين ⬇️
تخصص هندسة الكهربائية⚡…
🛑طريقه تسجيل المواد + جميع انوار الايرورات الي ممكن تواجهها 🛑
حق الي ناسي يسجل هذه طريقه التسجيل الكامله احفظها للزمن
اذا علقت الصفحه بطل غيرها لاتسويrefresh ديربالك عشان لايروح عليك كل شي
في مواد تبطلك مواد بنفس الكورس فسجلهم بالترتيب
الطلبه الي بيسوون جداولهم ويحاتون الاوقات والتعارض هذا موقع سريع وسهل تسوون ويبين لكم اذا في تضارب اوقات استخدمه دايم شخصيا
هذا من الصفحه الرئيسيه
تحديد مواعيد الكلاس واسم كل كلاس ووقته وايامه
تغير الايام عشان تناسب ايام الاسبوع
اذا خلصتو من اي ماده Add…
خريجين الجامعات الخاصه وبالاخص AUM الي حابين يقدمون عالديوان.
الاوراق المطلوبه منكم هي كالاتي:
-١ معادله شهاده التخرج
٢- كشف الدرجات كامل
٣- صوره من البطاقه المدنيه
٤- الي من يهمه الامر او المؤهل الدراسي ( نفس الشي)
باختصار هذيل اهم الاوراق المطلوبه منكم بهذه الصور.
للتذكير: التواريخ للسبرنق او الكورس الثاني الرسميه
Spring2023
اول يوم كلاسات يصادف 12-2 ( يمدي تعدل عالجدول)
نهايه اسبوع السحب والاضافه16-2 ( ماتقدر تغير جدولك)
عطله العيد الوطني تصادف يوم الاحد تاريخ 25-2
اسبوع المدتيرمات من 1-4 لي 8-4
تغيير التخصص يفتح 21-5 لي 28-5
🛑🛑حق الطلبه الي تبي تشتغل بالصيف 🛑🛑
الهيئه العامه للقوى العامله فتحت التسجيل حق طلبه الجامعات واخر سنتين بالثانويه للي حاب يشتغل بالصيف.
هذه الشروط تحت انصحكم فيها تجربه حلوه.
التسجيل يبطل تاريخ 23-4 ويسكر 9-6 او حتى اكتمال العدد يعني لحقو 👀
دام الفاينلات باجر هذه الاسامي مالت المباني عشان لحد يتوهق:
L: library
R: research
E: engineering
A- G test center بين مبنى الانجنيرنق وستيودنت افيرس ومكتوب عليه
A-U مبنى الهندسه بالسرداب صوب نادي الميوزك
هذيل بشكل مختصر تاكد وين كلاسك ونام عدل وبالتوفيق
هذا من افضل المواقع يغير لك صياغه الكلمات ويكتبها بشكل احترافي
يعدل لك الاخطاء الاملائيه وال grammer
يسوي لكreferences جاهزين وعن نفسي عمري ما استغنيت عنه
في له كثير استخدامات انصح فيه جميع الطلبه واذا عندك اي خطاب ودك يكون رسمي تستخدمه
تخصصات الماستر لجامعه Aum لحد الان
١- ماستر في علوم الكمبيوتر في الذكاء الصناعي
٢- ماستر في الهندسه الكهربائيه التخصص انظمه ومصادر الطاقه
باقي التخصصات ليلحين ماتم الاعلان عليها بس بشكل عام انا انصح وبقوه جدا جدا جدا بالذكاء الصناعي لانه المستقبل ونقطه تحتسب للجامعه اضافه…
{وَآخِرُ دَعْوَاهُمْ أَنِ الْحَمْدُ لِلَّهِ رَبِّ الْعَالَمِينَ}
ما انتهى درب ولا ختم جهد ولا تم سعي إلا بفضلك يارب
اللهُم ليس بجُهدي و إجتِهادي إنَما بتَوفيقَك
تم بحمدالله تخرجي من جامعة الشرق الأوسط الأمريكية
وحصولي على درجة البكالوريوس في تخصص الهندسة الكهربائيه
بتقدير امتياز…
بعض الاشياء اذا سويتها بالمقابله احتماليه قبولك بالوظيفه تزيد.
1- تكلم بثقه ولا تتوتر هالشي راح يزيد من نسبه قبولك لانه المقابل بيشوف انه لك القدره على الحديث حتى لو ماعرفت الجواب بالضبط تكلم بشكل عام بس اهم شي الثقه
2- اذا سالوك عن المعاش لاتقولهم رقم ابحث عن معاشات المكان الي…
الطلبه او الخريجين الي يبون دورات او برامج تدريب معتمده وعليها شهادات.
مؤسسه الكويت للتقدم العلمي افضل مكان لهم لانه فيه دورات بالاضافه الي تدريب عادي يكون بره الكويت او داخل الكويت.
الصراحه هذه المؤسسه عرفتها عدل من سنه وتمنيت اعرفها من قبل على الشي الي يسوونه واغلب…
من افضل القهاوي للدراسه من ناحيه الهدوء والمكان:
Magnet
Niu
مجمع الاندلس فيه مجموعه كبيره من الكافيهات للدراسه
ارابيكا الافرع الهاديه مثل( الجابريه)
20 grams
Earth roastery
GIA
هذه بعض الاماكن الهاديه والي تنفع للدراسه والي عنده مكان مجربه يذكره
بما انه قربت المدتيرمات بقول لكم جم شغله كنت اسويهم كنت اضمن اييب100 بالامتحانات:
اول شي استعد نفسيا ما افكر بكميه الي ماخلصته واحاول قبل الدراسه اسوي شي يخليني استعد نفسيا لانه الدراسه الي بالغصب ماراح تسوي نتيجه.
ثاني شي وهذه اهم نقطه انتبوا لكلام الدكاتره وقت المراجعه لانه…
جم نصيحه حق التسجيل:
-اذا بتسجل كورس صيفي تاكد بريكاتك شويه وبنفس المبنى لانه الجو حار وبتتعب من طول البريكات
-افضل شي تسويه تسجل عالوقت مو عالدكاتره والدكتور الي تشوفون عليه ذم انتو كلموه شوفو شنو يحب ومايحب بتمشي اموركم (عن تجربه)
-لاتسال احد اذا ضغط او لا انت اعلم بقدراتك
من الخاص:
هل فعلا هالشي يصير ؟؟👀
سلام عليكم في كلام ودي اقوله واتمنى تنزله عيب وايد ان احد يدخل بدين وعقيده احد وعيب ان الواحد يقطع صلاه اي شخص اليوم صار موقف بالمصلى مع بنت تصلي خذت التربه من جدامها وقعدت تصرخ بالمصلى بدعه وحالتها حاله عفواً انتي شلون تجرئتي تسحبين التربه من…
ياجماعه الي وصل لكم ايميل تسوون اوراق التخرج
هذا فيديو يختصر الدنيا كل الاوراق وانتو بالبيت بس تاكدو المعلومات تكونpdf
ورقه التخرج على الي قاعد اشوفه شالوها صار بس تحطون توقيعكم
الطلبه الي مايعرفون يسوون جداول او يحاتون من تعارض الوقت.
هذا الموقع بيفيدكم يسوي لكم الجدول وتقدرون ترتبون فيه الجدول على راحتكم ويسهل عليكم وايد.
هذا الرابط :
دام الطلبه هالجم يوم يسالون عن الدكاتره وافضل دكتور فشرايكم
تحت هذه التويته حطوا اسم الدكتور وتجربتكم معاه واهو زين من اي ناحيه( درجات، حضور، تعامل) والي اخره عشان الكل يستفيد ومحد يضيع
خريج وحاب تكمل ماستر ودكتوراه ؟
جامعه عبدالله السالم نزلت اعلان معيد البعثه لكثير من التخصصات منها الهندسه والعلوم.
معيد البعثه اهي فرصه تسمحلكم تكملون ماستر ودكتوراه على حساب الجامعه بالاضافه بعد الانتهاء من الدكتوراه يتم توظيفكم بالجامعه.
فترات التقديم
الفتره الاولى : من…
نصيحه::
الطلبه الي بيكملون ماجستير خل يحطون لهم خطه مابعد الماجستير كتكمله للدكتوراه او غيره.
الماجستير بروحه ماراح يفيدك لانه بس بيزيدك اذا باي وزاره 70 دينار بس
الماجستير بدون دكتوراه مو خطه ��امله من وجهه نظري فهذه الخطوه بتدفع فيها مبلغ وقدره احسب حساب المبلغ الي بتدفعه…
🔴طلبه الانجر ون ENGR131 🔴
هذا شرح البروجكت لكم كامل اتمنى يفيدكم وانشاءالله يكون واضح
اذا عندكم اي استفسار او نقطه موفاهمينها تقدرون تدشون القروب العام الي مسويه واتمنى يفيدكم.
هذه التخصصات المطلوبه في سوق العمل حاليا:
نصيحه لاتشوف هذا الشي حق الحين بس شوف بعد ٥ سنين شنو المستقبل يوم تتخرج
ابسط مثال بسنه 2019 كان من اقل التخصصات رغبه اهو هندسه الكمبيوتر واليوم اهو اكثر تخصص مطلوب.
حاول تبحث عن التخصصات المطلوبه بالكويت والي قاعد تتطور.
🛑الطلبه الي حابين يشتغلون بارت تايم🛑
تقدر تكمل دراستك وتتوظف بشكل رسمي كبارت تايم من غير لاتنقطع عنكم الاعانه
بتلاحظون الفتره اليايه وايد من الشركات راح تعرض وظايف للطلبه وانشاءالله بحاول اغطيها كلها
🛑طالب وودك تشتغل بارت تايم ؟🛑
تعلن الهيئه العامه للقوى العامله التدريب حق فصل الربيع للطلبه الي حابين يشتغلون بالقطاع الخاص بمختلف انواعه مثل شركات قهاوي فنادق والى اخره.
يبطل التسجيل من تاريخ 12-11-2023وينتهي تاريخ14-12-2023
اهم الشروط انه الطالب يكون كويتي الجنسيه ويكون…
فايده ال carrier fair وليش لازم احضر ؟
تشوف اكثر من مكان ممكن تتوظف فيه تسالهم عن نظام الشغل+ المعاشات + المتطلبات + شنو الاهتمامات عشان القبول
حق الطلبه المهتمين بالقطاع الخاص شركات كبيره ووايد بتكون حاضره وفرصه تطقلك فره
حتى القطاعات الحكوميه وبعض الهيئات تكون موجوده
موفقين
🔴حق الطلبه الي ودهم ببارت تايم🔴
ودك تشتغل بارت تايم في ونتر لاند او حديقه جنوب الصباحيه ؟
شركه المشروعات السياحيه بالتعاون مع لوياك فتحوا باب التسجيل حق الي حاب يتوظف بارت تايم ويكون من فريق المنظمين.
بالصوره الثانيه لنك التسجيل بحساب لوياك الرسمي
هل فعلا اذا كنت A student معناته انت ناجح ؟
وايد نسمع بالمجتمع انه هذا طالب شاطر ويكون مقياس الشطاره قريدات بالجامعه بس.
قبل حسبالي انا بعد هذا مفهوم الشطاره وكنت اسعى بس اني اييب A حتى لو مافهمت الماده واشوفه هالشي انجاز واني ناجح.
استوعبت بعدين الدرجات مو مقياس للنجاح…
من الخاص:
شكله الموضوع صاير لاكثر من طالب غريبه
فعلا صارت معاي وخذت التربه وقالت شرك وانا ابي انهيج عن المنكر ، وصلت انها تشركنا ، وغير هذا الترب قاعده تختفي من المصلى وكل ما حطينا تربه بالمصلى انشالت !!! ، اتمنى تربنا ماتنشال ، نودي تربنا الجامعه عشان مانحاتي بيوم ننسى او شي…
ودي اعلق على موضوع عدد الكردت واعطي وجهه نظري ورايي الشخصي.
سواء خذيت ١٢ كردت او ١٨ كردت اذا انت مجهز مخك حق ١٨ كردت راح تقدر تعدي الكورس باحسن القريدات من تجربتي.
اذكر اول كورس لي بالجامعه الكل حرفيا قالي لاتاخذ فزكس ون وكمستري ون مع بعض ولانه الفاينل بنفس اليوم. خذيتهم وطلعت…
الطلبه الي يسالون معدلي زين ؟ شنو افضل معدل ؟؟ عندي لكم نصيحه
المعدل اهو لكم انتو مو للناس لمن تتخرج بيحطون عند اسمك معدلك مو عند الناس .
شوفو اعلانات الوظايف جم طالبين وبناء على هذا الشي تعرفون افضل معدل يعني باختصار المعدل لازم يكون 3 نقاط
وفي شي وايد طلبه ناسيته الي اهي…
توك شاري لابتوب او PC وتبي تنزل البرامج المهمه. هذا اسهل موقع مجمعين لكم المواقع المهمه
هذا مثال بسيط على بعض البرامج تقدرون تشوفون الباجي. فضلها بتحتاجها
تم اضافه خيار جديد حق ال Turnitin والي اهي نسبه الكوبي من برامج ال Ai او برامج الدكاء الصناعي مثل ChatGPT وغيره ديروبالكم
سالفه تاخذه من الموقع كوبي بست ماتمشي.استخدم برنامج بارافريز حق الكلام ولاتعلم احد 👀
🛑مواعيد تسجيل السبرنق نزلت🛑
مواعيد تسجيل ال
تسجيل طلاب السينير
من 14-1-2024 إلى 31-1-2024
تسجيل طلاب الجونيور
من 17-1-2024 إلى 31-1-2024
تسجيل طلاب السوفومور
من 22-1-2024 إلى 31-1-2024
تسجيل طلاب الفرشمن
25-1-2024 إلى 31-1-2024
التسجيل الساعة 6 الصبح للتنويه
تنويه:…
شلون تطلع رزنامة الجامعه وتعرف كل التواريخ؟
اكثر الطلبه دايم يسالون عن تواريخ العطل+ الامتحانات
رزنامة الجامعه متوفره لكل الطلبه وهذه الطريقه حق الي بيعرف طبعا في وحده لطلبه التخصص وفي وحده لطلبه ال EPP
طبعا اهي مقسمه Fall- Spring - Summer
حق طلبه الكمبيوتر 💻: اخونا خالد الحمدان سوه جدول ثاني حق تخصص هندسه الكمبيوتر من بعد التمهيدي لي التخرج خطه كامله. بتلاقون تحت هم عندي خطه ثانيه تقريبا مشابهين تمشون على الي يريحكم
@Alhamdan27_
دام رمضان قرب وايد طلبه يسالون شلون الاوقات بتصير ؟
هذا مثال على الاوقات كلاسات 8 الصبح راح تصير 9 وراح يك��ن مدتها:
من ساعه وربع لي 54 دقيقه
اللابات اوقاتهم من ساعه و 40 دقيقه لي ساعه و 12 دقيقه
وتقدرون تشوفون بالصور الفرق ( ولحد يسالني ليش كنت مسجل هالكثر مواد😂)
وايد طلبه تستخدم مترجم قوقل الى الان ونلاحظ انه الترجمه غير دقيقه
هذه بعض المواقع للترجمه بتفيدكم فضلو التويته
1- ( تطبيق Translate Voice – Translator)
- يترجم (90 ) لغة عن طريق الصوت و يدعم العربي
2- (موقع systran translator)
ميزة انه بيترجم من اي…
🛑🛑الي ببي يتوظف بارت تايم بلوياك🛑🛑
اعلان لوياك حق الي بيقدم لوظيفه بالصيف مثل اليفيشن وستاربكس حق الي حاب من عمر 20 سنه لي 24 سنه
حق الي بيقوي ال CV ماله تره تسوه👀
الي عليك تدز ال Cv مالك حق الايميل الي حاطينه بالصوره ويردون عليكم
شي جميل تطور مهاراتك الدراسيه وجدا مفيد ولكن الاجمل الافضل تطور مهاراتك الاجتماعيه لانها بتساهم بتحسين مهاراتك الدراسيه والاجتماعيه مع بعض.
هذا ثريد فيه جم طريقه شلون تطور هذه المهارات:
فضل التويته اذا مشغول
طبعا في ناس ماراح تفهم الجدول :
المسمى الوظيفي لخريجين البكالريوس يكون مهندس مبتدئ وعليه يكون المعاش:
ويكون من الدرجه الرابعه بدون ولا علاوه
فتشوفون وتحسبون وطبعا يختلف حسب المكان وحسب كل شي مذكور وحسب التخصص
واذا في اي غلط فيدونا او شي ناقص👀
جدول رواتب المهندسين❕
في الوزارات والجهات الحكومية التابعة لديوان الخدمة المدنية بالاضافة للبدلات المتاحة للمهندسين وتختلف باختلاف الجهة والقسم.
#وظيفتك_اسهل
#عطالي
✔️لمتابعة أخبار التوظيف في Kuwait ✔️
Twitter & Instagram :
@36aaly
Snapchat : mr.36aaly
اليوم اول يوم صيفي. ممكن وايد طلبه ما ارتاحو عدل ولا كان عندهم رضا كامل بالدرجات حلو ؟
طبعا اكيد تقدرون تعوضون وترفعون معدلاتكم انشاءالله فاللي وده يرفع معدله هذه جم نصيحه من واقع تجربتي واتمنى تفيدكم
1-اول شي اول باول ادرس مو شرط تدرس 10 ساعات باليوم او تتعب زياده عن اللزوم…