#عزيزي_المبرمج،
جمعت لك في السلسلة المجموعة الأولى المكونة من ال10 رسائل اللي زعلت مني لما بعتهم لك 😅
.
والسبب في تجميعها إني ما كنتش عامل لها هاشتاج، وعشان تكون مرجع. وكل 10 هاجمعهم في مجموعة إن شاء الله.
.
سلسلة 🔻🔻🔻
1/12
أنت مش أذكى واحد، وكليتك مش أحسن كلية، وفيه ناس كتير سابقاك بسنين ضوئية، والدنيا بتجري أسرع من قدرتك على اللحاق بها. بس ممكن تتجاوز كل ده بالاستعانة بالله ثم المثابرة والاجتهاد.
وأتمنى تشوف كورس learn how to learn وتقرأ كتاب mindset. الكورس له subtitles عربي والكتاب مترجم
عزيزي المبرمج،
أنا عايز أقول لك على حاجة بس مش عارف أجيبهالك إزاي🙈
الinput validation مكانها في الbackend لسبب بسيط جدا: إن الfront end سهل جدا يتم تجاوزها ويتبعت لك الrequests من postman مثلا، هاتعمل إيه ساعتها؟
سلسلة
١/٧
زمان، زماااان قوي، أول ما اشتغلت في البرمجة، كنت معتقد إن اللي مش بيفلح في الcoding بيروح إما يشتغل tester أو يشتغل في الsupport!
وكنت معتقد إن المديرين دول ما بيعملوش حاجة غير إنهم يرازوا في الموظفين!
طبعا كل الاعتقادات دي طلعت بلح!
ثريد 1/5
وصلنا لفين في منصتنا الاجتماعية البديلة اللي شغال عليها أنا ومحمد المهدي؟
الفكرة بتنضج معانا، ودي الملامح اللي عمالة تتضح لينا واحنا ماشيين، هانشاركها معاكم وهانوافيكم بالتحديثات أولا بأول لغاية لما نوصل للصورة النهائية - إن شاء الله 😉- وننقل بقية الكلام لمنصتنا
(ثريد)
🔻🔻🔻
عزيزي المبرمج،
أنا عارف إن خُلقك ضيق وماعندكش صبر تقرأ حاجة طويلة، فأنا هلخص لك حوار الclean code ده في كلمتين، وكلمة أبرك من عشرة.
الزتونة يا عزيزي بيلخصهالك المثل المصري: كدب مساوي ولا صدق منعكش.
.
سلسلة 🔻🔻🔻
١/١١
عزيزي المبرمج،
بعد ما حكيت لك حكاية الinput validations، خليني أحيكلك حكايتك مع الbugs!
خلونا نبدأ بالاقتباس ده:
Your bug is your reputation!
يعني سمعتك كمبرمج في نوعية البجز اللي بتطلع منك!
.
سلسلة 1/8
تمر على الإنسان أوقات يغتر بتوفيق الله له، فتحدثه نفسه أنه إنما أوتيه على علم عنده، فيكله الله إلى نفسه فتخذله أحوج ما يكون إلى توفيق الله ومعيته، ليعلم ألا حول ولا قوة إلا بالله.
فاللهم وفقنا وسددنا وارزقنا الافتقار إليك، والاستغناء بك عمن سواك. 🤲
المبرمج اللي عايز يقرأ في البزنس ممكن يبدأ بكتب البزنس اللي كتبها مبرمجين، أو ناس شغالة في مجال السوفتوير، هاتلاقيهم بيضربوا أمثلة وأفكار من الصناعة نفسها، وهاتحس إنك في بيتك يعني.
يحضرني الآن على سبيل المثال وليس الحصر:
يتبع...
#عزيزي_المبرمج،
فيه مثل أجنبي بيقول: لو الأداة اللي في إيدك شاكوش هاتشوف كل حاجة مسامير!
.
ما تتعاملش مع الdesign patterns كأنها شاكوش ولا المشاكل البرمجية كإنها مسامير!
.
سلسلة 🔻🔻🔻
١/١١
عزيزي المبرمج،
أنا جاي النهارده أقول لك حاجتين مش حاجة واحدة:
1- أي حد يقول لك إنه جامد زوحليقة وعمرها ما خيشت معاه اعرف إنه مش سالك
2- أنا مش ساحر، بس أنت كمان مرت عليك لحظات حسيت فيها بقلة الحيلة، وإنك مش عارف تتصرف، وربنا سترها معاك ومشيت.
سلسلة 🔻🔻🔻
1/9
ليه بنحس بإرهاق مستمر مع إننا بنشتغل ٨ ساعات بس؟ 🤔
ده كان موضوع نقاش دار بيني وبين بعض الأصدقاء، ودي الخلاصة:
١- السن طبعا، فالواحد لا سنه ولا لياقته بقت مستحملة بهدلة 🥺
٢- إننا بنبقى شايلين هم الشغل، حتى لما بنرجع البيت
يتبع..
نصحت أصدقائي المبرمجين قبل كده يقرأوا في البزنس = الفلوس والبيع والتسويق وتأسيس الشركات إلخ.
ونصحتهم قبل كده برضو يقرأوا في علم النفس، وأي حاجة تساعدهم في التعامل مع الناس.
ثريد ١/٤
عزيزي المبرمج،
في يوم عاصف مطير، أنت قاعد في أمان الله، لا بيك ولا عليك، منهمك جدا في الشغل، حاطط سماعاتك في ودانك عشان مش عايز حد يقاطعك، وبتحاول تركز على قدر الإمكان عشان عندك شغل متأخر وعاوز تسلمه، وإذ فجأة ..
سلسلة 🔻🔻🔻
١/١٣
#عزيزي_المبرمج
لو أنت عندك سيستم فيه تكامل ( integration ) مع أنظمة أخرى، فلازم تكون مؤمن بنظرية المؤامرة!🫨
.
افترض إنهم مالهومش في البرمجة وهايدوك حاجة تعبانة مش ماشية على أي standard.💩
افترض إنهم مش هايدوك الAPIs في الوقت اللي اتفقتم عليه وهايأخروك.🧨
افترض إنهم هايغيروا…
عزيزي الديفلوبر،
تحية طيبة وبعد
لما مديرك يطلب منك حاجة ما تخليش أول رد إنها مش هاتنفع، وادي لنفسك فرصة إنك تحاول الأول.
ممكن تقول ما عملتهاش قبل كده بس حشوف.
ممكن تقول ما اعرفش بس حجرب.
ممكن تقول ممكن ما تنفعش بس ححاول.
ممكن تقول ما مرتش علي قبل كده بس حفكر إزاي نعملها.
#عزيزي_المبرمج،
أنت بقالك كتير في الشركة اللي أنت فيها، و��ش بتتعلم حاجة جديدة، وحاسس إنك قربت تصدي. ظبطت الCV وابتديت تحدفه في كل فرصة تقابلك وتبعته لأصحابك.
عملت انترفيوهات بس كنت متوتر جدا، اتعصرت فيهم كلهم وفيه حاجات كتير ما كنتش تعرفها، فحسيت إنك لم توفق،
سلسلة 🔻🔻🔻
١/١١
آخر حاجة عايزك تعرفها يا صديقي، إن أول قرار هاتاخده، وهاتشتغل في إيه، مش قرار مصيري ولا حاجة، وممكن تغيره بعد كده، فلا تعطي الأمر أكبر من حجمه.
#بالتوفيق
5/5
أيها المواطنون في ربوع الوطن، أيها المكافحون في سهول سيبيريا، أيها الفلاحون في نجوع أفريقيا، أيها الأطفال في حدائق أمريكا..إليكم أول فيديو في سلسلة الObject Oriented Programming، املأوا الأرض بترانيم البرمجة إلى أن ترفرف رايات الgeeks في كل مكان 😉
#عزيزي_المبرمج
ليه التعلم من الدوكيمنتيشن مهم؟
١- الدوكيمنتيشن كتير بيكون فيها tutorials للمبتدئين. على سبيل المثال: الدوكيمنتيشن بتاعت react رهيبة، وهتلاقي فيها مثلا صفحة تقول لك الأفكار دي هاتغطي معاك ٨٠% من حالات استخدام ريآكت.
سلسلة 🔻🔻🔻
١/٦
#عزيزي_المبرمج،
أنت بقالك كتير بتكتب كود، وحاسس إنك بتكبر وابتديت تقلق على مسارك الوظيفي.
بتتكلم مع أصحابك المبرمجين على القهوة، لقيتهم هما كمان بتجيلهم نفس الهواجس.
سلسلة 🔻🔻🔻
١/٩
تمر على الإنسان أوقات يغتر بتوفيق الله له، فتحدثه نفسه أنه إنما أوتيه على علم عنده، فيكله الله إلى نفسه فتخذله أحوج ما يكون إلى توفيق الله ومعيته، ليعلم ألا حول ولا قوة إلا بالله.
فاللهم وفقنا وسددنا وارزقنا الافتقار إليك، والاستغناء بك عمن سواك.
لما تلاقي نفسك بتكتب كود كتير عشان تحل مشكلة تبدو بسيطة، فيه احتمال كبير إنك بتعمل حاجة غلط.
الحاجة الغلط دي ممكن تكون:
1- إنك تكون مش فاهم البزنس كويس
2- إنك تكون مش متمكن من التكنولوجيا اللي بتستخدمها
3- المشكلتين مع بعض، وهنا طبعا الوضع بيكون أسوأ.
يتبع..
#عزيزي_المبرمج،
أنا عارف إنك زهقت من اللي بتعمله، وابتديت تحس بالملل، وحاسس إنك عاوز تطور من نفسك سيكا 🤏
وعشان كده أنا جاي أفكر معاك بصوت عالي ممكن تروح منين لفين وإزاي.
سلسلة 🔻🔻🔻
١/٨
عزيزي المبرمج،
كلمتك قبل كده عن تالت أسوأ حاجة بتحصل لما بتتعامل مع مديرك.
ودلوقتي هاقول لك على تاني أسوأ حاجة.
-- وسع بس كده عشان هاقول بصوت عالي ومش عايزك تتخض 📣📣📣--
"لما تقول له أنا عطلان ويحس إنك قليل الحيلة!"
.
سلسلة 🔻🔻🔻
١/١١
ما الذي يحفز الناس في العمل؟
قمت بسؤال فريقي، كل شخص منفردا، عما يحفزهم في العمل ويدفعهم للقدوم إلى المكتب وملؤهم حماسة، ثم لخصت إجاباتهم، وسأكتبها في هذه السلسلة.
(سلسلة)
تنبيه: ليس المال من بين هذه المحفزات!
مما علمني مديري السابق وصديقي أحمد عبد الحميد:
-ما ينفعش تدخل اجتماع من غير ما تطلع منه بactions
-ما ينفعش تتفقوا على actions وما تعملش follow-up عليها
-ما ينفعش تستنى على الfollow up إلى أواخر الوقت، لازم لما يعدي 20% من الوقت تبدأ تتباع عشان لو حصل انحراف على الخطة تلحقه بسرعة
@Mrsaul77
على منصة كورسيرا، وهو كورس مجاني.
لو نسختين أيضا عربيتين، قدمهما واحد من فريق الكورس الأصلي، اسمه أحمد الأزهري، نسخة مختصرة على منصة رواق، ونسخة مطولة على يوتيوب، والاثنين بعنوان "تعلم كيف تتعلم".
والكتاب ترجمته اسمها: طريقة التفكير
كل الناس اللي قابلتهم عدوا على فودافون، وبالذات VOIS، كانوا شكلهم شاطرين وبيفهموا، واللي اشتغلت معاه منهم طلعوا شاطرين وبيفهموا بالفعل، في أي وظيفة كانت.
يا ريت الناس تنقل تجاربها عن معايير اختيار الموظفين والتدريب وثقافة الشركة وبيئة العمل عشان نستفيد منها.
#عزيزي_المبرمج،
لو أنت فاكر إن المفروض تشتغل في الحاجات الصعبة technically بس -بما إنك الgeek اللي في الفريق - يعني تبني الframeworksوالreusable components إلخ، بينما تنفيذ البزنس في الكود ده شغل الجونيورز!
فالكلام اللي جاي عشانك 🤝
سلسلة 🔻🔻🔻
١/١٠
#عزيزي_المبرمج،
شكرا على سهرك في الشغل، وتحملك للمسئولية، وعلى المجهود العظيم اللي بتبذله. والكلين كود اللي بتكتبه، وعلى الbest practices اللي بتتبعها، وعلى كل حاجة حلوة بتعملها ♥️
.
بس خليني أسألك سؤال: طلعت بروداكشن ولا خيشت؟
سلسلة 🔻🔻🔻
١/٩
ملاحظة هامشية: العمل في أوروبا وأمريكا لا يعطي أفضلية في حد ذاته. مش مجرد إن حد اشتغل هناك إنه خلاص بقى تنين مجنح ويطنطط على خلق الله.
زي ما فيه الحلو فيه الوحش برضو، زي عندنا بالضبط.
.
١/٣
افتكرت لقاء كنت عامله لايف مع طلبة حاسبات القاهرة من حوالي ٥ شهور، فيه خلاصة نصائحي للطلبة، وكان الفيدباك منهم إيجابي جدا إنه أفادهم كتير، يا ريت تشوفوه ومش هاتندموا إن شاء الله 😊
وكان عنوانه: "مباشر من سوق العمل"
مراجعة كتاب سيكولوجية المال، لمؤلفه مورجان هاوسل
--
التقييم ٥/٥
.
الاقتصاد والأمور المالية ستؤثر فيك شئت أم أبيت!
فاهتم بهذه الأمور لمصلحتك.
.
هذا الكتاب يقول لك لماذا يتصرف الناس في أموالهم بهذه الطرق التي تراها، والتي قد تعدها تصرفات مجنونة، لكنها ليست كذلك، على الأقل من وجهة…
#عزيزي_المبرمج،
مفيش حاجة اسمها تكون مثلا تيم ليد وتروح سنيور وتقول مش مهم طالما هايدوني فلوس أكتر!
مفيش حاجة اسمها تكون أركتكت وتروح تيم ليد وتقول مش مهم طالما هايدوني فلوس أكتر!
المقصد: ما تصغرش نفسك!
عارف ليه؟
تعالى أما أقول لك...
سلسلة 🔻🔻🔻
.
١/٥
عزيزي المبرمج،
مش معنى إنك جامد تنين، إن بمجرد ما تبدأ تنشر محتوى مفيد الناس هاتتهافت عليك وتبقى public figure!
أبسولوتلي، ده خطأ كلاسيكي جدا بيقع فيه المبرمجين باستمرار، سواء في بناء الشركات أو نشر المحتوى.
سلسلة 🔻🔻🔻
١/٣
بما إنك سألت إخواتك المبرمجين اللي في الخارج، فنصيحتي:
١- حاول تستفيد من إخواتك المبرمجين في الداخل. اللي في الخارج مش أحسن من اللي في الداخل ولا أسوأ منهم، الخروج من مصر مش صك كفاءة وخبرة للي خرجوا
٢- المجهود +الحد الأدنى من المعرفة أفضل من الموهبة + المرقعة
عزيزي المبرمج،
التعامل مع المكن بيخليك - لا شعوريا تتعامل مع الحياة binary، أبيض وأسود، لكن الحياة أعقد من كده بكتير، وطبعا التصريح ده بناء على دراسة عملتها مع نفسي وأنا بتأمل المبرمجين اللي مروا علي طوال حياتي المهنية😬
سلسلة 🔻🔻🔻
1/4
إدجر دايكسرتا (Edsger W. Dijkstra) - أحد رواد علوم الحاسب- له مقالة مشهورة اسمها: المبرمج المتواضع
The humble programmer.
قرأتها زمان ومش فاكر منها غير حاجات بسيطة، بس العنوان بيتبادر إلى ذهني كل ما بشوف حد راح اشتغل في أوروبا مثلا وعمال يتنطط على خلق الله.
تواضعوا يرحمكم الله
إياك وإعادة اختراع العجلة في البرمجة
1-أول مهمة عمل استلمتها في حياتي
2-تأثير النظام الثاني
3-لماذا يعيد المبرمجون اختراع العجلة
4-أسئلة ذات صلة
في هذه السلسة خلاصة خلاصة خبرتي، فخذوها هنيئة بلا كدر، وساعدوني على نشرها لتعم الفائدة
لما انكسر المسلمون بعد غزوة أحد،أخذ أبو سفيان يرتجز: أعل هبل،قال النبي (ص): ألا تجيبوا له؟ قالوا: يا رسول الله، ما نقول؟ قال: قولوا: الله أعلى وأجل، قال: إن لنا العزى ولا عزى لكم.فقال النبي (ص) ألا تجيبوا له؟ قال: قالوا: يا رسول الله،ما نقول؟ قال: قولوا: الله مولانا،ولا مولى لكم.
#عزيزي_المبرمج،
لو أنت فاكر إن عشان تتعلم حاجة جديدة يبقى لازم الشركة تتيح لك وقت عشان تتعلم الحاجة دي، فأحب أبشرك إنك مش هاتتعلم حاجات جديدة إلا قليلا، ده لو أتيحت لك الفرصة أصلا!🥲
سلسلة 🔻🔻🔻
١/٧
الكتاب ده لطيف جدا، فيه أفكار متقاطعة مع البزنس والسوفتوير والآجايل، كتبينه الرجاله بتوع Ruby on Rails وbasecamp و Hey email.
فصول قصيرة جدا تقدر تقراها في الأوقات الميتة.
والجميل إنه مجاني، تقدروا تقرأوه من هنا:
#عزيزي_المبرمج،
الدنيا صغيرة.
ساعد زمايلك وتعاون معهم، حتى لو في فريق تاني، لوجه الله أولا، ولأن ده شغلك ثانيا، وعشان الدنيا صغيرة ثالثا.
.
سلسلة 🔻🔻🔻
١/٤
عندك ٣ أنظمة عندهم بيانات مكملة لبعضها، والبيانات دي مش بيتم تحديثها في نفس الوقت، يعني ممكن البيانات في نظام ١ تحدث النهارده، والبيانات في نظام ٢ تحدث بكرة، والبيانات في نظام ٣ تحدث السنة الجاية.
.
سلسلة 🔻
1/10
إذا انضممت حديثًا لمؤسسة ما، فلا توالي أو تعادي أي أحد من البداية، وقد تجد عصابات وتحزبات في المؤسسة - ولا بد - فلا تنضم إلى أيها من البداية، وحاول ألا تتأثر ما يقوله أعضاء عصابة ما عن عصابة أخرى.
#OfficePolitics
بكل بجاحه شركة اوراكل العالميه وفي الصفحه الخاصه بالسعوديه وصفحتهم العربيه بالشرق الاوسط تعلن بشكل صريح دعم اسرائيل.
شركة اوراكل لها داتاسنتر داخل السعوديه وشركات كثير سعوديه كبيره داخله فيها ومشتركه معهم في الداتاسينتر ناهيك عن منتجاتهم الكثيره اللي مشتركين فيها
@Oracle_ME
تشتغل full-stack ولا back-end/front-end؟
أنا بفضل الfull-stack،خاصة إنك ممكن تعمل كل حاجة بالjavascript مثلا.وده بيكون مفيد جدا لو التيم صغير
بس التخصص له مكان برضو،خاصة لو التيم كبير
بصفة عامة، لما تكون full-stack ده بيديك فرصة تشوف الصورة الكبيرة، وبالتالي بيحسن قراراتك التقنية
٣- إن وقت الشغل يا دوب بيكفي الشغل الموجود، وده ضغط متوسط، لكن لما يستمر لفترة طويلة فبيعتبر ضغط عالي.
وهنا يظهر حكمة الجماعة بتوع الأجايل، لما اتكلموا عن التخطيط ما يكونش على ال٨ ساعات شغل، لكن على ٦-٦:٣٠ ساعات بس.
٤- إننا بنتمرمط في الطريق من وإلى الشغل.
.
حد عنده أسباب تانية؟
وبرضو عايز الشباب حديثي التخرج يعرفوا إن دورة حياة تطوير البرمجيات (software development lifecycle) فيها وظائف تانية غير الكودينج، زي الbusiness analysis و quality assurance إلخ.
3/5
لو عايز تقرأ في البزنس، دي ترشيحات لكتب مترجمة، كتاب واحد في كل موضوع.
-الثقافة المالية: الأب الغني والأب الفقير.
-تأسيس الشركات: ريادة الأعمال المنضبطة.
-التسويق: خطة التسويق في صفحة واحدة.
-البيع: التأثير، علم نفس الإقناع.
الإدارة: القاعدة الأولى، لا تتقيد بالقواعد.
جالي أسئلة كتير بخصوص آخر كلام نشرته عن مقاطعة أونكل بوب، مفادها نقطتين:
١- هل نمتنع عن الاستفادة من علوم أعدائنا اللي تفردوا بيها؟
٢- إزاي ننتقد حاجة لم نطلع عليها؟
.
كنت جاوبت الأسئلة دي في التعليقات بس هاعيد تنظيم الإجابات هنا عشان تكون الفائدة أكبر.
.
سلسلة 🔻🔻🔻
١/١١
فكرة الرسالة دي مستفادة - بتصرف شديد - من كتاب help you boss help you.
.
لو عجبك النوع ده من المحتوى يا ريت تساعدني في نشره لتعم الفائدة، ولو ما عجبكش يا ريت تكتب لي في التعليقات إيه اللي مش عاجبك.
.
سلام 👋
١٣/١٣
تمت
هل يمكن منافسة شبكات التواصل الاجتماعي؟
الإجابة لا، لكن إليك ما سنفعل في #قبيلة
الجزء الثالث: تعالَ من أجل إدارة جميع حساباتك على الشبكات الاجتماعية الأخرى من مكان واحد مجانا، وابق من أجل الشبكة
---------
كانت آخر جملة قيلت في المشهد الختامي من فيلم الكارتون الذي كان يشاهده:…
كنت عايز أدخل هندسة عمارة بس والدي الله يرحمه ما رضيش، فكنت عايز أدخل اتصالات. لكن كتبت حاسبات في الرغبات في إعدادي هندسة أول رغبة على أساس إنها عمرها ما هاتجيلي، لأن عدد الطلبة محدود وبتاخد مجموع عالي، ودورت في كل الكشوف ماعدا حاسبات - على أساس إن عمرها ما هاتجيلي - فلما ما…
فيه سؤال دايما بيسألهولي الفريق لما نبدأ ندخل الunit tests في الشغل، وهو: What to test؟
ده نقل وافي كنت نقلته زمان وبيجاوب على السؤال ده كويس جدا.
في الثريد دي هاجاوب على شوية أسئلة ذات صلة، لعلها ينتفع بها المتابعون.
ريتويت في الخير بقى 😉
(1/8)
مراجعة كتاب "بناء العقل الثاني"
Building a second brain
---
التقييم ٤/٥
.
فكرة الكتاب هي اقتراح طرق لتنظيم المعرفة الشخصية بصورة رقمية بحيث تفرغ عقلك للابتكار عن طريق نقل المعارف إلى عقل ثاني، وهو تدوين المعرفة وتنظيمها مكتوبة بصورة رقمية.
الطريقة التي يقترحها المؤلف لاختيار ما…
فيديو اللايف اللي فات عن الDomain-Driven Design نزل على يوتيوب:
اتكلمنا فيه عن الموضواع التالية:
1-السياق الذي ظهرت فيها الDDD
2-ملخص أفكار الDDD
3-ما الجديد الذي جاءت به الDDD
4-تطور أفكار الDDD وكيف يطبقها الناس الآن.
لا تحرمونا من ملاحظاتكم وشيراتكم 😊
نصيحتي اليوم بأن يقرأوا في الأدب، اللي هو الرواية والنثر البليغ، والشعر؛ لأن التعامل مع المكن بيخليك - لا شعوريا تتعامل مع الحياة binary، أبيض وأسود، لكن الحياة أعقد من كده بكتير. ده طبعا تصريح جدعنة مني مش مبني على أي دراسة أكاديمية.
٢/٤
٢-عشان نحسن الuser experience بإننا ندي للمستخدم feedback لحظي ونمنعه من الغلط.
٣-عشان نحسن الsecurity شوية. أو نصعب اختراق النظام شوية (مش نمنعه).
ليه قلت شوية؟
عشان زي ما قلت في الأول:"الfront end سهل جدا يتم تجاوزها ويتبعت لك الrequests من postman مثلا،هاتعمل إيه ساعتها؟"
٣/٧
أنا أكثر نشاطا على فيسبوك، وبكتب عليه بقالي 7 سنين، وعندي هناك 20 ألف متابع، وعامل بلوك ل2 بس
هنا أنا لسه ناشط من فترة قريبة، وعندي 3 آلاف متابع فقط، وعامل بلوك ل7
أنا عادة بالي طويل وبرد على الناس المستفزة بصبر، بس بحس إن قلة الأدب أكثر على تويتر
هل الموضوع ده شائع ولا عندي بس؟
لما تيجي تعمل ديمو قدام العميل، حاول تستخدم بيانات سليمة، يعني ما تجيش مثلا في الاسم تعرض:
Test
وتيجي في العنوان تعرض: أي كلام.
وطبعا تراعي إن البيانات الاختبارية تكون عربي لو الui عربي، وانجليزي لو الui انجليزي.
يتبع..
خلصت= يعني خلصت وجربت كل السيناريوهات على جهازك وعملت pull request وممكن تكون رفعت على الtest environment وبدأت في التاسك اللي بعدها.
.
لو ما خلصتش، قول ما خلصتش، وفاضل لي كذا، ومستني كذا، ومتوقع أخلص في الوقت الفلاني.
كده تبقى حبيبي وصاحبي وكفاءة 🤝
٨/١٠
مش لازم يكون ليك رأي في كل حاجة، وخد شوية القواعد دي في احترام التخصص ومش هاتندم:
-"فاسألوا أهل الذكر إن كنتم لا تعلمون"-آية كريمة
-"إنما شفاء العي السؤال"-حديث شريف
-"لو سكت من لا يعلم لقلّ الخلاف"-حكمة
-"من تكلم في غير فنه (يعني في غير تخصصه) أتى بالعجائب"- حكمة
بس في أغلب الأوقات المستخدم بيكون مواطن صالح وبيستخدم الbrowser ومش بيمشي في سكك ملتوية!
لكن guess what؟
طبقا لقانون مورفي:
If anything can go wrong, it will!
يعني، ما دام يمكن تجاوز الfront end، سيتم تجاوزها!
٤/٧
المهم يعني عشان لو ما كنتش أخدت بالك: احنا بنحط الinput validations في الback end وفي الfront end، الاتنين. حتى لو ده بيكرر الشغل، والback end هي الأهم عشان "الfront end سهل جدا يتم تجاوزها ويتبعت لك الrequests من postman مثلا، هاتعمل إيه ساعتها؟"
٦/٧
من الحاجات اللي ربنا وفقني ليها وفرقت معايا كتير في مساري المهني هي إني كنت بفترض إن الأوضاع المؤقتة دائمة.
بمعنى، لو جت لي شغلانة مؤقتة بدل واحد حصل له ظرف مثلا، بفترض إن دي بقت شغلانتي الدائمة، وبتصرف بناء على ذلك.
١/٣
فيه مشكلة شائعة في صناعة السوفتوير،وهي إن لما بيكون فيه حد شاطر تكنيكال،هوب دبل كيك بيخلوه مدير تقني من غير تدريب ولا دعم كافي.
وتطور المدير ده وهل هايكون مدير كويس ولا تعبان بيكون مزيج من طباعه الشخصية وموهبته وقدرته على النمو والتعلم.دائما هناك فرصة للتعلم حتى لو أنت مش موهوب.