الحمدلله الذي بحمده تتم الصالحات
أبشركم تماثلت للشفاء بفضل الله جلاجلاله
من مرض فايروس كرونا
أخواني اشكر كل من سأل عني سواء في الاتصال وفي وسائل التواصل الأجتماعي أخواني
أخواتي الله يحفظكم جميعاً
أخوكم
مشعل المصرب
مرحوم ياللي ماشكى منه جاره
وعلى الخوي في لازمه دوم ترفاه
وبيبان بيته مفتحه لزياره
ويلقى الكرامه من لبيته تنصاه
كريم نفس وسط قلبه طهاره
خالد ولد صتان بصدقه عرفناه
يالله على الجنه مقره وداره
في جنة الفردوس يارب نلقاه
(الله يرحمك ياصديقي الغالي)
🟥
سمع امه تطلب جارتهم شوية ملح فقال لها : أمي انت تطلبين منهم الملح وأنا أمس جبت كيس ملح كبير قالت له ياولدي لأنهم دائمايطلبوامن عندنااشياءوهم فقراءفحبيت اطلب منهم شئ بسيط مايكلفهم وانامو
محتاجة للملح بس حبيت احسسهم انه انااحتاج لهم عشان أسهل عليهم يطلبوااي شئ يحتاجوه من عندنا
@_79999
هذي أمنية ل ع اللي يقول اتمناها الروض أخضر والليل اقمر والعبد لايكبر ولايصغر
والله ياعساس انك كفو واللي يتمنا ذي المناوي اشهد باالله انه كفو الله يحفظ الجميع
بدعوة كريمه من جارنا فرحان البجيدي لعدةرجال من قبائل الجنوب ونجد ومشاهم في الربيع والطبيعه في منطقةالحدودالشماليه والحمدلله في امن وامان وخيرورخاء في عزحكامنااعزهم الله مولاي خادم الحرمين الشريفين وولي عهده وأميرناالمحبوب كان لي لقاءمع أخواننا حياهم الله عند عنزة
افطن ترا جيران بيتك لك أخوان
وصابهم سيد البشر وانت خابر
احرص عليهم لايجي منك نقصان
وترا الرجال أفعال ماهي مناظر
والطيب بين الناس يسمو ولاهان
والعمر رحله وانت باالؤقت عابر
خلك رحيم القلب وبلازم حصان
وخلك لكسر الجار ليااحتاج جابر
مشعل المصرب
لا تتبع المقفي ولا تسأله ليش
لا صار ماسويت شيٍ يغيضه
عطه على ماقيل صده وتطنيش
وخل المرض بأهل النفوس المريضه
ترا الزمن يرضيه من غير تنبيش
لا تشغل أفكارك وقلبك تغيضه
مشعل المصرب
امس الضحى مريت منزل نزلناه
يوم البداوة في شعيب الابيض
والدمع من عيني ذرف وندفق ماه
ولا لوم قلبي يوم هاض وتهيض
منازلٍ لبيوت رجالٍ مسماه
نجعٍ نزل باالمفتهق ثم قيض
مصاربه اهل الرباع المبناه
والظيف ياخذ واجبه ويتريض
مشعل المصرب
مرحوم ياشيخ الشيوخ ابن هذال
شيخٍ ٍ له التاريخ شاهد ومشهود
ولنا العزاء بخوات بتلا ولازال
الكل منهم حافظ السلم محمود
وهذي هي الحياة العمر لوطال
لابد الانسان لو عاش مفقود
قصيدة رثاء بالشيخ /فرحان مناحي البكر شيخ قبيلة السويلمات من عنزة أسأل الله أن يرحمه ويغفر له ويسكنه فسيح جناته نعزي اسرة ال بكر وقبيلة السويلمات خاصه وقبائل عنزة عامه أنالله واناليه راجعون
يالله ياالواحد وبأسمك نادي
انت الوحيد وخالقٍ كل ماكان
تحفظ مليك الشعب وحاكم بلادي
ملك الحزم والعزم والعدل سلمان
والد عموم الشعب حضر وبوادي
وفيه الزعامه والأصاله والاحسان
اللهم أسألك بأسمائك الحسنى وصفاتك العلا أن تحفظ قائدنا ووالدناسيدي الملك سلمان
وتحرسه بعينك التي لاتنام
يامحلاالفنجال في صحصح البيد
بأرض الحماد اللي ينسنس هواها
في مقرن الأرقط مكانه بتحديد
غربي من مضله جنوبي لاها
ومعك رجالٍ طيبين الأجاويد
اللي على الناموس نبتت لحاها
رجال عرف وكلبوهم قواصيد
وأيمانهم معروفتن من عطاها
مشعل المصرب
لاترافق إلي منه راسه توطيه
ترا الرجل ينقاس منهو قرينه
والناس تقيم بالرجل من مماشيه
منهو رفيقه والمثل خابرينه
خاو الذي ينقال لاحل طاريه
نعم الرجل بطيب تندا يمينه
قال المثل والناس تفهم معانيه
ترا الرجل معروف منهو خدينه
(مشعل المصرب)
لاحدتك ضروف بقعاء على الهيس
عزالله أنك ما أنت مرتاح منها
خل الهموم بوسط صدرك محابيس
ولا تجيلك ناس تسمع عفنها
رز��ك على محيي العروق الميابيس
الواحد اللي أرزاق خلقه ضمنها
أرفع مقامك فوق وخل الدنافيس
وطلب عسا الرحمن يغنيك عنها
مشعل المصرب
انصح وانا المحتاج للناس تنصحني
العلم مثل البحر والناس سباحه
ياالله طلبتك من الغفله تسامحني
والنفس في ذا الزمن ماهي بمرتاحه
روح التعالي على المحتاج تذبحني
لكرامه الشخص لامن جاك ذباحه
مبغا يمينٍ على الحاجه تصافحني
ابغا يمينٍ بريح الطيب فواحه
مشعل المصرب
في ليله من ليالي الباديه بيت الشعر وشبةالنار في مجلس رجل الكرم الاخ الكريم العميد /مرضي سودي القمقوم والاستاذ الفاضل راضي القمقوم وعازف الربابه ابوشخير الحازمي شكراً ياابوفيصل على كرم الظيافه وحسن الاستقبال الذي غير مستغرب من رجال الطيب أبناء سودي القمقوم المضياني
عرعرواهلها دوم للطيب مدهال
يدله بها الطرقي ليامن وتاها
يلقى العلوم الغانمه وقفت رجال
رجالٍ على الناموس نبتت لحاها
كلمة هلاللظيف ترفع وفنجال
يزيل عن نفس المسيرغثاها
اهل الوفاالوافين في كل الاحوال
لله ثم المليك دايم ولاها
قلت الصحيح وكلمةالحق تنقال
ومن قال كلمة بصحيح يحماها
لاتحسب الدنيا على الكيف تمديك
الله يسرها على كيف ماراد
لو زانت أيامك وطابت لياليك
لابد مايجيك للعمر ميعاد
وترحل من الدنيا وتترك غواليك
الدار والديرة وفلاذ الاكباد
وتلقى عملك اللي جنيته بياديك
لا مال يشفعلك ولا جاه وولاد
مشعل المصرب
القيض طرف ونتحت جمرة الحر
وسهيل قرب ننظره بعد غيبه
وحان القنيص ومطلب الناس للحر
ياالله عسى ربي لحضي يجيبه
فرخٍ وحش كامل مع الون الشقر
كفوفه حداد وفيه ندره عجيبه
مع خوة رجالٍ هوا عشقها البر
وكل على ماقيل يطرد نصيبه
مشعل المصرب
اسأل الله ان يرحمك ويغفرلك يا ابو عبدالرحمن وجهك غاب عنا ولاكن ذكرك في عقولنا وقلوبنا ماحيينا ياخالد صتان اسال الله ان نلقاك في جنات الخلد عند ربٍ عظيم
الكلمه اللي تجرح الناس قشرا
وشلك بها لاصار لها بدايل
ترا السآن احصان ماهي بدشرا
من افلته اكيد يجني الهوايل
ومن جود عنانه من العيب يبرا
يصبح مميز عند حضر وقبايل
من أحترم نفسه ترك كل حدرا
وعينه على العليا بكل الوسايل
هذاك مثل النور في ليل غدرا
حشم لٓسان ونال قدر ونفايل
عندالاخ الصديق عميدم مرضي سودي القمقوم المضياني العنزي
في بيت الشعر عندابله وكرامه لظيوفه العميدم عبدالعزيز ابن رازن العتيبي والشاعرالكبيرعمار الشلاحي المطيري كانت من اجمل اليالي حيث لتقينامع رجال عزيزين من قبايله نحبهاولها قدر عندناشكراً ابافيصل على كرم الظيافه وحسن الاستقبال🌹
لاتنعزل مع ناس وتخلي الناس
ويصير وضعك يافتى الجود محدود
جمع الجماعه يابلج الوجه نوماس
لا حدتك بقعاء على درب مسدود
هذي هي الدنيا وحرص على الساس
وترا البشر تتعب على مدة الجود
خلك عزيز النفس في رفعة الراس
وجنب طريق فيه للشخص منقود
مشعل المصرب
في ليله ربيعيه بين الماءوالخضره وحليب الخلافات في بيت الشعر مسكن الاباءوالاجدادعندالاخ الكريم عميد/م مرضي سودي قمقوم العنزي مع أخوان لنامن العاصمه الرياض من قبيلةالعجمان وقبيلةقحطان العزيزين على الجميع كانت ليله لاتوصف من السعادة والفرح/ شكراًابافيصل ع كرم الظيافه وحسن الاستقبال
تلميذت الروضه الخامسه بعرعر في مكتب مدير ادارة التعليم بمنطقة الحدود الشمالية سعادة الاستاذ عثمان العثمان ومساعده للشئون التعليميه الاستاذ عباس صالح العنزي القت طالبة الروضه ياسمين مشعل المصرب هذي القصيدة النبطيه بمناسبة ذكرى تائسيس للمملكه العربيه السعوديه السعوديه حفظها الله
لاشفت حالك بين مخطي وصايب
شاور فهيم ن خبرته مانساها
ترا الأمور مبينه بتجارب
حتى العما يمشي يتقدا بعصاها
لاتصير خفيف في زمان الهبايب
مع أول نسمة ريح طرت بهواها
مشعل المصرب
ترا السآن حصان جود عنانه
لاتتركه يثوع لحاله ويرميك
ياقام يشلع ضاع وضيع مكانه
عندالرجال اللي تحل الشرابيك
ترا الكرامه رأس مال وأمانه
لاحدتك بقعاء على الناس تغنيك
ومن صان قدر الناس نفسه مصانه
عند الذي لاطبت من الطيب يعطيك
مشعل المصرب
ياللي سكن في قلبك الحسد لناس
مشغول بالعالم والقيل والقال
بالله ابي أسألك ماعندك احساس
يومك بعرض الناس ترمي وتختال
ارجع لربك قبل كتام الانفاس
قبل يجيك الموت والحق مامال
عن الذي تسجد له الخلق بحساس
تطلب رضاه ومغفره بكل الاعمال
مشعل هدوان المصرب
زارنا في بيت هذا اليوم الأخوان الشعراء الشاعرالكبير/ غثيث الصقري ابو حمود والشاعر العلم /فهدعواد ابوشيبه ابو حاتم وعدد من الاخوان
في مشارف مدينة عرعر الله محيي الجميع
شرفونا في مجلسنا هذا اليوم
شيوخ البجايده وبني عمهم البجايده على راسهم الشيخ سفاح الشامان ورجل الأعمال عقلا ابو متعب الفدعاني العنزي ورفاقه الكرام من جيزان حكم الله والله يحفظ الجميع
لاحلبك هوجاس والفكر مشغول
ولاعاد عندك صبر باالراس يكفيه
اسجدلوجه الله وطل�� على طول
ربك كريم ليا دعاء العبد يعطيه
هوالوحيد اللي عن الكون مسئول
ليا أمر همك من الصدر يجليه
اخلص لوجه الله بالفعل والقول
هو الوحيد ليا بتلا العبد يدعيه
مشعل هدوان المصرب
تشرفنا بدعوة كريمه انا والشاعر عيد راجي الغوري من الأخ الكريم سعادة/ العميد/ مرضي سودي قمقوم المضياني عند الإبل بالحماد شكراً ياأبا فيصل على كرم الظيافه وحسن الاستقبال
ابن عمك لايتضايق وانت في رأسك سطر
لاتشوف حيل ضايق وانت عندك له حلول
ساعده هذا عضيدك أن جاك بدنيا خطر
هذا درعك عن سهوم عداك يوم أنك تصول
لايحده ظيم بقعا خل في رأسك نظر
ولاتخلي هموم وقته دوم في صدره تجول
مشعل المصرب
لا تغمض عيونك وترخي باذأنيك
يعني على ماقيل جالس تسمع
خلك حصان ويرفع الراس طاريك
في مجلسٍ فيه النشاما تجمع
قولك وكاد ويرفع الراس طاريك
والسالفه لا قلت ماهي ترمع
أما تكون أنسان في عين راجيك
ولا مع الأيام أحرص تقمع
مشعل المصرب
ماكنت أنا ضدك ولاني معاديك
أفكارك القشرا تريها دمارك
راَيك على عكس الحقيقه يوديك
تمشي بضلماء وماخذ أنه نهارك
تعال نجلس ونتفاهم وأنااعطيك
حقايقٍ تثبت خطاك ومسارك
وتفهم بأنك ضايعٍ في مماشيك
ومن بعدها تأخذ نهاية قرارك
وتعرف بأن الحق للنفس يغنيك
وتكون قد حققت بعض انتصارك