خلوني ادوج قبل الرجل تجذيبي
عيني لمبدا المثل ياربع مشتاقه
إن جاني الموت ولاجاني الشيبي
ثم طحت فالبيت كني خاطي علاقه
غديت ضيفن واهل بيتي معازيبي
فالبيت لي شنطه وفالذود لي ناقه
حمد ال صافيه ( الاسود ) رحمه الله
-
يا اللي تمرون داره ودي ازوره
تكفون قلبي على لقياه شفقاني
عيني على شوفته شفقه ومجبوره
من غيبته مشتحن ما ترقد اعياني
احبه وحالفن ما انساه وابوره
لو صار ما صار ولا كان ما كاني
#جزاع_المري
الى ضاق بالي يا علي قلت برقى فوق
تفراج ولا السطح ماهو يشاليني
وعلمي بهم عاد اول العشب فيه اعنوق
وعاد العرب في غاية النبت مجزيني
#عبدالهادي_بن_سهل
#جزاع_المري
يا الصاحب اللي تزيد الهرج وتعاتب
وتقول مدري فلوسك وين تغديها
البل تبي شعير والعامل يبي الراتب
وتوانك الشاص تدري كم يعبيها
وفي لازمي محتزم خوفن من الناتب
اللي عيونه على الغره مضريها
حنا ما ندري وش اللي ربنا كاتب
لكن عسى الله على خلقه يسويها
#عبدالعزيز_الوذيناني #جزاع_المري
لا يا حمامٍ سجع ثم ناح
يبراك ربي .. لا تبريني
ذكرتني ماضيٍ قد راح
ذيك الليالي الملاويني
يومه معي ضاحكٍ مزاح
قبل يتغير .. ويلغيني
كنت المبدا على السوّاح
حتى على امه .. يبديني
كلمات : زيد بن مجفل السبيعي
وجودي على شوف اريش العين يا غزاي
وجود اليتيم الي فقد شوف زول امه
من اول يباريها مع الدرب رايح جاي
واليا تعب تشتاله على الصدر وتضمه
وبعد ما توفت خيم الحزن يامشكاي
عليه وْ تلاشت فرحته وابتدا همه
همومه تلاعب به فاالاقبال والاقفاي
ولا أحدٍ درا عن دمع عينه سوا كمه
#مسحوب
يا جروحي ويا قلبي مشينا
الحبايب عن الميثاق زاحوا
وهّقونا على الجيه وجينا
يوم جينا فخلونا وراحوا
ما ارحمونا ولا حنّوا علينا
ليتهم ريّحونا واستراحوا
ودّنا بالبكاء .. ولا بكينا
ندري انهم لا طاح الدمع طاحوا
#جزاع_المري ✨