حقيقي الانسان في حاجة دائمه لـ partner مريح يشاركه كل حاجة بيعملها في حياته وي support him دايمًا ويفكره من وقت للتاني انه إنسان كويس ومرغوب فيه و يطمنه كل شوية.
علاقتي بالناس بقت مُرتبطة بأفعالهم معايا ، اللي بيحبني ببادله نفس الحب ، واللي شايفني أهم شخص في حياته بخليه أهم شخص في حياتي ، واللي بيتجاهلني بتجاهله ، واللي عايزني في حياته وباقي عليا مبسيبهوش ..
I'm great in my eyes; because only me who knows my struggles, sufferings, and cracks ,witnessing all the moments that were about to defeat me and didn't..!
مفيش حد بيختار يقفل علي نفسه ويبعد عن الحياة والناس .. لكن في ظروف بتكون أقوى من الانسان بتستنزف كل طاقته وهو بيواجها، ومش بيفضل جواه طاقة لغيره او حتى لنفسه.
في حياة كل واحد منا فترات طويلة مُظلمة لسبب غامض.. سلسلة من الأحداث السيئة وسوء الحظ والقلق، يصحبها اكتئاب عميق..
كان نفسي أكتب: قاوم.. ولا تستسلم.. والكلام بتاع التنمية البشرية ده.. لكن الحقيقة إنها {ليس لها من دون الله كاشفة}.. ساعات الحل الوحيد بيكون انتظار الفرج..
هفضل دايماً ادعى إن ربنا يرزقنى السلام النفسى اللى يخلينى راضي عن اى حاجه فى حياتى ومش فارق معايا اى حاجه غير إنى أكون مرتاح وعايش فى سلام ومش شايل هم حاجه.
وجود الناس جنبك مش مُرتبط خالص باللي بتقدمه ليهُم، إللي عايز يفضل جنبك هيفضل من غير ما تديلُه حاجة وإللي عايز يمشي هيمشي مهما عملت علشانه؛ بإختصار الأمر مُتوقف على قدر مكانتك في قلوبهم."
مفيش أسوأ من الفتره اللي بيكون فيها الحُزن بينك وبين نفسك ، محدش عارف ايه جواك ولا فيك ايه ، حتى انت مش عارف تحكي لحد ولا تتكلم مع حد ، وكلهم مفكرينك متهني و في نعيم !
كل ما العمر يعدي بيك هتكتشف ان ال life goals الحقيقية هى الستر وراحة البال والخروج من الدنيا بسلام .. وان ربنا يغنيك بفضله ومتتحوجش لمخلوق لأخر يوم فى عمرك.
مهما قابلت ناس هيفضل الشخص "المُريح" هو المُفضّل بالنسبالي، اللي مابيخلنيش أفكر لحظة قبل ما أتكلم وبقول اللي ييجي على بالي من غير حسابات، واللي مهما حكيتله بيتقبّل كلامي وأفعالي حتى لو مُختلف معايا، اللي بيخليني على طبيعتي ومحتاجش أي مجهود لتوضيح كلامي أو تبرير أفعالي.
ربنا مايعلق قلوبنا باللي مش لينا ، ولا نصبر ولا نستنى حاجات مش جاية ولا من نصيبنا ، ويوهبنا بداية جديدة ، بدون هزيمة ولا خذلان ولا خوف وأيام هادية تمُر في سلام ❤️