قررت التبرع لمستشفيات العزل في محافظتي الدقهليه ومحافظه القاهره بالمواد الطبية والغذائية ووعد بهدايا لكل ابطالنا الدكاتره وابطال التمريض وبطلب من كل أصدقائي الفنانين ورجال الاعمال التصرف بالمثل في اَي مستشفي يختاروها #جه_دورنا
الحمد لله علي كل النعم 🙏🙏❤️❤️الالبوم ده بعتبره اول البوم ليا والبدايه الحقيقيه بحترم ألبوماتي اللي فاتت وبحبها لكن ده بدايه للي حلمت بيه والنجاح اللي بتمناه ولسه كتيييييير اوي في الطموح والعشم في ربنا في مستقبل مختلف بيكم مليون شكرا ليكم كلكم ❤️❤️❤️❤️❤️
#محسود
@tamerhussein
@amrdiab
@Turki_alalshikh
@KhaledEzz__
قبلت تحدي صديقي تامر حسين وغنيت محسود للهضبة عمرو دياب وكلمات معالي المستشار تركي ال الشيخ والحان صديقي خالد عز والله عملتوا حاله حب ونجاح وروح جميله وجمعتوا الحبايب بالفن يارب يعجبكم صوتي فيها ❤️
بما ان الميدلي عجبكم الحمد لله وبما ان في ناس كتير مكانتش عارفه ان الاغاني دي الحاني قررت كل شهر هعمل ميدلي جديد من الحاني وننزله علي صفحتي علي اليوتيوب 😉❤️
بصراحه بعد فتره عناد طويله واصرار اني مَش هسمع مهرجانات ولا هقبل احب النوع ده من المزيكا حصلت حاجه غريبه جدا ان في حاجه كده معرفش اسميها غنوه بس هي مليانه كلمه اخواتي اخواتي اخواتي فضلت تدخل وداني وتلزق لحد ما يؤسفني اقول اني حبيتها 😂😂😂😂😂😂😂😂😂😂😂😂😂
بما اني كده كده محظور 🚫 قررت ابدأ في اختيار اغاني جديده لألبومي القادم بِما اني باخد سنه او اكتر في التحضير ثانيا بقي وده المهم قررت اعمل البوم لناريمان في انواع مختلفه من الاغاني بجد .الجميل انها متعرفش اني قررت اعمل كده والاجمل انها هتعرف من هنا 👉🏾 ويارب نفرح كلنا بفرج ربنا ❤️
اكتر حاجه صعبه في الافراح اللي بروحها لما البنات بتيجي تتصور وانا بغني والاقي نفسي طالعلي رموش او نضاره كبيره او نمش او روچ 😂😂😂😂مَش كده يا جماعه انتو كده ماسكين عليا صور 😂😂😂
اللهم اني استودعتك زوجتي وابي وامي وأخوتي اللهم اني استودعتك كل ما احب اللهم ان كان يومي هذا اخر عهدي بالدنيا فتقبلني من الصالحين واقبل توبتي وان كان لي عهد بالدنيا ف لطفك ورحمتك اللهم هون 🙏دعواتكم
نفس الناس اللي كانت بتعلق علي عمرو ورده بالسلب لحد ما تم استبعاده ودلوقتي بيتكلمو ان لازم نستر علي بعض ومين معندوش غلطات والحبه دول انتو مين في الاتنين فعلا احنا كل حاجه وعكسها لازم مهدئ قوي علشان اقدر اعيش في الجو المريب ده 🤦♂️ يارب موضوع السوشيال ميديا بقي حاجه مرعبه فعلا 🤔
#الحسد وانت بتبص علي غيرك وعلي اللي ربنا اداهوله اوعي تستكتره عليه اتمني لنفسك كل الخير من غير ما تتمني زواله من غيرك كل واحد ليه رزق وليك رزقك وانت بتبص خليك عارف انك مؤذي وممكن تقتل بعينيك اه والله تقتل واعرف ان قدام المميزات دي في عيوب وحاجات غاليه اتاخدت وارضي وحياة النبي 🧿
لو عاوز تبقي غالي عند الناس او علي الأقل تحافظ علي سلامك النفسي خلي اللي يخسرك وغلط في حقك ميعرفش يكسبك تاني ولا يرجع لمكانته مهما حاول يرضيك في حاجات بينفع نسامح فيها وحاجات اكيد لا 👍
هي ليه الناس بتزعل لما نعاملها بمعاملتها ليه دايما منتظرين العطاء من جانب واحد ليه دايما واثقين اننا هنفضل نستحمل ومش هيبقالنا رد فعل او هنتغير مفيش مكان في حياتي لأي حد مؤذي من انهارده مهما كانت أهميته #كفايه
طيب انا خلصت اربع اغاني ومحتار وهاخد رأيكم انزل غنوه حب ولا غنوه دراما ولا غنوه موضوع عام ولا غنوه مبهجه وبترقص وبتفرح وبتزقطط وبتنطط 🤔😁😁😁😁🎤 والله هسمع كلامكم لو الرأي الجماعي كان علي حاجه بوضوح 🙄🎹🎼🎧🎤🪕🎸🎺🎷🎻🥁
في علاقتك باللي حواليك متدورش علي حد كامل لان مفيش حد مفيهوش عيوب والا هتعيش وحيد 😔 دور علي عيوب ينفع تعيش معاها واتمنالك واتمني لنفسي بعلاقات سويه لو مفادتش متضرش ❤️
شكرا من قلبي لكل حد صدق في موهبتي وساعدني من يوم ما فكرت في المزيكا لحد انهارده شكرا لكل أصدقائي اللي ساعدوني علشان الالبوم والكليب يطلعو بالشكل اللي نفسي فيه انا مبنساش حد ساعدني وربنا يقدرني علي رد الحب بالحب ❤️
كل يوم من ساعه بدايه الكابوس ده وانا عارف انه اختبار من ربنا ولازم نبقي واثقين في الفرج ربنا لما بيدي ابتلاءً بيبقي عاوز يعلمنا ويقربنا لانه لو اراد اهلاكنا لكان تعالو زي ما بنطهر كل حاجه حوالينا نطهر كل حاجه فينا 🙏🙏هيجي الوقت وهنفتكر الفتره دي وهنفرح برحمه ربنا وكشف الغمه ❤️❤️
كل احباط بيقلب عندي بتحدي اني اثبت اني لازم انجح علشان لازم اعيش راسي مرفوعه وارفع راس كل اللي راهنو عليه ان شاء الله الالبوم اللي جي يبقي اول خطوه في المشوار اللي حلمت بيه بتوفيق ربنا ودعمكم 🙏❤️
الحمد لله انتهيت من اختيار اغاني ألبومي الجديد وانا في نهايه مرحله التنفيذ دعواتكم يبقي البوم العمر أصدقائي الموزعين اللي مأخرني انجزو بقي بدل ما اكتب اساميكم 😁😁
مين جاي الحفله ؟انا عن نفسي اتمني اشوفكم كلكم وعاملكم مفاجأتين واحده سر والتانيه اني هصور اخر مشهد من غنوتي الجديده معاكم ان شاء الله وهنختار ناس تطلع معايا فيه ❤️🙏😘
جاري توفير انابيب اكسجين بالمجان لاهلنا في المنصوره من بكره ولنهاية الازمه واهل الخير اللي حابب يشارك جه وقتنا وبكره هنزل رقم اخويا الصغير هناك للتواصل والترتيب 🙏
في مثل مصري بيقول( تعرف فلان اه عاشرته لا يبقي متعرفوش) انا احب أغيره واخليه (عاوز تعرف معدن اَي حد اعرفه في وقت الخلاف بينكم هتلاقي نفسك متعرفوش 🤦♂️)
ربي تعلم انا ضعفاء وانت القوي ربي تعلم ان أغلب اهلنا يعملون باليومية ولا يستطيعون علي البقاء بالمنزل مضطرين وانت الرزاق نعلم ان البلاء جند من جنودك ونحن عبادك ف يارب عاملنا بلطفك وسترك ورحمتك وادخلنا رمضان فرحين بزوال البلاء يا لطيف دعوناك فا استجب 🙏🙏