يا ولدي، ما عرَفنا الصّالحين بكثرة صلاة ولا صيام، إنّما بكفّهم عن الخوض في الخلق، وإمساك ألسنتهم عنهم، وسلامة الصّدر لهم، ورؤية أنفسهم أولى بالذمّ من غيرهم.
أنا صعبان عليا نفسي اوي والله.. مش بس درجات وضياع مجهود.. لا دي كرامة في الأرض وعياط قدام الناس وأذى نفسي وجسدي. مجهود في الارض واهانة وإنت شايف نفسك بتتذل وتسكت وبيخوفوك بكلابهم وسلطتهم إللي في أيديهم. حسبنا الله ونعم الوكيل في أي اذى شفناه النهارده
قولي ما تريدين مباشرة .. ولنكن واضحين : التلميحات الخفيفة لا تجدي .. التلميحات القوية لا تجدي .. التلميحات الواضحة كالشمس لا تجدي! .. قولي ما تريدين ببساطة.
د.أحمد خالد توفيق
There are some feelings I will never find words for; I will name them after you cause you gave them to me.💕
Thanks for giving me compassion and trust. For love that overflow unconditionally. For removing my fears and insecurities. ❤
حسني مبارك مات في سن ال 92 وهو اللي أمرض ملايين المصريين، بالطماطم المسرطنة ومصانع وسط مناطق سكنية مأهولة تحرق صدور أطفالهم، وخلي العايش منهم عليل، بينما هو يُعالج في مستشفيات هايدلبرج لما ضغطه يوطي..مات علي سرير في مستشفي عسكري وهو اللي كان المصريين في عهده مرمين علي الأرصفة
واحد في الفيديو بتاع الدفعه50 بيقول ده منظر دكاترة.. واه عادي ده منظر دكاترة ومش عارفه مين مفهم الناس إن علشان ابقى دكتور لازم ابقى بنضاره كعب كوباية ومقفل وغتت ومبعرفش افرح واهيص ويبقى من حقي احتفل زي الناس
بمناسبة النتيجة، ربنا يفرحكم ديما يارب وديما موفقين وناجحين وجايبين درجات زي ما تحبوا واكتر، عايزه اقول انه it’s never too late انك تحسن من نفسك لو مش مبسوط بدرجاتك وان الترم الواحد ممكن تعوض فيه لو شديت حيلك ومتقولش خلاص بقى مش فارقه واعرف ان لكل مجتهد نصيب وان سعيك عمره مايضيع
في الحقيقة، كلما تقدمت في السن، كلما تخليت أكثر عن إلحاح أن يكون للأحداث معنى. لم أعد أرغب في أن يكون كل شيء منطقيًا.
أريد فقط أن تكون الأشياء أكثر رحمة بي، أن يترفق بي العالم بينما يرسل في طريقي أشخاصًا وصدمات وأحداثًا وأيامًا.
منغير أي مبالغة كم الناس اللي فجأه بقوا single من بعد زواج مصحوب بكلام إللي هو "الحمد لله إننا نجونا"،بترعبني ويتفجع قلبي وبتحسسني بعدم أمان، مش عارفه الأسباب، ولكل قصة تفاصيلها وخصوصيتها بس الجيل ده فعلاً مضروب بالنار للأسف. وكلنا كده محتاجين إعادة تأهيل تقريبًا!
بيدخل طلبة تمتحن توتر ورعشة وقلق مش طبيعي، بحاول والله ع قد ما اقدر اهدي اي حد متوتر علشان يعرف يحل وميضعش درجات منه بد��ن داعي..
ربنا يجبر بخاطر الناس الشاطرة ويحميهم انما الغشاش لا صباح ولا مسا ولا كلمة كويسة
يضايق أوي موضوع ان الناس الشاطرة اللي دايمًا مش واثقة في شطارتها وبتشكك في قدراتها بتفضل ساكتة في نفس الوقت الناس اللي أقل منهم شطارة وذكاء وقدرة على الانجاز بيملوا الدنيا رغي وكلام كتير من غير تنفيذ ..
هو انا حقيقي مش فاهمة إيه فكرة إدعاء البطولة في قلع الحجاب؟ او فكره ان ده الحرية المطلقة اللي بعدها خلاص انا بقيت بكسر القيود والتابلوهات؟ وعلى النقيض التباهي بالحجاب او التمسك بيه مش بطولة ده فرض/ ونعمة بردو من عند ربنا ممكن تتزعزع في اي لحظة.
احنا نعمل Page على فيسبوك إسمها كل يوم نفس الروتين لطالب طب.. نحكي فيها كل يوم حال طالب طب في النسا.. بيصحى مش قادر يقوم م النوم مش قادر يذاكر وبيفضل يتمرقع طول اليوم ويجي آخر الليل يقول هنام واصحى اذاكر جامد آوي آوي وهكذا.
طمّنوا حبايبكم بالكلام و بالافعال، عرّفوهم انكم موجودين عشانهم مهما حصل..ابنوا بينكم ثقة تخلّي الشيطان لما ييجي يلعب في دماغكم و يقولكم تسيبوا بعض يبقي عندكوا ١٠٠٠ رد تقولوا بيه لأ .. يبقي عندكم ١٠٠ حاجة شايلينها جواكم حسيتوا فيها بالامان و الثقة.
العالم ضاغط. بقيت عايزة امشي في الشارع اصرخ في الناس يا حبيبي عيب كده، راعوا الأصول شوية ياخوانا، شوية ذوق يا حبيبتي ماتبقيش حلوفة، صون لقمة العيش والملح اللي طفحناها سوا يا ابني.
وحاجة في منتهى يا بهايم يا بهايم .
كنت قرأت من فترة إن أصدق جهاد في جهاد النفس هو إنك تحافظ على قلبك نقي وسليم وعلى فطرته، رغم كل الإنكسارات والهزائم اللي بتعدي بيها تفضل محافظ ع البني آدم اللي جواك. ف يارب قلب سليم ونقي.
الواحد بيتلمس لطف الله في حركات بسيطة من البني ادمين.. والحديث الشريف 'الراحمون يرحمهم الله' مش من فراغ والله💞.. ولا عزاء للكتلة عديمة الزوق قليلة الرباية من البشر.
الواحد أوقات كتير كان بيفكر في معايير perfect relationship..حد يبقى شكله حلو ولا/اخلاقه/دينه/وضعه الإجتماعي..إلخ.
بس هو الحقيقة علشان تلاقي العلاقة اللي تريحك لقيت إن الإنسان لازم يتخلص من إحساس إنه ممكن يلاقي في حد كل حاجة.مفيش حاجة اسمها perfect.مفيش حد كامل.انت نفسك مش كامل.
جماعة انا بابا الله يرحمه كان طبيب واخواتي دكاترة بردو بس الموضوع مفرقش معايا بأي شكل وكنت بذاكر لوحدي وكنت بخوض التجربة بشكل فردي بحت و ده اللي اداني ثقة في نفسي وفرق معايا😅
بحترم وبقدر اي زميل هو الطبيب الاول في أسرته وبكون متعاطف معاه لو بقي جنيور زميل معايا في القسم . حقيقي بتكون سكته صعبه جدا ومحتاج يبذل مجهود مضاعف سواء ف الكليه او في سوق العمل بعد كده ..ربنا يوفق الجميع
عمري ما فهمت عدم وضوح الناس..استخدامهم للكذب والمواربة والتحايل.
إنك تسيب الشخص اللي قدامك في الضلمة يتخبط في احاسيس هو مش عارف يحدد سببها، مشاعر سلبية وخذلان مش مفهوم.. ده يوجع أكتر وعمره ما بيخلي الأمر أقل أذى أو ضرر زي ما الناس بتتخيل.
May you have someone whom you can speak your mind to. No explanations, no clarifications. You just speak the mess and the non sense in your mind and they do their magic and understand.
الناس دي كانت هتتبسط اكتر لو في مستشفى نضيفة تأمينهم يغطي مرضهم فيها. مدرسة كويسة ولادهم يتعلموا فيها بدل الدروس الخصوصية. أكل نضيف مش مسرطن ولا معفن ومياة مش مختلطة بالصرف الصحي ومواصلات أدمية وحياة كريمة مش قعدة متسولين على كبري.
أتمنالك إنك يوما ما ولو لمرة واحدة.. تنعم بالمأمول والمرغوب .. بدلاً من قسوة التأقلم على المفروض والمتاح .. أتمنالك تنتهي كل محاولاتك المحزنة للتعايش مع الحياة وتكافٙأ بإنك أخيراً وفعلاً تعيشها.
بالنسبالي الأهم من أن الشخص يكون شكله حلو أو كلامه مُنمّق ودماغه حلوة، أنه يكون "حقيقي". بيتصرف بطبيعته، مبيصطنعش أي حاجة، مبيقولش كلام عكس اللي جواه، ومبيمثلش أي دور بأي حال من الأحوال.
هو ليه الناس مصممة " إن هلكنا فهو العدل"؟ هو فين العدل ف كده؟ ولا دى حيلة نفسية لتقبل القدر ولا إيه بالضبط؟ مفيش عدل فى الهلاك، إحنا معظم جيلنا لسه ما استمتعش بالحياة أصلا، ولسه مبدأش حياته علشان تهلك
بدعي ربنا في يوم م الايام معملش حاجة كنت بضايق منها أو حاجة وحشه اتعملت فيا، واني ع الاقل مبقاش في وضع قوة واستغل ضعف طرف قدامي، واني أعرف أخد حقي من غير اذية.