يا واحدٍ لا جابوا الناس طاريك...
بالشرّ عندي.. قلت: ماهي علومه...
يحكون بك واجد ولكنّي اغليك...
وطرياك عن شين العلوم محَشومة....
والله لو اسمع ربع ما ينحَكى فيك...
واصدقه..قوّمت للشرّ قومة...
ما عقبها نومة..ولا جيت ناصيك...
وطلّعت مستور العتب من هدومه...
كلٌ خيرٍ جاك منّي.. لاتظنّه جاك لانّه...
يحتري ردّك.. قسم بالله ما عمري احتريته...
جعل عمرك ما تردّه.. بسّ حسّ.. وقدّر انّه...
جاك من طيبي وحتى الشكر منّك ما رجيته...
كلّ خيرٍ جاك منّي لا تظنّه جاك لانّه...
يحتري ردّك قسم بالله ما عمري احتريته...
جعل عمرك ما تردّه بسّ حسّ وقدّر انّه...
جاك من طيبي وحتّى الشكر منّك ما رجيته...
واحشني فالواقع كثير...
و حارقني فغيابك هجير...
شوقي و انا شارب ظما...
و طعم الظما بفمي مرير...
و رغم انّ هذي النار فيّ...
ما بطّلت ترجف يديّ...
لا تسأل شناقص أبد...
ما ناقص الّا كلّ شيّ....💔
لا تمنن بالمشاعر وانت مالك عندي منّة...
وش عطيت اكثر من اللي لك من الخافق عطيته...'؟
ما عطيت الّا كلام وقلت لك مستغني عنّه...
كيف اردّه لك وانا أصلاً رفضت وما خذيته...!؟
إذا بنحكي عن الواقع كثير اشياء ما تنقال...
واذا بنسكت كثير اشياء صعبة ينسكت عنها...
وانا لا جيت ابشكي لك من الضيقة ردات الحال...
أحسّ انّ السوالف تختلف عن مقصدي منها...
#ليلة_سهم
سولفوا لك قبل اجي بالردى عنّي...
والله اني داري و عافيٍ عنهم...
يكفي ان عيونهم يوم شافنّي...
ما فتح فمّه ولا واحدٍ منهم...
لا يهمّونك إلا صرت ضامنّي...
من رداهم طيّب العلم يغبنهم...
و انت ما قد شفت غير الوفى منّي...
كيف ما تبغى وجودي يجننهم...!!!؟؟؟
يا حسافة بسّ قلبي هذا تالي حسن ظنّه...!!
بعد كلّ اللي زرعته.. هذا كلّ اللي جنيته...!!
و ماهي منّة..ولا تدري..ليه ماهي منّة..!؟ منّة...
عطني كلّ اللي خذيت.. و خذ ولا شيٍ عطيته...
إذا بنحكي عن الواقع كثير اشياء ما تنقال...
واذا بنسكت كثير اشياء صعبة ينسكت عنها...
وانا لا جيت ابشكي لك من الضيقة ردات الحال...
أحسّ انّ السوالف تختلف عن مقصدي منها...
عطشتك وانت قدّامي ولكن ما قدرت ارواك...
وشربتك حلم من ياسي..عشان اروي جفاف عروق...
ومع انّك رحت ولا يمكن تردّ..تصدّق استناك..!!
واحسّ بنفسي لوصلك "وهو ماهو بصاير" توق..!!
والا شفت الندى دمعٍ يبلّل وجنة الشبّاك...
تخيّلتك وراه..وحاجبك عنّي ضباب الشوق...💔
كلّ ماقالوا نبي نسمَع لغة أرقام يا هلالي...
آسيا تتكلّم سعودي وب #اللهجة_الهلالية ...
وتشهَد انّك أْنت شيخ ابطالها من أوَّل وتالي...
وتهدي انجازك لجمهورك وكلّ اهل السعوديّة...
💙💙💙💙💙💙💙💙💙
والله انّ الحزن كان اوفى من الفرحة معايا...
وكان متعوّد يجيني لا تأخرت بمجيّي...
و من عرفتك صرت لامنّه فتح باب الحنايا...
و جا يزور القلب صرّفته ولا كنّه خويّي...
فيه نوع من البشر يخطي واذا الموضوع عدّى...
للأسف مايستحي.. بالعكس يزداد التمادي...
ويستفزّك لين تغضب..وان غضبت يقول: إهدا...!!!
ما كأنه مستفزّك ألف مرة وانت هادي... !!!
#نوع_من_البشر
#Rabeh2022
اللهم اغفر لعمتي نورة بنت مساعد بن احمد السديري وتقبلها بواسع رحمتك واغسلها بالماء والثلج والبرد ونقها من الذنوب والخطايا كما ينقى الثوب الأبيض من الدنس واسكنها فسيح جناتك...
إنا لله وإنا إليه راجعون
اشتاق لك... و استبعد المشوار لك رغم انه قريّب...
و اشره عليك... ان قلت لك ما اقدر اجيك و قلت لي: طيّب...
طيّب!!!
ما تعرف تلزم!؟
وش ذا البرود!؟ افهم
ودي أجي لكن...
خايف أجي و اندم...
وواحد من الأعذار...
مستبعد المشوار...
يا سخفها لعبة تكبَّر واقدّرك...
رغم انّي الرابح بها اليوم لوّي...
ما صنت خاطر طيبتي قبل خاطرك...
وسمحت لك تحكي معاي بتروّي...
يومك مكاني مانت يمّي.. واحاورك...
واشبّ من غيظي.. وتدفى بضوّي...
يابن الحلال ان كان تبغاني اذكرك...
بالخير.. سوّي بي مثل ما أسوِّي...
قرّب كثر ما جيت لك... باحلامي وعشت بسلام
ومع صحوتي ناديت لك... وجاوب صداي ارجوك نام
واحشني فالواقع كثير
وحارقني فغيابك هجير
شوقي.. وانا شارب ظما
وطعم الظما بفمّي مرير
ورغم انّ هذي النار فيّ
ما بطّلت ترجف يديّ
لا تسأل شناقص؟ أبد
ما ناقص الا كلّ شيّ...💔
يا نومها.. أغسل جميع همومها..
و ردّ الحزن.. عن باب قصر حلومها..
وخل الفرح و اللي معه يتفضّلون..
هذا على محبوبتي عادي يمون..
أكيد جايب ذكريات..
حلوة..من العمر اللي فات..
و اخبار تشرح صدرها..
في ما يخصّ الأمنيات..
حتى ولو جا ما معه إلا هو لحاله..
يكفي تقوم وحزنها ماهو على حاله..
يا نومها إغسل جميع همومها..
وردّ الحزن عن باب قصر حلومها..
وخلّ الفرَح واللي معه يتفضّلون..
هذا على محبوبتي عادي يمون..
أكيد جايب ذكريات..
حلوة من العمر اللي فات..
واخبار تشرح صدرها..
في ما يخصّ الأمنيات..
حتّى ولو جا ما معه إلّا هو لحاله..
يكفي تقوم وحزنها ماهو على حاله..
اللهم اغفر لخالي عبدالمحسن بن ناصر بن عبدالله السديري وتقبله بواسع رحمتك واغسله بالماء والثلج والبرد ونقه من الذنوب والخطايا كما ينقى الثوب الأبيض من الدنس واسكنه فسيح جناتك بغير حساب ولا سابق عذاب
إنا لله وإنا إليه راجعون
بخصوص أسباب الزعل... ومفروض من يزعل..
مابغاك تحسبها بعقل... أبغاك تتخيّل..
دنيانا و بغض النظر..
عن من بدا ومن يعتذر..
للثاني.. وش ممكن بها..
يحصل بعد هذا العمر..
لو ما تمسّكنا بأمل... وقررنا ما نشغل..
تفكيرنا باللي حصل... قد الذي بيحصل..
ترى الماضي..
لو بنبكي عليه العمر كلّه للأسف ماضي...
وعلى الفاضي..
تضيع اوقاتنا ودموعنا.. إبكي إذا فاضي...
أنا عنّي أحب اتفائَل ببكره...
واطمن بالرضى قلبي وهو مكره...
واذا ضاقت بي الدنيا وما فيها...
رفعت ايديّ🤲🏻 للي عنده القدرة...
يعوّض عن #فرَص_فاتت ...
شف رايتي بيضاً ترفرف لك بليلٍ سرمدي...
عيّشت نفسك فيه ومعيّشني الله يهَديك...
ولّا انت مانت بعن سواد القلب ناوي تهتدي...
لين تخَسر كلّش بعد ما كان كلّش في يديك...!!!
طالبك لا فرّ سرّ الحب من سجن الشفايا...
و اعترفت انّي أحبّك و انت ما كنت متهيّي...
خلّني في دايرة حبك أدوّر عن زوايا...
بسّ لا تستعجل بقولة موافق أو معيّي...
@abdulrahman
الله يطول عمرك ويرفع قدرك مثل ما رفعت قدري بمدحك لي..اليوم من أسعد الأيام في حياتي لأني صحيت من نومي ولقيت رسالة منك أكثر ما شدني فيها جملة(نصّ حسدتك عليه)وجاوبتك:-
لا صرت حاسدني على نصّ يا امير
وانت الذي تُحسَد على كلّ شعرك
يخونني من فرحتي كلّ تعبير
شكراً على هذا الشرف طال عمرك
بخصوص أسباب الزعل... و مفروض من يزعل...
مابغاك تحسبها بعقل... أبغاك تتخيل...
دنيانا و بغض النظر...
عن من بدا و من يعتذر...
للثاني.. وش ممكن بها...
يحصل بعد هذا العمر...
لو ما تمسّكنا بأمل.... و قررنا ما نشغل...
تفكيرنا باللي حصل... قد الذي بيحصل....
كلّ يومٍ بك نعيشه يوم عيد...
يا بلادٍ قدرها ماله ثمَن...
و(سارعي) عند اهلها أغلى نشيد...
لانّها (للمجد والعليا) وطَن...
#هي_لنا_دار ولها دمّ الوريد...
نرخصه.. واللي بهالديرة سكَن...
ما سمع بالأمن سمعٍ من بعيد...
عاشه..وشافه.. وأخمَد به فِتَن...
🇸🇦
#اليوم_الوطني91
#لاتمنن بالمشاعر وانت مالك عندي منّة...
وش عطيت اكثر من اللي لك من الخافق عطيته...!؟
ما عطيت الا كلام.. وقلت لك: مستغني عنّه...
كيف اردّه لك وانا أصلاً رفضت وما خذيته...!؟
أنت من يحزن وهو ويّاك يا عذب السجايا...!؟
ما أحسّ الكون كلّه فيه احد مبسوط زيّي...
لاشرقت من عقب ليل الياس شمسك في سمايا...
و طرت من زود السعادة تاركٍ ف��لأرض فيّي...
أبتديتك من عرفتك واشعر انّي مانتهيتك...
واللي ما بين البداية>>دنيتي<<والنهاية...
أكتبك فيها برصاص..وكلّ ما تخطي محيتك...
وتنكر سطوري غلاك..وتعترف محّايتي...
ممكن تفهّمني وش احساسك إلامنّك مشيت...
ووجيهنا قامت تبسَّم لك ولا عبّرت احد....!؟
هو أْنت داري عننا ومسوّي انّك ما دريت....
ولّا انت أهل الأرض ما يعنون لك حاجة أبد...!؟
يا بعد راسي يابو صقر.. ألف شكر على ثقتك🙏🙏🙏❤️❤️❤️ دايم التعاون معك له طعم مختلف يا فناننا الكبير بفنك واخلاقك...
فيه #نوع_من_البشر يحبونك #واجد وانا واحد منهم❤️❤️❤️❤️❤️🙏🙏🙏🙏
شف رايتي بيضاً ترفرف لك بليلٍ سرمدي...
عيّشت نفسك فيه ومعيّشتي الله يهديك...
ولّا انت مانت بعن سواد القلب ناوي تهتدي...
لين تخَسر كلش بعد ما كان كلش في يديك...!!؟
مهي سهلة أبد فرقاك.. لكن عشرتك صعبة...
وفنفس الوقت حلوة.. كيف؟ مدري! لا تزهّقني...
بأسئلتك.. (حبايب) هي نتيجة كلّ هالحسبة...
توافقني على هالراي؟ ولّا ما توافقني...؟
إذا بنحكي عن الواقع.. كثير اشياء ما تنقال...
و اذا بنسكت كثير اشياء صعبة ينسكت عنها...
و انا لا جيت ابشكي لك من الضيقة ردات الحال...
أحسّ انّ السوالف تختلف عن مقصدي منها...