بعد قصف بيتنا في غزة واستشهاد تسعة أفراد من عائلتي، خسرنا أيضا بيتنا بالكامل ومشاريعنا الخاصة وكل مصادر دخلنا. أبي وأمي وأخي وأختي وطفليها الناجين من تحت الأنقاض يبدأون الآن حياتهم من الصفر تحت هذه الظروف.
شكرا لكل من ساعدنا على البدء من جديد.
ريتويت 🙏
أخوي الشهيد حارث الحواجري 15 سنة، حارث بيحب البحر كتير وموهوب جدا في السباحة، وخلال الصيف أكتر اشي كان يحب يعمله هو انه يتزلج على أمواج بحر غزة على لوح التزلج البسيط تبعه.
حارث إنسان مؤدب ومطيع، نشأ في المساجد وأمي وأبوي لما بيجيبوا سيرته ما بيقولوا إلا "حارث الله يرضى عليه."
كوميديا أسود من السوداء: أختي وأمي الناجين من تحت الأنقاض حكولي انه اخوتي الأطفال سجى وحمود كان دايما في بينهم مشاكل وصراخ وحقد وحتى مستحيل يقعدوا جنب بعض عالأكل، حكولي انه دفنوهم بنفس القبر، حتى حطوا محمد في حضن سجى لقلة القبور، حكولي هيك وصارو يضحكوا حمود لحقها حتى عالقبر.
كوميديا سوداء قاعدين بخيمة في العراء ف قريبتي بتقول هون مافي تحت الانقاض الصاروخ بيجي عراسكم عدل و صرنا نضحك و نقول مافي مفقودين كلنا هنكون اشلاء ، يعني بصراحة حتى ب اسوء كوابيسي ما اتخيلت اعيش اللي بعيشه
قصفوا بيت جدي بأول الحرب، الحمد لله مكانش في البيت، أجا يعيش في بيتنا، قصفوا بيتنا بعد بأسبوع، طلعوه من تحت الركام عايش الحمد لله، عظام رجله تحطمت وعملوله بلاتين.
جدي أبو العبد عمره 85 سنة، وهو أكبر من اسرائيل.
قبل ما اخواني يستشهدوا ومن أول يوم في الحرب بدأو صيام على طريقة نبي الله داوود، كانوا بيفطروا يوم وبيصوموا يوم علشان يوفروا أكل وماء، حتى أخوي محمد الصغير كان يصوم معهم. استشهدوا على الساعة 4 الفجر في ليلة كان نهارها صيامهم.
هاد أخوي الشهيد عمر قبل اقل من شهر، بيصوره أخوي الشهيد حمزة.
كنا مبسوطين انه عمر حفظ الأنشودة اللي علموه ياها في الروضة، وكانت بتقول:
"أبطالك يا فلسطين، رفعوا راسك بالعالي
شهيد يودع شهيد، لعيون الأقصى الغالي"
أخوي الشهيد محمد الحواجري 11 سنة، محمد طول عمره يلعب كراتيه وبيحبه كتير، في آخر يومين قبل ما يقصفوا بيتنا ولما زاد القصف في حارتنا صار يحكي لأهلي: لو استشهدت أنا رح أتشفعلكو كلكو وما تخافو من اشي وأول اتنين رح أتشفعلهم هم أمي وأبوي.
أختي الشهيدة سجى الحواجري 13 سنة، سجى محبة لكرة القدم وريال مدريد. كانت تحب رونالدو كتير وكانت مبسوطة إنه أجى على نادي النصر. كانت تبعتلي أي هدف بيسجله رونالدو ودايما متمحسة عشانه.
لما قصفوا بيت جيراننا قبل بيتنا بكم ساعة سجى صارت تبكي وتقول بدي استشهد أريحلي من هادي العيشة.
لما طلعت من غزة قلبي وجعني عليك أكتر اشي يا حبيبي، كنت بفكر أرجع على غزة بيوم وأشتريلك ألعاب كتير وكل اللي بدك ياه، بس الحين قاعد بستنى الحرب تخلص علشان أرجع على غزة أزور قبرك.
على الأقل أنا محظوظ انه إلك قبر لحالك وما حطوك في المقبرة الجماعية.
يا حبيبي يارب تكون مبسوط عند ربنا.
أختي مها (24 سنة) وطفلينها الصغار رغدة (3 سنوات) ومصعب (شهرين) نجوا من تحت الأنقاض بسلام.
مها قالتلي انه كان في حيط خابط على ظهرها وسقف الباطون كان واقع عليها والمجال ضيق مكانتش قادرة تحرك راسها تهدي بنتها رغدة وهي بتبكي مع انها لزق فيها.
قصة حياة أبوي باختصار: انولد بمخيم لاجئين في غزة، اسرائيل قتلت أخوه في الانتفاضة، انحبس وتعذب سنة ونص، وحبسوا أخوه التاني 8 سنوات، قتلوا جده بالقصف وهو بيتسوق، قتلوا عدد كبير من أولاد أعمامه، قتلوا أغلب أصحابه، وفي هادي الحرب قتلوا كل اولاده وأحفاده ودمروا بيته بالكامل.
لما ييجي زوال اسرائيل، بدي الطيار اللي قتل عيلتي ينقتل، ما بدي يهرب لأمريكا واوروبا ويعيش حياة مطمئنة هناك.
كل جنود سلاح الجو الاسرائيلي يجب أن يعاملوا معاملة خاصة إن ربنا كتبلنا عمر نشهد فيه زوال اسرائيل.
أختي الشهيدة أمل الحواجري 27 سنة، وطفليها الشهيدين أيمن 3 سنين وأحمد 10 شهور. أمل خريجة شريعة وقانون.
كانت هي القلب الكبير في البيت وكانت بمثابة الأم لنا جميعا.
عاشت كل حياتها بغزة، وكان نفسها تسافر وتشوف العالم. وكانت كتير شاطرة في صنع الحلويات.
#We_are_not_numbers
زوج أختي الشهيد المجاهد ابراهيم ابو لوز، في آخر مكالمات إلو مع أختي كان يبكي، فسألته ليش بتبكي شو صاير، قلها راحت علي الشهادة واصحابي نالوها.
ابراهيم مضى مقبل غير مدبر، وابراهيم مقاتل شرس وقضى كل حياته لأجل لحظة يقدر فيها يثأر ويذل أعدائنا.
وابراهيم فخر لفلسطين ولعيلتنا للأبد.
أخوي الشهيد حمزة الحواجري 22 سنة، بيدرس تربية رياضية وكان هاد آخر فصل إلو في الجامعة.
حمزة كان نفسه يعمل عمرة قبل شهرين وبسبب تعقيدات السفر من غزة ما قدر، وكان بيفكر يخطب بعد التخرج.
قبل ما يستشهد بيومين كان يقول لأهلي يدعوله بالشهادة لانه اصحابه كلهم استشهدوا.
أخوي حارث لما طلعوه من تحت الأنقاض لقوه حاطط ايديه على راسه بنفس هاد الشكل عشان يحمي نفسه، كل البيت كان نايم ما عدا هو لحظة قصف البيت، كان بينظف الجامع من الغبار والشظايا لساعة متأخرة من الليل بعد ما قصفوا بيت جيراننا اللي جنب الجامع.
كان نائماً على هذه الهيئة، كان يحاول احتضان ذاته من خوف يعيشه منذ شهر بسبب القصف المستمر..
ثم في لحظات انتقل للجنة على ذات الهيئة، ليُخبر الله بكل ما رأى..
إنها الطفولة المعذبة في #غزة
الصاروخ اللي نزل على بيتنا قتل 33 إنسان منهم 9 من عائلتي، يومها محدش جاب سيرتهم ومكانش في صحفيين يصوروهم أصلا، خلال ساعات كانوا دافنين الكل واللي ضل تحت الانقاض ضل، في مئات العائلات زي عائلتي استشهدوا بدون ما ينسمع أي خبر عنهم وبس هيك انضافو لعداد الشهداء.
صور القتلى دون دمهم وصور جنازاتهم وحتى معرفة أسماءهم، كل هذا يؤذي قلبي..
آلاف الشهداء منا لا زالوا تحت الأنقاض منذ ٣أشهر، لم يسمح لهم العالم أن يُدفنوا. مئات المقاومين استشهدوا وأهلهم استشهدوا، لا تملك عائلاتهم رفاهية إعلان موتهم أو نعيهم أو أن يحظوا بالصلاة عليهم أو حتى دفنهم.
أختي مها ضلت زي هيك 3 ساعات وفي حضنها كان ابنها مصعب اللي عمره شهرين، وبنتها رغدة اللي عمرها سنتين جنبها.
يخلف على شباب الحارة اللي طلعوها وجارنا الأصيل ابو عبد الله منصور ❤️
أختي شرت لبنتها الصغيرة موزة ب 5 شيكل (1.5 دولار)،
وركبت على كارة الحمار علشان تروح من السوق، أجا طفل صغير يجري عليها ورا الكارة ويحكي "موزة موزة"
أختي قطعتله شوي من الموزة وأعطته،
حكتلي قديش ضلت مذهولة انه الطف�� كان يجري ورا الكارة مع انها مسرعة.
أطفال غزة محرومين كل شيء.
بنتها رغدة بعد البكاء المتواصل 5 ساعات تحت الانقاض صارت تقول: تعبت يا ماما تعبت بدي صبوحة (صديقتها) ألعب معها.
رغدة بطلت تحكي بالمرة من بعد الحادث وسرحانة في الفراغ طول الوقت.
اليوم عرفت انه الدبابة طخت اتنين من اولاد خالي الأطفال مهند ومحمد الطناني في حي التفاح بغزة، كانوا رايحين يشترو أكل لأهلهم، الحادث صار قبل 5 أيام ولسا اليوم بنعرف لانه فش اتصالات مع شمال غزة.
وجثثهم لحد الآن مرمية في الشارع.
جارنا محمد راضي (ابو شادي) وابنته رتاج راضي استشهدوا بنفس قصف بيتنا، ابو شادي انسان خلوق ومحترم، وهو غواص محترف جدا ويمتهن الغوص وصيد الأسماك. بتذكر دايما كان يبتعتلنا سمك بلا مقابل ويتعامل معنا كأننا عيلة وحدة.
الله يسهل عليكو يا ابو شادي الطيب ويا رتاج الحلوة.
كل ما أشوف هدول الاولاد بتزكر أخوي حمود، هو اللي كان يروح يجيب أكل لأهلي من اللي بيوزعوا وكان بيصف في الطوابير لساعات بدون ما يشكي ويتذمر. الله يطعميك في الجنة كل ما تشتهي يا حمود زي ما كنت تطعميهم.
جارنا أحمد شومر وابنته جود (شهرين) استشهدوا بنفس قصف بيتنا، أحمد طول عمره بيتمنى الشهادة. وأحمد خريج كلية التمريض كان بيساعد أي حدا مريض في الحارة أو محتاج أي معلومة أو مساعدة طبية بيقدر عليها. وخدم في المستشفيات وأسعف مئات الجرحى في الحروب السابقة.
لما كنت بتخيل اني بزور غزة، كانوا أحلى صورتين بييجو في بالي هم:
1- اني ماخد اخواني الصغار على مول كبير وبشتريلهم ألعاب وكل اللي بدهم ياه بدون حدود.
2- اني ألتقي بصديقي وحبيبي أحمد في كافيه عالبحر ونشوف الغروب ونحكي عن الحياة وننبسط.
اسرائيل قتلت اخواني، واسرائيل قتلت أحمد.
حارث انولد في حرب 2008، كان رضيع في القماط، وبتذكر حينها اني كنت خايف عليه يستشهد لانه أطفال كتير استشهدوا في حرب 2008 وجابوهم عالتلفزيون، كان عمري 11 سنة حينها.
انكتبله يستشهد في حرب 2023، رافقنا في رحلة حلوة في الحياة والكل كان يحبه ❤️
سلامٌ عليك في الخالدين.
مها قالتلي كان تمي كله حجار وغبرة مكنتش قادرة أصرخ بس حبايبي مصعب ورغدة ضلهم يصرخوا لمدة 5 ساعات عبال م الجيران سمعوا الصوت وحفروا عليهم وأنقذوهم.
وحكتلي انه كان شعرها معلق بين طبقات الباطون وطلبت مقص وقصته علشان تقدر تتحرك.
أحلى اشي في الهتافات هي دعم المقاومة الصارخ والعلني جدا "7 اكتوبر يا مجيد"
حدا بيتجرأ يحكي هادي الجملة في اوروبا وأمريكا؟ الأجانب بيتعاطفو مع جثثنا المذبوحة أكتر من تعاطفهم مع المقاومة الفلسطينية، وهان الفرق.. الأ��دن تاريخ ودم مشترك وصوتهم بيفرق وبيفرق كتير جدا، الله ينصركو..
والله ما بعرف كنا عايشين عادي فجأة صارو اخواني سجى وحمود وعمر وحارث قصص بيتعاطف معها عشرات الآلاف وصورة جود انتشرت بكل العالم وناس بأمريكا وبريطانيا بيعملو طيور وبطاقات باسماء اخواني وهلم جرا.
ايش اللي صار أنا مش عارف لسا قبل فترة مكلمهم فيديو وكنا بنضحك.
بحس أبوي شايل مقبرة كاملة في صدره، وآخر مكالماتي معه كان يبينلي انه قوي وكان هو يطمن علي ويسألني كيف انا، بس كنت حاسس بوضوح مدى السواد اللي صار جواته.
يارب تعيش يابا وتشوف نهاية اسرائيل بعينك، ربنا يشفي صدرك.
لما رجع الاتصال اليوم الصبح عرفت انه بنت عمتي سمية عبد العال استشهدت هي وزوجها مدحت صباح، سمية طلعوها من تحت الأنقاض عايشة ومصابة، بس ضلت تنزف لساعات لحد ما استشهدت، لانه ما كان في اتصالات يتصلوا على الاسعاف أو مواصلات.
استشهدت سمية وتركت أطفالها الأربعة خلفها، أصغرهم عمره شهرين.
جارنا أحمد شومر وابنته جود (شهرين) استشهدوا بنفس قصف بيتنا، أحمد طول عمره بيتمنى الشهادة. وأحمد خريج كلية التمريض كان بيساعد أي حدا مريض في الحارة أو محتاج أي معلومة أو مساعدة طبية بيقدر عليها. وخدم في المستشفيات وأسعف مئات الجرحى في الحروب السابقة.
اليهود قتلوا عيلتي وقتلوا صاحبي أحمد وبقلكو ولا مقصرين ولا حاجة ياعمي بس استمروا، انزلوا كل يوم واعتصموا ورابطوا، فش اشي اسمه "الله يلعن العجز" بعد هيك.
مازال هناك مئات الاف في شمال غزه لم يغادرو
مازال هناك مئات الاف في شمال غزه لم يغادرو
مازال هناك مئات الاف في شمال غزه لم يغادرو
مازال هناك مئات الاف في شمال غزه لم يغادرو
مازال هناك مئات الاف في شمال غزه لم يغادرو
مازال هناك مئات الاف في شمال غزه لم يغادرو
انا صارلي سنتين طالع من غزة، مبارح كنت قاعد بمكان مع اصحابي، فجأة صار صوت غريب ما بعرف يمكن من ماكينة القهوة او هيك اشي، المهم انا التمست وصرت اطلع حواليي، ولاحظت انه اصحابي ما كان إلهم أي رد فعل للصوت.
الصوت كان بيشبه شوية صوت الصاروخ وهو نازل.
رغدة بنت أختي عمرها ٣ سنين ونص، أبوها استشهد مع اخواني بأول الحرب.. كل يوم بتطلب من أمها تورجيها صور وفيديوهات أبوها عالجوال..
اليوم رغدة نسيت تطلب تشوفه وتذكرت بآخر اليوم، حكت لأمها: ورجيني صور بابا بلاش يزعل مني.
شو يعني بنت تمشي من الشمال توصل الجنوب فاقدة ذاكرتها واسمها وروحها وكل اشي، بحس بدي العالم يتوقف هان، مش لازم الوقت يمشي بعد هيك، مليون تفصيلة في الحرب بتستحق يتوقف العالم وتقوم القيامة لأجلها، الله يلعن الدنيا مأقساها.
اسرائيل سرقت أرض والد جدي وقتلته، وقصفت بيت جدي وقتلت ابنه، وقصفت بيت أبي وقتلت أولاده وأحفاده.
كان لوالد جدي أشجار زيتون، خلعوها، كان لجدي شجرات نخيل قصفوها، وكان لأبي شجرة ياسمين ، قصفوها، وكانت لي شجرة فلورا على سطح بيتنا، قصفوها أيضا.
"يا توتة الدار صبرك عالزمان ان جار"
دار جيراننا أبو شعيب انقصفت قبل دارنا بعدة ساعات، كل العيلة استشهدوا، لم ينج أحد.
طلعوهم كلهم من تحت الأنقاض خلال يومين، بس ضلت بنتهم هالة، بحثوا عنها كتير وحفروا عشرة أمتار تحت البيت في الجرافات والبواقر وتوقف البحث ولم يجدوها أبدا.
ألف سلام ورحمة على هالة عاطف أبو شعيب 22 سنة.
اذا اسرائيل بتقصف اسعافات قبل بيوم من موعدها في محكمة العدل الدولية فهاد معناته إنها واثقة إنها آمنة من أي عقاب فعليا وبتستهزئ بالعالم وأنظمته وقوانينه الدولية على الملأ.
"وقد فتشوا صدره، فلم يجدوا غير قلبه
وقد فتشوا قلبه، فلم يجدوا غير شعبه
وقد فتشوا صوته، فلم يجدوا غير حزنه
وقد فتشوا حزنه، فلم يجدوا غير سجنه
وقد فتشوا سجنه، فلم يجدوا غير أنفسهم في القيود."
نائل البرغوثي أقدم أسير فلسطيني، يكمل عامه ال 44 في السجن.
هو بعد موت الأطفال والناس من البرد والجوع ضل عند العرب مخاوف إضافية خايفين تصير؟ هو في بعد موت الناس حرفيا من البرد والجوع مخاوف تانية؟
أبشع المخاوف صارت وخلصت ياعمي، تخطيناها زمان مع أول طفل مات من البرد في دير البلح.
بعد القصف واستشهاد اخواني ومع الحزن انقطع الحليب عن مها يومين كاملات، حاولوا يعطوا مصعب حليب صناعي لكنه رفض يرضع بالمرة وضل يومين يصرخ من الجوع وصار عنده جفاف وهزل، لولا رحمة ربنا بعد يومين نزل الحليب.
كم أم في غزة صار معها نفس الشغلة وكان رضيعها على حافة الموت أو مات.
أختي مها (24 سنة) وطفلينها الصغار رغدة (3 سنوات) ومصعب (شهرين) نجوا من تحت الأنقاض بسلام.
مها قالتلي انه كان في حيط خابط على ظهرها وسقف الباطون كان واقع عليها والمجال ضيق مكانتش قادرة تحرك راسها تهدي بنتها رغدة وهي بتبكي مع انها لزق فيها.
الحقيقة ااه.. في مصر لو شتمت السيسي بتضيع حياتك وفي الأردن لو شتمت الملك برضو بتضيع والسعودية نفس القصة.. بس الناس في غزة كانوا يسبوا ع حماس في الشوارع وعالسوشال ميديا وكان الاشي عادي ومحدش بيكلمك، والفتحاويين كانو ماخدين راحتهم بوستات طويلة عريضة على الفيسبوك ضد حكومة حماس وعادي
من أيام حرب 2014 وأمي بتحكي جملة دايما لما تشوف الشهداء، بتقول: "نيالهم لقو حدا يدفنهم الله يعلم احنا نلاقي حدا يدفنا ولا نترمّى في الشوارع." كانت الجملة مش واقعية بالمرة وكنت اضحك واتمسخر واقلها دخيلك يما شو بده يصير يعني.
والله يما صار كل اشي، ونيال اللي لقى حدا يدفنه.
كنت كل عيد ببعت لاخواني وخواتي عيديات.. هالعيد كنت قاعد بفكر كيف ابعت، الشخص اللي كان بيوصللهم الحوالات هو الدكتور عمر زيارة، استشهد في نص الحرب، وبأول الحرب استشهدوا اخواني وخواتي.
من أول ما استشهدوا عيلتي في ناس كتير بعتولي رسائل عالخاص هان يسألوا ويطمنوا وصارلهم مدة وما بقدر أرد على العدد هاد.
بس أنا منيح الحمد لله وأموري منيحة وعندي أصحاب حواليي زي الأهل الحمد لله.
شكرا لسؤالكم جميعا، وربنا ينصر المجاهدين.
رغدة اليوم حكت.
سألت أمها وين بابا؟ حكتلها في الجنة.
وسألتها ليش الدار وقعت علينا؟ حكتلها اليهود قصفوها.
وسألتها ليش كان في نار في شعرك؟ حكتلها مش عارفة يا ماما.
"قصف مقبرة دير البلح". اخواني الشهداء انقصفوا حتى وهم في قبورهم.
يعني اسرائيل حتى ما بدها ياك تحصل على رفاهية انه يكون لأهلك قبر تزوره.
القبور السليمة والفردية صارت رفاهية،
كل الموجود الحين قبور جماعية وجثث في الشوارع.
كنت مبسوط عالاقل انه اخواني اندفنوا وكل واحد إلو قبر لحاله.
هاد التسجيل امبارح في جامعة الأزهر في مصر، والدكتور محمد زيدان حاكي في المحاضرة "لا يجب أن نتمنى لاسرائيل الشر أبدا" بملء صوته، اسمعو التسجيل..
هاد الدكتور لازم ينفضح ولازم ينفصل من الجامعة..
افضحوا الدكتور الصهيوني "محمد زيدان" من جامعة الأزهر. ريتويت.
جدتي تزوجت سيدي غصب.
بنهاية هالسنة بيصيرلها 57 سنة متزوجة. للأسف بتكرهه كره شديد لليوم وولا عمرها حبته. ولليوم بتبكي لما تنجاب سيرة زواجها.
كل ما تشوفني بتوصيني "أوعك تغصب خواتك أو بناتك على حد" حتى لو ما في مناسبة.
اليوم أجت علينا وفكرتها حتنسى توصيني مع لجة العزومة لكن ما نسيت.
كان عيد ميلاد أحمد قبل خمس أيام،
أحمد انولد في 25.12.1997
واستشهد في 31.12.2023
ستة وعشرين سنة حلوين يا قلبي، وعلى قولتك الله يلعن اسرائيل والعرب والكوكب اجمعين.
"إذا لم تكن مطراً يا حبيبي كن شجراً مشبعاً بالخصوبة ... كن شجرا
وإن لم تكن شجراً يا حبيبي فكن حجراً مشبعاً بالرطوبة.. كن حجراً
وإن لم تكن حجراً يا حبيبي فكن قمراً في منام الحبيبة... كن قمراً
(هكذا قالت امرأة
لابنها في جنازته)"
- أخي الطفل الشهيد عمر الحواجري