ومَن يَتَهَيَّب صعود الجبالِ يَعِشْ أبدَ الدَّهْرِ بَيْنَ الحُفَر

فتح درجة القدرات و التحصيلي ارعب شي صارلي بحياتي والله وقتها تقفل عين و تفتح عين و تشوف الدرجه من زاويه ما توضح الدرجه كامله فيها و قلبك يدق بسرعه و من قوة التوتر تجيك رجفه مع خوف بنفس الوقت شوي و تجيني جلطه شعور للحين احس فيه والله

يخوان الحين ليش كل فتره تقاطعون شي مثل شاورمر او الراجحي ليه ما نقاطع الجامعه و نقاطع الدكاتره و نصير ما نذاكر ولا نداوم ، منها نرتاح ولا نشيل هم الكويزات ولا الميدات عشان بعدين الدكاتره يشوفون محد معطيهم وجه ثم يسوون مسابقات اللي يداوم يعطونه فل مارك والله فكره

وما نيل المطالبِ بالتمني ولكن تؤخذ الدنيا غِلابا

اشوف بعض الناس يقولون لازم يجي تجنيد اجباري بالسعوديه انا اشوف القدرات و التحصيلي كافيه و وافيه ما صقل شخصيتي الا هي و اعرف ناس كثير تغيروا و صاروا عاقلين من ذا الاختبارين صدق انها تغير من شخصيات الناس

ابي اخلص مذاكرة بدري عشان ارتاح و استانس بيومي بعدين يوم خلصتها شلت هم المذاكرة ولا عرفت استانس بيومي بعدين تذكرت مقولة أبن القيم لا راحة للجاهلين ولا لذة للعارفين

لو أقولكم ان الوتر راح يغير حياتك 360 درجة من بعد الله بتصدقوني ؟ الوتر الوتر الوتر والله العظيم نعمة عظيمه جداً لو ما استغليتها انت الخسران ركعه وحده و ادع باللي في خاطرك كله و تشوف التوفيق و التيسير بحياتك قسم بالله راح تغير حياتك كلها من بعد الله الركعه ذي

لو سمحتوا غيروا اساميكم بالله عشان ما اتأخر ❤️🙏🏻 وراي اشغال والله

ياخي اللي اساميهم عبدالله ليش انتم واجد كذا ليه ما تغيرون اساميكم بالله و يكون مثلاً واحد اسمه محمد و واحد اسمه مشاري زيي عشان ما اقعد سنه بالقاعه اذا جاء وقت التحضير ستين الف واحد اسمه عبدالله و الدكتور يقعد يحضرهم واحد واحد ويروح من الوقت كثير عشان يجي عند اسمي

والله ChatGPT اشوفه اسوء شي صار بالحياه خصوصاً لطلاب الجامعات مو طبيعي اغلب الناس معتمدين عليه بشكل كامل يحل واجباتهم كويزاتهم يلخص لهم الدروس اذا ما اعتمدت على نفسك الحين متى بتعتمد ؟ الخير اللي بتسويه لنفسك الحين انك تحذفه لان اذا اعتمدت عليه بشكل كامل راح تتعب والله

باقي كم يوم و نخلص الاسبوع السادس والله العظيم اني مو قادر اخش بجو الجامعه حاولت اعيش الجو بس ما قدرت احس اني للحين بالثانوي مو قادر اتخطاها قسم بالله خصوصاً ثالث ثانوي للحين ايامها أتذكرها بالتفصيل و عالقه بمخي مو قادر انسى ايامها و ايام حفل التخرج غصه قسم بالله

ياخي ليه نظام التعليم عندنا زفت ليش اضطر اخذ خصوصي عشان يفهمني بمادة دكتورها هندي ما يعرف يشرح ولا افهم عليه ليه ما يكونون الدكاترة سعوديين عشان الكل يستفيد انا متأكد لو صاروا الدكاتره كلهم سعوديين نظام التعليم عندنا بيتحسن من كل النواحي و بيكون شي كويس مره للطالب من ناحية كل شي

ايه ايه في اسعد لحظاتي حالياً عندي محاضرة وحده في الصبح بعدين خلاص معد فيه محاضرات بتبدأ اجازة الشيوخ مروق إلى ابعد حد ☝🏻

يارب ما يقفطون حسابي يارب ما يقفطون حسابي يارب ما يقفطون حسابي يارب ما يقفطون حسابي ❤️🙏🏻❤️🙏🏻

https://t.co/9RgUkOBOVt

طيب تدرون بعد انها عارفه جدولي اكثر مني بعد تقول دوامك بكره يبدأ الساعه ١٢ الظهر و قلت انا لا الساعه ٨ الصبح بعدين يوم شفت الجدول طلع صدق يبدأ الساعه ١٢ الله يعزك يا الوالده كنت بقوم و اخرب نومتي

امي بعد ما دخلت الجامعه صايره تخاف علي كثير مره اذا طلعت من البيت تقعد ترسلي كل شوي وصلت ولا لا و شايله هم معدلي من الحين و تقول ركز بالدروس و انتبه على نفسك بس بالثانوي كنت قريب منها و متطمنه عادي بس الجامعه شايله هم مره طيب يا الوالده لو تخرجت و توظفت ان شاء الله وش بتسوين

انا بعد ما جبت فل مارك بالكويز حق الانقليزي بدون ما اذاكر له

ياخي ليش انقليزي الجامعه سهل كأنه حق ابتدائي ليش اللي قبل كانوا يقولون انه صعب و مدري وش ولا عشاني تحضيري يعني تسليك

طيب والله يا ان يوم السبت من افضل الايام شئتم ام أبيتم بعض الناس حاط بعقله ان يوم السبت يوم كئيب و ما فيه حياة و مدري وشو خلاص صارت عادة و عقلك الباطني تعود ان يوم السبت يوم كئيب و للأسف ان الشي هذا غلط حاول تستمتع باليوم ذا و اي مقطع سلبي يطلع لك سكبه و ادع لي

والله اي احد داخل هندسه اسطوري يحق لهم جنون العظمه مو طبيعي صعوبة المنهج عندهم