خوفي من الله و إتكالي على الله لا خايفٍ هذا . . ولا راجياً ذاك يا خالقي . . يرجع لك الأمر كله المد مدك و العطايا عطاياك.

سرا الليل كله لا هداوة ولا استكنان أحس بمشاعر ما عرف كيف أترجمها تفجّر ورا صدري مشاعر فرح وأحزان لي شهور وأنا داخل الصدر كاتمها عسى الله يعين تعود على الكتمان تجي ساعةٍ ماعاد يقدر يقاومها على الضايق أنسام الصبا فوّهة بركان ماهز الحنين الخامد إلا نسايمها. - حزمي بن سعد

اقلطي يا مرحبا والليل توه بادي لا يروح الليل دام انتي وانا من دونه باللسان وبا��عيون وبالمشاعر نادي اسمع مناداك قبل الناس لا يوحونه من سمع صوتك ولا جاوبك هذا غادي ودك الله يحرمه سمعه وضحك سنونه هايمٍ في عينك وصوتك وضارب وادي واديٍ من هام فيه الله يكون بعونه .

ازهمه وانخاه وابغى منه الاخبار الطرايف مير ياخذ له ثلاث شهور ماينطق عباره. _سفر الدغيلبي

اقرأ واخذ لمحه عن تاريخ الأقوام الكِبْر ماسوّى " لفرعون " حاجه لا تاخذك طيش ، الليالي والأيام اللي خذت كسرى وعرشه وتاجه. - سياف السواط

رقيق الحديث اللي على الكبد كنّه ماء تباشر به نفوسٍ من الوقت منلاعه ㅤ عليه الضماير من صدوف الدهر تضما و على جاله القلب الشقي يفرد شراعه.

تمرك كن عاتقها غريمك وتخضع لك عين واعز رموشها لاعاودت ترعاك وتذله تبيك تحس فيها لارنّت لك يـ وعل يبرين ولكنك خلي والربع خالي وانت خال له. ـ نايف صقر

اصد و اقفي .. من الزحمات و الاجتماع واقول نفسي عيوف ، و طابت ، و قانعه و اثرني اعيش مع عقلي و قلبي صراع قلبي .. يبي شي من عقلي و هو مانعه اخاف من طاري الفرقى ، و اخاف الوداع حسبي على صوت ابو نوره ، و ابن مانعه. - ناصر الحمادين

مافيه صوتٍ ينسمع عقب صوته في نبرته عزف وشجون ومواساه مفروض صوته ينكتب فوق نوته اذا حضر تسْمعه وان غاب تقراه. - بندر الدويش

كنت أقول إن المشاعر عنك توبتها نصوحه و أثرها عمرٍ مايعطى فيه عهد و لا ضمانه الغلا في كل يوم يطيح صرحٍ من صروحه إدرك اللي باقي من الحب قبل يفوت أوانه " لا تحملك الخطايا هم عذر و لا سموحه أرجع انت و كل شيٍ فات يرجع في مكانه " - عبدالله السراهيد

غريب الشعور اللي يجي بين هم وغم قلق ، شوق ، ذكرى ، فقد ، يالله لا تبلاني شعوري وأنا أضمد جروحي وأخاف تشَم ولا ودي إن الناس تدري عن أحزاني شعور اليتيم اللي ليا قيل مالك هم يعرف إنها تنقال من دافع إنساني. — عناد الشيباني

تغـاضي يا عيونـي والسنين قصار ما دام الوقت لا انصفني ولا انصفته احب اللي مضالي .. واكره التكرار واشوف اللي يخـوّفني .. ولا خفته غريب شعور والواقع غريب اطوار كثر ما كنت راضي .. كثر ما عفته ياكثر اللي تحاشيته يصير .. وصار ياكثـر اللي تمنيتـه ... ولا شفتـه

الحزين اللي تلاشى ضحكته عند التفاته يوم تطريه الهموم اللي ورى صدره حبسها مستحيل يعلمك بهموم بقعاء كيف جاته يحتفظ بـ اسبابها قبل العواذل تقتبسها من يشوف المبتلى ويفصل ثياب الشماته مايموت الا الثياب اللي يفصل قد لبسها عايض العاطفي.

يا عنيده مامعي صبراً مثل صبر المهادي لا تعذرتي مثل عذر المعقد بالعقيده المصافح بالقلوب أصدق من مصافح الأيادي اسمحي لي كل يوم أصافحك وأنتي بعيده. - صالح النشيرا

ما لي غنى عنك أنا الله فيك مغنيني ولا لي عوض عنك أنا الله فيك عوضني ما غيرك انسان يسعدني ويشقيني وصلك دواء والغياب إن طال يمرضني. -بدر بن عبدالمحسن

يعني على شان الحلا فيك مسكوب والله عطاك من الحسن والذرابه ولا على شانك مدلع ورعبوب ومجمع فيك السحر والمهابه يعني على شانك حلو تجرح قلوب ارحم عسى الله يرحمك من عذابه ياصاحبي جيتك وانا كلي ذنوب من خضرك اللي مثل قوس الربابه شكيتك من أول وبشكيلك النوب خصرك سبا عقلي وقلبي غدابه

عاد صوته فـ المسامع وزوله فـ العيون وعاد له بين الحنايا " مداهيل و محل " صابني من يوم فرقاه شي من الجنون ليه يوم أني" تعلّقت في حبّه " رحل ؟ _ عايض العاطفي

رضى جميع البشر حاجه لايمكن تصير لو تعقد الصلح بين الذيب والهايشه ما انت اول انسان منهك فيه غيرك كثير رغم التعب والوجع والجوع متعايشه ارضى بما جاك و الدنيا مداها قصير به ناس حتى على فتات الخبز عايشه وان قلت ياليت لو عندي جناحين طير يجوز "تنهي حياتك" طلقةٍ طايشه.

صباح الخير . صباح النسيم البارد اللي يرد الروح على فيضةٍ عقب المطر دارجٍ مااها احبّك واعرف ان ماورى حبنا مصلوح سوا دمعةٍ تاخذ على الخد مجراها.

نطّحيني .. وجهش النهّاب يا شقر الذوايب دام في وجهش صباح ودام في عودش ليانه. - فارس الحشار نطّحيني عهنك المنفوش يا غرّ السحايب و عوّضيني عن كواليس الوطى بالأرتفاعه. - سفر الدغيلبي

سقت لعيونك قصيدٍ صار له معجب وراوي فيه شكوى من فراق وفيه حبّ لصوت ريمه واقفٍ فـ اطلال حبّك ما بعد طحت متساوي وقفه اللي كذّب اسلاحه .. بعد واجه غريمه جابك الله لي حبيبً ما تضويه المناوي حبك اصدق من تمني صاحب النفس الكريمة. —وليد البحيح