اللهم أنت ربي لا إله إلا أنت، خلقتني وأنا عبدك، وأنا على عهدك، ووعدك ما استطعت، أعوذ بك من شر ما صنعت، أبوء لك بنعمتك علي، وأبوء بذنبي فاغفر لي فإنه لا يغفر الذنوب إلا أنت.

على غيرك عمى عين وجفا قلب وثقيل لسان و عليك أنت الخطااوي تسبق أوّلها تواليها

رميت الاحلام في وجه الزمان البخيل وعزّيت نفسي وعز النفس عصيانها ٰ وعن الحضور المهمّش مرحبا يالرحيل ما دمت تحفظ كرامة نفسي وشانها

العمر ما يوقف .. والأحزان بتفوت ما راح اعيش اللي بقى .. عند بابك حتى لو أن غيابك أصعب من الموت صدقني ... بلقى من يعوّض غيابك

جيت الرياض وجيت للعز والطيب لأن الديار تطيب من طيب اهلها كن الشوارع في عيوني تراحيب وانا حضنت اقصورها من خجلها .

على وين ما أسج القدم شرق ولا غرب أشوف الليالي ما تشابه سنا .. ليلك أنا وين ألد العين منّك وأدور درب وكل الدروب اللي تودي ..«تودي لك»

في علوم الطيب احذر لا تشاور كم كريمٍ قصّر حباله شويره .

الوفا في الحب مثل الأمانـه فـي الرقـاب ملتـزم فيهـا سنـافـي وخاينـهـا ردي

تمرني الـذكريـات .. وليتهـا مـا مـرّت أحيان ما يضيّع الفرحه سوى الذكرى

لا طابت نفوسنا من شي واقفينا لا عوّد اللي خذاه الموت عوّدنا .

يارب وانت العليم بما تكن الصدور انقذني بنورك الوضاح قبل انجرف الناس يستلطفون اللي يلف ويدور ( وانا لو اني بسوي مثلهم ما اعرف )

لو إن الأوادم كلها تقبل التهميش أنا مستحيل أعيش — لحظة على الهامش

كل نورٍ مستمد .. اساس نوره نورك يا الوفي يا الطاهر المتعفف المتفاني في زعلك وفي رضاك وفي جميع امورك كل وجهٍ من وجيهك اطيب من الثاني

لما البُعد يزيدك حُب وقتها تتأكد انك جد تحب

يمر الوقت مع حظرة جنابك كنه برقٍ لاح و لحظاتي معك .. عجله ثوانيها و ختاله َ تسولف لي واحس ان الكلام اللي تقوله راح مثل مال الفقير اللي ما يكفي حاجة عياله

اللي يبيك . . يجيك لو دونـك قيود يكسر على شانك خشوم الصعايب

طوينا خيام الحب ياللي تبي المنزال نوينا الشديد من المحبـه واراضيها . دلال الهوى معاد .. فيـها و لا فنجال تقهويت لي دلـه و حرّمت ما اثنيها

لا ثقل حمل الكتوف وحظّك استلعن ! ابطش وخْل الظروف تجيب ما جابت

إن كانها ماجات بالطيب طيّب حنا نحب الحاجة اللي تجي طرق .

الحلم لاضاع و الفرصة ليا قفِّت ثنتين لو هوّنوها الناس ما هانت .

كم واحدٍ من رصاص القوم متنبّه ولا صابه الا الرصاص اللي من حزامه .