مُنى المالڪي|شاعرﮬ̲̣̐
@mnooshff
Followers
23,877
Following
17,639
Media
302
Statuses
12,708
"جامعية" صنعتُ ل أحرفي أجنحة من بياض واطلقتها من نافذة 🕊 المنى ، لعلّي أبلغ بها سماء لم يكتب عنها أحد انسج حروفي من خيوط الشمس مفضلتي زنابق حرفي #مرافيء_الحروف
الطايف
Joined November 2019
Don't wanna be here?
Send us removal request.
Explore trending content on Musk Viewer
#Mステ
• 394828 Tweets
#Mステ
• 394828 Tweets
billie
• 285835 Tweets
CHASING THE SUN
• 131835 Tweets
Scottie
• 97954 Tweets
Valhalla
• 42825 Tweets
#のらりクラり呑もうの会
• 35886 Tweets
Louisville
• 31391 Tweets
ひーくん
• 28890 Tweets
ジュラシックワールド
• 16989 Tweets
トップバッター
• 15114 Tweets
しーちゃん
• 14549 Tweets
Mリーグ
• 12843 Tweets
Go City Go
• 12792 Tweets
ベビモン
• 11446 Tweets
NEW hair
• 10988 Tweets
佐々木朗希
• 10591 Tweets
西洸人くん
• 10402 Tweets
#大倉忠義オンライン飲み会
• 10120 Tweets
BACK TO THE BEGINNING
• 10006 Tweets
Last Seen Profiles
البلـوك احيـان للعالـم دوا
والتغاضي عن خطا الجاهل علاج
الاصابع دايماً ...ماهي سوا
والعقـــول احيــان فيهـا ارتجـاج
الردي لاشك ندري وش نوا
والبهايم مالهــا ....غيـــر السياج
#منى_الزبيدي_المالكي
82
105
298
للصمت معنى بس من يفهم الصمت
الصمت اجمل من ضجيج الاماكن
اتــأمـل بـفـكــري ولـو مــا تكلـــمت
واحب جــو اللـيـل لا صــار ساكن
م اذكــر على هيبــة سكوتي تنــدمت
ولانــي بمفتــونه بيمـكن ولـكن
لا شـفـت هفــوات الاوادم تبسـمت
واعرف اميــز بيـن ابـيـض وداكن
#منى_الزبيدي_المالكي
72
96
269
مافات مات وراح من ضمن ماراح
لا تلحق اللي فـات لــوم وحسايف
الهــــم مهما طـــال لابـــدّ ينزاح
حال الزمن يبقى مثل م انت شايف
بعد اللقــا لابـــدّ غيبــه ومرواح
الى متى قلبك مـن الوقـت خايف
محدٍ بقى قلبـــه من الهـم مرتاح
لابــدّ من حســره وفرقـى ولايف
#منى_الزبيدي_المالكي
71
108
272
ماسكت إلا ادور في السكوت
الهدوءاللي فقدته ب الكلام
العتب في داخلي لمّا يموت
مااحب اعطي للاشياءاهتمام
ضيقـة الايـام اتركها تـفـوت
كلها احزان تمضي والسلام
الاماكن مدهشه من دون صوت
والضجيج اقل بهجه واحترام
عمرسوءالظنّ مايبني بيـوت
والنهاراجمل كثيرمن الظلام
#منى_الزبيدي_المالكي
89
130
272
مرت علـى البال ترنيمـه وحلـمٍ قديم
مثـل الفرح لاسكـن مره وجيـه الصغار
انا صغيـره ولكـن كـان حلــمي عظيم
كنت احسد الطير لاعاف البسيطه وطار
قلت ازرع الــورد بيديني وربـي كريم
واهرب من الشمس والرمضا لظل الجدار
#منى_الزبيدي_المالكي
#مرافيء_الحروف
86
92
254
قل للعناد اللي هـدم صرح الاحلام
الغيم ماعمره كسـر هيبة الشمس
نور الحقايـق غيـر عن زيـف الاوهام
واليوم يفرق في شعوره عن الامس
واللـي تخبى تكشـفه سود الايـام
وتبيـّن اللي باعنــا والثمـن بخـس
الحزن لـو خيـم على القلب مـادام
مـع َالليالي تنجبـر كسـرة النفس
#منى_الزبيدي_المالكي
79
110
251
مـا كُلَّ شـي نكــرهه بالزمــن شرّ
ربـك تدابيـره بهـا الخيـر كـلّه
شف الـدوا مايعجبك طعمه المرّ
لكّن تبرا به مـع الوقـت عـلّه
شــر َّ تعــدانـا وقـفــى ولا ضــرّ
واللي عقده الوقت ربـك يحلّه
لا بـدّ ماتنسى همـومـك وتنسرّ
ودرب السعد لابدّ رجلك تدلّه
#منى_الزبيدي_المالكي
77
111
245
سحابة الفكر وحروف الخيال الانيق
البارحه في معاليق الصدر ممطره
غيـر الشعر وين ادور للسوالف طريق
هذي هجوسي على بحر الفكر مبحره
نحله على باهي الورده تــدور رحيق
تحط فوق الغصن بشويش ماتكسره
هذا الورق من حبر عذب القوافي غريق
يشع نـور الكلام الجزل بين اسطره
#منى_الزبيدي_المالكي
79
109
250
اقصر طريق لموت الاحساس لاشفت
اللـي عطيتـه ســـر قلبـك يخونـك
واقصـر طريـق لموت الاحلام لاخفت
مـن نـاس لو اخطيـت ما يرحمـونك
واقصر طريـق لكسـرة النفس لاعفت
اشيـاء كــانت يــوم تسـوى عيـونك
واقصر طريق لقسوة الظلم لانصفت
والنـاس مـازلوا بعـــد يظلــــمونك
#منى_الزبيدي_المالكي
70
113
246
حرية الفكر هي ابسط حقوق الحياه
والعاقل اللي يعرف حدود حريته
من سكر ابواب قلبه لا تفتش وراه
من حقه يعيش بالدنيا خصوصيته
اللي يتعدا على العالم يبين غباه
الناس ماتحاسب الواحد على نيته
فقير الادراك افعاله تأكد رداه
تكشف لك اسراره السودا وماهيته
#منى_الزبيدي_المالكي
#مرافيء_الحروف
66
100
239
سور اليقين تحطمه ثورة الشكّ
وموت الثقه دايم بطعنـة خيانه
لما تطيـح الأقنعـه ينكشف لكّ
ناس ٍتدس السم ب اسم الميانه
باب التسامح لازم اليوم ينصكّ
عهـد القلوب البيـض ولى زمانه
#منى_الزبيدي_المالكي
73
93
234
دون حقك لاتخاف ولا تهاب
من فضخ عينك يبي يمدح عماك
ماملى بعض النفوس إلا التراب
لو بيديهم شي ما تمطر سماك
إنتبه تفتح لبعض الخلق باب
واحذر من اللي ورا ظهرك يُحاك
إنتبه للداب واحسب له حساب
والعقارب طبها ضربة عصاك
#منى_الزبيدي_المالكي
#مرافيء_الحروف
84
94
218
من يجاوب فضولي والسؤال البريء
ليـه ضاقت قلـوب النـــــاس بهمومها
كيف يفتـي جبان وليه يسكت جريء
لــيه نعتـب على الايــــام ونـلومها ؟؟
#سؤال
#منى_الزبيدي_المالكي
69
84
220
ياوحشة الليل وين اخر حدود السهر
متى ورا زحمــة احزانك يمــر الصباح
ملّ القلم من وجع حرفي وجف النهر
ماعاد يقدر على سجنــه كسير الجناح
بعض الطواري اذا مرت عذاب وقهر
ماظن باقــي ورا كسر المشاعر سماح
وشفيك تمشي على مهلك كأنك دهر
مدري متى النور عن وجهه يشيل الوشاح
61
68
224
ياهيبة المجد بركون البيوت الحجر
لو يرجع الوقت للماضي وحلو الحياه
وصحوة هل الدين من اول بزوغ الفجر
جدي وصوته ينادي افلحوا للصلاه
والضحكه اللي بطيبتها تزيل الضجر
من مبسمٍ يسكن بروحي وقلبي غلاه
ماكان يطري على الخاطر خصام وهجر
كلٍ بــفلبه رضـا باللـي( إلهه) عطاه
#منى_المالكي
80
92
211
في خفايا النفس احياناً شعور
نكتمه من خوف عشاق الظنون
لو حكينـا للبشـر بعـض الامور
ينفتـح للشك .... شبـاك وعيون
من بحــور اللوم وشلون العبور
كيـف افهم ناس صعبـه يفهمون
الكتابـه فـي ظلام الصمت نور
والسكوت احيان نوع من الجنون
#منى_الزبيدي_المالكي
#مرافيء_الحروف
72
93
220
لو طرقت ابواب حزنك باب باب
ولو تعدّ جروح قلبك جرح جرح
راحت الأيام واللي غاب غاب
إنتبه تهدم شعورك صرح صرح
لاتلوم اخطاك واللي صاب صاب مايفيدك لو تزيد الشرح شرح
دوس انياب الحيايا ناب ناب
ولا يهمك لو يزيد القرح قرح
#منى_الزبيدي_المالكي
#مرافيء_الحروف
101
123
211
حظ المسا بوح وقصيد وتعاليل
والصبح باب الشمس واطلالة النور
بعض العيون تخاف من وحشة الليل
تسهر شقا وسراج الامال مكسور
ورا زوايا الصمت وجه التفاصيل
مايفهمه إلا بشر صادق شعور
قلب الشقا ماعادبه للعتب حيل
دربه طويل ودونه الشوك منثور
الخطوه اللي تبتدي رحلة الميل
حطّت مقادير
71
54
221
طول عمري م احـب الانتقام
واتــرفع عــن دناءات الامــور
ادري ان الظلم عنـد الله حرام
والزمن طبعه على الظالم يدور
التسامح دوم من طبـع الكرام
مايعيش الحقد فالقلب الطهور
اترك الاحقاد وتعيش ب سلام
بالتجاهل الف راحـــه للشعور
#منى_الزبيدي_المالكي
55
77
215
ابكي واخبي دمع عيني عن الناس
م احب ابين ضيقتي وانكساري
ماني ضعيفه بس لي قلب حساس
وادري كثيـر يدورون انهيـاري
اذا انجرحت مـن الزمن قلت لاباس
هذي نتيجة رغبتـي واختياري
عمر الحطب مايشتكي ضربة الفاس
وانا ضلوعي ماشتكت حرّ ناري
#منى_الزبيدي_المالكي
#مرافيء_الحروف
79
74
208
بين بساطة الشاعر وفخامة حرفه ،،
#عبدالله_خليل
#فُصحى
#نمير_البيان
19
85
206
ياعسى صمت المساجد مايطول
ونسمع القـــــرآن بالبيت الحرام
يكتب الرحـــــمن والغــمّه تزول
وترجع صفوف البشر خلف الامام
#منى_الزبيدي_المالكي
#مرافيء_الحروف
#فتح_جزئي_للمسجد_الحرام
63
165
199
كـل فكره عابـره ممكن تكـون
غايـة الأبـداع في صـدر الـورق
بين حـدّ العقل وافكار الجنـون
مثــل مابيـن السـلامـه والغـرق
الحقيقه شمس في ليل الظنون
لااشتكت سود العيون من الأرق
من يبون الجـزل دايـم يتعبـون
حرفهــم لا مرّ فـ الساحـه فـرق
#منى_الزبيدي_المالكي
#مرافيء_الحروف
72
83
199
ما يامن الخــــلق إلا الساذج الواهـم
وانـا تعلمت كيف افـوق من وهمـــي
ما خاطب إلا الرزين العاقل الفاهــم
واعامل الناس باسلوبي حسب فهمي
#منى_الزبيدي_المالكي
#مرافيء_الحروف
53
68
198
ليه الشقى لاصــار ما عـاد بك حيل
وليه السـؤال ان كـان مالــه إجابه
يمضي نهارك وانت خايف من الليل
تشكي ضماك وانت فوقك سحابه
من قــال ان الــوقت كـله تساهيل
دنيــا تبي صــدرٍ وسـيـــع ورحابه
#منى_الزبيدي_المالكي
#مرافيء_الحروف
86
67
201
يا منـتظـر طبـع الزمـن دوم لادار
يطيح ستـر وينكشـف كـل خافي
الثلـج مايقـدر علـى واهـج النار
والجـو ماهـو كـل الايـام صـافي
عقلك براسك حدّد الدرب واختار
غلطان من يمشي على الشوك حافي
#منى_الزبيدي_المالكي
#مرافيء_الحروف
69
85
194
ينولـد من داجـي الظلمـا نهار
ومن سكون الكون يتهادى النسيم
كم موعـد مـات بيدين ..انتظار
وكم صدفه تحيي الشـوق القديم
ماهو شرط الذنب يمحيه اعتذار
والحكي مايداوي الجـرح الأليم
لو خطوط الكف تعطينـا مسار
مامشينـا غيـر بالـدرب السليم
#منى_الزبيدي_المالكي
#مرافيء_الحروف
#صباح_الخير
71
90
191
مااكتب الشعر ل اجل اغيض عذالي
حرفي من الزيف والاوهام حررته
أنا ادري ان النـوادر سعـرها غــالي
اللي خذوه العـرب ماعـاد كررته
عند الخطا انتبه واقسى على حالي
ما اذكر ان الهزل في يـوم مررته
#منى_الزبيدي_المالكي
#مرافيء_الحروف
64
80
188
بين القلق والارتياح النفسي
صمت الشعور وصرخة الحريه
اعاند التفكير واتبع حدسي
الياس والاحــــــزان ماهي ليه
لابدّ بالافراح تشرق شمسي
ماينخذل بالكون طيّــــب نيه
يومي ينسيني مواجع امسي
ماقيدت سود الليـــــال يديه
الموج يركد والمراكب ترسي
النهج واضــــح والضماير حيه
ماهمني
66
67
204
لاتقرّب للزلل خـــــــلّك بعيد
ولا تفتش ب الامور الخافيه
السعاده ماهي بلبس الجديد
السعاده في لبــــاس العافيه
خل عنك الظن واجنح للأكيد
ولا تفرّط بالقلــــــوب الوافيه
من يعاتب دايماً يبقى وحيد
لاتدوس الشوك رِجلك حافيه
#منى_الزبيدي_المالكي
#مرافيء_الحروف
66
79
193
صعبه نميــز بين طيـب وشريـر
كـل الاوادم فـي زمنّـــا تســاوت
حتـى الذي نستبشر بجيته خير
تلقى المبـادي في فعولـه تهاوت
الهرج مسك وبالفعل نافخ الكير
مابينهن يصدمك حجم التفاوت
#منى_الزبيدي_المالكي
69
79
195
مايزال الكـذب والتلفيق جاري
كل ماراجـع كلامـك زدت ..حيـره
صار ماللصدق عندك اي طاري
صاير اكذب من محطات الجزيره
#منى_الزبيدي_المالكي
#مرافيء_الحروف
62
67
191
مادام لسى الشمس تطلع من الشرق
والليل ثابت موعـــده مع نجومه
وش الذي بطباعنـا يصنـــــــع الفرق
ليــه؟ الردى بالناس بانت وسومه
صرنــا نحب المــــال ونحلل السرق
واللـي على مبداه صرنــا نلومه
صرنا بنقل الهرج اســــرع من البرق
كـلٍ على كيفـــه يفصـــل علومه
#منى_الزبيدي_المالكي
66
78
196
لاتنكر الحزن وانت الدمع بعيونك
لو ان بعـض الاوادم دمعهـا كاذب
ادري بجرحك وادري ايش مكنونك
مايبكي الحُـر إلا من غــدر صاحب
ماجيت الومك مثل ناس يلومونك
وماجيت اواسيك لجل اقوم بالجواب
ادري بك انك تحاول تخفي طعونك
تصبر على جرحك الدامي ولا تعاتب
#منى_الزبيدي_المالكي
#مرافيء_الحروف
65
98
188
من قديم اعشق تفاصيل الصباح
والنسيم إن داعب الورد ونداه
وفرحــة العصفــور لامــدّ الجناح
طار عن غصنه وحلق في سماه
والوجيه الـلــي ملامــحها سماح
راضيـه باللي عطتهـا هالحياه
ماتعكّــر يــومـها فـي شـي راح
كل يومٍ يبتدي رزقــه مــعاه
#منى_الزبيدي_المالكي
#صباحيات
51
58
186
يا مصـر الامجاد مـن طفـى قناديلك
من ساق حزن الجفاف لباهي اغصانك
ي أم الغلابه تـري حزنـك علـى نيلك
خــلا العـرب كلهـــا تحـزن على ..شانك
هـذا هـو النيــل فـي بـعده ينـاديلك
مشتـــاق وده يعــود لدافـي احضـانك
#منى_الزبيدي_المالكي
#مرافيء_الحروف
53
73
192
اصعب من الحزن والفرقا ضياع العمــر
على رجا شي في حكم الزمن مستحيل
احيــــان اخـــر خبر يشبه ل اول خــبر
ريح شعــــورك ترا حمل الامـــاني ثقيل
#منى_الزبيدي_المالكي
#مرافيء_الحروف
64
63
198
حط نفسك مكان اللي جرحته وشوف
كيف تأثيـــر غدر اللي تعــده قريب
جرح الاغراب ممكن رغم كبره يطوف
بس جرح القرابه صعب جداً يطيب
#منى_الزبيدي_المالكي
#مرافيء_الحروف
#لفته
50
76
189
الغصّه اللي بوسط القلـب مغروسه
تحــدّ نفسي على الضيـقه وتحــرقها
الليـل حالك ظـلام وغــاب فانوسه
وابطـت غيــوم الامـل ما لاح بــارقها
هذا الزمن من فهم شرعه وقاموسه
بديت اصدق قصص ماكنت اصدقها
#منى_الزبيدي_المالكي
#مرافيء_الحروف
69
96
188
من يقول الصمت مرهق للشعور
ماعرف قلبه ثقل بعض الكلام
العتب لاصــار في كــل الامور
قل على راحة مشاعرك السلام
انتظر في صمت والدنيا تدور
خل طبعك دايماً عالـي مقام
لو يطول الليل خلفه صبح نور
علم عيونك رغـم حزنك تنام
#منى_الزبيدي_المالكي
#مرافيء_الحروف
63
81
188
كان ماتقـدر على حـزن الوداع
ابتسم للي جرحــــك وسامحه
خلها تعـــدّي ولو دون اقتنـاع
لو همومك وسط قلبك سارحه
كن طويل البال قدر المستطاع
حتى لو بعض المواقف جارحه
الجفـا يحتاج رغـــــبه واقتناع
كفّ ماتقــدر تقصّه صافـــحه
#منى_الزبيدي_المالكي
#مرافيء_الحروف
53
64
189
مابيننـا موعــــد ولا بيننـا شوق
بس القلوب البيض تعشق بعضها
#منى_الزبيدي_المالكي
#بيت_يتيم
62
46
188
ليه اختفت في هالزمن فرحة العيد
صار التواصل بس حـــرف وكتابه
صرنــــا نحـط لكل الاسمـاء تحديد
نرســل وبعض احيان مامن اجابه
اعـيـــادنا صارت مجـــــرد مواعيـد
واغلب عبارات المعايــــد تشابه
#منى_الزبيدي_المالكي
58
61
193
اليوم كن الغيم يلعب مع الشمس
يحجب ضياها شوي ويعاند النور
الشمس طلتها الفجر تفتح النفس
والغيـــم كنه بالسـما در منثــور
قصــة غزلهم كنها تبــتدي همس
واللي يراقبهم علـى بُــعد معذور
ياذا السحاب اللي تعلا عن اللمس
تشتاق لك ارض وميادين وزهور
#صباحيات_الحرف
#منى_الزبيدي_المالكي
48
82
187
المطلع اللي يجي خالي من الدهشه
يمــر مثلـه مثـل غــيره كذا عــادي
المبدع اللي يجيـب الجـزل من عرشه
ماهو مثل من يهيم ب اسفل الوادي
يولـد قصيـد الغشيـم احيان مع نعشه
مهمـا يتـرزز ما بيـن النـاس وينــادي
#منى_الزبيدي_المالكي
#مرافيء_الحروف
49
70
184
حزنـــي مثل حــزن الغصــن
والــورد فــي فصل الخريـف
لمــا ل اوراقــــــــــه يحــــــن
ويشوفـــها فــــوق الرصــيف
غريـــب يبـــحث عــن وطــن
مبصــــر وهو مثــل الكفيــف
الصمـــت للكلمـــه سجـــــن
والبـــوح للعالــــم مخيــــف
#منى_الزبيدي_المالكي
#مرافيء_الحروف
64
70
181
من موجبات الرضا حسن الادب بالكلام
واكيد سوء الادب من موجبات الغضب
لطفك مع الناس يصنع لك قدر واحترام
لو ان بعــــض العرب تــــزعل بليّا سبب
ابعد عن الكذب والغيّبه وكثـــــر الملام
كثر الحكي مـــــــاوراه إلا ذنوب وتعب
#منى_الزبيدي_المالكي
#مرافيء_الحروف
58
70
174
ياكوكب الشعر هذا الليل ماله صباح
واجه لوامسيت في ارض المعارك طريح
لاتهدي الكون من شعرك لذيذ القراح
وتناقض اجمل شعر يكتب بفعلٍ قبيح
#منى_الزبيدي_المالكي
#مرافيء_الحروف
38
61
170
لا تلعن الليل لامنّه غشاك الظلام
اوقدّ شموعك وخله تنجلي ظلمته
ماينفع اللي كسره الوقت كثر الكلام
لازم يحرك على درب الامل خطوته
مايكسر الغصن لو يمسي عليه الحمام
يبقى ولو طاحت اوراقه على وقفته
احيان حربك مع الدنيا بداية سلام
كم واحدٍ بعد صدماته عـرف قوته
#منى_الزبيدي_المالكي
76
85
173
دمعة مسافر ورا حلمه وضحكة غريب
اصدق تعابير عن زحمة ظروف البشر
واحــــد مودع بلدّ ماهو مفارق حبيب
والثاني اهدر ورا الاحــــلام كل العمر
حجم التناقض مابين الناس فعلا عجيب
عيون تضحك فرح وعيـون تبكي صبر
امل بعضنا تحت رحمة يــدين النصيب
حاجه مثل ضحكة الاموات وسط الصور
78
58
181
وقفه مع النفس في زحمة ظروف الحياه
تشـوف بعـض القصص وتعيـد ترتيبها
اللـي تظنــه صحيـح يبين عندك خطاه
إذا الزمـــن فــرت ايامــــه دوالــيبها
من يهمل العقـــل بالدنيـا ويتبــع هواه
نفســـه هواها لدرب الغـي يسري بها
#منى_الزبيدي_المالكي
52
60
175
عكس اتجاه البوصـله هبت الريح
بـرد الشتا ماردتــه قفلة الباب
ماشق ثـوب الليــل غير المصابيح
والغيم كنه للقمر جفن واهداب
يبقى الغصن ثابت لو اوراقه تطيح
احذر تفــكر في زمانــك وترتاب
باب الامـــل ماله قفــول ومفاتيح
ينصك باب وتنفتـح غيره ابواب
#منى_الزبيدي_المالكي
#مرافيء_الحروف
78
82
172
من يبشرنـا عـن الوالـد الغالـي
قايد الشعب السعودي ومحبوبـه
رافعين كـفوفنا نطلب الوالـي
مـن دعـى لله ما خـاب مطلــوبه
#سلامتك_يا_ابوفهد
#منى_الزبيدي_المالكي
41
67
171
ياصاحب العقل خل الجهل ل اصحابه
خذ الامـــور ....ببســـــاطه لا تعقدها
مافيـــه شيٍ يصيــــــر إلا لـه اسبـــــابه
بعـض السوالف نصيحـه لاتصــــدقها
ترا الجـــــدل لابديتــــــه وانفتــح بابه
اهل القلوب المريضـه صعـب تقنعها
#منى_الزبيدي_المالكي
#مرافيء_الحروف
41
65
172
الكاس ممكن يفيض احيان من قطره
لاخان بعض العرب ابسط مواثيقه
والعين تكشف خبايا النفس من نظره
اذا الحكي مات في مظلم مغاليقه
راع الردى ماله الا الضيم والحسره
يجرع مرار الندم لامن بلع ريقه
#منى_الزبيدي_المالكي
#مرافيء_الحروف
45
57
163
الكذب لو يعطونه اشكال والوان
يبقى مٌصنّف تحت نفس المسمى
مامن وراه الا مهــــانه ونقصـــان
يكفـــيك عار انك بمثله تســــمى
#منى_الزبيدي_المالكي
41
67
173
عن بعض الاشياء تمنعني حدود الادب
لـو كان صمتي ثقيـل ومحــزنه صحبته
صرت اكره الليـل واترجا الصباح بتعب
اخــاف ورد الحنين يمـــوت فـي تربته
يعني ورا الصمت لومالت غصون العتب
م اقدر اجاري جريء الحرف في رغبته
#منى_الزبيدي_المالكي
#مرافيء_الحروف
53
72
170
للورد والبسمه وللشمس والنور
والليل والنسمه ..وبيض النوايا
ابكتب حروفي واعبـر عن شعور
يجـول من مـده بعـوج الحنايا
يمكن بحرفي ينجبر قلب مكسور
وارفع مقامي عن دروب الخطايا
#منى_الزبيدي_المالكي
#مرافيء_الحروف
#صباحيات_ورد
46
54
167
البارحه احترت مابين امرين
واحد فرح طاغي وواحد نكاده
لاني بفرحانه ولاخاطري شين
بالمنتصف بين الحزن والسعاده
لا ضاحكٍ سني ولا تبكي العين
مثل الغريب اللي طرت له بلاده
#منى_الزبيدي_المالكي
#مرافيء_الحروف
60
56
167
احذر من الناس يوم انك تعاملها
حاول تسدّد ببعض اوقات وتقارب
بعض البشر شر لـو انك تجاملها
لا تترك الحبـل للعالم على الغارب
#منى_الزبيدي_المالكي
41
52
167
الصبر مهما طـال لاشك له حدّ
ولا فيـه نـار الا وراهــا شراره
خذها نصيحه واوقف الندّ للندّ
للي يظنـون التلاعب شطاره
لابدّ ماتـدرك مــع الوقـت لابدّ
ان الوفا في غير ناسه خساره
#منى_الزبيدي_المالكي
61
71
174
الخطوه اللي مشت درب الغياب الطويل
يابايع الصبر درب الحزن وين اخره
من يحترم صمتي الموجع يسوي جميل
نفسى على البوح باحزاني مهي قادره
مديت كفي عطا وافي وطحت ف بخيل
والمشكله كنت في قل الوفاااااا عاذره
#منى_الزبيدي_المالكي
#مرافيء_الحروف
77
53
173
حلمك اللي داخلك من خانقه
ليه همك وسط قلبك سرمدي
الأمل وش فيه غايب بارقه
ليه يائس قبل حتى تبتدي
مدّ كفّك للطموح وعانقه
خل سقف الحلم عندك للجدي
ودّع الليل الطويل وفارقه
لاتلوم الوقت والحظّ الردي
افتح عيونً بدمعك غارقه
خلهاتشوف الدروب وتهتدي
#منى_الزبيدي_المالكي
#مرافيء_الحروف
47
90
171
من قيود الموت اهداله حيــــــــاه
حاول يفكّـــــــه وهو بيقـــــــاتله
سنّ انيـــــابه يبي يكســـر عصـــاه
عارفٍ طبعه ولا هـــــو جاهــله
رحمته فكّــــت له دروب النجـــــاه
لــــــو يجوع الذيـــب يمكن ياكله
#منى_الزبيدي_المالكي
#مرافيء_الحروف
37
90
168
وش تنتظر في زحمة دروب الحياه
ووردك اللي شايلـه من صــاحبه
من تـرك باب الامـــل مقفـل وراه
من أخذ حلــم السنـين...وراح به
ليــه عينك حــزنها واصــل مداه
هي سقت وردك وصـارت شاحبه
تو عمــرك ي فتى فـي مبـتداه
خل ثقــل الهم للي .....طــاح به
#منى_الزبيدي_المالكي
#مرافيء_الحروف
59
52
167
يبقي مكاني دايـم الدوم محفوظ
وارفع مقامي عن مسيئين الالفاظ
في ملتي دوس الخطا دوم مرفوض
ولا همنـي لو ناقص العقـل يغتاظ
عهدي مع الطولات ماهو بمنقوض
وما التفت ل اهل المكايد والامراض
واللي حكى بالناس ماهو بمحظوظ
مايربح اللي شغلته قصف الاعراض
#منى_الزبيدي_المالكي
#مرافيء_الحروف
54
74
162
ازرع -عدل- تنبت التربه امان وسلام
تلعب على غصنه المورق عصافيرها
لاتترك الخوف يسكن في زوايا الكلام
ماضيـع الناس إلا .... ســوء تفكيرها
متوسد الخــوف ماتقدر عيونـه تنام
كل ماتخلص من اوهامه يجي غيرها
#منى_الزبيدي_المالكي
#مرافيء_الحروف
67
73
166
ماينفع إلا الطهر من موبقات الذنوب
حاول تغادر من الدنيا وقلبك سليم
الحق على عمرك الباقي وحاول تتوب
من مات باقي على غيّه مصيره أليم
سنة نبيك رسول الحق نور القلوب
اقصر طريق لرضا ربك وعيش النعيم
لابدّ شمس العمرتاصل ليوم الغروب
اعـمارنا كلهـا بيديـــن ربٍ كـريم
#منى_الزبيدي_المالكي
39
78
159
ختامها مسك ولا الياس مسك الختام
تمـــدّ حبـل الرجـا ولا الزمـــن يقطعه
ياوحشة الغصن لا طارت طيور الحمام
وياوجد حالي على صوتٍ بغيت اسمعه
اشتقت للنور في وحشة هدوء الظلام
وين انت عنـي ي نور البــدر يامطلعه
#منى_الزبيدي_المالكي
#مرافيء_الحروف
#بداية_ختام
56
74
166
حكيك بغيبات البشر يعتبر نقص
وعند المواجه كن ماعندك لسان
متعدد الأوجه :كنك كـذا شخص
فارغ ولا بقلبــك ولا ذرة ايمان
هذي فعايل من تعود على الرخص
مع الاوادم عايـش بقلب شيطان
#منى_الزبيدي_المالكي
48
77
167
(البدو)هم اصل العرب ي شربل
اهل الشرف والعزّ واهل الشيمه
اعـرف مقامك وانتبـــه ي اهبل
انســان متخلف ولا لك قيــمه
لك عين تحكي والبلـد متغربل
فـي كهرباه وخبــزه وتعليــمه
عـدّل امورك قبـل ماتستهبل
واترك امور (البدو)واهل الخيمه
#اهل_البدو
#السعودية_العظمى
#منى_الزبيدي_المالكي
32
70
167
هذي بدايــــــة شتا ولا بداية عذاب
هذا اولــــه كيف ياربـي يكون آخره
الخطوه اللي مشت ليله طريق الغياب
تمرها وجيـــه في درب الزمــن عابره
برد المشاعر فرض نفسه ومات العتاب
حتى الشِعر قاسي الموقف كسر خاطره
ماعاد حرفه مثل اول يطول السحاب
سماه من روعة ابداعه ماهي ماطــره
68
58
169
حال البشر هالوقت صار يحيّر
اللي يقــول الشي يعمـل عكسه
حتى الــذي تظـن عقــله نيّـر
يمشي مابين الناس شايف نفسه
نادر تشوف انسـان قلبـه خيّـر
لامـن سقيتـه طيب يثمــر غرسه
#منى_الزبيدي_المالكي
#مرافيء_الحروف
38
57
161
لو تهب الريــح وتهز النخيل
تثبت جذوره بوجــــه العاصفه
اقتلاعه من مكانـه مستحيل
استريحــي يالقلـــوب الواجفه
الوفــا مبـدأ ولا غيــره بديل
لو جــروح القلـــب تبقـى نازفه
ياطريق الصبر يالليل الطويل
خلف طول الصمت عندي سالفه
#منى_الزبيدي_المالكي
#مرافيء_الحروف
62
63
169
أنا من تبدع الكلمه أنا من تصنع الافكار،،
بجيليه حجازيه يفاخر بي اهل واخوان
عطيت الطير من بوحي واخذ سر الكلام وطار ،،
وحلق في سما ربي يدور عن مدن واوطان
#منى_الزبيدي_المالكي
#مرافيء_الحروف
79
57
157
الحلـم لمّا يكـون اكبـر من الواقع
هو يسعد الروح ولا بس يشقيها
عمر السوالف ترا ما تغني الجايع
دام السلـع بيـن بايعهـا وشاريها
#منى_الزبيدي_المالكي
44
72
158
ريــح شعورك بانعزالك عـن الناس
ترا تجاهــل بعض الاشياء راحـــه
بعض الاوادم غاويه جرح الاحساس
تقطع عــروق الودّ باسم الصراحه
اكثــر نهايات المعاتب وجــع راس
حجم الخساره فيــه اكثـر فداحه
#منى_الزبيدي_المالكي
44
53
163
يدور الوقت في حكمه ونبقى بالمكان بعاد
ولكن حلمي الأجمل بقى في داخل اسواري
يخون الحرف احياناً ولا يرضى معي ينقاد
ولكن ماطفت شمسي ولا جفت سما افكاري
فهمت إن الزمن طبعه مع العالم كثير عناد
وانا عن أجمل اشيائي أبد ما سقت اعذاري
#منى_الزبيدي_المالكي
#مرافيء_الروف
54
70
161
الارض بين القــمر والشمس دايـم تـدور
وتطلق صباح الفرح والنور من محبسه
والعظـم يجبــر ولـو كثـرت عليه الكسور
واعــلام تـرفـع بعــد ما كـانت مـنكسه
بعـد جفـاف السنيـن الارض تنـبت زهور
ويلعب نسيم الصباح العذب مع
نرجسه
#منى_الزبيدي_المالكي
#مرافيء_الحروف
60
53
158
ياخالي البـال حزن الغدر مايرحم
لملم خناجر شقـاك وغادر الساحه
هذي دروس بحياتك شوف واتعلم
اللي مشى بالزلق ياقرب مطياحه
مـا عـاد يمديك لـو حـاولت تتكلم
بعض الحقايق تجي للــودّ ذباحه
جرب شعور النـدم والغدر واتألم
ادم نزل ارضنا باسباب تفـاحه
#منى_الزبيدي_المالكي
#مرافيء_الحروف
48
64
152
ماهي غريبه إذا ظلّت على ماهي
شينه وتبقى قلوب أهل الحسد شينه
لاهي عن الحق، نقَّال الحكي لاهي
عينه فضيحه، يبان الكذب في عينه
واهي كلامه وعذره دايماً واهي
يديّنه اللي ي��ول ...... وتبّت يدينه
#منى_الزبيدي_المالكي
#مرافيء_الحروف
36
40
151
سافرت مع حرفي لبيض النوايا
من عتمة الظلمه إلى ساحل النور
سود الظنون اول دروب الخطايا
يوم الهقاوي عاجزه وارضها بور
الشمس لامرت وجيه المرايا
تغض عنها الطرف ويعود مكسور
البوح بعض احيان مثل الهدايا
الصدق يصنع له من الناس جمهور
ماجيت ادور من حروفي عطايا
جيت اهدي الدفتر
81
56
170
مـن علـم الطيـر ...الصغيــر يـــغرد
يرسـل لحونـه بيـن خضـر غصـونه
يمحـي الضجـر فـي عزفـه المتفرد
مـن علمـه هـذا الطــرب وفنــونه
#منى_الزبيدي_المالكي
#مرافيء_الحروف
#صبح_وطيور
42
63
155
هذا اثر خالي ومسجد جدّي
وهذي صور قرآنه ومحرابه
الوقت يمضي والسنين تعدّي
مازال لأهل الدين فاتح بابه
#منى_الزبيدي_المالكي
#مسجد_العتله
#بني_مالك
43
61
149
ماكل ما يُعــرف يقـــال
ولا كل ما يُطرح صحيح
حتى النبط يعطي جمال
دون الاساءه للفصيـــح
احيـان فكـــره من خيال
تفتـح لنــا بابٍ فسيـــح
واحيـان مـن ثقـل السؤال
يحتار بــه حتى الصريــح
#منى_الزبيدي_المالكي
#مرافيء_الحروف
43
75
154
قارئة فنجان في دفتر نزار
ايقظت في داخله كل الجنون
لين اشرق من تحت كفه نهار
وفي يقينه سافرت كل الظنون
عمر نزف البوح ماكان اختيار
وفكرة الابداع وش ممكن تكون
انسكاب الحرف احيان انكسار
هو بكاء الحبر من قبل العيون
#منى_الزبيدي_المالكي
#مرافيء_الحروف
54
85
158
عادة الايام ماتعطي فرص
انتبه لاجتك فرصه لاتضيع
الذكي دوم يتعلم لاانقرص
يدري انه لو يحاول يستطيع
والغبي من عادته مايحترص
لو نصحته الف مره مايطيع
#منى_الزبيدي_المالكي
51
53
163
ريح شعورك ترا طبع السماح اجمل
من يزرع الشك يجني وحشة ظنونه
من بعض الاشخاص لو يخطون لا تزعل
لا تنتظر طيب معروفك يردّونه
عن خافي الناس لا تنشد ولا تسأل
بعض البشر تنصدم لو شفت مكنونه
الناس هالوقت ماعادت مثل اول
حتى الوفي ع��د حاجتهم يبيعونه
#منى_الزبيدي_المالكي
#مرافيء_الحروف
56
70
161
انـا بغيـبـة عبـاد الله مانـي ....طـرف
واللي اكل لحـم خلـق الله عقابـه شديد
بعـض الآوادم سوالفها تجيـب القرف
ماعنـدهـا إلا على العـالـم تعيـد وتـزيد
يارب زدنـي جهـل فيهـم وزدنـي شرف
مايقرب أهـل الحكي من كان عقله رشيد
#منى_الزبيدي_المالكي
#مرافيء_الحروف
61
73
154
لاهيّمنت ضيقة الايام واشتدّت
وتقفّلت عند خلق الله مخارجها
تطاولت كربة اهل الصبر وامتدّت
حطّت كبار البلاوي في مدارجها
ماللبشر غير ربَّ البيت لا احتدّت
يرفع عن الناس ضيقتها ويفرجها
#منى_الزبيدي_المالكي
#مرافيء_الحروف
61
92
153
امش بطريق المجد خطوه خطوه
اللي تعجّل فيه .. طايح طايح
لو خابت الهقـوات ... هقوه هقوه
اصبر لأن الحزن ... رايح رايح
#منى_الزبيدي_المالكي
#مرافيء_الحروف
43
49
153
شف السما عاليه جداً ولا همها
ماتلتف للبحر لوهو سرق لونها
والارض لما تحط الشمس في كمها
وتشر لبدر الظلام يطل بعيونها
والفجر ياخذ نجوم الليل ويلمها
ولا يسمح عيون خلق الله يشوفونها
الطفله اللي تلحف في جديل امها
وكفوفها عن غثا الدنيا يلفونها
#منى_الزبيدي_المالكي
#مرافيء_الحروف
59
62
155
انثروا حروفكم ،،
وآروني بديع قرائحكم ،،
#للمجاراه👇🏻
الكذب حبلـه قصيـر واخـره حسره
مهما تلونت غيـر الصدق ماينجي
الصادق اليوم كالقابض على جمره
في وسط زيف الكلام وبحره اللجي
#منى_الزبيدي_المالكي
51
56
152
اصبر لضيم الزمن لو هو شديد
واضحك بوجهه ولو شفته عبس
كــل ليـل ويتبعــه صبحٍ جديد
لو لمحـت النـار خـذ منهـا قبس
خل راسك لاقسى وقتــك عنيد
وابتعــد عـن كـل شـيٍ ملتبس
الذنوب أحيـان لاصـارت تزيد
عنك حتى الرزق ممكن ينحبس
#منى_الزبيدي_المالكي
#مرافيء_الحروف
39
76
153
لامات ورد الغـلا ماهو بذنب التراب
ذنب الذي اهمل احساسه ولا قدره
انا تعودت من حـزن الزمن ما اهاب
اخبي الهـم في قلبـي ولا اظهره
في قسوة الناس ماينفع ملام وعتاب
قلبٍ كسره الزمــن لابـدّ مايجبره
قلبي اظنـــه من الدنيا تعلم وتاب
ماعاد عندي على درب العفو مقدره
#منى_الزبيدي_المالكي
47
57
155
عـش حياتك حُــر لا تحـزن ابد
واطرد هموم الليالي هم هم
اتبع احساسك ولا تسمع ل احد
اخرس افواه العواذل فم فم
واطلب اللـي عـزّ طفل ٍبالمهد
فجـر الما لجـل يروى زم زم
#منى_الزبيدي_المالكي
26
45
154
يـاحرفي امطــر على اخر حدود السهر
قبـل الفجـــر يبتدي نـوره وعيـني تنـام
تعـال نرسم على الدفتر نجـــــوم وقمر
نهدي قلوب التعب حـلم وحمامة سلام
وشلون تشكي ضما الفكره وروحي نهر
تنبت على ضـفافه العذبه زهــور الكلام
#منى_الزبيدي_المالكي
#مرافيء_الحروف
34
59
154