غنيمةٍ ترقى بها الجدي و سهيل وغنيمةٍ ، منها السلامه غنيمه وخسارةٍ يطلع وراها محاصيل ألذّ من فوزٍ بطعم الهزيمه النفس تقبل مثل ماتقبل الخيل وتصد .. لو إن النعم مستديمه شيٍ تخافه من عقوبه و تنكيل وشيٍ تعافه من كرامه و شيمه

يالله بحظٍ على الدنيا يساعدني  يدركني الغيم واحلامي يحققها

ارقا سنود وزاحم الجدي وسهيل خل القدم يم المعالي سبوقه

انا سندك لا مالت عليك الأيام تميل كل الكتوف وكتفي ما يميل

بنفوسنا شيمة وبقلوبنا قيد وعلى مبادينا بدينا وبنّا وعهودنا مثل الجبال الجلاميد ماهي غصونً للهبايب تثنّا

الديار لو ربعت مهي ربيعٍ لي ربيع قلبي بعيد و خابر دياره

حالت ضعاينهم ورا بارقٍ رف احيا الوطن وأيبس كبود الأعفى

والله انك في حياتي مثل همّال المطر تحيي شعور المشاعر وتسقيها أمل

عسى سحاب المطر ماتعداك يمطر على قبرك صبح وعشيّه

الدنيا ما تاقف على احد وان تفرقنا فجوج الله وساعي

مرحبا بك في مداهيل قلب ما وطاه الا انت يا اغلى من وطّى حبه جال قلبي وشريانه

مرحبا يا ذنبي اللي ماكنّه من الذنوب ماني بـ قايل لدرب الهدايه ودّني والله إن قلبك مبدا على كل القلوب مثل ما بدّيت قلبك عليهم بدّني ماحدٍ قد ضدّني فالمعارك والحروب بس مدري كيف سلهام عينك ضدّني خاطرك يستاهل أرضيه لو تزعل شعوب والله إن أرضيه لو الزمان يحدّني

أقبلي يمي ولا لك سوى حسن القبال غير ترديد التراحيب ما أنتي لاقيه مرحبا والساعة اللي تجيبك راس مال في دقايقها نعيم القلوب الشاقيه ليلةٍ جادت بـ وصلك بعد شح الليال ليلةٍ .. ماهيب مثل الليال الباقيه

تبسّم لي فداك اللي مضى واللي بقى يفداك ترى لولا غلاك وضحكتك ما بعت خلّاني ㅤ ولا جيت أتدارك ما بقى من فرحتي وألقاك وأبيع العمر كله لا أبتسّم ثغرك على شاني ضيدان بن قضعان

رجعيني للشغف يا أعز وأغلى ماحصلي وإستغلي بسمتك لرضاي في وقت الملامه الليالي مالها وجهٍ ضحوك ومسفهلي غير لامنه بدا لي خدك الي فيه شامه أقربي لين يتلاشى حزني ويرتاح ظلي من طريقٍ فيه عيّفت القدم راس العدامه وأستريحي فوق ديباجك وفلي شعرك اللي ودي أقضي عمري الباقي تحت دامس ظلامه

اقلطي ملعون من شافك ولا رحّب وهلّا اقلطي يا ثامنة سبع العجايب لا  تراوي لعنبوك انتي  بشر  .. والا قمر  بدرٍ  تجلّى ؟ وش يساوي كل حسن الخلق جنبك وش يساوي صرت  اشكّ انّك بحر  ، نورٍ دنا حتى  تدلّى من كواعب جنّة المأوى من النور السماوي

يا حلمي المستحيل ، وفكري الساهي ما فيه حاجة ورى الأيّام ، مخلوفه إلآ من تحجّم ، المغرور ، والراهي وتشدّ بال القصيد ، وتفتن حروفه تقول : شفت القمر واحد من أشباهي وأقول : خليه عنك ، وخلي وصوفه أنتي جمال الحياة ، الفارق ، الناهي أشوفه " وكنّي أول مره أشوفه

وش عليك إن طوّل البعد يالغصن المريف السنين تخلّي الناس تترك شفّها يوم تِفرحك السحابة ويجرحك الخريف كل دمعة تعتذر لي عشان أكفّها ولا أنا قد ضاع وقتي على الضلع المنيف للهنوف اللي عباة القصيد تضفّها جادلٍ لا شاقها البرق وأغراها الرفيف السماء تقرأ عليها والأرض تزفّها

سج الركايب في نحا الوقت قدام والنفس يضمن رزقها اللي خلقها

حمدتك على خير وحمدتك على مكروه وسبحانك اللي لا ألتجى عبدك أنصفته