استراحه قليلا وامطار خير وبركه.. اللي حاب يعمل لايك دعم جزاه الله خير .. هلكني تويتر برسايل التأكيد للصفحه .. مو مقتنع اني شخص يفكر برنامج سبام .. او ماعرف والله ايش السالفه بلاغات ولا ايش بالظبط..
حاولت اطلع بصوره من هذا المنخفض ..لكن من بعد هذه الصوره لا اتوقع اجد مايغريني اكثر .. متعتي مطاردة العواصف.. وهذه الصوره كانت في مرمول انتظرنا ثلاثة ايام بالباديه منتظرا نشؤ العاصفه امامي..
شكرا للجميع اللي ما استطعت اشكره.. الف شكر للجميع ولظفار وعمان عامه.. واجب كل محب لبلده ووطنه واهله..شكرا من القلب..
استراحه قليله للارهاق ومعكم كل المعلومات..ونكمل لاحقا.. الصوره وانا داخل جدار شلال دربات ذكريات نفس هذا الاسبوع قبل سنتين مع اعصار مكونو..نكمل لاحقا
صوره حلمت فيها كثيرا ..كنت اراها من خلال المجلات والرسوم ..وتحققت بالأمس اخيرا بعد معاناه وتعب.. لحظة خيال رائعه ونادره جدا.. صوره من مطاردة الأمس برفقة الزميل قيس باتميرا..
صوره للنجوم وذيل مجرة درب التبانه..من صحاري الربع الخالي بنيابة الحشمان..طبعا هذا النوع من التصوير يحتاج كامرا احترافيه وعدسات معينه واعدادات خاصه في الكامرا لتظهر النجوم بشكل واضح.. اتمنى تعجبكم
تشرفت اليوم بمقابلة سعادة الشيخ مهنا بن سيف اللمكي نائب وزير الدوله ومحافظ ظفار في مكتب سعادته حيث اثنى على المجهود المتواضع الذي ابذله في مجالي وهذا ان دل فأنه يدل على مدى اهتمام مكتب وزير الدوله ومحافظ ظفار بالهواة والمبدعين على جميع الأصعدة شاكرا ومقدرا له هذه اللفته الجميله
نهدأ قليلا نلتقط الانفاس والوضع طيب.. التزامكم الكامل جنبنا الكثير .. شكرا لكم .. الامور طيبه ان شاء الله بدأنا الهبوط التدريجي.. باكر التركيز اكثر راح يكون ع الغربيه والمهره مع انتقال الجناح لتلك المناطق..والله اعلم
اربع سنوات يادربات وشلالاتك تجري للبحر .. كم من مزارع وكم من مصانع وكم وكم من مشاريع كانت راح تستفيد من مياهك.. نتخيل سدك لتتجمع مياهك كبحيرة عظيمه.. على جنباتها يكتض الوافدين .. نتخيل معابر وطرق تمشي عليها البشر للشلالات وأستراحات طبيعية على جنبات بحيرة السد ..
شخص ينسجن ع ٢٠ ريال وامرأه ورضيعتها تنسجن ع ٣ الف بسبب تسريحها من العمل !!.
الفرق الخيرية والجمعيات متنوعه ومتعدده .ليش مايتم عرض الحالات هذه عليهم قبل مايتم الحكم والسجن .الافضل تكون مؤسسه خيريه واحده تضم تحتها كل هذه الفرق ولها دعم حكومي سنوي من الميزانية وكذلك التبرعات الأهليه
الامور طيبه شباب جزاكم الله خير على الدعم.. شغال تمام تويتر .. بسبب كثرة التغريد يفكر برنامج ويوقف الحساب للتأكد.. يعطيني كل مره صوره بطاطس وباص وشجره وانا اختار ههههه .. يتأكد اني انسان مش برنامج ويفتح مره ثانيه هههه..الف شكر 🌹
والله المقاطع اللي يدخلوا فيها رجال الدفاع المدني عشان ينقذوا الشباب مؤسفه.. هم نفس الشي لهم اهل واحباب ويضحوا بأنفسهم عشانكم .. التزموا المنازل وعدم الخروج والاقتراب من الاوديه
والله هذه الفرق الأهلية البسيطه لو معها ميزانية تسوي العجائب وافضل بكثير من بعض الجهات .. هذا مجهود فريق طوي اعتير التطوعي .. شق طرق والاهتمام بالكهوف وتحويلها لمقصد سياحي وفتح عيون وتنظيفها وحاليا الاهتمام باشجار التبلدي .. وبمجهودهم الشخصي .. بارك الله فيهم
والله بعض البشر اقسى من الحجر اعوذ بالله .. من فيه ذرة رجوله ونخوه وشهامه ويشتكي بحرمه ضعيفه يجرجرها من محكمه الى محكمه على ٧٠٠ ريال ولا الف ريال ولا الفين.. مافيك رجوله مهما كان السبب الله يغنيك عن حرمه ضعيفه وانت تعرف انها ضعيفه .. سجنها ماراح يجيب لك فلوسك .. خلوا فيكم رجوله..
سد صلاله قوي ومتين ويستوعب كميات كبيره من المياه .. واموره طيبه ان شاء الله.. واذا فيه شي المختصين راح يوافوكم متابعين حسب ما اعرف في كل لحظه في الميدان..
مجموعه بسيطه من مشاهير دول خليجيه عملوا دعايه اعلامية ضخمه للسلطنه .. واحد فيهم فقط مشاهدات المقطع عنده ٢٢ مليون مشاهده .. وهذا التوجه جميل وصحيح ويفترض ان يستمر ويتم دعمه كذلك .. شكرا للشباب اللي خططوا وفكروا بهذه الطريقه ..
ياليت يتم تأجيل اقساط البنوك للعامه .. الكثير تضررت منازلهم وممتلكاتهم وراح يصرفوا الكثير للتعويض بهذه الأشهر .. دعمهم بتأجيل القروض لمن اراد وبدون شروط معقده تكون بادره طيبه للجميع..
كانوا معنا قبل شوي وفجأه وصل الأجل .. سبحان الله .. الدنيا فانيه وماتدري بأي ارض تموت .. من اروع الشباب وانقاهم الله يرحمهم .. قبل قليل يتراسلوا بالجروب وحاليا للقبر .. سبحان الله .. ادعوا لهم بالمغفره والرحمه والثبات عند السؤال .. ليله حزينه جدا😔😔.. اللهم اغفر لهم يارب ..🤲
أتوقف هنا ومعكم كل المعلومات..
شكرا للجميع على المتابعه ... الحمد لله طلعنا بأقل الخسائر في الارواح والله يرحم المتوفيين..شكرا لكل من تواصل وعبر بكلمه وحرف.. شكرا لفريقي فريق طبيعة ظفار لولاهم ماكان هذا الجهد..شكرا للكل بظفار وعمان عامه..
شكرا سيف همدان على المقطع..نلتقي لاحقا .
معلومه فقط ممكن تنفع احد لاحقا .. بحكم التجربه في الميدان .. المركز صحيح فاضي ولايوجد به سحب ولكنه خطير بسبب وجود جدار الاعصار حوله ..اذا مر منطقه يأثر اولا الجدار الامامي ثم المركز وتصفى الاجواء ويعود الجدار الاخر بقوه من جديد .. لذلك في حالة صفاء الجو لاتأمن بأن الاعصار انتهى.
للأسف في كل موقع صارت مثل هذه الصور .. ينحسبون على انهم بشر ولهم اخلاق وتربيه!!
تفعيل الشرطة البيئيه واجب ومهم ومطلب من الجميع.. تتصدى لهذا النوع من البشر.. وللمخالفات البيئية بشتى انواعها في البر والبحر.. وايضا مدخل وباب للتوظيف ..
#الشرطة_البيئية
ماشاء الله كميات الامطار ملأت الخزانات الجوفيه .دربات منذ اعصار مكونو سنتين والشلالات تجري للبحر .. بعد هذا المنخفض كذلك من المتوقع لسنوات قادمه تستمر بالنزول وللبحر كذلك..ياليت لو نستفيد من هذه المياه المهدره ولو بانشاء شركه اهليه لأهل المنطقه لتعبئه المياه والاستفاده منها مثلا.
تخيل .. شركه تستثمر في هذا .. ولو حتى حكوميه .. ويامكثر التضاريس بجبالنا البديعه اللي تستقطب هذا النوع من السياحه الاستثماريه.. لو بعشره ريال للرحله ماراح يتوقف يوميا .. ايرادات ذهب بس تفكير شوي واتاحة الفرصه للمستثمرين بمزاد علني..
اعرف عين مياه بمحافظة ظفار ٢٠ سنه حسب علمي وهي تجري ولم تتوقف .. وهناك عيون كثيرة تجري للبحر دون استفاده .. لو تجمع هذه المياه المهدره ويتم الاستفاده منها في عدة مجالات لقللنا بعض الصرف الحاصل من ميزانية الدوله ..
كثير من الشباب يتجولوا للتصوير .. الوقت غير مناسب ابدا ومعظم الاوديه نازله السيول فيها والطرق مقطوعه.. التزموا المنازل بارك الله فيكم ولاحقين ع التصوير
الامطار لازالت فرصها مستمره لغاية باكر كتل ممطره تروح وكتل جديده تنشأ.. اشوف الشرق صار اقل هطولا حاليا عن الوسط والغرب.. ولايستبعد نزول الامطار ولكن اقل عن الايام الماضيه والله اعلم.. تتركز الامطار غدا في المهره
هذا وقت رادار الأمطار .. لو كان موجود راح يتم تتبع الكتل الماطره على بعد مسافه طويله ومعرفة قوتها .. السلطنه تحتاج لهذا الرادار مادام انها وجهه للأعاصير ..
امطار خير وتكون رحمه للارض والعباد .. الامور طيبه ونتعداها ان شاء الله تبقى القليل.. اهم شي الالتزام بالمنازل وعدم الخروج والاقتراب من الاوديه.. مثل ماعدينا المرحله السابقه نعدي هذا المتبقي القليل..
ظفار حزينه اليوم.. شباب حملوا على عاتقهم ابراز مقومات الطبيعه واكتشاف كنوزها الطبيعية ..شباب محترفين ودرسوا كل اجراءات السلامه وليسوا هواه فقط ..شباب تركوا المدن وصخبها متعلقين بطبيعة الارض وتضاريسها وسبر اغوارها ملتزمين بكل اجراءات السلامه ولكن في الاخير القدر يحكم..الله يغفر له
ماعرف ليش الزعل والحسد من البعض
واحد من خارج البلد يتابع اعماله مئات الالاف ..قام بجهد ودخل الى عمان ونشر عن المواقع السياحيه ..وقلنا له شكرا وماقصرت
واعتقد شبابنا في كل سنه يتكرموا وكثير منهم تكرموا واعطتهم بعض الجهات مجالات كثيره.. عيب صراحه ويستاهل الاخ خليفه على جهده وتعبه
السلام عليكم ..
نلتزم بقرار الهيئه وسيتم ايقاف جميع التنبؤات والتوقعات الجويه الخاصه بالحالات الجويه في السلطنه .. ارجوا من الادارات في جميع الجروبات التابعه لنا عدم نشر اي توقعات لأي طرف الا مايصدر من الارصاد العمانيه .. وبالتوفيق
دخلت اتسوق اشياء بسيطه اساسية للمنزل وطلعت بفاتورة ٥٠ ريال .. ماقول غير الله يعين المتقاعدين واصحاب الضمان الاجتماعي .. كل الأمور ترتفع من حولهم الا رواتبهم كماهي ..
ان شاء الله تكون الامور طيبه ..قد مر علينا اقوى من هذا.. مرت اعاصير من الدرجه الثانيه والثالثه واعلى ..اهم شي الالتزام ومثل ماذكروا الارصاد الابتعاد عن مجاري الاوديه والاماكن المنخفضه وارتياد البحر ..وساعات بسيطه من الامطار الغزيره والرياح وينتهي كل شي .. الأهم الالتزام والاحتياط
راح احاول هذا الخريف ان شاء الله اغطي معظم المناطق السياحيه الجميله والمناطق الغير مألوفه احيانا للسياح .. مع توفير احداثيات المواقع .. خريف ظفار ٢٠٢١ هذا العام ان شاء الله يكون ممتع للجميع ..
ان شاء الله من بداية الاسبوع القادم تبدأ الامطار الخريفية على ظفار .. موسم جميل متوقع مع امتلاء الاحواض الجوفيه من المنخفض السابق .. وتوقع بتدفق اغلب العيون المائيه والشلالات ان شاء الله .. والله اعلم
مقطع تم تصويره لعبد الله المعشني قبل قليل لعين نوجب.. لاحظوا في المقطع بدايته بالزاويه يمين تحت حيوانات بريه.. تتوقعوا ايش هي ؟ ماقدرت احددها .. تابعوا حساب عبد الله المعشني للجديد القادم
@AAlmashnai
أكتفي بهذا القدر والكل عنده المعلومه حاليا ..حاولنا نواكب الحاله من بدايتها .تنبؤ وصور ومقاطع من جميع الولايات ونقل اول بأول وقبل الحدث وبعده والشكر لكل من تابع ودعم وأخص بالذكر اخواني فريق طبيعة ظفار من الجنوب وأخواني فريق عواصف بحر العرب من جميع ولايات السلطنه..شكرا لكم