على فكره لو شوفت محمود الخطيب كل يوم كل يوم هروح اتصور معاه وده اللي اتربيت عليه اني احترم الكبير وأقدره واحترم الناس اللي عملت تاريخ وده اللي بعلمه لأولادي انهم يحترموا الكبير ويحترموا اي حد اجتهد واخلص لبلده ولعائلته..
شكرا جزيلا لجميع الاهل والأصدقاء الذين قدموا لى ولاسرتى واجب العزاء فى وفاة والدى حسام وصفي رحمة الله عليه وعلى أمواتنا جميعا سواء بالحضور أو الاتصال أو عن طريق وسائل التواصل الاجتماعي والتمس العذر لمن لم يتمكن من تقديم واجب العزاء فى المغفور له والدى لظروف خاصة.اسالكم الفاتحة..
زمالكاوي ولكني سعيد جدا بعقلية الشحات ولد مصابر مجتهد بدأ تحت الصفر ووصل لإحراز هدف في كاس العالم للأندية والمشاركة في النهائي سعيد بانه اتبع قلبه حتى لو خسر بعض الأموال للعب في النادي الذي يشجعه منذ الصغر حتى لو كان ليس من ابناء النادي اعشق هؤلاء اللاعبين حتى لو اختاروا الاهلي
تخيلوا لو ٤ أو ٥ مستثمرين اجانب و ٣ أو ٤ مستثمرين مصريين سخنوا واشتروا أندية مصرية وبقا فيه ٥ أندية كمان زي بيراميدز!و٣٠ ماتش في الموسم زي ماتش امبارح والجمهور ملى المدرجات تاني وبقا عندنا نظام وكل واحد عارف اللي ليه واللي عليه!! حلم بحلم بيه من زمان لان دورينا عريق يستحق الحلم!
ارجوكم لا تتصيدوا الأخطاء لمحمد صلاح فليس عيبا ان يرى الرجل نفسه افضل لاعب مصري وعربي وأفريقي على مر التاريخ بل ربما تكون هذه النقطه هي مصدر قوته..صلاح لن يتكرر كثيرا استمتعوا به وافخروا انه مصري وحتى وان اخطاء من وجهة نظركم حاولوا مساعدته لانه مصدر فخر الكرة المصرية الوحيد!!
لماذا لا يتحدث باقي اللاعبين عن المشاكل التي واجهتهم الفترة الماضية لماذا يتصدر صلاح المشهد وحده؟ مع احترامي لهم يجب ان يكون عندهم القدر الكافي من الشجاعة والا يتركوا صلاح يدخل هذه الحرب ضد اتحاد الكرة وحده!! رغم أني اعلم ان في جلساتهم الخاصة يشتكون مما يشتكي منه صلاح!!
الأندية المصرية ومنتخباتنا سرقوا من قبل في أفريقيا وشمال أفريقيا بسبب الظلم التحكيمي وارى انه رغم اداء الحكام السئ بالأمس الا ان الأهلي كان أفضل في كل شيء وسيطر على المباراة ويستحق الفوز..كان هناك فريقين في الملعب واحد منهم فقط لعب على الفوز وهو الأهلي..#الاهلي_الترجي
النهارده سألت فينجر عن النني وايه رأيه فيه؟ رد فينجر خلاني فخور ان
@ElNennY
مصري..قاللي انه لاعيب محترف محبوب من الجميع دائماً يبتسم وأتمنى لو كان عندي ٢٠ لاعيب زيه!! وان و اَي فريق عنده عشرين لاعيب زي النني يبقى مش محتاج مدرب أصلا!!
شكرا اداره الوحدة شكرا جمهور الوحدة تحملت المسئوليه في ظروف صعبه و استطعت بفضل الله و توفيقه و مسانده الاداره و إخلاص اللاعبين و الجهاز الفني و الإداري و الطبي ان احقق بالفريق نتائج و اداء متميز اشاد به الجميع احترم قرار الاداره لكني سأثبت من خلال الإجراءات القانونيه اختراق حسابي
صباح الخير..بتشتم من امبارح انا وعيلتي علشان اتصورت مع كابتن محمود الخطيب..الله يخرب بيت اللي باعلكوا التعصب وباعلكوا فكرة العداء وان احنا بيننا حرب الله يخرب بيت اللي بدع اللجان الالكترونيه والتريندات..الله يخرب بيت العيال بتوع السوشيال ميديا اللي بيوزعوا صكوك حب الزمالك
الضغوط الحقيقية في الحياة آنك ماتبقاش قادر تحط اكل على الطرابيزه لعيالك اخر اليوم الضغوط ان ابوك او امك عيان وبيموت ومش لاقي فلوس ومكان تعالجه!! انما الضغوط وطلب الدعم والمسكنه لإنك بتاخد ١٥ مليون جنيه في السنه بس بتلعب وحش والجمهور بيشتمك فده اسمه علوقيه!!
السم في العسل!! تحذير الى الزمالك جمهور وإدارة ولاعيبه وجهاز فني..السم هيقدمهولك الإعلام الأحمر الموجه بأن الزمالك ضمن بطولة الدوري وان هذا الموسم هو اسهل موسم للزمالك!! الدوري مازال طويلا قاتلوا في كل مباراة واجعلوا هدفكم الحصول على اكبر عدد ممكن من النقاط..
الكره المصريه فيها حاجه واحده بس ممتعه وايجابيه وهي محمد صلاح ورغم اني ماقابلتوش الا مره واحده في حياتي وعمري ماتكلمت معاه قبل كده الا اني بدعي ان ربنا يكرمه ويفضل يلعب في احسن اندية العالم اطول فتره ممكنه لانه الحاجه الوحيده اللي بفخر بيها في الكره المصريه!
بلد بحالها لا تدين العنصرية ومفيش اي تحرك من اي مسؤول وبعض الصحفيين طالعين بيدينوا #شيكابالا حرام وعيب لا دين ولا تربيه بيقولوا كده ..للاسف مفيش حاجه نقدر نعملها الا ان احنا ندعمك هنا في مكان صعب مابقاش في حساب!!
@Shikabala
❤️❤️❤️
افشل حاجه في مصر هي الثانوية العامه والتنسيق تضع الطلاب تحت ضغط من الأهل ومن الدولة بدون اَي داعٍ ..مبروك ليكوا كلكوا اَي كان ايه مجموعك!! ماتخافش وفكر في الخطوه اللي جايه وماتخليش حد يهدك..ربنا معاكوا كلكوا وركزوا في الخطوه اللي جايه..
يوم ١٠/٢٨ سنلعب انا وحازم وحسام وإبراهيم ورمزي والحضري وبركات وجمعه احمد حسن والسقا رضوان وعماره وشوقي وصبري ونجوم اخرين ضد فيجو وتوتي دروجبا ورونالدو كارلوس رونالدينهو وريفالدو وبالاك وكل نجوم العالم بحضور ٧٠ألف متفرج
بكل بساطه صلاح ومعظم اللاعبين عانوا في الفترة الاخيرة من سوء تنظيم المعسكرات ويرى ان التحضيرات السيئه للفريق قبل كاس العالم كانت السبب الرئيسي لظهور المنتخب بهذا الشكل المتدني الرجل يطلب ضمانات بألا تتكرر مثل هذه المشاهد حتى يتوفر للاعبين المناخ المناسب للنجاح ما المشكلة في ذلك؟
امبارح دخلت محل اشتري كوفييه تقيله اخترتها جالي راجل كبير قالي ماتشتريهاش دي غاليه اوي دي كشمير وهاند ميد دي ب ١٧٠ جنيه سترليني المهم افتكرته بياع خاين عايز يخسر المحل!! سألت واحده شغاله الراجل ده بقاله كام سنه شغال هنا قالتلي ده صاحب المحل!!
فستان رانيا يوسف وحش جدا بصراحه بس انتوا مال ابوكوا هو عريان ولا لأ؟ هتنزلوا معاها القبر تتحاسبوا؟ والله والله والله ٧٠ ٪ من اللي هاجموها لو شافوها هيبوسوا ايديها ورجليها كمان!!
ليس من حق اتحاد الكره ان يعلن مساندته لأي مرشح رئاسي بشكل رسمي وليس من حق اَي رئيس نادي ان يعلن مساندته لأي مرشح رئاسي بشكل رسمي..اتعجب من افعال من من يدعون علمهم بقوانين الفيفا ويفعلون عكسها!!
ايه اول حاجه جات في دماغك وانت بتتفرج علي ماتش البرازيل والمكسيك؟ انا اول حاجه جات في دماغي ان لاعيبتنا تعبانه جدا!! فنيا وبدنيا وحتي علي مستوي الشخصيه تعبانين!! مفيش حد الا اتنين تلاته يستحقوا يلعبوا في المستوي ده!!
ما يتردد الان عن احتمالية إلغاء الدوري وتصريح رئيس نادي سموحة بأن السيد الوزير ابلغه بصعوبة استكمال الدوري تهريج لا مثيل له!! استخفاف بينا كلنا والموضوع مالوش دعوة بأهلي وزمالك بس عيب بجد ان الكلام ده يتردد في بلد تاريخها كبير زي مصر..عيب!!
"فوعزتي وجلالي ان رضيت بما قسمته لك لأرحت قلبك وبدنك وكنت عندي محمودا وان انت لم ترضى بما قسمته لك فوعزتي وجلالي لأسلطن عليك الدنيا تركض فيها ركض الوحوش في البرية ثم لا يكون لك فيها الا ما قسمته لك"
ومبروك فوز نجمنا
@MoSalah
بجائزة أفضل لاعب في افريقيا والحقيقة ماكانش عندي اي شك انه هيفوز لان الفوارق بينه وبين منافسيه كبيره جدا..مواصلة النجاح لسنوات هو اهم شيء في لاعب كرك القدم وصلاح هو أفضل من فعل ذلك في كل اللاعبين العرب..👏🏼👏🏼👏🏼
صباح الخير..أمي بقالها اكتر من أسبوع في المستشفى معزوله..خلوا بالكوا من نفسكم ومن اهلكم المرض ده صعب على الناس الكبار جدا مشاكل في النفس ونقص في نسبة الأكسجين في الدم والأدوية المضاده بتجيب اكتئاب لكن الحمد لله النهارًده هي احسن..أدعولها وخلوا بالكوا من نفسكم..
عبد الله جمعه أفضل مدافع ايسر لعب في مصر منذ اعتزال سيد معوض!! عدم انضمامه للمنتخب قرار فني كارثي!! لا احب ابدا التعليق على اختيارات المدرب خاصة قبل البطولة ولكن اسف وأتمنى ان يكون عدم اختياركم له جاء لأسباب أخرى عير فنيه لنها لو كانت فنيه فهذا معناه اننا في مشكلة كبيرة جدا!!
مباراة جيده جدا لمنتخبنا بها الكثير من الايجابيات التي يجب ان نبني عليها المبارتين القادمتين.. التاهل مازال بالإمكان!! برافو كل اللاعيبه كلكم رجاله.. #مصر_الأورغواي
كرواتيا ٤ مليون نسمه وعندهم لاعيب بيلعب في برشلونة وواحد في مدريد وواحد في ليفربول وواحد في اليوفي وفريقهم في نهائي كاس العالم..تصدير اللاعبين الشباب لأفضل دوريات العالم وعدم التمسك بهم في الدوري المحلي احد اهم النقاط التي جعلتهم على اعتاب الفوز بكأس العالم..
كيف سيحافظ الدوري المصري على القيمة التسويقية له في ظل ما يحدث الان؟ كيف سيثق المعلن في الاستثمار في دوري لم يستطع منظميه إقامة اهم مباراة به في الموسم؟ كيف سيتشجع أي مستثمر في الاستثمار في الكرة المصرية بعد ما نشاهده الان؟
مفيش لاعيب كوره في ال toplevel بيعمل اشعه ليلة إصابته لان لازم يستنوا على الأقل ١٢ ساعه علشان الاشعه تطلع واضحه ودقيقه!! يعني كل اللي سمعتموه امبارح تشخيص مبدئي !!صلاح هيعمل أشعه النهارده ومن خلال مشاهدتي للقطه اكثر من مره أتوقع ان ان شا الله ماتكونش اكثر من ٣ أسابيع..
الصيف ده كنت اول مره في حياتي اروح الساحل كان فرح صاحبي بصراحه اتبسطت جدا لكن اغرب حاجه ان انا في موناكو دلوقتي ووالله العظيم موناكو أرخص من الساحل!! الناس فعلا بتحوش طول السنه علشان تصرف فلوسها هناك!! لازم افتح اَي شغلانه في الساحل!!
ابدأ باْذن الله اخر مرحلة في دراستي في الاتحاد الاوروبي الأسبوع القادم للحصول على الرخصه A في رحله دراسه استمرت لثلاث سنوات تعلمت فيها الكثير والحقيقه ان الدراسات المتقدمه جعلتني أحب كرة القدم اكثر مما كنت احبها قبل دراستي! الخبره التي تحصل عليها كلاعب ليست كافيه أبدا!!
الوفاء للأهل اجمل ما أراه من اللاعبين الكبار بوجبا أصر على وجود أمه وأخواته معه في الاحتفالات بفوز كاس العالم ويلبس في مباراة النهائي واقي ساق يحمل اسم ابوه المتوفي وبالأمس رونالدو يظهر مع أمه في الصوره الرسمية لتوقيعه لليوفنتوس..رساله لأولادنا بأن بر الأهل هو مفتاح النجاح!!
قرار اتحاد الكرة بفتح تحقيق بشأن تقاضي بعض اللاعبين اموالا مقابل عمل لقائات تليفزيونيه من داخل معسكر المنتخب ومعاقبة هؤلا اللاعبين هو قرار جيد جدا ولكن أليس من العدل ان يشمل هذا التحقيق مدير المنتخب ورئيس البعثة وسؤالهم عن كيف تمت هذه اللقائات دون علمهم؟
اهم حاجه لازمً نحترم كوبر وجهازه ولازم ماننساش الإنجاز اللي عملوه ماينفعش نبقى جاحدين!! الناس دي استلمت المنتخب مابيوصلش كاس امّم بقاله ٣ مرات ووصلونا نهائي كاس الامم ووصلونا كاس عالم يبقى ماينفعش ننسالهم كل ده!! الناس دي محترمه أخلصت في كل يوم ودقيقه في عملهم!!
الْيَوْمَ الحمد لله التحقت بجامعة جنوب ويلز لعمل ماسترز في علم تدريب كرة القدم المتطور بِعد حصولي على الرخصة A من الاتحاد الاوروبي لكرة القدم..واستعدادا لدخول البرو في مارس ٢٠٢٠ ان شاء الله..
واحده من اذكى أساليب الحرب هي الإلهاء عن طريق الخروج على الرأي العام بقضيه فرعيه لالهاء الجميع عن القضيه الأساسيه ولو لفترة وجيزه حتى تشتري وقت لنفسك للمرور من المأزق الذي تمر به!!
ده كمان ١٠٠ جنيه كتير!! مره أخرى أطالب السيد وزير الشباب والرياضة الدكتور اشرف صبحي بالتدخل فورا لتعديل أسعار تذاكر الدرجه الثالثة بما يتناسب مع قدرات محدودي الدخل في مصر..كرة القدم هي لعبة الفقراء وستظل لعبة الفقراء وبالفقراء اعني من يمارسونها ومن يتابعوها ويشجعونها!!
Lost 37 kilos so far.. 15 to go!! Thanks to everyone who criticized me!! Thanks to everyone who mocked me!! You changed my life you made me change my life style to take a good care of my health once more!! Thanks to everyone who helped me to restart my journey again!!
الكوره اللي بنلعبها دي انتهت من العالم كله..ووالنبي يا جماعه ما حدش يقول براڤو واداء مشرف واتغلبنا من البرازيل واحد بس..احنا مابنلعبش كوره ليها علاقه بالكوره اللي بنشوفها في كل حته..
نتعجب من عدم نجاح اَي منتخب عربي في الفوز ولكن اذكروا لي اسم لاعب اخر غير صلاح ومحرز وبن عطيه وواحد او اتنين اخرين يستحقوا اللعب في أفضل ١٠ أندية في العالم!! يا سادة لا يوجد هذا هو مستوانا الحقيقي يجب ان نطور من أنفسنا ونترك الفرصة للاعبينا بان يسافروا الى أوروبا في سن صغيرة!!
يصادف عيد ميلاد ابويا نفس يوم عيد العمال وطول عّمري مابعتبرهاش صدفه!!لان ابويا كان دايما مثال للكفاح والمصابرة وكان في بعض الأوقات بيشتغل ٤ او ٥ وظائف مختلفه علشان نعيش حياة كريمة!! تحية لكل عمال مصر وكل سنه وانت طيب ابويا العزيز فكنت دائماً وتظل مثل أعلى لنا جميعا!! ٥/١ !!
اومال يا جماعة لو كان ابراهيموفيتش مصري وكل الكلام اللي بيقولوا ده كنا هنعمل ايه؟؟ في بعض الأوقات الصعبة اللاعب الذكي بيستغل الإعلام لزرع الثقه في نفسه مرة أخرى وهذا ليس عيبا..صلاح سيعود بقوة لافضل مستوى له بفضل قوة شخصيته وبفضل دعمكم له..لا تتوقفوا عن دعمه لمجرد كلمة!!
تونس ناس سابقينا شوية في التفكير فيما يخص فكرة التشجيع هتلاقي جمهور الأفريقي والنجم والصفاقسي بيعلنوا عادي فر��تهم ان الزمالك كسب الترجي ومفيش حد هيطلعهم كفره ومش وطنيين ..قول رأيك بشجاعه وشجع ناديك بس!!مش عيب ولا حرام ولا بقيت جاسوس!!ولما المنتخب يلعب كلنا نقف جنب بعض ونشجع مصر..
من أسبوع اخدت قرار اني الغي كل الابليكيشنز بتاعة مواقع التواصل الاجتماعي من على التليفون واشتريت آي باد جديد بدخل منه اشوف ايه آلى حصل الصبح وبالليل بس وانا في البيت!!!احلى قرار اخدته في حياتي!!