تركت الحُب لكم ، و أكتفيت بحُب خالد عبدالرحمن . .

النوم بدري مالنا فيه قسمه حنا السهر كنّه موصى علينا . .

الي فقدله من صدوف الزمن غالي أصبح وريث الحزن و الحال يرثاله . .

عبرةٍ في خاطري خلّت ضلوعي هشيم لا قدرت أبوح فيها ولا هي زايله . .

لـيـت قلبي يشبه لـ قلب أبو نوم ثقيل الي لو يشب فـِ أطراف ثوبه ما صحى . .

النفسية محتاجة أبـوي و صوت أبـوي و سوالف أبـوي و ريحة أبـوي و دعوات أبـوي - الله يرحمك يحـبـيـبـي أنت😔❤️❤️.

لا تقول اصبر على وجه الزمان و كوعه ما يريح خاطري كود البكى وحداني لا تواسي من كسر عمى الفراق ضلوعه خصّ لا منه فقد غالي و حاله شاني والله إن اموت ما أنسى فجعته و الروعه كيف بنسى لعنباكم واحدٍ رباني

الفقد يبقى بالصدور و بالعقول تأثير ما يمحاه يوم ولا سنه زود على كثر المشاكل و الحلول كلام واجد ما اقدر افصح عنه تمتلكني عبره عيت تزول على الفقيد الي تكفن بكفنه مرت علي أيام بعده و أنا اقول ان كان هذا حلم صحوني منه

رحت مثل طهّر السحّاب المراويح يا الي فراقك ما مّر بسهوله كنت لي وقت الظلام المصابيح و حلمٍ تباكيته على آخر فصوله وش عاد باقي غير صوتك مع الريح و جرح موتك و ذكريات الطفولة

ودّي عن الناس آخذ فاصل لحالي حتى أقرب الناس ما ودّي يخاويني لو هو على الكيف مابي شوفة ظلالي ولا ابي خوي مع الطرقه يسليني تعبت و أنا انتظر شيٍ على بالي مثل الذي ينتظر رجعة مقفيني لا ضقت خلوني أجلس مابيّ الواليّ لا صار محدٍ من الضيقة مداويني

مشغلني التفكير في بعض الأمور تجمعت في وقت واحد كلها محتاج لي مخرج و منفذ للعبور للشجرة الي تحتويني ظلها صبرت فـِ الدنيا و أنا ماني صبور شيبت من كثر الهموم و حملها أحلام في عقلي و في راسي تدور بس النهاية ما قدرت أوصل لها

تمرّك العابرين و ما تسلم عليك إلا غريبٍ طوته الأرض بـِ سنينها . . قال أنت جالس لحالك تنتظر من يجيك قلت أنتظر روحي الي ما أعرف وينها

أنيقة فكر ما أتعمد الإبهار طموحي يخلي الي ما يصير يصير . . عسى ربي يحقق لي بعض الأفكار و أشوف أحلامي بكفه من التيسير

— وهبتني ما يدهش عبادك من آيات البيان و أكرمتني في عقل ما ياخذ من الجَهَال شور . .

أضحك و خلّك لوجه الله متّوجه و المجتمع لا يضرك كثرة إزعاجه أطلق صراح الزعل و الضيق و الصجّه و أرفع كفوف الرجا للخالق و ناجهّ خذ لك من الحزن في جو الخلا سجّه حاجتك لله و مالك في البشر حاجه

عزاز النفوس من الضغوطات ما يشكون و ضعوف العرب يشكون من دقة الشوكه عسانا نموت ولا نعيش الحياة بهون و عسى الروح ترضي من له الروح مملوكه على الله كل شي به الناس ما يدرون و على الله تعالى كل الأحوال متروكه

أحلام قلبي كبيرة من كبر شاني و الصعب لأهل الصعب تتسهل دروبه مدري على وين بمشي لكن إيماني أصدق من إيمان مُذنب مستّه توبه ما طيّح الله هـالدعوات بـ لساني إلا وهي لي مقسومه و مكتوبه

— غروٍ مــدلــع من حرب من نـجـد و ربعي أهـل الثلاث المعجزات❣️. .

قليلة حضور عزيزة مقام . .

مصيونةٍ ما مازحت كل مزّاح عزيزة الخيال وضحى شناحي . .

عليك من نجد العظيمة حلايا يا الي تجرّين الخِطا عز و إجلال حره على أرضٍ كل أبوها سبايا لو يلبسن الصبح صيغه و خلخال لـ الليل فوق متونك أنتِ بقايا ليلٍ سواده نور ما مرّه اذلال يزهاك و أنتِ شيخةٍ لـ الصبايا و خيلٍ رسنها حار به كل خيّال