جايبينلهم ملاعب مكيفة وبيلعبوا في الشتا وبرده نفس التذمر نفس الناس دي بتروح بطولة أستراليا للتنس في عز الحر و كل سنة بتحصل انهيارات عادي جوه الملعب ومحدش بيفتح بقه ، حقيقي الواحد لو كان مش مهتم قبل كده فتعاطفه مع قطر اتضاعف ألف مرة اخر كام يوم
الكاميرات بتروح لصلاح بعد الخسارة عشان هو نجم ليفربول الأول زي ما بتروح لميسي وزي ما بتروح لرونالدو ، صلاح لعب ماتش هايل النهاردة وكان من احسن الناس في الفريقين انا ولا بشجع ليفربول ولا مهووس بصلاح بس هو ميستاهلش ذرة انتقاد النهاردة تحديدا
بمناسبة الحوارات النووية دي ربنا يسترها 9 من كل 10 مصريين قابلتهم وانا صغير كانوا مقتنعين ان الشكل الآسيوي ده سببه انفجار القنبلة النووية واليابانيين قبلها كانوا شبهنا عادي
عامة احساس ان صلاح ده مش مولود بره ولا اتعلم في اكاديمية مش عارف فين و حياته عادية كان بيركب فيها قطر وبيتمرمط في المواصلات ومن أسرة شبهنا وخدها من الصفر ده حلم و حلم جميل الحقيقة
دي كانت فرحة أهلنا في غزة بجول تأهل مصر لكاس العالم 2018 هتلاقي تيشيرتات و اعلام لمصر تيشيرتات لليفربول و صلاح و تيشيرتات للزمالك بفيليبس من أول الألفية وحتى تيشيرت عمرو زكي في أيامنا العجاف ، احنا مبنتعاطفش مع أشقاء هما احنا نسيج واحد اهتماماتنا واحدة فرحهم فرحنا وحزنهم حزننا ،
أيام خناقة black lives matter في أمريكا مذيع ساكرامنتو كينجز بيسألوه قالهم all lives matter اتفشخ و أجبر على الاستقالة مع انه قال كلام في واقعه حقيقي بس باطنيا ده وقت قضية معينة لما تعممها فانت بتسفه منها وده اللي كان مفهوم ، حياة الأبرياء مهمة بس اللي بيتقتلوا الفلسطينيين
٦ بطولات دوري من أصل ٨ في الأربع ألعاب الجماعية في موسمين اتغير فيهم مجلس الادارة ٣ مرات وبنجوم بتمشي في كل الألعاب هي واحدة من أكبر انجازات الزمالك ككيان رياضي عظيم في تاريخه
الدوري ده غالي عالنادي جدا أغلى دوري في تاريخنا بكل الظروف اللي اتعرضنا ليها ، الزمالك بطل الدوري لتاني مرة عالتوالي بفريق مبيدخلوش لاعب جديد وكل اللي بيحصل ان اسكواده بينقص شهر ورا التاني لكن بولاده وبمدربه العظيم و بمنظومة كاملة أهمها الجماهير صدقت لغاية ما ربنا كرمنا
أحمد الأحمر هو أعظم رياضي في تاريخ الزمالك بعيدا عن انه لاعب من أساطير رياضته وبعيدا عن ان عطاءه طويل جدا الأحمر هو المثال الزملكاوي البيرفيكت لشخص عمره في حياته ما كان عبئ عالنادي عمر ما شكيت للحظة انه هيساومك في عقد أو يقولك جايلي ملايين يستاهلها، الأحمر ابننا بضمان مدى الحياة
سنة خرافية للزمالك عموما بكل ظروفها دوري قدم وسلة ويد و بطولة افريقيا سلة في اهم نسخة في تاريخها وسوبر افريقي وتأهل مونديال يد حتى فريق الطايرة التعبان خد كاس في ديربي وتاني افريقيا كل ده بكم غريب من المجالس المعينة
يوم خسارة الزمالك من الجيش من 3 شهور بالظبط الأهلي كان عنده فرصة يتصدر بفارق 7 نقط لو لعب ال5 ماتشات المؤجلة النهاردة و بعد تساوي الفريقين لأول مرة من زمان جدا في عدد المباريات الزمالك هو اللي فارق ب9 نقط ، فرق 16 نقطة في 3 شهور
فيه لقطة جميلة أوي لفيريرا فضل يسقف فيها كتير لحسام عبد المجيد لما قرر يبني الهجمة عالأرض ويختار باص صح تحت ضغط في الكورة اللي انتهت بشوطة زيزو وميطفش ، الحاجات اللي اللعيبة بتتعلمها دي و الثقة هي اللي هتعيش
أهم لحظة في موسم الزمالك الحالي هي إدارة فيريرا للشوط التاني في ماتش الدوري مع الأهلي وتغييرة شيكابالا ، البلوت تويست اللي حصل من يومها من الأغرب في كل متابعتي للدوري متأكد ان زملكاوية كتير كانوا الشوط الأول يومها مش بس مبيفكروش في دوري لا كنا عاوزين نخرج بأقل ضرر وخلاص
حكاية سوبر اليد ده عجيبة ، الزمالك كان بطل الدوري و سبورتنج بطل الكاس اتعمل مسابقة اسمها سوبر الدوري تأهل للسوبر وقالك ايه لو الزمالك أو سبورتنج كسبوها يتأهل فريق تالت مع ان كان ممكن تلاعب الأهلي والجيش مثلا وخلصنا فالزمالك كسبها وخد بطولة و الأهلي اتأهل للسوبر فالزمالك كسبه برده
سوبر لوسيل بالنسبة للزمالك هو تكريم معنوى على موسم كبير أداه الفريق فكانت مكافئته ارتباط اسم النادي بافتتاح الملعب اللي هيستضيف أول نهائي مونديال عربي في التاريخ ، الجزء التاني هو مادي 20 مليون عالأقل من الهوا ، مشاركة كلها مكاسب في ماتش احتفالي
امبارح ميسي جرى ١٢ كيلو أكتر من مبابي نفسه التوب سبيد بتاعته موصلتش ل٣٠ كيلو عكس أغلب اللعيبة بس ده قادر يشرحلك ازاي هو قدر يكيف طريقة لعبه مع العمر و ده جزء من عبقريته
في اللحظة الحالية الزمالك هو حامل لقب الدوري للأربع ألعاب الجماعية وبطل اتنين دوري من اتنين انتهوا الموسم ده انجاز عظيم لنادي عظيم يمكن مش الأغنى ولا الأكثر استقرارا بس موجود وهيفضل موجود وبيعافر
أتمنى يكون فيه شخص عاقل يحاول يشوف قصة البنتين اللي ربنا مدالهمش نعمة البصر و أبوهم بيستغلهم في الماتشات الموضوع حزين جدا و حساس لكن حقيقي منظر المتاجرة بيهم ده بيضايقني جدا
موضوع امام لازم يتم تجاوزه هو بيحب الجمهور و عاوز يحتفل معاهم واللي حصل حصل و كسبنا و قربنا اكتر من الدوري خلاص ماتش وهيعدي وهيرجع باذن الله وحاجة يتعلم منها
صلاح كان دوره ينشر فيديوهات انسانية بشعة زي دي مجرد يشير لأطفال بتتباد فيديو بنت زي دي مجرد تشييره ممكن يجيب موجة تعاطف وضغط و مظاهرات عالأرض عشان كده أنا مش مسامح أبدا في بيان عزا حد من قرايبه من بعيد اللي عمله عشان الواجب ده ولف وكمل حياته هو حر وانا حر أكرهه للأبد
الناس هتقلبها أهلي و زمالك و مطالبات بالايقاف وهتعدي ولا لا بس الفعل ده حقير جدا والله انا بحتقر أي شخص ممكن يضرب انسان تاني بالقلم كده وفاكر انه عنده استحقاقية لفعله حتى لو من عيلتي نفسها
معلومة شيكا اللي كان بيتفرج عالتمرين وبيستنى يتصور لعب ماتشات في موسم 2004/2005 أكتر من ابراهيم سعيد ، معلومة تانية الذكرى الوحيدة لهيما في الديربي مع الزمالك انه نزل يتخانق مع جمهور الأهلي وفلافيو حط من فوقيه جولين
احسن لاعب في مصر ٢٠٠٢ ازاي معلش
انا كنت في الزمالك ٢٠٠٥
وهو كان لسه ناشئين بيتفرج علي التمرين وكان بيستني بعد التمرين عشان يتصور معايا 😁
وكانو بيقولي نفسي اتمرن معاك وبعدها سافر اليونان تقريبا 😁
والله العظيم شيكابالا ما غلط في الموقف ده بالعكس تصرفه كان عظيم و لو في أي حتة في الدنيا كان قالك شوف الكابتن اللي مهتم بلعيبته و أسرهم اللي اتهانوا أنا هتجنن من اللي حصل
عارف انت شعور النشوة والسعادة اللي كان أداء ميسي بيسببه أسبوعيا لجمهور برشلونة ، تذكير بس ان مش كل حاجة في الدنيا ألقاب اللي هي كانت كتير برده بس ليلة رايقة كل أسبوع كانت بتوفر الشعور ده اللي ميتقدرش بتمن
الأهلي أقوى نادي في أفريقيا الفارق ما بينه وبين باقي القارة انه قادر يجيب بيرسي تاو من برايتون مثلا في الوقت اللي أندية زي الرجاء والوداد مضطرة تبيع نجومها أول بأول ، اللي بيعمله الوداد تحديدا فوق امكانياته و أكتر نادي المفروض يخجل من ده هو الزمالك
بمناسبة النفس الطويل اللي كان بيتقال دايما انه مشكلة الزمالك دوري الموسم اللي فات كان مهم جدا ، الاقتناع الداخلي انك بس لو مسكت الصدارة فصعب جدا تنزل عنها كان واضح بمجرد تساوي الفريقين في النقط مع ان عالورق الزمالك ماتشاته كانت أصعب بس هي المواقف المتراكمة و تأثيرها
جمهور الزمالك من نص الموسم اللي فات مفيش ماتش مخلصش تذاكره وكانت بتخلص في توقيتات عجيبة بدأت بربع ساعة لغاية ما وصلت دقيقة في أيام زي بيراميدز و الاتحاد ، منظر جماهير الزمالك كبير و كويس عشان الناس بتدفع من جيبها وتفضل عالموقع بالساعات عشان تلحق دي الحقيقة الوحيدة
فيريرا من ٢٠١٥ بيعامل لعيبة الكورة في مصر معاملة خامات الناشئين في السلة و الطايرة اللي هو انت طويل وعندك حد أدنى تعالى هعلمك وهتنطق، نوعيات فيريرا التأسيسية دي لو انتشرت في الناشئين في الكورة في مصر ممكن تطلع أجيال عظيمة
عبدالواحد السيد كان بيقول ان عبدالشافي بلغهم بالقرار انه مش عاوز ياخد فلوس وهو مصاب حتى لو ماضي عقد لانه شايف انه كده بيظلم النادي وبياخد حق مش بتاعه رغم انه فعليا حقه، مصر مجابتش كتير زي عبد الشافي رمز في كل حاجة أخلاق و موهبة وأدب وتحسه أخوك بجد يارب حياة سعيدة لأسطورة حقيقية
خبر في الجول 🚨🚨
محمد عبد الشافي قرر تعليق حذائه واعتزال كرة القدم بنهاية الموسم الحالي.👋
شيفو أبلغ نادي الزمالك بقراره بسبب إصاباته المتكررة في الركبة.
موسم 2021/2022 الأهلي فاز أول 6 ماتشات و اتعادل مع فيوتشر في الماتش السابع 1/1 بعد ما اتقدم 1/0
موسم 2022/2023 الأهلي فاز أول 6 ماتشات و اتعادل مع فيوتشر في الماتش السابع 1/1 بعد ما اتقدم 1/0
حابب اوجه تحية لتايم لاين السهرانين مع منتخب الأرجنتين في أكثر أيامه مللا وانت بتلعب مع بوليفيا و الاكوادور ومفيش هجمة بتكمل ٢٠ ثانية من غير فاول و كنا نجيب الهايلايت بتاع ميسي عشان نخدع الصحيانين بدري ان الماتش كان حلو وانظروا ماذا قد فاتكم
انا كنت من المحظوظين اللي حضروا ٩٠% من ماتشات الزمالك الموسم ده حضرت من واحنا متكتكين في عز البرد و مسموح بألف تذكرة وحضرت وانا عندي امل قليل وحضرت وأنا يائس و وانا مرمى على تذكرتي وصباعي واجعني من الريفريش عشان ألحق أنا محظوظ ان كل الذكريات دي هتفضل معايا للأبد وهتخليني أبتسم
طارق مش مدرك المكانة اللي جمهور الزمالك خلاه فيها و مهتمش حتى بالناس اللي فضلت شهور تدافع عنه اللي هو حتى لو ماشي فأقل شئ الرد و التوضيح وانك تنهى العلاقة بشكل كويس لانك ولا أول ولا اخر واحد هيخرج عادي ، نهاية غريبة لواحد عمل كل شئ في 7 سنين عشان يبني تاريخ وجه في كام شهر هده
موضوع كهربا بسيط لأي حد عنده عقل و ضمير اللاعب اتجامل بتأجيل عقوبته ل ٣ شهور و اتاخدت كأنها شئ غلط و بعدين اتجامل بتأجيل اعلان العقوبة لغاية ما ماتش سموحة يعدي و بعد كده اتجامل تالت بتأجيل الاستئناف لقرارها ، العقوبة لو من الأول قاسية ففي ظروف مشابهة و في أوضة اللبس كمان امام
فيريرا هو مدربي اللي اتمنى يفضل في الزمالك للأبد مهما حصل ننتقده في حاجة مفيش مشكلة هو زي أي حد بيغلط و بيحسبها غلط أوقات بس مفيش حد في العالم مناسب للمكان ده أكتر منه
بغض النظر عن البلن ميسي استلم الكورة من عند الاوت وفيه فرقة كاملة مترصصين قام داخل عليهم ولا في دماغه مفيش لاعب في تاريخ الكورة دي كان قادر يصنع شئ من لا شئ ومن أي موقف هجومي مهما كانت حالته لحظة استلام الكورة زي ميسي
كارتيرون فيه 100 سبب ممكن تنتقده عليه مش منها انه كان مبسوط عالعشا في مكان عام احنا مش في حرب الحقيقة ولازم نكون مكشرين طول الوقت أحيانا بحس اندماج جمهور الزمالك الأوفر مع الفرقة ومتابعة انستجرام ابن عم اللاعب و تويتر مراته ويتعمل قصص من لا شئ في نادي مش مستقر أصلا بيكون مؤذي
زيزو مساهم في ٥٠% من أهداف الزمالك في الدوري ١٥ من ٣٠ ، ١٠ اجوال + ٥ اسيست ، النقطة الايجابية الزيادة ان اخر ٤ اجوال ليه معانا مش من ضربات جزاء ومنهم ٣ من تسديدات من بره المنطقة سواء ثابتة أو متحركة
الجميل في زمالك فيريرا انك بتلعب ماتش مثالي ضد فريق متكتل.. صبر ، كاونتر بريسينج واستخلاص كورة في ثواني ، تنويع لعب شوط مثالي لاي فريق كبير مع فريق صغير
النهاردة ولأول مرة في الموسم الزمالك يبقى اقوى هجوم في الدوري بفارق ٣ أهداف عن الأهلي واللي لساله ماتشين ، واحدة من الكامباكس الكبيرة اللي عملناها السنة دي اول ١٠ ماتشات الأهلي كان عنده ٣٠ جول وسابق الزمالك هجوميا ب١٠ اجوال
الوقائع اللي اتسبب فيها وائل فرحان ضد الزمالك ولصالح الاهلي اخر موسمين مرصودة بوضوح ده شخص بوصلته في اتجاه واحد و مش مرة ولا اتنين دي سلسلة مستمرة مع كل ماتش بيديره ، فكرة الترفع عن الكلام عن الحكام ده بيكون كويس لو حكم الدنيا رايحة جاية انما انك تسكت خالص ده مش هيوقفه عند حده
اللي عمله جمهور الاسماعيلي لازم يكون ليه عقوبات شديدة العبط اللي حصل من ١٢ سنة ونهايته كانت سودا مينفعش يتكرر وبدأ بحاجات زي دي من كل الجماهير وفي نفس الوقت كل جمهور يشيل شيلته العقاب للي أخطأ بس
بيراميدز هو الجرعة المثالية لمنافس لصالح الزمالك في الدوري فريق صعب رخم يقدر يوقع الأهلي في أي وقت ويعمل دوشة بس كعب الزمالك عالي عليه وعمره ما عدانا في الترتيب
فيريرا مدرب كبير و عظيم و آخر ماتشين تفاعله جوه الماتش نفسه يدرس ، وجهة نظري الشخصية الزمالك جاله 3 مدربين كبار بدون ترتيب باتشيكو وجروس وفيريرا أنا بثق في التلاتة و مقتنع انهم دايما يقدروا يقودونا للاتجاه الصح
الحمد لله ٤٦ حلقة من فن و هندسة حاولنا نقدم فيهم شئ كويس وسط بيئة عمل هما اخواتي فعلا و لنادي هو واحد من أهم محاور حياتي ان مكنش الأهم، احنا زملكاوية قبل أي شئ آخر والنادي ده كبير عندنا زي ما هو كبير عندكم، هيوحشني البرنامج فعلا وربنا يكرمنا جميعا في اللي جاي باذن الله
لسبب ما حملات المقاطعة المرة دي ناجحة جدا في مصر ومسمعة في كل حتة ومع كل الأعمار المصريين بيحاولوا يقولوا ان ده اللي نقدر عليه وده أضعف الإيمان ، بشكل شخصي عموما مبسوط بالموقف الشعبي المصري احنا كويسين والله وفعلا نفسنا نعمل حاجة ولو يوما ما شئ ضخم حصل بدايته هتكون هنا
انا بحترم فرحة أي شخص بفريقه أنا كنت طاير من الفرحة يعني بجول زيزو في الشرقية فمش هتكلم عن فرحة شامبيونز لكن بحتفظ برده جوايا بحاجز كبير جدا ناحية أي شخص بيستمد قوته وغرور شخصي بيطفح عالخلق من الفريق اللي بيشجعه اللي هو جو دعسناكم ونكست رؤوس الرجال فوق ياسطى انت قاعد في بيتكم
أنا بتفرج على كورة من زمان يعني وفورمة كورتوا دي من أعلى الحاجات اللي شفتها لأي حارس مرمى والله بما فيها الأسماء الكلاسيكية التقيلة الراجل معدش بيدخل فيه غير اللي مستحيل يتصد وبيصد اللي مستحيل ل90% من باقي الحراس