https://t.co/n1qibSX6U4

ويا حظ من لازَم من الليل ركعات بخشوعها وبكل حرفٍ قراها تنهى عن الفحشاء في كل عاهات وتجلي هموم النفس عقب انتهاها وصلاة ربي عدّ كل الصلاوات على الرسول اللي عرج في نداها ما حلّ ذكره في جميع البريات وآله وصحبه بالهدى من تلاها #محمد_سعد(٦)

وأصنافها فرضٍ مع جبر نفلات خمس الفروض اللي يشعشع ضياها وتر وتراويحٍ من أعلى الكرامات وايضاً رواتب للسنن هي وفاها هي معرج المؤمن لرب السماوات نور الحياة لكل عبدٍ وعاها فيها التأدب وإنكسار وسعادات وقرّة عيون المصطفى واصطفاها #محمد_سعد (٥)

والمبطلات اللي تعيب الصحيحات من يترك الأركان عمداً نفاها والاكل والشرب وكثير الجهالات والضحكِ والنظراتِ تنقص وفاها وكل الكلام اللي بغير المناجاة او من حدث ينقض من الطهر ماها والسهو يجبر بالسجود المبرات هي سجدتينٍ عن خطاها سهاها #محمد_سعد(٤)

ترتيبها مفروض دون إحتمالات وتسليمها ختام الصلاة ودعاها على ثمان إمن المواجيب بالذات سبحان ربي فوق عرشه سماها تكبيرةٍ تلزم مع كل سجدات وتسبيح للأعلى الهٍ رعاها تشهدٍ أوّل بوصف التحيات في جلسةٍ ياما نفعنا ثناها #محمد_سعد (٣)

أركانها أربع مع عشر وقفات القول والفعل الذي قد حواها نيه مع التكبير منها البدايات وقيام من يقدر على مستواها الفاتحه ركن أبتدت فيه ركعات وركوع وسجـودٍ يعزز بهاها والاعتدال وجلسةٍ للتحيات مع الطمأنينه مع ما سواها #محمد_سعد (٢)

#قصيدة_الصلاة يا من بيدّه ملك كل العطيات يا من هدى النفس العليله شفاها  نظمت قولٍ فيه وصف الجزيلات في واجب الدين العظيم وسناها القدر عالي فوق كل العبادات بين الكفر والدين فرقان طاها أوّل عمل يسأل به العبد لي مات يوم الحساب ووقفته في ضحاها #محمد_سعد✍🏻

يا سؤالٍ تاه في أرضي وسماي ويا جنون العقل ياعشق الجنون جيت لك والروح ساقت لك خطاي ترتجف من شوق حضنك يا حنون خذني لك كلي لآخر منتهاي واكتب أحلامي على حِبر الجفون محمد سعد ✍🏻

#يا_ملاذ_الروح يا ملاذ الروح يا حلمي ورجاي يا غرامٍ  أزهرت فيه الغصون يابعيدٍ نابتٍ بأقصى حشاي ويا قريبٍ بيني وبينه حصون أجمعك فيني وأشتت بك عناي وأعشقك في صمت ينطق بالعيون في حظورك يبتعد عني شقاي وفي غيابك تغرس أبصدري طعون #محمد_سعد ✍🏻

اذكرك لا هبّ صدري من لهيب الإنتظار وأذكرك لاضحكت الدنيا وانا جنبك حزين ليه رحت وصرت غايب ليه حلم العمر طار ليه تتركني أنادي وصوت شوقي ما يبين

كنت مثل النور تطرد ليل مسودّ الستار ورحت مثل الريح تسرق ضحكة المتفائلين يوم كفّك تجبر بلمسه وكفّي في انكسار صار بُعدك للمواجع سيف وكسوري سنين ياحبيبي والغياب يضم أحضان النهار ويخنق أنفاس الصباح ويسكن بليل الحنين

كيف أشوفك والمسافه بيننا قبر وسوار وكيف تصفا دنيتي والحزن بأعماقي سجين صرت أسمع صوت صمتك ساكن بكل الديار اذكرك والشوق ذكرى ماتت بقبر الحنين طاح من غصن التلاقي في يد الفرقا ثمار مرّه بطعم الوداع ومرّه بطعم الحنين

#يا_مسافه يا مسافه والطواري تشعل بجوفي شرار الحنين يضمّ صدري  والعزى جرحٍ دفين واقفٍ في ركن خوفي صارت احلامي بوار بين ياليتك بقيت وبين ذكرى راحلين كنت أشوفك في مرايا الحلم للدنيا مسار وكنت أشوفك في زوايا القلب جنة عاشقين  #محمد_سعد ✍🏻

#المناقب_فضيله يا مرحبا والبوح جر الخطاوي على طروق تبري قلوبٍ عليله فيها بيوتٍ من وحيدٍ خلاوي من هاجسٍ ما جاز له الا الجزيله الصبح يمضي يتبعه ليل خاوي والآدمي يصبر على ما يجي له العمر باهت والزمان متساوي والطيب ذكرى والمناقب فضيله #محمد_سعد

#الهلال_دائماً_وأبداً_فوق_الجميع ما للزعامه يا هلالي غير واحد السما والارض زرقا في بلادي هلالنا مجد تليدٍ في المشاهد عالمي مجدٍ في كل البوادي فوق عرش المجد والقمة تواجد يا هلال الفخر يا صرح المبادي شامخٍ كنه على الدنيا يشاهد بصمة الإنجاز في كل النوادي #محمد_سعد ✍🏻

انا الهلالي غايتي كسب النصر والنصر معنا اذا لعب الهلال شمس النهار بتنتهي قبل العصر والسما زرقا يزينها الهلال #صباحات_الهلال

#تعيب_كبستنا يا شريف اسمع وعيد العلم يا عللك تقول يا اللي لسانك تمدّه والخطايا بيّنه تعيب كبستنا واكل الاقط في كل الفصول وأنت زادك مِشّ ريحه بالخنا متزيّنه تاكل بـ جبنٍ معفّن دوده يصول ويجول مستوي في وسط  زلّك والحكاية هيّنه #محمد_سعد

#الشيب الشيب لو شفته بروس المشاهيب فخرٍ لمن صال الفجوج التعايب ما شان وجه اللي يعرف المواجيب لو نسنست في عارضيه الهبايب شيب الرجل عنوان حكمه وتهذيب عقب العنا في محكمات النوايب ما هو بشيب الخامل اللي به العيب اللي قضى عمره مع الناس خايب محمد سعد ✍🏻

يا من سكنت الفؤاد وصرت لي ظلي طيفك سكني وعنّك ماني بسالي أضحك مع الناس وهمومي تبيّن لي كني "سجينٍ" يجرّ قيود الاغلالي أجبر كسور الخواطر والوفا كلي وأنت الذي ذقت مرّك  داخلي حالي ✍🏻إنسان

#يا_صاحبي يا صاحبي ما عاد أحتاج تبرير بيض الليالي للحقايق كفتني ما يبري الذمة كذوب المعاذير لو هي حلوف أيمان ما طمنتي خابت هقاوي في وجيه المداهير يوم إن بقعا في جفاها رمتني #محمد_سعد ✍🏻

@Sara07__1