ندري البطوله ماتجي منقاده
ولا خبرناها تجينا مروّه
أمّا تجي مثل الشرف للسّاده
ولاّ تجي مثل النصر بالقوّه
يالعالمي والعالميه عاده
بينك وبين العالمية خوّه
#النصر 💛💙
ياسيدي والناس ناقد ومنقود
مير انت لاذولا ولا من هذولاك
لا لا تبين زود ما نحمل الزود
بشويش خل عقولنا تدرك مناك
تشرف نقول ان الزمن ماله حدود
تنزل نقول الارض خطوه من خطاك
قل شي لا تسكت وانا ساكت معك
لا نقضي الدنيا وحنا ساكتين
ابختنق لو ما تسولف واسمعك
الى متى برّا السوالف واقفين
تمنعني الشرهه وش اللي يمنعك
اقلّها ابد بسلام المسلمين
الله اللي اختار لك والله رمى
من عروق الخلق واهبْك الوتد
بنت صلفين الهقاوي كلّما
زاد فخر افعالهم قالوا بعد
اقطفي أللي تبين من السما
لك نجوم ولك سحاب ولك رعد
والله انك عند صدري فـ الصدر
ما على يمناك حي ولا يسار
وسط بنيانه تهيّا لك قصر
لو تشوفه هوّلك طول العمار
والعمر لو ماظفر بك وش ظفر
والقمر وش خانته لو ما استدار
#كيف_الديار ان كانها ماتشبهك !!!
أغنية من كلماتي
الحان : علي المنصور
غناء : هاني
توزيع : ماهر
#اليوم_الوطني_السعودي_90
#اليوم_الوطني_السعودي
#اليوم_الوطني
بيني وبينه الف شي ٍ نــعدّه
والخافي اكثر من صلاة المصلّين
ماهوب نقصٍ في جناب المودّه
بس انه اثقل في حساب الموازين
ماشفت انا ندّه ولا نصف ندّه
العالم الله طينته صفوة الطيّن
في كل مناسبة يذكرنا عباس وربعه بخدمتهم لنا وتعليمنا ورفعة اوطاننا وهم يعرفون تماما ان استقبالهم في الدول العربية والخليجية جاء نتيجة لتشريدهم من اراضيهم وليس جذبا لعبقريتهم .. قبل اكثر من مائة سنه كان عندهم وطن ونحن بلا دولة والآن هم بلا وطن ولادولة .. مين الأمي ومين المتعلم ؟
يقولون النهر سلطان وله عذبه وله جاله
وانا اقول النهر يقصر عن يدينك ومكنونك
سمي العز ابو خالد قصيرك ما احدٍ طاله
ينام النجم فـ ظلالك تفيّا الغيمه ردونك
جعل عظامك في الجنه
#ذكرى_وفاة_سلطان_بن_عبدالعزيز
امانه ياصباح العيد
تعايد صاحبي عنّي
وقلّه مهما كان بعيد
بعيد ٍ بالجسد وانّي
لبست من الوفا له قيد
وكلّه من حسن ظنّي
لعلّه في الغياب سعيد
وش اللي فخاطره منّي
اخبره ما يحب الكيد
ولا قاصد ومتجنّي
طلبتك ياصباح العيد
امانه بس طمنّي
بيني وبينه الف شي ٍ نــعدّه
والخافي اكثر من صلاة المصلّين
ماهوب نقصٍ في جناب المودّه
بس انه اثقل في حساب الموازين
ماشفت انا ندّه ولا نصف ندّه
العالم الله طينته صفوة الطيّن
رحم الله الفقيد الأيقونة الفارس الصقار الشاعر .. كلماته تشكل جزء من وجدان السعوديين ونرجو من الله ان تهب "هبوب الجنة" على جسده الطاهر وان يغفر له ويتجاوز عنه ويسكنه الفردوس الأعلى من الجنة.
#الراحل_محمد_العبدالله_الفيصل
#برنامج_الراحل
فاصل دهاء :-
حوار معاوية بن ابي سفيان وعمرو بن العاص :
سأل معاوية عمرو بن العاص : مابلغ عقلك ؟
قال عمرو : ما دخلت في شئ إلاّ واحسنت الخروج منه .
قال معاوية : لم ادخل في شئ قط واردت الخروج منه.
كلنا بك حضور وكلنا بك وطن
كلنا لك حزام وكلنا لك متن
جرّب اتهز يدّك ولاّ جرب تمن
فتنة بك تطيح ودولة بك تقوم
#ذكرى_البيعة_السابعة 💚
#الملك_سلمان_بن_عبدالعزيز
بيني وبينه الف شي ٍ نــعدّه
والخافي اكثر من صلاة المصلّين
ماهوب نقصٍ في جناب المودّه
بس انّه اثقل في حساب الموازين
ماشفت انا ندّه ولا نصف ندّه
العالم الله طينته صفوة الطيّن
لم نكن بحاجة "كسعوديين" لإختبار مواقف حكومتنا مع شعبها فشهادتنا بها مجروحة .. لم نشعر يوما بأننا لسنا عائلة واحدة وحينما بدأت أزمة #كورونا حصحص الحق وظهرت انسانية #السعودية ورحمتها وقلبها الكبير على رؤوس الأشهاد .. حفظ الله خادم الحرمين وولي عهده وحفظ المملكة وشعبها من كل شر.
مقادير السما قادت خطاويي على شرواك
ولا قالت ترى شرواه لا قاصي ولا داني
اشوفك مثْل غيمه والمحَل ماله دوا الاّ ماك
عسى الله يامرَك وتْطيح في قاعي وودياني
حد الوطن جيبه من العز مزرور
ياطر جيب اللي على الشوك حدّه
منّا الوفا يدّين وانفاس وشعور
تمسح على راس الرياض وتكدّه
يمسي على خيرٍ ويصبح على سرور
عينن تغني له وعينن تهده
#شكرا_ابطال_الدفاع_الجوي
#الرياض_lلان
🇸🇦💚🇸🇦💚🇸🇦💚🇸🇦💚
مقادير السما قادت خطاويي على شرواك
ولا قالت ترى شرواه لا قاصي ولا داني
اشوفك مثْل غيمه والظما ماله دوا الاّ ماك
عسى الله يامرَك وتْطيح في قاعي وودياني
مثل ما قلت لك عجّل ولا تقصر علي خطاك
مثل ما اقول لك دايم متى ما جيت تلقاني