(قُلْ بِفَضْلِ اللَّهِ وَبِرَحْمَتِهِ فَبِذَٰلِكَ فَلْيَفْرَحُوا هُوَ خَيْرٌ مِّمَّا يَجْمَعُونَ)
رسمياً طبيب امتياز/ إسلام محسن الحداد
حاصل على بكالوريوس الطب والجراحة- كلية الطب جامعة الأزهر..🎓❤️
الحمدلله الذي أتم تخرجي على خير♥️
الحمدلله الذي أتم رحلة كفاح الخمس أعوام على خير وما كان لهذا الفضل أن يتم إلا بتوفيق الله ثم فضل والديَّ وإخوتي الذين لولاهم ولولا دعائهم ما وصلت لشيء، ثم أصدقاء الكفاح ورفقاء الرحلة، فاللهم كما أنعمت فتمم♥️
خريج 🧑🎓 رسمي
#دفعه_25_طب_أزهر_دمياط
في ليالي الإمتحانات العقيمة في إحدى غرف المدينة الجامعية بالتحديد غرفة الصديق
@MohamedElneny13
نحتسى سينجل شوت اسبريسو من بن الفيومي عسى أن تمتلئ عقولنا بالفيوميات التي تعيننا على حل mcq د. خالد الفيومي..
دا اعتراف مني
إني بحب محافظة الشرقية وبحب شعب الشرقية جداً وبيدخلوا قلبي بسهولة، بس بكره المواصلات الداخلية فيها كره العمى خصوصاً العربية اللي عامله زي عشة الفراخ دي…
لما تروح معرض الكتاب تجيب مجلد ميكي وتقرأ عنواين الكتب وترجع تتكلم عن الوعي والإدراك اللي حصلك :
الوعي هيفرتك نفووووخي يا جدعان 😂
متقلقوش على الأجيال القادمة مستقبل الوعي في أمان 😂♥️
ايه ده الجو سقعة والناس قاعده في بيوتها قافله على نفسها ومتدفية ومتكتكة ..
عقلي :
يلا يا صاحبي ننزل نجيب لب ونتمشى لوحدنا ع البحر في الهدوء ده ونغوص في أعماقنا شوية وننسى الأحزان ونعدل المزاج ونروح ..🤎
يااااااه أخيراً الحمدلله خلصنا من أطول سنة، سنة كانت متعبة استمرت ١١ شهر، رابعة التي كانت ربيعاً للطب صارت أشبه بالجحيم ولم يعد يعرف الربيع لها طريق جُرَّه، فالحمدلله إنها انتهت بحلوها ومرها، خلصنا ٤ وخلاص فاضل سنة ونتخرج،ربنا يكملها على خير يارب.💙
✅♥️.Finally 8th semester done
تم عرض الملخص البحثي لنا في المؤتمر السنوي للكلية الأمريكية لأمراض القلب المنعقد بمدينة أتلانتا الأمريكية وتم نشره أونلاين فلله الحمد..
our abstract is presented in ACC annual conference and is available now online in Journal of the American College of Cardiology (JACC).
#ACC24
معدي دلوقتي وانا بتمشى من قدام المدينة الجامعية جامعة الأزهر في القاهرة وماشاء الله مدينة واسعه جداً وشكلها من بره مقبول ومباني كتيره تحسهم عزوة كبيره كده .. دا احنا عندنا في دمياط مقعدنا في عشة فراخ بعيدة عن الكلية وضاحكين علينا ومسمينها مدينه يا جدع ! اااه ي اليسون اااه..
الواحد بعد قعدته المرفهة في البيت بيبقى صعبان عليه أوي وهو مسافر تاني وسايب سريره وأوضته وواي فايه وأكل البيت وكل حاجه وراجع تاني للمدينة وأكل المدينة وقرف الكلية والحاجات اللي بتستنزف طاقته دي…
أتممت عامي ال 21 علي خير والحمدلله ، بدأت سنة جديدة من عمري وزي أي سنة بتعدي علينا بحلوها ومرها بس دايماً بتعدي بكرم وفضل ربنا ، انقضى العام الأول من العقد الثالث في عمري ، فاللهم إِني استودِعُك بعُمري خيرًا ، فاغفر لي ما مضَى وأصلحني فيما بقى ...🤎🤎✨
نختم الإمتحانات بالصوره دي بعد أطول وأصعب سنة مرت عليا في الكليه لحد الآن ، لكنها عدت بلطف ربنا وكرمه ، فالحمدلله على ما كان..🤍
#صورة_جديدة_للملف_الشخصي
اليوم مميز باللي بتعمله فيه ، مش مجرد تاريخ مميز وخلاص ..
فمتبقاش نايملي ع السرير طول اليوم ومتغطي ومستني معجزة تحصلك وتقولي أصله نفسي يبقى يوم مميز ! مميز لما يقع فوق دماغك يبططك أنت وهو يا بعيد..!
بعيداً عن التكاليف، عن تجربة والله النزول بدري مش هيفيد بحاجة ملموسة بعدين ولا هيسرع الكارير خالص، عندكوا سنتين امتياز هتتعلموا فيهم كل حاجة من A to Z (لو حابين) وزمايلكم اللي بينزلوا م بدري بعد أول شهر شهرين في الامتياز مش هيبقوا فارقين عنكم حاجة، استمتعوا بالأجازة وعيشوا حياتكم
أنا عرفت أنا مش عارف أذاكر ولا افتح كتاب ليه بصراحة كده بقى أنا مش عايز اتعلم😂 ، أنا عايز واحده تقولي يا بيبي☺️..😂
لا وتقولها بنفس طريقة الإيمو كده وتتمايع وهي بتقولها كمان 😂🌚🤝
مهو راحة فعلاً!
دا أكتر فترة فيها راحة، اللي مش عايز يوجع دماغه هيلاقي أحلى راحة.
واللي عايز ينجز حاجات كتير تنفعه في المستقبل مش هيلاقي فترة مريحة وفاضية أكتر من دي..
الناس اتعودت ع الصياح لدرجة بقت بتصيح على أي مرحلة وخلاص..
الحياة قصيرة جداً والله مش مستاهلة تضيعها في زعلك على حد خالص..اللي يجيلك أهلاً وسهلاً بيه له كل الحب والإحترام، واللي يسيبك يبقى بالسلامة وربنا يكرمه في مكان تاني..وأنت الكسبان في الحالتين..
اشتري راحتك النفسية عشان تعيش مرتاح وتروح هناك في أخرتك ترتاح إن شاء الله..
شوية فضفضة.
خد بالك أنت هتكون الجدار اللي هيتسند عليه ناس كتير أوي في المستقبل ، مينفعش بأي حال من الأحوال تسمح لنفسك إنك تطلع جدار مايل !حتى لو كانت كل الظروف حواليك مش مناسبه…!
"والتاني أبو حمالات دا اللي اسمه إبراهيم عيسى اللي سايبينه يتكلم في الدين والسياسة والفن ويقولك أصل أنا بحمي المجتمع … يا تافه دا انت مش عارف تحمي بنطلونك فعملت له حمالات، هتحمي المجتمع؟!"
من الأقوال الخالدة للخلوق مرتضى منصور
#إغلاق_مركز_تكوين
كنت مفكر الموضوع كوميكس وتريقه وكده وبس ، طلع الموضوع بجد فعلا !😂 والعيان مرضيش يقولي أي حاجة غير بعد ما كرمشتله تلاتين جنيه ، الغريبه انه بعد ما اخد الفلوس كنت حاسس جنبه ان انا العيان وهو الدكتور ماشاء الله قالي ع كل حاجه بالظبط والدنيا مشيت زي الفل😂♥️
لو في جملة أطول أكتبها في كل حتة عشان متطلعش من دماغي وعقلي يبدأ يستوعبها ويطبقها هتبقى الجملة دي..
" لا يمكنك أن تشفى أبدًا في نفس البيئة التي جعلتك مريضاً "..