طيب الراس :
ياطيب الراس قبلك طيب عبدالله
يالله عسى جنة الفردوس ميرادة
مكارم ٍ حبها الله قبل خلق الله
فقلوبكم واصبحت بفعالكم عادة
وانا ادري المدح مانت بحاجته كله
عن كل ممدوح لك من طيبك زيادة
حتى حجاجك تحسبه لانعقد زله
فوجيه مخطين قبل وجيه قصادة
@saudpoet
#بدر_حمدان_بن_ظمنه
#صفر_الجزيرة
#مهرجان_الملك_عبدالعزيز_للإبل8
على النقا .. ماناخذ الفوز ختله
نقلط على الصابور ومصامخ الروس
حنا لها يوم المواقيف عتله
وحنا لها يومنها جات بفلوس
وبعيد عن نقض المسولف وفتله
ماتكسر خشموم البنادق بدبوس
@albadr
ياسيد الشعر والشعار واللي قراك
من يوم عطني المحبة لين ماكذب عليك
تمشي وحنا ورى جرة قلمك اوراك
تعب الطريق وتعبنا وانت كل ٍ يبيك
بالله بلغ مسانا يسعد الله مساك
وشلون اخذت الرياض وليلها في يديك
الف سلامة عليك
أكتب سكوتك عن حديث الرتابه
والوقت خافه بس لاتنهزم له
قاع الورق خله بالاقلام غابه
لوغاب عنها الوسم لاتقول كم له
يموت عشب ولا تموت الكتابه
إمل القلم من داكن الحبر وأمله
اللي على ممشاك ممشى ركابه
الوسم وسمك لكن الزمل زمله
حضر في عزاء والدي قبل 25 عام واليوم يحضر في زواج ابنتي ساره.
شكرا سمو سيدي الامير سعود بن عبدالله
... من تلتفت له يموت الوقت ماذله.
والله ليعطي وعزه يقدح زنادة
صاحبي وشلون تحلف باليمين
حابس ِ قلبي تقول مود له
العطش ماينقطع من قطرتين
من بحر واحد لعشرة عد له
في ديار الملح لي جرح ٍ ثمين
قصر يبنى له وقصر يهد له
ليت حد الحزن دمعه دمعتين
كان من عامين واضع حد له
مايضحك الجاهل الا من كثر جهله
لازاد همك ترى ماللحكي داعي
لقيت قصر المديح ولا لقيت اهله
من جاك ينشد ترى ماهو بفزاعي
ماهو بانا اللي يعود حين تندهله
اصعب من قفايتي لاقفيت مرجاعي
المدح لأهل المدح مرسى جباله
والطيب مايربط على الناس بحبال
الفعل به راعيه يمدح الحاله
ماهو من الميراث تقسيم الأفعال
يستاهله شيخ ٍ يجود بحلاله
دايم وكفه للمكارم والافضال
كفه لها في كل ساعه جماله
اقرب على المحتاج من ضيقة البال
من يضري يدينه بالعطاء .. ماضرتبه
ماتمنى البخيل انه يسمى بخيل
هي كفوف ٍ كتب فيها الكريم وقرتبه
مثل خير السحاب ومثل جود النخيل
جعل يمنىِ تحوش المال مافرجتبه
ينقطع عرقها في ضيق يوم ٍ طويل
#شعر
طويل بالك تختصره المطاليب
وكبر همك لاصبح الضحك مقياس؟
اما يغير واقع الحال تكذيب
ولانقف لابواب الاحلام حراس !
والله لومكن عباده من الغيب
ماحد ضحك غير المجنن من الناس
#شعر
خلها تقصر الساعات والا تطول
ان عطن شي والا عمرهن ماعطن
تفرق الناس في عين الرضا والقبول
مثل ماتفرق اهل الشام وأهل اليمن
ونوب والله ماينفعك غير مهبول
وتدري ان الردى والطيب ماله وطن
يحق له لو يعاتبني على مهله
دايم ولكن خطا لو يلوي ذراعي
ويحق له يفرق اللحظه من الوهله
دايم ولكن خطا لو يمدح اوضاعي
ياسيدي والله ان المسأله سهله
كل واحدٍ شيخ وين نحصل الراعي
شعر :
يابنت لو شفتي لك أقمار ونجوم
عمر الأسامي ماتخلد قصيدة
ياكثره�� ناسٍ لك تطيح وتقوم
تجمعوا للزين كل يريدة
رغم المكان اللي بهم صار مزحوم
تشابهو وانتي بقيتي وحيدة
يابنت لو شفتي لك أقمار ونجوم
عمر الاسامي ماتخلد قصيدة
ياكثرهم ناس ِ لك تطيح وتقوم
تجمعوا للزين كل ِ يريدة
رغم المكان اللي بهم صار مزحوم
تشابهوا وانتي بقيتي وحيدة
ماهمني من باقيٍ لي ومن راح
بين البيوت العامرة والاشده
كود ازرقٍ من نايد الناس مزاح
الله على ضحكه ومزحه وجده
لليوم عندي من هداياه مسباح
ولليوم عندي من خطاياه وده
هذا مكانه بين هاجي ومداح
موجود له وأن غاب ماحدٍ يسده
ليته عدو ورتاح من شرهة الخل
ولايلحق النفس الوفيه وفاها
ماهوشجاع ��للي يشوفك ولا ذل
من خاف من عين المحبه حماها
وماقول وش يفرق عيونه عن الكل
الكل فعيونه ولاحد ٍ ملاها