شكرا يا اختي ام تركي على الهدية الراقية الله يعطيك حتا يرضيك

#همسه_صباحيه التجارب تصقـل العقل والقلب اللبيـب يوم بعض النـاس عيّـت تعلمـه الحيــاه إن تعدتـه المواجيب يصبح وجه ذيـب وإن تنصته المواجيب يصبح وجه شـاه مستور بن عليوي

#همسه_صباحيه أخوك ذخر أبوك لاتجرح أخوك وشلون تجرح واحدن فيه دمك أخوك لامنه تعزوا على ابوك وشلون أخوك اللي من ابوك وأمك خل العتب بابه مقفل ومصكوك إياك تزعل لا أنتحى الصوت يمك مافيه ورده ماعلى غصنها شوك أخذ الورود وشوكها لايمك عيران الجوير

#همسه_صباحيه نزعل ، لا شان الزمان وشحّت يدينه لكن قنوعين : " باللي ربنا كاتب " . ف ان شفتني ضايق ونفسيتي شينه لا عاد تشره ياخوك .. وتقعد تعاتب . المزح ، والضحك ، والنفسية الزينه ماتطلع الا [ من الراتب إلى الراتب ] #محسن_بن_تركي

#همسه_صباحيه كم من بشوت ٍ  كاويتها   المغاسل وعقب(النشا) قطع بها طيّب العود جاها  عن الواجب   برود وتكاسل ماكن  راعيها  مع  الناس  موجود بشت  السعة  يخلّي  النذل  باسل وجاهته  عمر  افتراضي ومحدود / ضيف الله ابا العون

#همسه_صباحيه والجود له يمنى وشيخ ومعازيب وانا اشهد اني في رفيقي لقيته . بس الخطا والعيب واكبرمن العيب لياحط بك معروف شخص ونسيته . من اجل هذا سمي الطيب بالطيب شطرن كتبته في يدي ماقريته رجابن. سحاب

#همسه_صباحيه لا والله الا انفضح كل مدسوس كثر الونين وعافن البيض مقدام الله واكبر شابت لحانا والروس حميد قرب ممتطي خيل الايام ياربنا العظيم لا حس حاسوس لطفك بنا نعبدك مانعبد أصنام #عبدالعزيز_بن_قالط

التزام الصمت ،، نوع من الشجاعه عيش مع نفسك ولاقلوب ٍ غشيشه لا اوجعو اهل البطر أهل المجاعه لازم ان الجوع ،، يوجعهم بطيشه الحسد والبغض كم شتت جماعه والجشع والكذب كم نغص معيشه الزمن كفيل . يكشف ،، لك قناعه من يحسب ان الأسد تغريه عيشه #عبدالعزيز_بن_قالط

#همسه_صباحيه ' اجمل محطه ذكريات الطفوله واللي بعدهامرحله مثل الافلام وقامت سنين العمرتمضي عجوله أناغفلت وراح من عمري أعوام ' للرائع👇🏻 عبدالعزيز بن سدحان

#همسه_صباحيه النقاش اللي مثل حـال المشابط يستفــــز النفس لو كانت بهيجه ، والنقاش اللي تحت كل الضوابط عادهٍ يثمــــر وتطلع له نتيجه #بدر_العدوان

#همسه_صباحيه يا رآعي آلمنصب لاجوك آلمشاكيل بآدر -[ لـ كسب آلاوله ]- كثر خيرك - لا تعتذر ؟ ترى [ لزوم آلريآآآآجيل ] ( آن كآن مآ تقضيه " يقضيه غيرك ) متعب بن مرزوق

#همسه_صباحيه ' تدري من اللي مردن الله نصيبه اللي يشب النار من بين ربعه ' وعلمٍ يقفّيبه وعلمٍ يجيبه هذاه طبعه يقطع الله طبعه ' محمد بن خربوش

#همسه_صباحيه ياكثر مافي خاطري من مشاريه وياقل ماعاتَبْت أهَلْهَا عليها . لو كل من ضيّع دروبه نباريه ان كان ضيّعنا دروبٍ نبيها . #ضيدان_المريخي

#همسه_صباحيه الفقر مثله مثل داء "الخبيث " اللاوي للكريم اللي عيونه للعلا متجهه . السلف في نظرته مثل ابرة الكيماوي تقضي اللازم وتلعب في ملامح وجهه" . عساف بن سعد

#همسه_صباحيه يلبس ، ملابسنا ، وياكل ، معانا وفي كل ميقاف"مقدم ومحشوم واثره يقدم ، بالمصالح ، اعدانا ويبيع فينا بيع بالسوق ويسوم #عبدالله_ضويحي

#همسه_صباحيه أحب الخوي اللي تجي خوته بإنصاح صدوقً عـلى زلّات نفسي يعلمني نصوحً ، صريحً ، محزمً ينذخر وسلاح اذا طبت يفرح لي واذا اخطيت ينصحني ذائقه

#همسه_صباحيه #بوح_آخر_الليل في تالي اللـيل قمت بخـوف مستنفر أناجي اللي ينَجّي .. من لجاء صوبه يغويني إبليس واذنب وارجع أستغفر لأن ربـي غفـور ........ ويقبل التـوبه مـا دام الإنـسان لا يـشـرك ولا يكفـر ربـي عفـوٍ كـريمٍ ....... يغفـر ذنـوبـه #النجم_العالي

#همسه_صباحيه الطيـب لا منـّك رقيـتة يوصـّـلك اليـا مشــيتة غانـم العـلـم وداك وان ما حفظتة باول الدرب حوّلك ثم راح يـم غـيرك وقـفـّى وخـلّاك يا مدوّر الطـولات ما هو بجاهِلك طيبك يبيّن مـن جـمايل سواياك والوقـت لو انه قـسى ما يبـدلك يمناك تبقى بكل الاحوال يمناك #فلاح_السدير

#همسه_صباحيه لاتكتب ، الا ، مايسرك ، اليامت ويبقى الغيرك شاهدن عن صفاتك اللي ، عليها ، مازعلت ، وتندمت وكسبت فيها الاخره في حياتك #عبدالله_ضويحي

#همسه_صباحيه الرفقه اللي ما تورّد على الطيب حذراك منها يا حميد المساعي . ممشاك مع ناسٍ ملتها العذاريب أشر من ممشاك بين الأفاعي . #خالد_الهدباني

#همسه_صباحيه من تردى في ابن عمه ترى مافيه فود كيف ضيع راس مــالـه ويبغي فـايده لابغيت تمكن الـعـود بعيون الحسود خـل زلات ابـن عـمـك وذب الـنـايده لا تـعـود للسوالـف مسـامـيـر الكبود الـسنـافي عـزة النـفـس مـن عـوايده ذيب بن دخيل الحبابي