انا بقت عندي رغبة في اللمس أكتر، احتياج للوجود المادي للناس صوت وصورة، اللمس والأحضان وحتى الصمت في وجود بعض. جنب بعض، قدام بعض، شايفين بعض، احتياج لعدم الحاجة انه بس الكلام هو الطريقة الوحيدة اللي بنقدر نتواجد بيها في حياة الآخرين، مابقاش عندي القدرة حتى أشرح مالي.
صباح الخير، كُنت عايزة اقولك ان انا بحس ساعات اننا مصنوعين من النور اللى اتنسجت مِنه الأحلام. النور ده عارفه؟ اللى الناس ام قلوب نضيفه بتشوفه جوانا، بتشوفه فى روحنا حتى واحنا فى عِز عَمانا. انا، شايفة النور جواك كأنه طالع من الشباك اللى قدامى ده..
ومعاه مزيكا. سامع صوت المزيكا؟