@MarkRuffalo
What else do you call the killing of little children ans innocent civilians?
It is blatant genocide👏🏼it is ethnic cleansing 👏🏼 it is an apartheid 👏🏼
عارفين اما تبُصوا على حد كدة وتحِسوا يا لهوي أنا بحبك اوي؟ انهاردة في نص السوبر ماركت لقيت محمود واقف بيطَبِل على بطيخة عشان يختبر إحتمالية إنها قرعة and at that moment walahi el 3azeem we were infinite
ستوري تايم: أنا بعد ما خلصت igcse سافرت نيوزيلاند عشان بابايا كان عايش هناك وأنا كنت عايزة أدخل جامعة هناك، المهم رُحت في شهر ٩ والدراسة بتبدأ في شهر ٣ (الsouthern hemisphere بقا والجنان بتاع الصيف والشتا المقلوب).
إكتشفت حاجة في جدتي مؤخراً جداً. هي ساعات فجأة تجيبلي أكل سُخن مثلاً وتقوللي عايزة؟ او برتقالة مقشرة ومقطعة، او شوية فسدق متفصصين جاهزين، وانا ساعات آخُد الأكل او لأ على حسب مزاجي وشهيتي وكدة. إكتشفت انها بتبقى عاملة دة لنفسها، بس بتجرب تديهولي الأول، لو ماخدتهوش بتاكله هي
المهم إمبارح إكتشفت قد ايه أنا بحترم صداقات الشباب/الرجال العابرة للمستويات الإجتماعية. معظم البنات مبتعرفش تعمل كدة. إنما الولاد، عادي تلاقي شلة فيها إبن عمرو دياب وابن خالتي وبتاع الولعة عل قهوة وبتبقى شلة متآلفة أشبه بأحلام نومة العصر عادي.
تالت صدمة ليك في باريس لما تقف بالساعات في طوابير اللوفر علشان تشوف الحجة منى ليزا ، أشهر لوحة فنية في العالم ، و في الآخر تلاقيها أصغر من اللي عندكم في الصالون 😭😭
حاجتين أبويا كان بيعملهم وأنا صغيرة يبانوا تافهين بس بيأثّروا فيا جداً: ١) إنه ماكانش بيغصبني على أي نوع أكل ٢) وإن لما كانت تيجي أغنية بحبها على الراديو وإحنا وصلنا، كان بيستنى معايا في العربية أسمع الأغنية لحد ما تخلص. بحِس إنه كان مِحترِم حاجات ضغيورة أوي في كائن قد النقطة
Him trying to hold it together and only allowing himself to cry when he was hugged and felt safe enough to let go😭 his little heart i cant walahi i cant
انا ومحمود اكتشفنا في العمارة اللي قدامنا شباك فيه اتنين بيصلوا. المشكلة ان احنا وهما بنصلي باصين لبعض، ومفيش حل غير ان الكعبة اتنقلت للجنينة اللي بين العمارتين تحت 👏🏼
جدتي كانت مكتئبة شوية قلتلها ما تيجي معايا الغردقة غيّري جو، بس أنا حكون بشتغل من ٣ لبليل كل يوم ومش بعمل حاجة أوي. المهم جت معايا وإتعرفت على ست تانية في الأوتيل مكتئبة برضو وجاية تغير جو، والإتنين بينزلوا البحر سوا ويأجروا مركب سوا وحاسة إني فجأة I believe the movies
“Don’t fear the man with turban and long beard”.
The father of the little girl Reem used her earring like a badge because it’s the only souvenir from his beloved daughter.
والد طفلة يحتفظ بقرطها "حلق" كتذكار بعد ارتقائها في قصف على غزة
آخر رمضان ليا في المدرسة (يعني ٢٠١٢) سمعت مرة عمرو خالد بيقول ان ربنا بيحب العبد الزنان، كتبت ورقة فيها ٦ دعوات وكل يوم في رمضان بدعي بيهم.
من سنتين ماما لقت الورقة وبعتتهالي عل whatsapp. كللل حاجة في الورقة اتحققت، وكانت دعاوي تقيلة اللي هو يا رب الاقي حب حياتي وآخُد منحة وكدة
جماعة لو حد مر بتجربة ان ربنا استجاب لدعوة كان بيلح بيها ياريت يعرفني، مش عايز اعرف الدعوة اكيد بس كي يطمئن قلبي، اعملوا كوت او ري بلاي بآه او لا.
انا مريت بتجارب ياما اكيد بس عايز بصيص من الامل.
وياريت لو تدعوا لاخوكم في الله والانسانية بالعفو والعافية ودوام الستر.
في مود أحكي حكاية. ريدي ستيدي جو
وانا بعمل masters، البحث بتاعي اتقبل وكان المفروض ا-present في conference حيتعمل في finland. الجامعة حتدفعلي الطيران ويومين هناك وحتديني مصروف في اليومين عشان الأكل والشُرب.
طلبت من الجامعة انهم يحجزولي الطيارة راجع بعد ١١ يوم مش يومين..١
نفسي كبنات مش محجبات ناخد موقف من الأماكن اللي مش بتدخل محجبات ونبطل نروحها إحنا كمان بحيث نثور على كمية الوساخة والطبقية. إزاي بجد القانون المصري مش مجَرَم حاجة زي كدة؟ دة ولا كأننا في أمريكا في القرن اللي فات لما كانوا بيكتبوا no colored
مش عارفة أجيبهالكو ازاي بس أي حد مهووس بحاجة، حتى لو الحاجة دي ١٠٠٪ صحية ومفيدة وجميلة وممتعة، بتنفِخ منه. مثلاً حد مهووس بكلاب الشارع وانقاذهم وحقوقهم، مع ان دي حاجة جميلة ونبيلة، إلا إن الهوس ذات نفسه بيخنُقني. الإعتدال underrated موت والله
كل ماجي اقنع محمود بأي حاجة غالية (سفر مثلاً) اقوله "احنا دلوقتي نقدر، بعد كدة لو جبنا baby مش حنعرف"
امبارح قام قايلي "ايه الطفل اللي من قبل ما ييجي وهو مطلع ميتينا مصاريف دة؟" 🤣🤣🤣
ستوري تايم بعنوان: أنا ضِعت في الصين 🤡
انا وصاحبتي كان نفسنا نسافر مع بعض جداً وقررنا فعلاً نروح تايلاند انا وهي بس. هي حتسافر من مصر وانا حسافر من كندا ونتقابل هناك. انا حوصل على Bangkok الأول، حروح على الhostel واستناها هناك، كانت حتوصل بعدي ب ٥ ساعات.
مرة انا وجدتي طلعنا مع ياسمين صبري في الأسانسير، هي طالعة التاني واحنا الحداشر. تيتا قلبت fangirl عنيفة وقعدت تقولها "دانتشي قمر. دانتشي قمر في التلفزيون وفي الحقيقة قمرين" وهي "شغالة "شكراً يا طنط ربنا يخليكي"، وتيتا ماسكتتش لدرجة انها فوتِت دورها وطلعت معانا لحد ال١١ ونزلت تاني
أنا والله بحاول ماتكلمش في الموضوع عشان إكتئبت، بس إنتوا عارفين ايه اللي بجد بيكسر أكتر من التحرش نفسه؟ إنك تستنجد بحد في الشارع بعد التحرش ومحدش يعبرك. دة اللي بجد بيقهر ويكسر وبيخلي الحادثة مش فردية، كأن الشارع كله والمجتمع والناس ضدِك.
أحكيلكو قصة رمضانية؟ أوكيه. من ٦ سنين حسيت بذنب طفيف كدة عشان طول النهار أقرا كتب وعمري في حياتي ما قريت القرآن من أوله لأخره زي الناس، وإللي قريته منه، قريته كر من غير مافهم، ف وعدت نفسي إني في رمضان حقراه كله بالتفسير، وقد كان.
جماعة عندي مشكلة في النت، فنازلة Vodafone أصلحها عادي، جدتي (فوق ال80 سنة، منعرفش بضبط عشان بقالها ١٠ سنين بتقول انها 72) قالتلي "حاجي معاكي، أنا بسلك في الحاجات دي عشان ✨بيفتكروني ست كبيرة✨فبيعملولي اللي انا عايزاه"
مجرد بيفتكروها ست كبيرة إنما هي في الحقيقة مش ست كبيرة💚
بحب أوي الڤيديو دة.
"بيجيلي بليل يقوللي قتلتني ليه؟"
بيفكرني بحاجات كتير. أولها إن فِطرة الإنسان وضميره بيقلبوا ضده بعد ارتكاب ذنب فادح زي قتل نفس بشرية بدون وجه حق: طفل بريء. ممكن يقولوا لنفسهم ألف مرة: أصل حماس، أصل أطفالهم مشاريع إرهابيين، أصل أصل أصل، بس .. ١
في شركة برضو كنت مقدمة فيها وجالي rejection من قبل حتى الphone screening. لحد كدة عادي. بعتولي بعديها بيومين قالولي إحنا آسفين جداً عملنالك rejection بالغلط، ينفع تقدمي تاني؟ قدمت تاني، جالي rejection جديد اليوم اللي بعده؟؟!؟!؟
صحابي في جروب الواتساب بيتكلموا على ان شيرين وحسام رجعوا، فببعت ڤويس نوت أبدي فيه برأيي. بعد ما خلصت جوزي بيقولي "بتتكلموا على مين؟"، قلتله "شيرين عبد الوهاب"، قاللي "دي صاحبتكم؟" 😭
بحب جداً لما الستارة تفتح على الطبقة الجامدة/الواصلة/الغنية في مصر ونلاقيها بتبلبط في نفس ماسورة المجاري بتاعة الطبقة الياااااااااي اللي هما مش بيحبوها.
امبارح رُحت أول therapy session وأول سؤال كان "إنتِ هنا ليه؟" قلتلها "بعيَّط كتير أوي" وقعدت ال٤٠ دقيقة كلهم بعيط 😅 لا تفتكر إني بأڤوَر ولا حاجة بُصي بقا بعيّط وبالدليييييييييل يا ضوقتورة
في بنتين أوكرانيات جُم كندا من ٦ شهور وانا وجوزي ساعدناهم في حاجة. المهم بنت منهم كانت ناسية حاجة في البيت، جوزي نزل يديلها الحاجة وطلعلي ب بوكس macaroons. انا اتخضيت قلتله انت اكيد مافهمتش وخدت اكلها، وخليته يتكلم بسألها لو هي جايباهولنا فعلاً ولا ايه..١
والله طول م-انا مصاحبة محمود كنت بحب اوي ريحة لبسه وآاخُد الhoodie ألبسه وأشمشم. المهم أول كام مرة رحتلهم البيت سألت مامته هي بتستعمل ايه عشان تخلي كل هدومه ريحتها جامدة كدة، قالتلي ariel عادي. ترا طلعت ريحة مُحن البدايات🥰
في مقولة قريتها زمان وعجبتني أوي وفعلاً بتساعدني في التعامل مع الحزن.
"لكل شئٍ زكاة، وزكاة القلب حزنه"
ضرايب بندفعها على أيامنا الحلوة ومشاعرنا اللذيذة. شر لابد منه
مرة أول ما تعرفت على محمود خالص سألته ايه أحلى أغنية عربي بيحبها عشان أديله فرصة يقوللي أغنية مثلاً فيها hints انه معجب بيا وكدة، قاللي انه مش بيسمع عربي، قلتله بس أكيد في أغنية بتحبها يعني، قاللي الشمندورة 🥴
والله ما عارفة أتلم على نفسي. مش عارفة أعمل حاجة مش عارفة أحِس ب ايه. لو قفلت التليفون والأخبار بحسِني خاينة، لو فتحته وقريت وقعدت أعيط بستكتر على نفسي الحزن، أومال هما يحسوا ب ايه؟ يعملوا في نفسهم ايه؟ لا طايلين يعيشوا ولا حتى يموتوا بسلام. رحمتك يا رب ونبي رحمتك احنا في عرضك
انا نفسي أقول جملة من كلمتين بس: كانت فين النقابات وقيم المجتمع وأزواج الستات برجولتهم الهشة ومواقفهم الفارغة لما الستات كانت بترقص في لجان الإنتخابات؟ كانوا فين كلهم؟😶
بقول للwaitress "رأيك آخُد latte ولا hot chocolate؟" قالتلي انتي بتحبي القهوة ولا الشوكلاطة؟ قلتلها الإتنين، قالتلي خلاص يبقى mocha
سؤال واحد من ٣ كلمات: تقبلي يا بنت الحلال تيجي تحليلي كل مشاكل حياتي بالشكل دة كدة بضبط؟
حصل أكتر حاجة كيوت دلوقتي. وأنا ماشية على الرصيف في بنت ماعرفهاش جاية في وشي كانت لابسة فستان أمور أوي فبقولها "i love your dress” في نفس اللحظة وهي بتقوللي "i love your pants” ااااااه 😭😭😭💚
ماما بتقوللي إن أول يوم حضانة ليا وصلتني والنواني كلها بتعيَّط بقا مش راضيين يسيبوا أمهم، بس أنا بصيت لماما قلتلها "مش حتمشي بقا؟" قامت هي اللي معيطة من قسوة طفلتها. طول عمري سترونج إندبندنت والله👏🏼
ستوري تايم: مرة زمان أوي أنا ومحمود كنا لسة متصاحبين وقاعدين في النادي وكان عنده إمتحان في كليته ومكنش بيلاقي ركنة دايماً، ف قالي تعالي معايا الكلية، أنا حنزل، وانتي خدي عربيتي ارجعي بيها النادي، وتعالي خديني تاني بعد 3 ساعات
انا بقى بحس الرجالة في مصر عندهم قدرة خااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااارقة في انه يطلعوا الست - المقتولة - هي الغلطانة في القصة
ماتفرجتش لسة على اي مسلسل في رمضان ومش عارفة لو حتفرج بس لسة قارية ان نيللي كريم عاملة مسلسل عن مشاكل الستات في محكمة الأسرة وعندي قصة شيقة أوي 😋 لازم أحكيها معلش
انا بحس الرجالة الصعايدة باللهجة دي والهيئة دي هما تجسيد مصر بجد يعني الراجل دة شرايينه هي فروع نهر النيل وسماري ولوني مصري وانا اقدم شارع فيكي وآمالك من اللي باليكي بجد وحقيقي مش كلام أغاني
main observation is that faten looks 1950s kind of beautiful, but omar el sherif, oh myyyyyy, he looks 2021 sexy. he is this moment's hot shot. He is now's bomb. im down bad
الراجل يبقى راجع شاري طلبات ويقوم يقولك "جبتلِك كيس مكرونة" جبتلي أنا بالذات؟ لشخصي يعني؟😅 اسمها "جبت" كيس مكرونة. هو البيت في اللحظة دي من الزمن كان محتاج بضعة مكرونات وانا المُتلقية فقط. لو حد عايز "يجيبلي" حاجة، بجيبلي tennis bracelet شكراً 😘
اول مرة اشوف نونو محرج انه بيبكي وبيداري دموعه☹️. دة شُغل الكُبار عشان مش مسموحلنا نعيَّط في أي وقت، النونوز بيصرخوا ويجعّروا في أي حِتة/وقت بمنتهى البحاحة عادي☹️ مكسوف ليه يا قلبي بس، عايزة أعبي دموعه واعمل بيها شوربة☹️💚
بحب أوي مصطلح "ااخد بعضي" وأنزل. كيوت أوي وبيدي إنطباع إن ١) أنا كذا جزء، ٢) مش كل الأجزاء دايما عايزة نفس الحاجة، ٣) إن أنا وأجزائي أصحاب وبن-هانج أوت سوا بقا ومنتهى السكواد جولز بصراحة
انا بقعد مثلاً تلات أربع أسابيع منتهى النشاط، بخلص اللي ورايا في شغلي، بكلم كل الناس، بهزر، بهرج، بنظف البيت، عبارة عن تور الله في برسيمه. وبعدين بيجيلي إسبوع أنا والصابونة اللوكس واحد، جماد قاعد على الحوض لا يرى لا يسمع لا يتكلم.
جماعة انا عشت برة مصر ٩ سنين من حياتي، أقصى حاجة حصلتلي كانت إن "مرة" حد صفَّرلي في الشارع، أو حد يطلب رقمي بأدب. في مصر أقل حاجة بتحصل إني بيتقالي "يلا يا شرموطة" زي السلامو عليكو بجد، وأقصى حاجة حد يلمس/يضرب/يشد جسمي غصب وإهانة وذُل. بحِسكوا عايشين في كوكب تاني والله.
للأسف في ناس مصممة تقلل من مشكلة التحرش في مصر بقول إن "ما ده بيحصل برة كمان عادي". يا جماعة الكلام ده مش صح، fake news, وياريت ماتكرروش. فيه أدلة وإحصائيات تثبت إن الكلام ده غلط و إن مصر مش آمنة للستات وفيها مشكلة مقارنة ببلاد تانية. الكلام ليه معنى وعيب لما نقول أي كلام.
تخيل حد بيقول على واحدة "روح الروح" والواحدة دي تكون ماتت. روح روحه ماتت، فاضله ايه طيب؟ انا عايزة أموت والله بجد عمري ماكنت متصالحة مع الموت زي الأيام دي، أنا فعلاً حاسة إن الحياة دي حزينة جداً وأملي كله في اللي بعده
مشكلتي في النوع دة من الactivism انها مش بتحاول تعاقب المجتمع اللي مش متقبل شيء طبيعي وبيولوچي كل الستات بتمر بيه طول الوقت، تؤ تؤ تؤ، هي بتعاقب نفسها بحيث لا المجتمع حيتقبلها برضو، وكمااااان حتبقى نكتة القعدة+شكلها خرا🤣 ربنا يوفقكم يا بنات بس that’s not it
بقرا كتاب "أبي الذي أكره" وفي حِتة بيتكلم عن الناس اللي مش بتعرف تتكلم في الفلوس حتى لو كان ١٠٠٪ حقها (زي مُرتبك مثلاً في الشغل) بيبقوا ناس حاسين انهم مايستحقوش الفلوس دي عشان كدة كدة هما مش كويسين كفاية😬
حساه فاضل شوية وحينهي الكلام ب "يا فرررريدة" ويroll أوي الR