كل مابيّن خمال الصاحب أرفه
التغاضي فيه نوع من الرجوله
زينة الرجال يـوم يغضّ طرفه
عن سفايف كلمةً ماهيب حوله
لو تدوّر لـ اختلاف الراي صرفه
لاتجي من يمك الكلمه عجوله
التعامل بـ الكلام الزين ' حرفه
ماحدً يقدر عليها بالسهووله
ما يهم انك تقول اللي تعرفه
المهم انك تعرف اللي تقوله !
مالي تجآره ولا مدخووول
يآ حضي المنزوي وش فييك
اخذني الوقت عرض و طول
و اقزّره ضحكه .. و تسلييك
يـالله بــ رزقً يـدور الحـوول
ما اثّـر عليه [ القلم و الشيك ]
رزقً يخلـي [ الدريم ] يقووول
يـ لبى كبدك و كبد ابييييييك !
مضى 8شهور عن ضحك الثمان
ازيّف الراحه ولاني مستريح
بديت احس اني فقدت الاتزان
لاتحسبوني طحت !ماحولي مطيح
مدري من اسال وين احصلّي مكان
يضفّني من هزعة الوقت الشحيح
قفى زمان [اسال مجرب]من زمان
اليوم وين الصادق ووين الصريح
في هالزمن بالذات ' مالناس امان
حتى المجرّب مايعلم بالصحيح !
اسعد الله مساكم
وش هو البيت اللي تمنيت انه لك من اول ماسمعته ... حتى لو مانت شاعر ؟
بالنسبه لي البيت اللي يقول
حب من ودك تحب و عآد من ودّك تعادي
بس عيب .. انك تشوّه صورة اللي ما تحبه .
شاركونا ..
مهمـا تحآول تستبيح العلاقات
ما نستبيح العيش و الملح في ليل !
حنّا مع الغالين الاحياء والاموات
ارقّ و ازكى من غصوون الاكآليل
ماتدري ان ( العيش والملح ) بالذات
ثنتين تفرق بـ الثمن و التفآصيل ..
ارخص مايوجد في بطون المحلات
و اغلى مايوجد في بطون الرياجيل !
من ابرز ابيات المدح المخلده
المدايح ماتليق … الا على رجال زيّه
مدحةً ماهيب في شرواه يعني حكي فاضي !
- بن جدلان في فزّاع
كريمً والله انه يستحي من ردة الأنفاس
إلى منه عطاها للهبوب وردّت لجوفه !
- فهد عافت في طلال الرشيد
وش تحفظون من المدح المخلد حبّذا مع ذكر اسم الشاعر ؟
من ما يملّ ولا يكلّ , من الاخير ؟
ماا فيه واحد !.. ما يملّ و لا يكل
عن زحمة الاصحاب حاول تستخير
ووين اللي تعوّل عليـه .. و تتكـل
اللي على وضح النـقّا .. مهماا يصير
عدّه خشيرك فـ الشرآب و فـ الاكل
وابعَد عن اللي مثل ( توقيع الفقير )
ماا ينعرف له .. كل يوم و له شكل !
ماعاد لي في الملآحآ و المجادل لزوم
ياللي علومك علووم و نضرتك سآخره
مهما تردى و مهما قلت / على العموم
الله عفااا عن ردآك مْن اوله لـ آآخرره
مآ دامنـي مبتلى بـ مقابلك كل يووم
فرقااك يوم القيااامه ماني بـ ذااخره
مسامحك قبل ربي يجتمع بـ الخصووم
عشان مالقآك فـ الدنيا و فـ الاخره !!
قصيدتي كامله في الرسول ﷺ التي قدمتني للمركز الثاني في مسابقة شاعر الرسول
اللهم اجعلها سبباً لـ شفاعة رسولك الكريم
من كثر مآله عند خلــق الله محبه و احترآم
حجّم ' و دم حجامته جاه وشربْه ابن الزبير ..
مساء الخير
عطني من الذائقة بيت شعري فيه نصيحه او حكمه لك و لـ الزمان .. مثال
بيت حكمه بن جدلان
الادمي ما يستريح الا يعيش بـ واقعيّه
لا رصيت بواقعيّك صح ' كلاً عنك راضي
و بيت نصيحه لـ خلف بن هذال
اكحل عدوك لين تعمي عيونه
و البس له اغلى اللبس ' لو كنت جايع
ترا الحياء لا مات عند الرجل [ مات ]
هذا الكلام اللي مافيه اخذ و عطاء !
بعض الرجال اشوفهم فـ سناب شات
ما عآد خـلّو فـ الامر [ ستر وغطاء ]
مثل الغوآني بـ الطبوع و بـ الصفاات
و رآحت [ مراجلهم ] مراويح القطاء
لـو انّهم لحقّوو على [ وأد البنات ]
يمدي الرياجيل دفنووهم .. بالخطاء !
احب الصراحه وابدي الرفض والتأييد
ولا اكذّب الصادق ولااصدّق الكذاب
لو ان الهقاوي ..كل هقوه على صنديد
ماشفنا ثلاث ارباعها [ فصّ ملح و ذاب ]
تهقوى .. و لكن هقوتك لاتروح بعيد
قبل تنصدم في بعض الاصحاب والاقراب
تبى تكثر الاصحاب حولك لاجاك العيد
لكن لو تجيب العيد .. رح دوّر الاصحاب !
في جيتك كنك تشّكل حرف جيم و حرف واو
و تقول للفرحه ، تعالي للـ حزين و بكّري
'
ماعاد فيني صبْر / قرّب كفك لـ جرحي و دآو
اخلاصك لغاليك طعم / خْلآص مدري سُكري
'
ترا التحلي بالصبر / نفس التحلي ب الحلآو
يعني لآمنه زاد عن حده يجيب .. السكري ]'!
دآم الجَهل له ضحآيآ و الامل له بصيص
بـ اهذّب النفس وابذل من دروسي دروس
اللي يحوف السلع ماهوب لازم بخييص
بعض السلع ماتجي بفلوس ولا بـ رووس
العآفيه والسعآده و الضمير الحريص
[حاجات مانشتريها] تنزرع في النفووس
لـذلك اللي يجي بفلوس عدّه رخيييص
ارخص من الحاجه اللي ماتجي بالفلووس !
#العيد_السبت
.
.
الكورونا في تصاعد ، و الوزير ينآدي
وان تباسطت العواقب كلها [ لا جدوى ]
.
ادري انه عيد ، بس العيد دونه ' حادي
حاول انك تفهم الاوضآع ، يآآخو بدوى
.
قَضْ يوم العيد في بيتك و ' عيّد عآدي
لاتجيب العيد وتخليه [ عيد و عدّوى ] !!
الله الله يآ هـل البورصه والاقتصـآد
مانـي براعي تجآره ولا مليار دير
.
الصبر مفتاح باب الفرج / فالاعتقـاد
وان غدى ماعاد نقدر نطلع له سْبير
.
والله ان الحاجه احر من جمر الرمآد
كن حُر حروف "ع ط ن ي "ميآسم زمهرير
.
وعلمتني حاجة الناس شي من الحيآد
اللي عنده خير ماهوب لازم ' فيه خير !
بفضل الله ومنته حصلت على المركز الثاني في مسابقة شاعر الرسول في قطر ' و اتشرف بهذه المسابقه النزيهه التي تبحث عن الشعر فقط
كما اشكر من قامو على هذا الصرح العضيم و اشكر لجنة التحكيم
'
'
'
اشكر شيوخ واعيان وشعراء ورجال اعمال من البقوم وكل القبائل
على دعمهم المعنوي واعتذر عن قبول دعمهم المادي لاكتفائي بهذه المرحله من البرنامج لأسبابي الخاصه
اهمها قضية السجين ناصر الجعثوني
وبقى ايام قليله
فمن لديه دعم لي يودعه في رقم حساب القضيه الصادر من امارة منطقة مكه المكرمه
لابو ظبي خشم الطويل النآيد
اللي غلآها مالكن وجـداني
.
من قال وش ودآك قبل تعآيد
بعلمه واقول ، وش ودآني
.
العيد عند الحآتمي بن زآيد
ما كنه الا العيد ' مع شيباني ❤️. .
إنّا لله وإنا اليه راجعون
'
انتقل الى رحمة الله تعالى
والدي الشاعر : نماس بن منيف الرياحي
اللهم اجعل ما اصابه تكفيراً لخطاياه
وعافه واكرم نزله وابدله دارً خير من داره.
لاتحرمونه من دعائكم الصالح
قصيده من نوادر سعد بن جدلان قليلة الانتشار ابيات تفوق الخيال .. بعضاً منها
جميع ما في البسيطه من كيانً يزول
و الامه امر الله الغالب على امورها
اكثر عيون العرب عن ��ارة الحق حول
لو تشرق الشمس من صوبه حجب نورها
والفرق بين العلالي و السهل والسفول
فرق الاصابع بنانيها و خنصورها