كريم النوايا . . ما يبي للجميل ردود يحدّه على درب السخا طيب عاداته

لا تعلمنا عن اللي هرج فينا وقال اعتبرنا لين هالحين ماندري عنْه لو نبا ندنق على الطايح يطيح العقال والعقال اللي على روسنا ما اغلى منْه الجريدة عشر صفحات قيمتها ريال لو كلام الناس محسوب ما هذا ثمنْه .

ما يجحد حقوق الرياجيل رجال ولا يحقر سلوم الصداقه سنافي لا خابت الهقوات في بعض الاشكال ماخابت الهقوات في كل وافي .

يافاقدين أحبابكم وش تسوون لا مدت الذكرى الحزينة يديها كيف نتجاوز حزننا ماتعرفون بعض الطواري موجعة مانبيها دايم على بال المواجع يمرون مافيه ضحكة مالهم صوت فيها ياليتهم عن ضيقة الفقد يدرون ودروبهم وشلون دايم نجيها من كثر ماصاروا على البال يطرون  حتى خطاياهم ولهنا عليها .

من يطلب الراحه على كف الاحلام يجيه كف الواقع اللي يصحيه مع إن دنيانا زخاريف واوهام لكن نسايرها على اللي تجي فيه ونخوضها في قولة العمر قدام كن العمر مضمون في كف راعيه .

﷽ ﴿ إنَّ اللَّهَ وَ مَلاَئِكَتَهُ يُصَلُّونَ عَلَى النَّبِيّ يَأَيُّهَاالَّذِينَ آمَنُواْ صَلُّواَْعَلَيِْه وَسَلّمُِواْ تَسْلِيماَ ﴾

اللــهُـم فـي يـوم الجـمعـة اكُــتــب لـنـا الخـــــيـــــر فــي الــدنــيــا والأخـــــرة وارزقنــا رضــاك والجـنه #يوم_الجمعة

الصاحب اللي خوته ترفع الراس مثل الذهب في معدنه في بريقه اللي بنا بيت المراجل على ساس عز الخوي لا قيل مثلك صديقه .

صدقنا وصادقنا ولا همنا مصلوح على الطيب والمعروف مبدى? مناهجنا ليا احتاجنا الصاحب لقا بابنا مفتوح ونقضي لزومه قبل نقضي حوايجنا .

راحت بنا سود الليالي مدابير نبدي سعادتنا ونخفي وجعنا بعنا هقاوينا بسوق المخاسير والمدح في سوقه شرينا وبعنا نصارع الايام ورد ومصادير وفي مسرح الدنيا عصينا وطعنا ياما تقبلنا هزال المعاذير وياما تحملنا نكد واستطعنا .

كثر التواضع مشكلة بعض الاحيان يقل احترامك بالنفوس الضعيفه الطيب فينا طبع والشيمه ادمان وشوفاتنا فوق الجبال المنيفه ما نلتفت للي يجازي بنكران ولا ننكسر مهما يقول الهديفه دام الثقه بالنفس عزّه للانسان نحيا على مبدى? الحياة الشريفه .

إن قصروا فيك .. سدينا ولا يهمك وإن جو على هقوتك حنا انتعداها .

عديتها من طيب راسي وانا اخوك ماني مدقق في علومٍ دقاقه ندري عن اللي يزرع بدربنا شوك نجامله من شان بعض الرفاقه ماناخذ اهل الطيب بسوات صعلوك من شان عين الطيب تكرم علاقه .

خلك على وضح النقا تكسب الناس وان ما كسبت الناس راحتك مكسب وكل على جوه ويقدح من الراس " الناس كل له .. طبيعه ومذهب " .

ابشري بالعوض يانفسي " كلها مسألة وقت ".

تسوقنا الاقدار ونسوق الاقدام يومٍ لنا يحسب ويومٍ علينا للخلف ماننظر والارزاق قدام ومقسومنا الطيّب تحوشه يدينا .

من فضل ربي ماربينا على العيب درب النقى نمشيه من طيب نيّه نفزع مع العالم طناخه وتهذيب ماهي ردى ولا بنا عنصريّه عمر الثنا مانقص الذيب ياذيب وبفضل ربي ما مدحت الرديّه خوينا لو بان فيه العذاريب اليا نشدونا عنه فينا حميّه مانقبل بهرج القفى ساعة يغيب واليا حظر يبشر بفزعة خويّه .

التواريخ تحفظ والمواقف شهود وكل واحد معانا له مقام ومسار فيه عوداً نحطه في عيون الحسود وفيه عوداً نبخربه طوال العمار .

وفجأة تتبدل الأَحوال .. ربك قَادر

اللهم اني احسنت الظن بك، فاجبرني جبرا عظيما."