يقولون صدرك ياسطر مايعرف الضيق مادريوا بان اقوى رجل تضعفه طرقى انا اللي وقف لصدوف الايام مثل طويق واخر حياته طاح من سبة ( الفرقى )

كثر التعب للروح .. مع كثر الارهاق اما تعيش ... بهم ....... والا ... تغيّب واللي مايدري ويش سوى بـ الاعماق ماهو بداري ..... لو وفاتك .... قريّب طاحت من غصون الشجر كل الاوراق ( ماباقي الا من تمنتك ...... طيب ) عبدالعزيز

في هالزمن ماطحت الا اني صويب بيدين من صارت يدينه لي كفن عبدالعزيز

شوفي بوجهك كيف الاحلام تنشاف ياحلم ،،، من صرتي حياته ،، وطيفه في حسنك القتال للسحر ميقاف بالوجنتين اللي خذت ،،،،، بالنصيفه و بـ بسمتك ،، الثلج والجمر احلاف اللي عيوني عن سواها ،،،،،،، كفيفه عبدالعزيز

اقبل علينا الشتا والجرح له مده يالله عفوك من الضيقات لاعيّت احياناً القلب بين الوصل والصده يعيش مافيه روح ولاهو بميّت 💔 عبدالعزيز

تذكريني لا رماك الوقت وابكتك الظروف لك واحدٍ ثابت لو ان البعد شمسه شارقه عبدالعزيز

اي والله اني احبه كيف ما احبه ؟ وانا .. اموته غلا واعشقه واحيابه له بالخيال الاسامي ! قبل تطربه حروفي اللي (له.وفيه.ومن اسبابه) والله ماشدني .... غيره ... لو اشبه مافيه غيره ،، ادور لفتت ، اعجابه ودي اقول اسمه واعلن لكم حبه لكنّه يقول : خل العلم. لـ احبابه عبدالعزيز

من بعد ماغابت تفاصيل الايام شفني سليت ولو فقدت ارتياحي لو ماني بــ لايم ولاني بــ منلام ماعاد اشوفك في جميع النواحي واللي بقى مطلوب من عدة اعوام لو ماعليك حسوف اطلق سراحي عبدالعزيز

ياللي على خدك تفاصيل الغروب اذا الخجل داهم حلاه ، وسوّره البارح اخترتك مناره للدروب واليوم اشوف ان الحياه منوّره ياللي تجيبين الحلا من كل صوب لاطلت خدودٍ عليك .... مدوّره :) عبدالعزيز

نخفي المواقف والتعب قلب واحساس واللي تسبب ... بالالم ... وش نصيبه ؟ كم بالخواطر حكي يخفى ... عن الناس ومع موتنا ..... يموت ..... محدٍ دري به ولولاك ياعنادٍ معي ... تسكن ... الراس ماكان همًلت ... الصداع .... وطبيبه ! عبدالعزيز

في وجهك اللي كأنه للحدود الختام مافيه بالزين وصف الا عليك ارتما يامعجزه بالحلا ، ياقف عليك الكلام وإلا بعدك العذاري كل ابوهم دما عبدالعزيز

من الشعور العذب وانسام الغرام حتى حروفك من ترفها مسرفه والا الكلام اللي مايحتاج لكلام مافيه بعدك بالعذارى مترفه عبدالعزيز

لااختالت الشمس من بين السما للغروب ماكنها الا احمرار خدود .. ذيك الغلا واذا استحت والكلام .. تحس كنه يذوب في شفتينٍ ،، تقول الموت في هالحلا عبدالعزيز

مازادت الا فوقهم تلعة الجيد كم بنت شيخٍ اخلفتها .. بطله اذا اقبلت تقبل معاها المواعيد للنور واخفاء .. البني ... والاهله فيها يضيع الشعر قبل القواصيد وفيها المعاني كل ابوها . مقلّه بنت الكبار اهل الكرم والبواريد اللي خذوه المجد دقه وجله عبدالعزيز

الحياه دروس ،، والناس تفرق كل يوم ولا بيثبت غير قلبٍ سكنت بواحته لاتسامح من تخلا عنك في وقت اللزوم ولاتفرط فيه واحد فداك براحته عبدالعزيز

من يزرع الود باللي معدم احساسه ماهو محصل ياغير الحزن والخيبه عبدالعزيز

وجودك حياه وفي غيابك تموت الدور ولو مرت الازوال / ماحي بنشوفه ووجهك يجيب العافيه والدفا والنور على من تعلم في يدك اول حروفه لو انك غريبه ماعرفتي حدود السور وتجاوزتي الحدين بالشعر وطيوفه عبدالعزيز

اليوم دارت بيني وبينه رضاي جيته وانا مابين مخطي وصايب مدري ولكنه امل عمري الجاي لوفي وصاله ذنب ماني بتايب ماجابني الا عيونه من اقصاي واحد وسوى بالخيال العجايب اسمه حبيب الروح والعمر ومناي والله لـ احبه موت لوعاش غايب عبدالعزيز

تبطين وانتِ خيال الشعر وطيوفه وابطي مع طلتك اخايل .. مزوني اما انك السحر ، بعيوني انا اشوفه والا انك انتِ ياحب العمر بعيوني عبدالعزيز

صفحة ندم طويت وجفّنْ الاقلام وبدت مع الايام صفحه جديده عبدالعزيز

لو ناخذ العالم من الطول للعرض مافيه وجهٍ مثل .. وجهك .. منوّر انتِ ملاك الارض في كوكب الارض من يقدر لوصف الملاك يتصور ؟ عبدالعزيز