افضل حساب مخصص للسؤال و الجواب عن جميع المشاريع اللي ببالك • #استشارات #مشاريع • فرص • حلول • قصص ناجحة •تبادل الخبرات •أطرح سؤالك بالخاص📩 انتظر الجواب والآراء
من الخاص 📩
"سلام عليكم،
انا موظفه جديده راتبي ١٣ الف
واعيش مع اهلي وماعندي فواتير
غير الف ريال للنادي والفواتير الشهريه،
احتاج سيارة،
و احتاج مشروع ،
1- كيف ارتب راتبي بشكل عام بحيث ما احرم نفسي ،
2- وش السياره المناسبة لو تقترحون علي ،
3- وكم جزء الادخار اللي اخليه،
من الخاص 📩
"السلام عليكم ،
انا راتبي 23400
و لدي قرض 380 الف
و قرض ثاني 106 الاف،
و فيزا بمبلغ 18000،
و راتبي ما يكفي و التزاماتي كثيرة و لا يوجد دخل اخر،
جميع هالمبالغ استثمرت و جات بالفشل للاسف،
ما هي الطريقة اللي تخليني استعيد توازني
و اوحد اقساطي او اي ايراد اضافي"
من الخاص 📩
"احتاج من أحد خبرة معرفة تكلفة انشاء "مغسلة سيارات" ويكون معها كشك قهوة و مكان صغير "محل شاي" مثل اللي بالصورة، الأرض موجودة تجارية مساحتها600م ، رأس المال المتاح 800 ألف ريال"
"الرياض"
من الخاص 📩
"السلام عليكم،،
جربت "مغاسل ملابس"
و تم بيعها و لله الحمد لا ربح ولا خسارة ،
جربت " البقاله "
وخسرت فيها وتحملت دين والحمد لله على كل حال،
علماً بأني كنت وقتها كنت اجهل ادارة المشاريع ،
الآن عندي " رأس مال" نصف مليون و عليها ، وابي أفتح مشروع مناسب شوروا علي "
"لاتغلط غلطتي"
أكيد أنه كل أحد له غلطة في التجارة ،
كل واحد يقول لنا غلطته بالحياة،
اللي ندم عليها في "التجارة" ،،
"خلونا نتعلم منكم ونفيد و نستفيد من بعض "
بتفتح "براند عطور" ✅
تكلفة متوسط علبة العطر 100ml
65 ريال ، سعر البيع 280 ريال ،
ياسلااام ،،
تعال بقولك مشروع "العطور" كيف خلفه كواليس ماحد بيقولك الا بعد مايوقع معك،
تفضل ،،، حياك الله .
من الخاص 📩
"السلام عليكم ،
عرض علي "مغسلة ملابس" "للتقبيل"
جديدة لها ١١ شهر ،
ب ٥٥ الف غير شامله العمالة ،
في منطقه كثافة سكانية ،
دخلها حسب التقارير مابين ٢٠٠ ريال الى٣٥٠ ريال يومياً ،
ويوم السبت من ٤٠٠ ريال الى ٦٥٠ ريال وش رايكم "
من الخاص 📩
"السلام عليكم ،،
عندي "محل خضار"
مبيعاته باليوم من 2500 الى 3000 ريال ،
والالتزامات الشهريه الثابته 7000 ،
و "صافي الارباح" لي 4500 ريال
هل هو صحيح او انا ظالمه العمال ،
بحكم اني بنت مقدر اوقف على المحل واعرف الارباح بشكل صحيح ، ممكن تفيدوني "
من الخاص 📩
"السلام عليكم ،،
عندي "مشروع سطحات" من 4 سنوات
12 سطحة 5 منهم نظام تأجير ،
الإيرادات بالسنة فوق 2 مليون ريال
بدون مصاريف ،
"السطحة" الوحدة
يومياً تدخل الى 800 ريال بالقليل،
هل الأفضل اشتري عقار واستثمرة في الرياض
ولا ازود عدد السطحات مع اني لازم امتلك عقار.
من الخاص 📩
"انا بنت سعوديه و صاحبة "شركه مقاولات"
و ديكور ،
تصميم وتنفيذ ديكورات داخليه وخارجيه
لي تقريبا 7 سنين واعطي من قلببي واشرف على الشغل بنفسي اييييين كان المكان ،
لكن مشكلتي ماعرف وين اسوي اعلان فيه ،
او كيف اوصل الى الفئة الي تحتاجني "
"الرياض"
من الخاص 📩
"السلام عليكم،
بدأت بصناعة الشموع من البيت لكن ما هي الاستراتيجية اللي اختارها للتسويق،
وهل أفتح نقاط بيع في "أمازون" و "نون"
وهل بتجدي نفعاً،
أو أفتح موقع خاص فيني وأبدأ اعلانات ممولة بالسوشل ميديا،
وهل تنصحوني اسوي دراسة جدوى ،
شكرا لكم"
من الخاص 📩
"السلام عليكم ،
لو اشتري عماره قيمتها حدود المليونين او ٣ مليون ،
وهي مأجره بالكامل من شقق ومن محلات ايراداتها السنويه تصل ١٤٤،٠٠٠ الف ،
هل هو قرار جيد مع العلم راتبي ١٣،٠٠٠ الف "
من الخاص 📩
" السلام عليكم ،،
سؤال لأصحاب " مغاسل الملابس "
كيف اسوي نظام عشان العامل ماياخذ من دخل المحل ،،
وكيف اعرف الكاش عنده
انا بنت ولا اقدر اكون يوميا في " المغسلة "
و ثاني سؤال هل انتم تدفعون لجالون مياه الشرب اللي يطلبها له في المغسلة "
في العمل الحر سوف تتعلم :
• كيف تبني علاقات متعددة تخدم مصالحك.
• كيف تتعايش وتتقبل الرفض بروح رياضية.
• وكيف تنتهز الفرص وتكسب ماتريد.
• وبأن هناك أمور لن تنجح من المرة الأولى.
من الخاص 📩
"السلام عليكم،
مقبلين على "طلب تمويل"
لشركتنا الناشئة،،
ما هي أفضل الجهات ، او الشركات،او البنوك ، للتمويل ،
وما هي نصائحكم لنا بخصوص تمويل الشركات الناشئه "
من الخاص 📩
"السلام عليكم ،
انا عندي ٢٠٠ الف والوالد بيدعمني ب ٣٠٠ الف واخوي كذلك يعني تقريباً ميزانيتي ٧٠٠ الى ٨٠٠ الف
كل ما افكر في "مشروع" احتار
والمجتمع اللي حولي كل ما اطرح عليهم فكره يقولون قديمه ولا لا تخاطر،
فماذا تنصحوني فيه هل افتح مشروعي الخاص او لا"
من الخاص 📩
"السلام عليكم،
مشروع "مقهى شاهي"
براس مال ١٠٠ الف ريال على محل ايجاره ٣٠ والعمال عدد ٢ رواتبهم مجموع الشهري ٣٥٠٠
ايش تنصحوني فيه ،
الحي او شارع مافيه منافسين تقريبا ،
والسؤال الثاني ، كيف انقذ نفسي من إجادة ،
ومن مكتب العمل ،،
عشان ماتجيني مخالفات"
اي أحد يفتح مقهى يبيع القهوة
ب 4,75 ريال
و
ب 5,95 ريال،
تلاقيه خسران نهاية السنة،
و هو مسوي كاش وعندي كافيه هياط،
مسألة تخريب في السوق، وبعيده عن المنافسة،
هذا فيه ضرر على اصحاب الانشطة
و الاقتصاد ويطول شرحها،
و الناس اللي دافعة ملايين علشان تفتح مقهى وتقدم خدمة و منتج"
من الخاص 📩
"السلام عليكم ، بفتح "محل شاهي"
انا موظف حكومي ،
"السجل التجاري " بأسم الوالدة ،
السؤال:
١ كيف اعملها بطريقة نظامية وماتكون فيه عقوبات لا للوالدة ولا لي في المستقبل ،
٢ هل الطريقة هذي تعتبر تستر تجاري ولا كيف،
٣ هل يحق توكيلي اسوي كافة اعمالها في المؤسسة "
من الخاص 📩
"عندي متجر الكتروني بنظام الدروبشيبينغ حققت أرباح فوق 200 ألف بأقل من سنة وبسبب مشاكل الدروبشيبينغ فكرت ابيعه،
واشتغل فيه بنفسي ويكون لي راتب ثابت،
كيف احدد قيمة المتجر،
ما فيه بضاعة ولكني راح ابيع فكرة وقاعدة بيانات وعملاء،
واللي عنده تجربة يعطيني نصايح وشكرًا"
من الخاص 📩
"السلام عليكم ،،
خسرت 900 ألف في مشروعين والله يعوضنا وياكم و بعت "عقار " علشان اسدد المديونيات و الحمدلله تقفلت،
الآن احتاج مشروع لازم نعيد الأمل و نستثمر في مشروع ممتاز ب رأس مال 500 ألف ريال ،،
"المفروض من اللي تعلمته اني ما أغامر بكامل رأس المال"
من الخاص 📩
"السلام عليكم ،،
انا بنت عمري 23 ماعندي اي "مشروع " سابق وعندي مبلغ بسيط حدود 80 الف ،،
وش ممكن افتح بها ،
وايش اهم النصائح ،
وهل ادفع كل فلوسي في "المشروع " او لا ،
علماً بأني غير موظفه ومصدر دخلي الشهري قليل جداً "
من الخاص 📩
"السلام عليكم ،
انا سعودي ونويت اعمل مشروع مصنع بطاطا نصف مقليه في "مصر" ،
نظرا لقربها من زراعه البطاطس وتنوعه ،
وكذلك توفر المصانع وسهوله الاجراءات ،
و تصدير المنتج بالكامل من مصنعي في مصر الى مستودع السعودية وتوزيعه هل تؤيدون الفكره وهل من ضمانات قانونيه"
من الخاص 📩
"سلام عليكم ،
انا فتاه سعوديه عندي مشروع عطور
والله البكج جميل وطريقة الترتيب،
و "المتجر الالكتروني"
بس مع الاسف مالقيت اقبال عليه ،
والمشاهير اسعارهم مره غاليه للاعلان بصراحه احس بالفشل مره واكتئبت
في احد عنده حل في التسويق مجرب "
من الخاص 📩
"السلام عليكم،
اخوي عندي شركة "تأجير عمالة" وعندي ٧٠٠ عامل،
مؤجر ٣٥٠ و ٣٥٠ جالسين بالسكن ،
وللاسف جالس ادفع مصاريفهم
لاحد يقول تروح الشركات وتسوق،
هذي تقليدية مانفعت،
لان المقاولات تعتمد على العلاقات مع الشركات
ماهي الطريقة للتسويق لجذب "الشركات" للتعاقد"
من الخاص 📩
"السلام عليكم،
لدي "معمل حلويات" المبيعات الشهرية
تتجاوز 550 ألف ولله الحمد
في المنزل و 7 عاملات،
عملائي شركات مطاعم و مقاهي،
ارغب في النقل والتوسعة
بسبب الأزعاج عند المنزل
الكثير ماشجعني علشان المخالفات،
وش أفضل حل، لا ارغب بفتح محل عرض انا توريد فقط "
من الخاص 📩
"السلام عليكم ،
عندي مبلغ 450 الف ،
و ودائع تقريباً 600 الف ،
كل ما افكر في مشروع ادخل حسابك الجميل و المفيد واتشجع،
اجلس مع اللي حولي لاتفتح بتخسر ،
بأختصار انا بجرب "التجارة"
و المجال اللي افضله التوريدات ، ولامانع اذا فيه شي افضل،
وش رأيك انا في حيرة "
في عام 2020
"مكلمني يبي فتح مطعم رز لأنه يحب الرز "
في عام 2021
"صار يقول متذوق مطاعم"
في عام 2022
"يغرد انه خبير مطاعم منذ سنوات و يقدم استشارات"
في عام 2023
"شرى مايك 🎤 🎙️ جمع ربعه يحاول يقدم بودكاست مشاريع"
في عام 2024
"الله يستر من الهبد"
" لاتصدقون كل شي"
من الخاص 📩
"السلام عليكم ،
أنا حاليا بصدد إفتتاح "مطعم شاورما"
ولدي استفسار،
بالنسبه للشيف حصلت هنا "معلم شاورما" سوري لكن راتبه ٤٠٠٠ ريال،
وحصلت "شيف شاورما" ممتاز من مصر يجي بتأشيرة راتبه ٢٥٠٠ ريال
بصراحه محتار بينهم ابي رأيكم الله يسعدكم"
من الخاص 📩
"السلام عليكم ،
انا عندي مشروع فود تراك اندومي
المبيعات اليوميه من 500 الى 700 ريال الويكند 1000 ولا فيه صافي ربح،
اخذ الفلوس اللي تجي و اشتري فيها اغراض وهكذا ،
يمكن الصافي عندي 2000 فقط
هذا الشي طبيعي ولا فيه مشكله في الاسعار عندي ،
ابغى اعرف ايش المشكله"
من الخاص 📩
"السلام عليكم ،،
أمتلك "علامة تجارية" عبايات
اتعامل مع مصنع لصناعتها
و المبيعات وصلت مليون و 300 ألف ريال ،،
محتاجه أحد متخصص يقييم لي البراند علما اني لاأمتلك من الأصول إلا كمبيوتر و طابعة
و فقط،
لأني في مرحلة نمو حسب المعطيات كيف أقيم "البراند "
من الخاص 📩
"السلام عليكم،،
انا عمري 19 سنه،
والوالد رحمه الله ،
ترك لي 610،500 الف ،
اول شي سويته حطيتها بحسابي حق الادخار
ولا ودي اللعب باشياء تافهة او كماليات بحافظ عليها ،
وودي ازيد هالرصيد كل سنه من 5٪ إلى 10٪
يليت تقترحون علي بارك الله فيكم "
من الخاص 📩
"ابي احد يستثمر مبلغ مليون ريال ،
ويتم استرجاع رأس المال بالاضافة الى فائدة
من 25٪ الى 30٪ خلال مدة 12 شهر فقط،،
المشاريع المكررة مستبعدة ،
وبضمان سند امر وتوثيق لدى محامي "
من الخاص 📩
"السلام عليكم ،
لدي 500 ألف كامله للمشروع ولا أقدر اوفر غيرها ،
احتاج شركة تعطيني كم تكلفة التصميم و التنفيذ ،
و كم تكلفة تصميم الهوية البصرية،
ل "كشك" قهوة و مخبوزات مساحة 24متر ،
مثل المرفق في الصورة ،
و هل كافيه لأتمام المشروع كامل "
"الشرقية"
من الخاص 📩
"سلام عليكم ،
عندي سواق مصري ماسك "المشتريات"
في المطعم ،
و اكتشفت انه عنده دفتر فواتير من محل في سوق الخضار ، و يسجل فواتير على المطعم بالزيادة في اليوم فوق 300 ريال ،
وش الحل معه بدون مايتضرر المطعم ،
لأن فيه عاملين من نفس الجنسية ،
و متأكد بيفزعو معه "
من الخاص 📩
"سلام عليكم
يا اخوان انا عندي ٧ مليون كاش و لكن ما اقدر انام و انا مصدر عملي هبة،
فقاعة مصيرها تنتهي ،
فا احتاج بزنس مربح و مثمر بهكذا مبلغ شكرا"
من الخاص 📩
"عندي متجر الكتروني يبيع منتج اساسي واستهلاكي الكل يحتاجه ،
خلال اول ٤ اشهر ونص من تاريخ افتتاحه مبيعاتي وصلت 1 مليون ريال ،
احتاج ممول للتوسع بنسبة معينه ولفتره مؤقته مقابل نسبة ارباح وشكرا"
من الخاص 📩
"السلام عليكم
معاي مليون و ٢٠٠ الف مجمعها من رواتب و عمولات ،
ابي ادخل "التطوير العقاري" على صغير يعني "بناء فلل" و ابيع و اجمع،
خوفوني الناس و قالوا الفلل ما تمشي سوقها يبي لك تبني " شقق تمليك "
و الشقق يبيلها كاش،
او اتوجه نشاط اخر،،
مع الشكر و التحية"
من الخاص 📩
"ًالسلام عليكم،،
رأيت لقاء "وزير الصناعة "
يقول افتتاح مصنع اسهل من "افتتاح مطعم "
وللأسف ليس من حولي لدية تجربة المصانع من له تجربة
هل فعلا أسهل، والأفضل شراء جاهز أم لا؟
توجيهاتكم لمصانع ميزانيتها
من 400 الى 500 ألف
فئة " مصنع بلاستيك" و " مصنع ورق "
من الخاص 📩
"السلام عليكم
انا عندي منتجات بستوردها من الصين،
احتاج موردين موثوقين بأقل تكلفة اسعار يخلصون الجمارك وكل شيء لحد ماتوصلني سليمة ،
و ايش افضل مصنع للكراتين و الباكجينق ويطلع المنتج بشكل جميل"
من الخاص 📩
"السلام عليكم ،
عندي مبلغ مليون و400 ألف
حق أبن أخي اليتيم ،، وانا الوصي عليه ومكلف به
هل تنصحون ب شراء عقارات " له
او تشغيلها في اكثر من مشروع مضمون
وبعد ذلك شراء عقار بالأرباح ،
اتمنى تقدير "الحيرة من الأمر"
اللي أنا فيها و افادتي بأقتراحات مُجربة "
من الخاص 📩
"السلام عليكم،
أنا معلمة لغة عربية ، فكرت أشتغل في وقت الفراغ في التدقيق اللغوي و النحوي عند الصحف ،
لكن اعتقدت أنه المردود المادي لا يسوى التعب ف تج��هلت الفكرة،
عندكم أفكار لمشاريع تخص اللغة العربية ،
أو طرق أزيد دخلي فيها ،و شكرًا "
من الخاص 📩
"السلام عليكم ،،
فتحت "متجر الكتروني"
وجهزته كامل ثم صرت اسوي اعلان لرابط المتجر في التيك توك و الانستا ،
حالياً مضى شهر ولم يأتي عملاء ،
صرت اشعر باليأس
ماذا أفعل صحيح "
من الخاص 📩
"سلام عليكم
وقعت قبل يومين حصري للسعودية مع اكبر مصنع في جمهورية بولندا لانتاج دواجن من مزارع مفتوحه قطع - صدور - اسياخ شاورما بالبهارات الي يحددها العميل - همبرجر يبيع في ١٠ دول في العالم واختارني وكيل له للسعودية والخليج ، نحتاج مساعدتك لايجاد موردين"
من الخاص 📩
"السلام عليكم ،
انا في "تركيا" الان و في محل تيشيرتات ممتاز ولي اكثر من سنتين اتعامل معاه ،
والان ابي اخذ تيشيرتاته وابيعها في السعوديه عطاني سعر الجمله واتفقت معه ف المقاسات والبضايع لاكن ما اعرف من وين ابدا عمري ١٩ ولا ابي اجيب العيد"
من الخاص 📩
"بصراحة وش افضل تطبيق توصيل للمطاعم يستفيد منه المطعم عند الانضمام معهم حتى لو كانت النسبة موجودة" ؟
"هل فيه اقوى من التطبيقات المعروفه بالسوق مثل" :-
@HungerStation
@JahezApp
@AppMrsool
#توصيل #تطبيق #تطبيقات #مطاعم
من الخاص 📩
"السلام عليكم ،،
كان عندي مليون و 200 ألف
صارت 900 ألف و شكلها بتصير 500 ،،
هل فيه استثمار هذي الفترة مناسب لرأس المال المذكور ،
لا أرغب في العقار لدي عقارات حالياً ،
و ماهي الطريقة المناسبة المُجربة من المتابعين ، ولا نستغني عن نصيحتك كذلك "
"الرياض"
من الخاص 📩
"السلام عليكم عندي كوفي صافي ارباحه سنوياً 400 الف ريال، لكنه اتعبني انا يومياً اديره ، ماوجدت شخص يديره لي بشكل ممتاز ،، وانا طبيب ومقصر في عملي بسببه ،
هل يوجد حل جذري
ولا ابيعه وارتاح" ؟
من الخاص 📩
"السلام عليكم ،،
عندي "رأس مال" 250 الف
ارغب في تأسيس مشروع مربح ،،
وانا اللي راح اشرف عليه
عمري 27 ماعندي التزامات الحمدلله ،،
"لا ارغب في مشروع البقالات"
وجزاكم الله خير "
من الخاص 📩
"السلام عليكم ،،
احتاج تصميم متجر "موقع في سلة " ،،
و تواصلت مع مبرمجة و لكن ماطلع بالمستوى المطلوب من ناحية الشكل و الصفحات ،،
هل الحل اني اتواصل مع مبرمج مواقع او مصمم متاجر ويعرف في "اشتراك سلة"
وكم متوسط الأسعار المعروفة اذا ممكن "
من الخاص 📩
"السلام عليكم…عندي سوبرماركت دخله الشهري مابين ٤٥٠ الف الى ٥٠٠ الف،
وايجار المحل ٢٠٠ الف في السنه،
ورواتب العمال ٥٥ الف ١٢ عامل،
وكهرباء ٢٠٠٠٠ الف شهري،
أتمنى من اصحاب الخبره يعطوني كم نسبة الارباح الشهرية في حدود كم"
من تجربة ،،
"الاستثمار في تأجير المكاتب أفضل من الاستثمار في الشقق والفلل"
"الاستثمار في تأجير المستودعات أفضل من الاستثمار الشقق والفلل"
"الاستثمار في تأجير الأراضي كشك "درايف ثرو" أفضل من الاستثمار الشقق والفلل"
"الأرقام ونسبة العائد على الأستثمار هي الرد الفاصل "
من الخاص 📩
"السلام عليكم ،،
مثلاً رأس المال من 30 ألف الى 100 ألف ،،
ودي اعرف ايش " المشاريع " المناسبة
للي رأس مالهم مو كثير ،،
بحيث تكون "مشاريع مناسبة "
و تكبر مع الوقت ،،
طرحت هذا السؤال لأني اشوف
" السوق متشبع" بالمشاريع التقليدية
من الخاص 📩
"السلام عليكم ،
انا طبيب ولدي "رأس مال" 500 الف مبدئيا قابل للزياده ،
ابي اسوي بزنس خاص وليس لدي فكر اوخبره في التجاره اللي عنده مشاريع للشراكة او فكره ناحه يطرحها ورح اتواصل معه"
"الخبر"
من الخاص 📩
"السلام عليكم ،،
عندي "رأس مال" حوالي ٨٠٠ ألف ريال
أرغب في مشروع في حدود هذا المبلغ ويكون بإذن الله ناجح في أبها "خميس مشيط" "جيزان"
وهل فكرة شراء شقق تحت الإنشاء من المطورين العقاريين ،
وعرضها للبيع بعد إكتمالها في جده والرياض ناجحة"
من الخاص 📩
"السلام عليكم ،،
حصلت شقه تمليك وراتبي 8500ريال
يقتص من راتبي 3780 لفتره طويله ،
انا عزباء وليس لدي مسؤوليه غير تفسي ،
الغرض من الشقه استثمارها بالايجار ،،
لكن عندى خوف هل اقدر اتحمل المعيشة
ب 4600ريال المتبقي من راتبي ،
احتاج اهل الخبره في هذا الموضوع"
من الخاص 📩
"السلام عليكم عندي مبلغ مجمعته قرابه ١٥ الف وحابه ابدى بزنس صغير من البيت ولا ابي عبايات لان مكرر كثير ولا طبخات لان متعب الموضوع رغم اني شاطره فيه
وش تقترحون لي مشروع مناسب" ؟
من الخاص 📩
"السلام عليكم ،،
حصلت لي مغسله جاهز بشتريها من صاحبها بمبلغ 30 الف ،
فيها العمال مره كويسين و شغاله
هو مأجرها ع العمال يتكفلون بكل شيء ،
نهايه الشهر يعطونه3000 ريال
ايش رايكم بأخذها بمشي ع ممشاه أنا بنت عمري 35 مقدر أوقف عليها"
من الخاص 📩
"سلام عليكم،
عندي متجر الكتروني
المبيعات اليومية من 200 - 1200 ريال
افكر اضيف تابي او تمارا ،
و الربح بالمنتجات قليل فيها 18 هلله
و 10 ريال ، اكثر منتج اربح فيه 30 ريال،
للعلم ماعندي عمال ولا عندي مستودع منتجاتي كلها في البيت،
هل تشوفون انه مجدي اضيف تابي"
من الخاص 📩
"انا موظف حكومي وعندي مزرعه صك،
وفيه "شركة زراعيه" تبي تستثمر معي بالمزرعه واقترحو ان تنقل المزرعه باسم الشركة مقابل 50٪ من ملكية الشركه ،
لتشغيل المشروع وتمويله من قبلهم ،
كيف الطريقه السليمه لضمان الحق مع العلم اني"
من الخاص 📩
"السلام عليكم ورحمه الله ،،
ورثت حول المليون واشتغلت فيها على مدى ١٠ سنوات،
والان المبلغ حول ٢ مليون ،
ولكن مع الوقت الحالي اصبحت التجارة صعبة والشغل اللي كنت اشتغل فيه الان اصبح خسائر ،
علمًا اني غير موظف ولكن عندي التزامات،
احتاج استثمار شهري ضروري"
من الخاص 📩
"السلام عليكم،
موضوعي احتاج خبير او "محامي" في الصين،
حولت الى ٤ مصانع في الصين لشراء بضاعة عن طريق البنك،
ولكن لم تصلني البضاعة للرياض من سنة،
ولم يتم التجاوب معي،
احتاج استشاره باسترداد المبلغ
بقيمة ٣ مليون ريال"
"الرياض"
من الخاص 📩
"السلام عليكم ،
عندي مبلغ مالي مايقارب ٥٠٠ الف ،
و يعتبر رأس المال الوحيد
و اريد استثمره في عدة مجالات لمشروعين على الاقل، دخل شهري مضمون و استثمار طويل الأمد،
بس للاسف ما عندي "أفكار" او تجارب
يوجد خوف و تردد من الفشل
لانها تعتبر رأس المال "
من الخاص 📩
"سلام عليكم ،
انا اقترضت من بنك التنمية مبلغ ٢١٧ الف وفتحت به مشروع وخسر ،
وانتهى الان انا مديونه للبنك بهذا المبلغ،،
الان ارغب في التجارة الالكترونية،
او "متجر الكتروني "
و هل احتاج الى رأس المال، لسداد الدين،
هل في جهه تدعمني او اي اقتراح لحل مشكلتي وشكراً "
من الخاص 📩
"انا فاتحه مشروع "كيك"
عندي مشكله مااعرف كيف اطلع الربح من المبيعات ،
تروح الفلوس الي تجيني كلها في طلبات الكيك احتاج احد عنده خبره يرشدني كيف ممكن اتصرف"
اذا فكرت تشتري "شقة تمليك " أقساط في مدينة الرياض بالتحديد ،
و تأجرها باليومي في
"جاذر ان "
او
" Air bnb "
نفترض تأجرها بمتوسط 10 الى 12 ألف بالشهر
باقي الخصم تعال ،
"القسط"
مواد تنظيف وتعقيم و اطقم
فواتير و صيانة وغيره
عامل نظافة
"كم الباقي"
من الخاص 📩
"السلام عليكم ،
انا بفتح " صالون نسائي "
كيف ممكن اجيب عاملات شغلهم ممتاز جداً في الصبغ والبديكير والمنيكير والاشياء ذي ،
مو مهم الجنسيه المهم كيف اني اقدر اجيبهم ساعدوني لو تكرمتوا "
باركوا لي شريت "مصنع"
اسأل الله ان يطرح فيه الرزق والبركة
لكل القائمين عليه .
و شكراً لهيئة مُدن على التشجيع
و التعامل الرائع .
@modon_ksa
و شكراً لكل متابع يدعوا لنا بالخير 🤍
من الخاص 📩
"السلام عليكم ،،
عندي "محل شاي" في حي كامل مافيه الا انا ودخلي ممتاز جدا من 9 اشهر بس ،
فتح عندي واحد نفس المحل والمنيو حقي نزل في اسعاره وهم رجال اعمال كبار و صار فيه تأثير ،
ايش افضل حل اقدر اسويه على " الايراد"
الأسعار جدا قليلة ماقدر انزل اكثر من كذا"
من الخاص 📩
"راتبي ٢٢ الف وعمري ٢٨ وماعندي اي التزام الا ادخار شهري ٣ الاف و شراء شهري ب ارامكو اسهم بقيمة ١٠٠٠ ريال ،
افكر اسحب قرض وادخل في "محافظ عقارية" او اسوي اي مشروع لان مابي يروح عمري ما سويت شيء انصحوني"
من الخاص 📩
"السلام عليكم
سافرت اندونيسيا ،
للبحث عن "عود محسن"
و بديت اوزع على المعارف ،
في نوع واحد كان جداً مميز ولايتغير رائحته،
استوردت 15 كيلو قبل رمضان والحمد لله انباعت،
الان ودي يكون اونلاين لكن لا اعلم في عملية "التسويق"،
وهل ينفع اخذ قرض واجيب كميات،
"الرياض"
من الخاص 📩
" السلام عليكم ،،
مشروع " خياط رجالي "
سنوات وانا افكر فيه ،
حصلت كذا موقع مناسب
و تعرفت على خياطين
رأس المال متوفر لدي وأكثر من تكلفة الخياط،
انا متخصص "تصوير مطاعم"
لدي حساب مشهور
و هذا تجميعة العمر على مايقولون
خايف اقبل ع الخطوة وش رأيك ،، مشورتكم"
"البعض لا يعرف انه يقدر يكسب 500 ريال فما فوق في اليوم "
نعم ،، مو لازم يكون مشروع ،،
ممكن ماتقوم به كا "عمل عن بعد"
يعتبر هو المشروع ،،
ماهي افضل "مواقع العمل عن بعد"
هناك من يبحث عنها و يحتاج "التوجيهات" بس و ينطلق ،،
من الخاص 📩
"السلام عليكم ،،
عندي مشروع قائم و "محتاج محاسب"
بدوام جزائي،
كيف اعرف المحاسب الشاطر والامين وغالبا كم تتراوح رواتبهم،
و هل فيه جنسيه معينه شاطرين بالمحاسبه،
كيف اضمن انه يجلس عندي بعد كم شهر مايروح ،
و هل تنصحوني "محاسب "
من داخل او من خارج المملكه "
من الخاص 📩
"السلام عليكم ،
ممكن تسال متابعينك عن افضل شخص ممكن يسوي ليا اعلانات في السناب شات
وموثوق تعبت من الناس اللي ،،،،،
ومشروعي على حافة الانهيار الله يسعدك "
من الخاص 📩
"السلام عليكم،
حابه ابدا "مشروع عبايات"
وابغى اعرف كيف الطريقه من حيث الدعايه وطرق البيع والاشياء الثانيه اللي ممكن تخفى علي ما اعرفها لاتبخلون علي تدلوني على الشي الصح اللي يفيدني"
من الخاص 📩
"سلام عليكم ،،
انا بنت سعودية و عندي صالون نسائي تو مبتدئه فيه لي 4 شهور الاقبال عليه قليل ،
كيف اتصرف الى الان ماطلعت الايجار ،
فقط الدخل يطلع رواتب ومصاريفه "
من الخاص 📩
"السلام عليكم ،،
انا ناوي ادخل الاستثمار ،
بحيث شهريا اغذي المحفظة ب 1000 ريال على مدار 5 سنوات،
اللي فاهم في المحفظات الاستثمارية سوًا المحفظة المغامرة او المجازفه او ،،، الخ
ماهي السلبيات و الايجابيات فيها يفيدنا "
من الخاص 📩
"السلام عليكم جميعاً،
انفصلت عن زوجتي و لدي فرعين مطعم بروستد و مشاوي شغال في الخرج بأسمها ،
وهي رافضة تنقل "السجلات التجارية"
بأسم شخص آخر،
لا يوجد أي عقد شراكة بيننا وانا موظف حكومي ،
احتاج الحل من المختصين،
سواء محامي او اشخاص من الخبرة بمثل كذا،
"الخرج"
من الخاص 📩
"السلام عليكم ،،
بفتح براند ملابس،، تي شيرت و هودات،
و من فترة اصمم لها ،
سؤالي :
هل فيه مصانع في السعودية تورد ملابس ، بأسعار معقولة ، و جودة ،
اذا فيه وين يكونون خلونا ندعم
الصناعة السعودية ،
ومابي استورد من الصين او من اي بلد بالخارج خصوصاً بالبداية "
من الخاص 📩
"السلام عليكم
عندي "متجر الكتروني" "ملابس نسائيه "
و المستهدفين هم اكبر من 35 سنه ،
الطلب ضعيف و جربت فترة اعلانات انستا وكان فيه حركة على المتجر لكن مو بالشكل المطلوب ،
وقفت الاعلانات وقف الطلب للاسف وتفاعلي بالمتجر مو مستمر . اتمنى من اصحاب الخبره النصيحه"
من الخاص 📩
"عسكري عمري 27 سنة ،
ولدي عمارة سكنية وإيراداتها،
الشهرية 14,000 ريال
وسنوياً 168,000 ريال،
وأود الدخول في المشاريع والاستثمارات،
ولكني لا املك ادنى فكرة و خبرة عن اي مشروع،
واعلم ان جهلي يعدّ احتمال خسارة كبيرة وفظيعة،
في أي مشروع تنصحوني"
"جده"
من الخاص 📩
"السلام عليكم ،،
استأجرت "أرض للأستثمار"
يتم بناء عليها 3 كشكات درايف ثرو ،
و بعد ما سورتها بصور المشروع ،
عرضت علي "شركة مطاعم" معروفة
تستأجرها بدبل سعر الإيجار لمده 10 سنوات
و يقومون ببنائها،
هل الأفضل أكمل بناء المشروع او يتم تأجيرة لشركة المطاعم "
شكراً
من الخاص 📩
"أفكر افتح شركة تسويق الكتروني في "خميس مشيط" تقدم:
خطط تسويقية للشركات وإدارة الحملات الإعلانية و المحتوى والجرافيك والمونتاج وتصميم المواقع والمتاجر،
الفئة المستهدفة،
شركات وفنادق والمتاجر الإلكترونية
السؤال،
هل فيه شركات تحتاج لهذي الخدمات في الخميس وأبها" ؟