#ملحمه_البرث النهاردة انا فخور و هافضل فخور لانه شرف .. ان ابن اخويا هشام مصطفى البزاوي احد شهداء عملية حق الشهيد في سيناء .. الف رحمه و نور عليك يا فخر العيله يا بطل شوفتك وسطهم النهاردة يا حبيبي ♥️
الف رحمه و نور عليك يا عم حسن هاتفضل دايما حاضر بكل تاريخك العظيم .. هاتفضل من اهم علامات جيلك و جيلنا هاتفضل چوكر السينما و المسرح و التليفزيون .. مع السلامة يا عمنا و استاذنا و بابا ♥️ #حسن_حسني
يعني سعر تذكرة كاس الامم الدرجة التالته ب ٢٠٠ جنيه و طبعا لو قدرت تدفع ال ٢٠٠ جنية هاتحب تجيب سندوتش جوا عشان جعان ف هايبقى ب ١٠٠ جنية مثلا و ازازة المية ب ٣٠ جنية مثلا..يعني لو واخد ابني معايا هأقعد في الدرجة التالته و هادفع ٨٠٠ جنية مثلا..و مطلوب مني و انا خارج ادعي للمنتخب!😂
باسم امين لاعب الشطرنج المصري العبقري بيكتب تاريخ لمصر و لنفسه بعد ما قدر يفوز على المصنف التاني عالميا الامريكي هيكارو ناكامورا .. و اتعادل مع بطل العالم كارلسن ماجنس .. باسم امين انت فخر و اسم مصري كبير ماتقلش عن صلاح ولا عن اي حد بيرفع علم لمصر برا
كنت دايما اقول عليه اللي خلف مامتش و عشان كده كنت بافرح اوي يوم ما يقولولي انت هاتمثل مع هيثم احمد ذكي نفس فرحتي لما مثلت قدام الاستاذ .. و بقدر فرحتي دايما بنجاحك و بجتهادك بقدر حزني على فراقك وحيدا لان الوحده في الحياه صعبه بس الوحده وقت الموت اصعب .. مع السلامه يا حبيبي ❤️
الله يرحمك يا محمد يا حبيبي..من اجمل مشاهدة اللي فعلا تحس ان محمد بيقولها بجد كان مشهد مع احمد حلمي لما قاله هما بيتكلموا عن قطر واحد مع انهم كذا قطر..قطر الشغل،قطر العمر،قطر الجواز،تركب قطر الشغل يادوب تعملك قرشين تلاقي قطر الجواز فاتك وهوب قطر العمر يتقلب بيك..وداعا محمد شرف
يعني صلاح هداف البريميرليج و احسن لاعب في انجلترا و أفضل لاعب في افريقيا و المرشح لافضل لاعب في أوروبا و اللي وصلنا كاس العالم في مشهد تاريخي في الثواني الأخيره اتحاد الكورة بيقول عليه المدعو محمد صلاح و بيقول كمان انه عايز يتشهر على حساب اتحاد الكرة !!!
#محمود_البنا رمز الشهامه ، الجدعنه ، الرجوله ، الإنسانيه و التربيه .. اعتقد ان حكايته الجميله لازم تدرس في المدارس و يبقى رمز التربيه ( محمود البنا ) .. و ان شاء الله ربنا هايبرد نار كل حبايبك .. الف رحمه و نور عليك يا رب
ده لاعب الزمالك سعد محمد مواليد 2000 اصيب بالمرض اللعين و طلع قال " انا بكابر و عامل قوي قدام الناس بس انا تعبان اوي ادعولي " .. ربنا يشفيك و يعفيك ياريت الناس تحقق طلبه و تدعيله .. الانسانيه مافيهاش اهلاوي و زمالكاوي
#ادعم_سعد_محمد
لو خبر اعتزال استاذ لطفي لبيب ده حقيقي ف ياريت الدوره القادمة من مهرجان القاهره السينمائي الدولي يكون ضمن تكريماتها تكريم واحد من اهم مصادر البهجه في حياتنا الفنان الجميل و العظيم لطفي لبيب
افتتاح عظيم والجمهور هو المكسب الأكبر وهو اللي محلي كل حاجه وده معناه ان الكره للجماهير..بس كنت اتمنى زي ما الجمهور هتف لأبو تريكه كان يهتف كمان لواحد من اعظم لاعبي جيل٢٠٠٦ الراحل محمد عبد الوهاب..ياريت نفتكره لان كما ينقصنا الماچيكو ينقصنا أيضا ظهير ايسر بمواصفات محمد عبد الوهاب
عمنا محمود الجندي في ذمة الله .. بعد رحلة عظيمة و طويلة مع الفن .. و على رأي الزعيم عادل امام في فيلم اللعب مع الكبار لما قال " علي الزهار مات علي مات علي الزهار مات يا مدام ..انا مين ؟ مش مهم انا مين بقولك علي مات .. علي اتقتل معملش حاجه
مات علشان بيحلم " .. مع السلامة يا عمنا
لولاه مصطفى كان مسجد الرفاعى والسوق بقوا رماد بسبب الإنتحارى إللى مفخخ نفسه والعربية إللى كانت وراه ومفخخة هاجم الإنتحارى والعربية قدر على تصفية الإنتحارى والعربيه انسحبت من شدة التعامل الشهيد مصطفى ابنه لسه مكملش سنة،وزوجته حامل في طفل سيولد ولن يرى والده،حسبنا الله ونعم الوكيل
ابو تريكه شخصيه استثنائيه مفيش حد بيختلف على موهبته و شخصيته .. هو الملهم لجيل كامل حتى اللي مش بيحبوا كرة القدم .. و في يوم ميلاده احب اشكره على كم المتعه و الفرحه اللي قدمهلنا طوال مسيرته .. كل سنه و انت طيب يا ماچيكو
مع السلامه يا طلعت .. مع السلامه يا صاحب الروح الخفيفه .. مع السلامه يا طباخ الرئيس .. مع السلامه يا نصه .. مع السلامه يا اجدع و اخف صديق .. هاتوحشنا #طلعت_زكريا
بعض الناس اللي بتهاجم صلاح احب اقولها ان لو صورة مصر حلوه بره فاهي حلوه بسبب محمد صلاح و لو في حد بيرفع و بيمجد في مصر بره فاهو محمد صلاح .. اشكروا صلاح لانه مصري بجد
بما اني محلاوي و والدي واحد من عمال مصنع غزل المحلة الله يرحمة .. عايز اقول اني فخور جدا بتصنيع ماكينة كمامات طبيه بورش الشركة بمعدل 100كمامه في الدقيقة .. تعيشي يا محلة يا فخر الصناعة المصرية .. و تحيا مصر ♥️
صورة هشام عشماوي ريحت قلبي و اترحمت على كل الشهداء و خصوصا الشهيد البطل ابن اخويا هشام مصطفى البزاوي شهيد الدفعه ١٤٧ ضباط احتياط .. الف رحمه و نور عليك يا حبيبي جزء من حقك رجع .. #هشام_عشماوي
#ملحمه_البرث تحيه لكل الابطال الشجعان اللي حفظوا الكرامة و الكبرياء لينا كلنا و كانوا مثال للاراده و العزيمه و الوطنيه .. ربنا يرحم القائد احمد المنسي قائد واحدة من اعظم ملاحم قواتنا المسلحة .. و ربنا يصبرنا جميعا .. تحيا مصر
كل الناس بتقول كلام زين و هي على دماغها السلاح - الريس جمعه .. الفنان الجميل و العظيم محمد ابو الوفا .. الف رحمه و نور عليك يا رب .. ماشبعناش من موهبتك يا استاذ ❤️
صعب اوي ان تبقى ام مستنيا ابنها اللي في خدمته في الجيش يكلمها عشان يعيد عليها و لما التليفون يرن تسمع خبر استشهاده .. ربنا يرحمهم و يصبر أهليهم .. ياريت نقرالهم الفاتحه #سيناء
محمد صلاح للمره التانيه على التوالي يتوج ملكا للقاره الافريقيه .. قصة نجاح لازم تتقدم في المدارس .. و فيلم سينمائي عالمي يمثلنا في كل بلاد العالم .. محمد صلاح نموذج لحلم مستحيل و أتحقق .. مبروك لمصر
ياريت يتم حذف فيديو انتحار الشاب احتراما لاهله و عشان مانشجعش على الفكره .. ربنا يرحمه و يغفرله و يخفف على اي حد بيمر بازمه نفسيه .. و ياريت نسمع بعض و نخفف على بعض .. و ناخد بالنا ان حاجات بسيطه ممكن تفرح حد و حاجات ابسط ممكن تزعل #برج_القاهره
من اهلاوي مبروك للزمالك مباراة للتاريخ .. و ياريت مصر كلها بروح و قوة و إرادة طارق حامد و محمود علاء اللي دايما بيثبتوا انهم القلب النابض لنادي الزمالك حتى و لو المنافس بركان ف هم قادرين على إخماده
الفنان العظيم صلاح منصور وزع حلويات علي جيرانه والماره في شارع منزله عند سماع خبر إستشهاد إبنه في حرب أكتوبر 1973 وعانق الرئيس السادات وبكي في حضنه وتبرع بمكافأة ومعاش إبنه الشهيد لتسليح الجيش المصري حتي رحل عام 1979 #نصر_اكتوبر
البقاء لله في وفاة الطفل الزمالكاوي الجميل ادهم مسعد في حادث على طريق برج العرب و هو في طريقه لحضور المباراة..و والده حاليا في المستشفى و حالته غير مستقره..اتمنى من اتحاد الكورة يطلع بقرار بالوقوف دقيقه حداد على روح ادهم و زيارة لاعيبة الزمالك للوالد بعد المباراة للوقوف بجواره
احنا بمنتخب كابتن حسن شحاته عملنا مباراة هي الاعظم قدام منتخب برازيلي اقوى من اللي خرج النهاردة بمراحل .. و ده يخليني اقول ياريت منتخب كابتن حسن شحاته كان هو اللي موجود في كاس عالم روسيا
النهاردة ٢٥ اكتوبر الذكرى التالته على استشهاد احد ابطال عملية حق الشهيد في سيناء ابن اخويا الشهيد البطل هشام مصطفى البزاوي .. اللي ربنا كرمه بالشهادة و كرمنا كلنا كعيله بالفخر و العزه .. الف رحمه و نور عليك يا حبيبي
عماد متعب بالنسبالي هو سوبر هيرو الكرة المصرية. و اللي دايما بيثبت ان مفيش مستحيل. تحسه كاتب سيناريو او مخرج هو مش بس بيلعب كورة هو كمان بيلعب دراما و بيعرف دايما يقفل قصصه بالنهايات السعيدة .. لكن لأول مره تبقى النهاية حزينة بأعتزال ملك الدقيقة ٩٠
المشكله في كارتيرون مش انه خسر افريقيا المشكله الأكبر هي ان هوية الاهلي اختفت على ايده .. يعني كنا بنخسر اه بس بنلعب .. انما بالشكل ده انا بعتبر ان الاهلي ماسافرش تونس اصلا
النهاردة ٢٥ اكتوبر الذكرى الرابعه على استشهاد احد ابطال عملية حق الشهيد في سيناء ابن اخويا الشهيد البطل هشام مصطفى البزاوي .. اللي ربنا كرمه بالشهادة و كرمنا كلنا كعيله بالفخر و العزه .. الف رحمه و نور عليك يا حبيبي
سارة سمير اللي كانت خايفه بعد ما سقطوها في الثانوية العامة عشان مثلت مصر في أولمبياد ريو و ماحضرتش الامتحان و حققت البرونزية .. النهارده تحقق بطولة العالم للشباب .. عايز أقولك ان اسمك بقى اكبر و اهم من شهادة الثانوية العامة .. شكرا سارة سمير
لبيك اللهم لبيك, لبيك لا شريك لك لبيك, ان الحمد والنعمة لك والملك, لا شريك لك لبيك... لبيك ربى وان لم اكن بين الحجاج ساعيا.. لبيك ربى وان لم اكن بين الزحام ساعيا .. اللهم ارزقنا حج بيتك الحرام وتقبل يا رب دعائنا ..
رفعتوا سقف طموحاتنا بسبب الاداء الرجولي و المبهر و حتى في الهزيمة انتوا الأبطال .. شكرا منتخب مصر لكرة اليد للشباب على الوصل لقبل نهائي كاس العالم .. و ياريت نحافظ عليهم لان في ٢٠٢١ مصر هاتكون بتنظم كاس العالم و بمستواكم ده اكيد هانبقى ابطال العالم
في كل ذكري للانتصار بافتكر حاجات كتيره كلها فخر.ومن اجمل الحاجات اللي بافتكرها وبافتخر بيها الشهيد هشام مصطفي البزاوي (ابن اخويا) اللي استشهد في سيناء اثر استهداف مدرعة البطل بمنطقة كرم القواديس جنوب الشيخ زويد .. الله يرحمك يا حبيب عمك
الصعود لنهائي افريقيا شئ مفرح. بس احنا بنحب البطولة و بالنسبالنا التاني زي الاخير .. ١٨٠ دقيقه رجوله من الجماهير و الفرقه. و ان شاء الله افريقيا ترجع لبيتها الحقيقي الاهلي
في ذكرى وفاة عمنا العظيم احمد زكي كان ليا الحظ اني امثل قدامه في فيلم الهروب و كانت من اسعد لحظات العمر .. و زي ما قال "الواحد يزعل على حاجه كانت في ايده و راحت منه" و انت كنت احلى حاجه في أيدينا و راحت .. الف رحمه و نور عليك يا أسطورة #احمد_زكي
شكرا لفرق برنامج حماية اطفال بلا مأوى التابعة لوزارة التضامن الاجتماعي اللي بتلف في الشوارع وسط الاجواء الصعبة دي ربنا يجازيكم كل خير يا رب .. فيها حاجات كتير حلوة ♥️