Senior 🇱🇧 editor and journalist at
@aawsat_news
, interested in arts. Formerly head of desk and culture online department, editor and writer at
@annahar
🎯✍🏽
أنا بخير، جروح خفيفة وانهيار عصبي. أكلت وهلة بتسوى حياتي. شفت الموت بعيوني وما قلت بطلع عايشة. يلي صار اليوم أكتر من مرعب. ما بعرف كيف زمطنا. الله نجانا ولطف فينا. فاقدة القدرة عالحكي والكتابة. بكرا برد عكل يلي سأل واطمّن. ممنونة. يرحم لراحوا ويشفي الجرحى. حمدالله عكل شي. #بيروت
قدّام العيلة ما بعود الإنسان لا دكتور ولا مهندس ولا طيّار ولا مثقّف ولا عالم نووي. بعود أب وإم وأهل وبس. لصار ببيت #نانسي_عجرم مرعب. سارق مسلّح بقلب بيت في إم وبيّ وبنات، والحياة فجأة صارت أمام لحظة خطرة. الله لا يجرّب حدا بهيك موقف صعب. العيلة خط أحمر.
"ليس عيباً أن ترتدي ملابس تحبّها أكثر من مرة،
وليس عيباً أن يكون هاتفك أقدم من هواتف أصدقائك،
وليس عيباً أن تعود إلى البيت لأنّ عائلتك ورغم كبر سنّك تخاف عليك،
وليس عيباً القيام بكل شيء لتكون سنداً لعائلتك ولنفسك،
العيب هو اهتمامك بإرضاء الآخرين على حساب مبادئك".
#صباح_الخير 🙂
نعم، يوجد زعران في الشارع، وعشتُ في طريق عودتي من الجريدة لحظات مخيفة. حوصرت في طريق الكولا المقطوعة ولما حاولت سؤال أحدهم إزالة دراجة نارية لأعبر نحو منزلي، ردّ بنبرة غاضبة: "دوّري وارجعي" كأنني مَن زاد عليه الضرائب. هذه ليست ثورة يستدعي التعاطف. هذه زعرنات.
#لبنان_ينتفض
قالت مرّة #ميشيل_حجل: "لم أكن أتخيّل يوماً أنّ ذلك سيحدث معي. نظنّ دائماً أنّ الأمور بعيدة منّا. لم أصدّق أنّ ذلك يحدث حقاً، وإنّني مصابة بالسرطان، على الرغم من أنّني اختصاصية تغذية، وأحافظ على نمط غذائي صحي".
أحد لا يعرف متى نهايته. اجعلوا قلوبكم صافية، وحدها المحبة تبقى.
لو فات مسلّح ع بيتي كان بيّ عمل كل شي ليحميني ويحمي إخواتي، وهو ما بحياته قاتل نملة. قدام سلامة الولد، كل شي بيسقط.. من حيث لا يدري، دخلت مصيبة على عيلة فنانة وزوجها سمعتهم نظيفة وأخلاقن عالية. كلنا معرّضين. ما عاد في أمان. بيكفي ما عم نبتلي بمصائب لنكون أسعد البشر.
#نانسي_عجرم
نحنا وعم نصلي لـ #الطفل_ريان خلونا ما ننسى كل طفل بحاجة لحملة عالسوشيال ميديا وع صلاة ودعم
قلبنا كمان مع الطفل #فواز_قطيفان يلي عم يتعرض للتعذيب والضرب
يا رب كون حده وخلصه من هالكابوس
الإنسان أوسخ وحش 💔
#أنقذوا_الطفل_فواز_القطيفان
هيدي الصورة لـ #بيروت بالليل التقطها الزميل نبيل إسماعيل هذا المساء.
برغم الاختناق والوباء والكارثة الاقتصادية والإذلال، شوفوا الأضواء والألوان على أنها رسالة من السماء.
ايه، مدمّرين متل ما تدمّرتي، بس رح ننهض وتنهضي بقوّة يا بيروت. شو حلوة حتى بعزّ الحزن. يوماً ما رح نضحك كتير.
عم فكر بهالأطفال لخسروا أغلى شي عندهم وبعدهم ما شافوا شي من الحياة وبكير عليهم كل هالقسوة
ومع هيك بتجي ناس بتقلك مين هيدي وليه كانت معه؟
تكون مين ما تكون، هون الهم؟ عائلتان مفجوعتان وناس بالها بالثرثرة وإصدار الأحكام
الله يرحم #جورج_الراسي و #زينة_المرعبي ويصبر هالأطفال 💔
#كارول_سماحة تغني النشيد الوطني... "منبتٌ للنساء والرجال"، تحية للمرأة في الثورة وفي ولادة وطن.
أيتها المرأة اللبنانية، كم أنتِ رائعة! بصبركِ وجهدكِ وقلبكِ وفكركِ ونضالك في عالم يتوحّش ويفرغ من المعاني والقيم.
#Naharouki
إنسانة من لحم ودم وأعصاب وقلب وروح دفنت زوجها وخيها وابن عمها بنهار واحد. كيف ضلت قادرة تصرّخ؟ كيف ما فقدت عقلاتها؟ كيف ضلت بحجم الوداع؟ حِمل بهدّ جبال وهالجبّارة عم تلعن كل شي بصرخة، بس بدّا مين يسمع. #قرطبا اليوم كانت الآخخخخ الطالعة من غصّة كل #لبنان 💔
#أنجو_ريحان من أول المسلسل لهلق طالعة من دون هبوط. تركيبة درامية- كوميدية مضحكة مبكية. مشهد السكرة مع #نقولا_دانيال اختزال لسخرية الحياة. محاولة فاشلة للنسيان. الشخصيتان بفوتوا مباشرة على القلب. من دون واسطة 👌🏾
#انتي_مين
هيدا بي شهيدة بـ #مستشفى_الروم راحت بـ #انفجار_مرفأ_بيروت حمل صورتها والدمعة بعيونه والغصة بقلبه. علّمها وكبّرها وراحت بسبب إجرام ما الها يد فيه. ومتل هالبيّ كتار بعدن عم يبكوا. #حرروا_القضاء كرمال هالإنسان لخسر وردة عمره.
أبكيتنا يا إنسان! كيف استطعت أن تكون حقيقياً إلى هذا الحد، كأنّك تخسر الأم من دون تمثيل، وتودّعها وتندب رحيلها، من دون اكتراث لكبرياء الرجولة والبكاء على الملأ؟ هل نبالغ إن قلنا أنّه دور العُمر؟ لعله كذلك.
#قصي_خولي #صافي_الديب #عشرين_عشرين #يا_عفو_الله
إلى #دبي، وسأكون ضيفة برنامج #كلام_نواعم في حلقة الأحد، لقراءة المشهد الرمضاني.
ستكون إطلالتي الأولى بهذا الشكل الصريح، في الاستوديو، على الملأ.
أنا التي فضّلت طويلاً الانزواء والاختباء والبقاء في العتمة. لكن الحياة بفرصها وظروفها وقراراتها، تفرض أحياناً تعديل الخيارات. يا رب 🤲🏽
كيف في ناس الها قلب تطلّع شائعة موت وتنشرها من دون أي اكتراث للشخص ولمشاعر العائلة. خبر الموت مش مزحة. الشفاء العاجل للزميل #زاهي_وهبي وبإذن الله رح يرجع أقوى من قبل. خلونا نصلّي ونقول يا رب 🙏🏾
بدي خبركن عن خيي البطل بيوم #انفجار_المرفأ
بدقايق كان حدي. ساندني، اطمن عني، ما قبل الا يطلع ست طوابق ليجبلي مفتاح سيارتي وجزداني. نزل مشي عالرابع تحت الأرض ليطلّع السيارة. عتمة مخيفة، غبار، ماشي عضوء التلفون وماي نازلة من أجهزة الحريق. قال يمكن كهرب وموت. ضحى كرمالي. الخي نعمة.
أختم اليوم مسيرة عشر سنوات أمضيتها في #النهار بين عائلتي وأحبّتي، لأنتقل إلى خبرة صحافية جديدة في جريدة #الشرق_الأوسط. عشر سنوات لها الفضل في نضجي وخبرتي ومكانتي. شكراً لأساتذتي وكلّ مَن آمن بي ومنحني الفسحات.
الله ولي التوفيق 🙏🏾
📸 نبيل إسماعيل.
لماذا نغلق أعيننا عندما نضحك بشدة، وعندما نحلم، وعندما نتعانق، وعند الخشوع؟
لأنّ أجمل ما في الحياة لن تراه بعينك بل ستشعر به بقلبك. ❤️
#أغاثا_كريستي #أقوال
#محمد_قنوع عمل أحلى أدواره بـ #العربجي
غيَّر جلده وطلع من حاله
وتلبّس شخصية "شومان" النذل الساذج
كتير حزين خبر وفاته
شو قاسية وغدارة يا دني
بأمان الله 💔
يمكن أن تحبّ #إليسا، أو ألا تكنّ لها المحبة.
يمكن أن توافقها الرأي، أو تنتقدها.
ما لا يقبل الشكّ ويستحق التحية، هو صراحتها وكلامها على الملأ، بهذه الشفافية والصدق، من دون أقنعة ومكياج وتدوير زوايا. إليسا تستحق الاحترام لجرأتها.
#صار_الوقت
#جوليا_بطرس لا تحتاج الى "التزليط" في الحفلات وعلى السوشيل ميديا.
لا تحتاج إلى إثارة جدل مجاني لتظلّ سيرة الصالونات والثرثرات.
لا تحتاج إلى الخلافات التافهة بين الفنانات وحروب الفانز السخيفة.
جوليا هي الفن الرصين الراقي الأنيق، أحببنا توجّهها السياسي أو عارضناه.
#جوليا نادرة.
حبيت الحلقة الأخيرة من #خمسة_ونص، ورسائلها ولحظاتها غير المتوقعة. حلوة كتير رسالة دعم المرضى المصابين بالسرطان، وإنو الجمال ممكن يروح والمهم يبقى الجمال لجوا. زعلت عبيان، ما بتستاهل لصار. بس هيدي بشاعة الحياة، الزعران يحكمون فيها. نهاية بمستوى جميل و #نادين_نجيم عطت فيها للآخر 👌🏾
كلما حاول اتفاءل واضحك وانسى وانظر للجوانب المليئة من أكوابي المثقوبة، بصطدم بلاعدالة كل شي، ولعنة كل شي، وبشاعة كل شي. #ميشيل_حجل وجّعتيني كتير. وعّيتيلي عذابات جواتي. ما رح ترتاح الإنسانية قبل القضاء على السرطان اللعين. يا حلوة نفسك بالسماء. قوية وعظيمة بتحمُّلك لآخر نفس.
لا شيء يبرّر الرخص. كلّنا يختزن في ذاكرته صوراً قاسية. لا مبرّر لاستضافة #نيشان إفلاسات البشر، بل مزيد من استماتة على شهرة. تصويرها بإطار المظلومة التي ترخّص كل شيء كردّ فعل، غير موفّق. لا يكفي أنّ السوشيل ميديا مساحة للقعر والأسفل، فهبّت الشاشة لتجعل للتافهين منبراً.
#أنا_هيك
الشتيمة بحقّ والدة أي سياسي معيبة وبشعة، حتى لو كان لصاً وفاسداً وتافهاً وكلّ البشاعات الأخرى. هذه الهتافات مقيتة وبائسة، ذكوريتها مقزّزة. الانتقاد في السياسة وليس في الأعراض والأمهات.
#لبنان_يثور
#لبنان_يتنفض
كمية البوتوكس والتنفيخ ع وجوه بعض الممثلات لا يُطاق. لا ملامح، لا تعابير، لا مشاعر، لا صدق. وجوه بلاستيكية. رموش نافرة، شفاف مضخّمة، خدود نافخة، ونسخ عن بعضهن البعض. ما غلط التجميل، شرط ما تفقد المرأة هويتها وروحها، وما تعود تشبه حالها. لعم نشوفه تشويه، مش تجميل.
#رمضان #مسلسلات
"أصبح لدي ملاك"، بهذه الكلمات نعى مارون، خطيب #ميشيل_حجل الجميلة الراحلة. ما أنبل القلب الذي يُعطي حتى النهاية. رافقها في محنة المرض وفي الأمل والوجع والتعب والتحمُّل. وحين لم يبقَ ما يُقال، اختزل الألم بكلمة ملاك.
ما حدا بيعرف شو يعني موت قد الأحبّة والأهل. هذا الوجع أبدي.
أنا وراجعة من شغلي، ومع كل تلف الأعصاب ورعب لجايي، حسيت بغضّة من النوع يلي بيخنق كتير. بكيت. من قلب موجوع قلت يا رب تفرجا لأن تعبنا. وكتير. ما قاصدة كون سلبية، بس الدوامة هائلة وعم تجرفني كتير. لما تسكر من كل الميلات، ولما ما يكون في حدا، ما بضل الا الله. اللهم الضوء بعد النفق.
من سنين كانت الحياة عادية بلا #فايسبوك و #انستغرام و #واتساب
كنا عايشين بقلق وتوتر أقل
وسائل التواصل قرّبت العالم من بعضه بس بعّدتنا عن أنفسنا
صرنا آلات أمام الأجهزة
حتى لما تعطلوا، ركضنا ع #تويتر لأننا مجرد كائنات مبرمجة!
الحياة صارت حبس كبير بوسائل الاتصال ومن دونها
#whatsapp
نزلت دمعتي 💃😍🤩 هيدي الانتصارات منها صغيرة، هيدي قوتنا لنستلهم الطاقة ونكمل. شو هالروعة يا صبايا حرّكتوا كل حماستنا. Proud proud proud بكل لبناني عم بقاتل ليردّ الأمل. بكيتونا من الفرح 🥳 ولا أحلى من هالصباح يا فنانين يا مبدعين يا أبطال 💪🏾😍🤩
#Mayyas
#AGT
#Lebanon
🇱🇧
أيّد سياسي بس ما تقله دمي الك.
أيّد حزب بس ما تمشي وراه عالعمياني
أيّد نهج بس ما تقبل يغسل دماغك
أيّد أفكار بس خلي عقلك كبير وواعي
أيّد شارع بس ما تلغي الوطن.
#لبنان_ينتفض
#بعبدا
لماذا #إليسا؟ لأنّها أولاً فنانة، لم تنزلق بالأغنية ولم تنحدر نحو السفليات. ولأنّها ثانياً لم تجعل المرض صفقة، فتجني التعاطف الرخيص والدعاية المفضوحة.
#شاشة اليوم- لِمَ #تكريم_إليسا؟ via
@Annahar
مبروك للشيف اللبناني #شربل_حايك لقب الموسم الخامس من
#MBCTopChef
😍 بيستاهل ما لأنو من #لبنان، لأنه جدي وشغّيل وطموح وحالم وذكي 💜 نتيجة بتفش الخلق ونحنا بهالعتمة اللبنانية الحالكة. شو فخورة بكل لبناني عم يعمل شغل عظيم لرفع اسم لبنان. #توب_شيف برنامجي المفضل يلي رح اشتقله كتير ❤️
في شي بـ #عشرين_عشرين ما بيشبه ولا مسلسل. يمكن هالحيّ، يمكن أم الديب، يمكن كيف صارت النقيب سما حياة، يمكن صافي الديب ورسمية وكلّ ممثل بهالعمل. بحضره بشوق، وبضل حاملة هم حدا من يلي بحبن يتوجّع. فات ع قلبي.
حضور موفّق لـ #نادين_نسيب_نجيم الليلة. وواضح أديش التجارب القاسية علّمتها وصقلتها وخلّتها أكثر ذكاء ونضوجاً. حبيت حديثها عن الأمومة، وحبيت أنها مش من النوع يلي بينشر غسيل وبيحكي بالعاطل عن شي مرق فيه. وفي كيمياء حلوة مع #جيسيكا_عازار يلي عملت جهد وبيّنت أكثر بالبرنامج.
#mtv40
جنونها مدهش، واختراقها المحظور، وبكاؤها. ثم ذوبان العقل في الصدمة. تتراءى مجنونة بالفعل، لا ممثلة داخل شخصية. فتأخذ المُشاهد في رحلة عذابات داخلية، تفيض على الملامح المُجعَّدة، وعلى الصوت المتأرجح بين التردّد والثقة.
#حارة_القبة #سلافة_معمار #رمضان
أول يوم عمل لي في #الشرق_الأوسط 🙏🏾 أكيد القلب عم بدق والمشاعر فيّاضة. بس بعرف شي واحد وأكيد، الله بيعرف شو قلبي ونيتي وجواتي وأنا مسلّمته أمري. يا رب، اعطيني يلي بستاهلوه وما بدي أكثر. شكراً لكل حدا كتب شي كرمالي. الأحبة كتار وبنحني لكل حرف. التوفيق يا الله 🙏🏾
#صباح_الخير 🌸
ترحل في زمن ندرة الرصانة وخفوت الموهبة. حزينٌ كلّ شيء الآن. كانكماش المطر في الخارج وتلبُّد الأجواء. وكهذا البرد الذي يُرجّف النفوس، فيجعل الأجساد تتكوّر. الاستراحة أجمل ما يفعله الراحلون. يستحقّون سكينة السماء.
لغز #نجوى_قاسم ونار أسئلتها via
@Annahar
لهلق لقدرت اسمع أغنية #إليسا #صاحبة_رأي. ما كان بدي غرّد لغرّد مع الموجة. أغنية صادقة، قوّتها بصدقها. لمحت فيها إنسانة وصلت بفخر مع إنو الطريق كانت مليئة بالمتربّصين. لمحت وفيها وفاء للأب وكلّ شي ممكن تآمن فيه. قصة حياة بدقايق، وشلال من الرسائل والنقاط عالحروف. المقال الاثنين.
انتظرتُ المساء للاستماع الى أغنيتي #إليسا، #كرهني و #الى_كل_اللي_بيحبوني. وفيهما وجدت شيئاً من الشعور الإنساني العميق. لست ممن يعشقون أغنية من النظرة الأولى أو ممن يصفّقون لأي موجة ولأي أحد. اليسا في الفرح تدخل القلب وفي الحزن تسكن فيه. أغنيتان لأمزجتنا مهما تقلّبت. للقلب الصادق.
ممنونة يا رب
على كل ليلة بنام فيها بلا غسيل كلى
بلا علاج كيمائي
بلا موت حدا بحبو
بلا مصيبة فوق طاقتي
بلا ضربة ما عاملة حسابها
وبضمير مرتاح.
الباقي مرحلة، وبآمن إنو رح تساعدني اتجاوزها.
#ادمون_ساسين من أكتر المراسلين الشباب المحترفين عالأرض. اصراره على التغطية من داخل نفق #نهر_الكلب رغم تعرّضه للاعتداء، ورفضه الخوف والتراجع والانصياع لأصوات يلي عم يبنوا جدران داخل النفق، موقف شجاع. عدا عن مواقف تانية أثبت فيها رصانة ووعي. الصحافي أيضاً بطل الثورة.
#لبنان_يتنفض
#شو_شعورك لما تحضر #تيم_حسن_في_مجموعة_إنسان وتسمعه عم يحكي بهالوفاء والجمالية عن زوجته #وفاء_الكيلاني؟
رائع الحبّ على هذا الشكل: "من حظي ورضا الله عليّ إنو طلع بدربي حدا متل وفاء".
كلام يُغني عن كنوز العالم.
لا، الشاب والصبية يلي نازلين عالشارع منهن عملاء لإسرائيل. هول ناس عم تحلم بوطن. ما كلّ ما دقّ الكوز بالجرّة، يتخوّن الآخر ويُتّهم بالعمالة. هالحِجّة صارت مملّة جداً. فيك ما توافق ع قطع الطرق، بس ما تتحوّل بلطجي عم تقدّم أبشع الصور عن بقايا الوطن. #جسر_الرينغ #لبنان_ينتفض
#عشرين_عشرين عم يحبس الأنفاس وما عم يخلّي أعصاب مشدودة. والإيد ع القلب ع مصير حياة وبنفس الوقت ع صدمة صافي. المشهد الأخير بخوّف. المسلسل لهلق من أجمل إلى أجمل.
أسبوع على احتدام المعارك، ويبدو أنّ #كارين_رزق_الله حتى الآن متقدّمة. دعونا في الرجل. يُمسك #نقولا_دانيال مَشاهده من دون منّة أحد. ممثل، فيما كثر يحومون حول المهنة، من دون بلوغ عمقها.
#انتي_مين #رمضان
فخامةُ نقولا دانيال via
@Annahar
العصفور الأزرق ما كان مجرد شعار لمنصة تواصل. كان شي دافئ وحميم. هالعصفور شكّل رمز لـ"حريتنا"، لصوتنا وحضورنا وأفكارنا وشيء من قناعاتنا. استبداله بحرف X البليد الجاف البارد والمسلوخ من العواطف، هو أشبه بعملية محو أو اغتيال لجزء من ذاكرتنا ووجداننا. تباً لـ #إيلون_ماسك
#TwitterX
عظيمٌ الصليب على صدر نجوى كرم، وهو اختزال تقارب، في مواجهة الشتيمة على السوشيل ميديا في كلّ مرة تطلّ بصليبها أو تغرّد للمسيح. وعظيم ضمير شيرين ويدها الممدودة.
#الدين_تمام_الأخلاق
#نجوى_كرم "المسيحية" و #شيرين_عبدالوهاب "المسلمة": هذا هو الله via
@Annahar
30 سنة و #غسان_حصروتي يعمل بـ #مرفأ_بيروت وبلحظة، من دون أي عدالة أو حق أو إنسانية، بيتحوّل أشلاء تحت الأرض، ولبعد أسبوعين لتعلن عائلته وفاته. عنجد ما بدنا ننسى. حرام ننسى. ما لازم ننسى. ولا نلتهي عن هالفجيعة. ليش نهاية رجل متله بدا تكون هيك. وبيحكوا عن تحقيق. لراح راح بهالبلد 💔
الناس ما عادت تتحمّل. الناس جاعت. الناس طفرت. الناس كفرت. وأمام الصرخة، إطلاق رصاص. لم يوجد أوقح من دولة كهذه. بدكن توجّعوا الناس وتمنعوهن يقولوا آخ. وصلت الأمور للقمة والبنزين والدواء وكرامتنا الإنسانية، حتى #واتساب. الشعب يصرخ الآن "حرامية حرامية".
#اجا_وقت_نحاسب
#WhatsApp
"الغريب أنّ كلّ ما تقوله أمي صحيح. في كلّ مرّة تتكلّم تُصيب، حتى وإن كنتُ أرى أنها ليست على صواب، أكتشفُ بعد حين أنها أصابت. لستُ أدري إن كانت أمي ذات خبرة في الحياة، أم أنّ الله ينصر الأمهات".
مش من هلق بعرف هالشي، من إيام "سنعود بعد قليل"، #دانا_مارديني تتنفّس تمثيلاً. ممثلة من الرأس الى القدمين. بـ #تانغو رائعة كامرأة مخدوعة، تخرجها الخيانة عن طورها. ممتازة 👍🏾
كيف منتأكد إننا بالقعر؟ لما إعلامي بيفتح الهواء لبصارة تكب حكي شمال يمين، بهالزمن الغلط والظرف الغلط والوضع المأسوي. احتراماً لدقة المرحلة، هالناس لازم يختفوا كلياً عن التلفزيونات، وما ينسمع حسّهم. لا البلد ناقصه ولا المعتر ببيتو. إعلامنا كمان بالويل.
#أنا_هيك #ليلی_عبد_اللطيف
كل لحظة بتأكد إنو الحياة ما فيها شي واليوم هون وبكرا مش هون
الموت أكبر صفعة بشرية يستحيل ردعها
الحياة هيي اللحظات يلي منراكمها لنبلغ الإحساس بالجدوى
كتير قاسي نفكر بالطبيعة البشرية ومصير الإنسان
مبارح #محمد_قنوع كان بدور قوي وجديد واليوم الكل عم ينعيه
ما بضل إلا الأثر 💔
ما بدّعي الفهم العميق باللعبة السياسية ولا بتداعيات قرار #اعتزال_الحريري وشو رح يصير من بعد هالقرار
بس كلمة حق تقال، تحية لشجاعة الرجل وموقفه بالزمن الرديء
#سعد_الحريري رجل موقف، قادر ينسحب ويقول لا.
وما عندي شك بطيبته وحبه لـ #لبنان
عقبال يلي لازم يفلو ولازقين ع أنفاسنا.
اسمه #الياس_الخوري عمره ١٥ سنة، استشهد بعد ١٥ يوم من الانفجار.
١٥ يوم وهوي عم يتوجّع وأهله عم يتوجّعوا، لحد ما فارق هالحياة القاسية
شاب بعُمر الأحلام والألوان والضحكات، راح بلحظة
بذكركم بيلي قالوا التحقيق رح يكشف كل شي بعد ٥ أيام، وبعدن عكراسيهم. ارتاح الياس، هالبلد قتلنا كلنا 💔
هكذا هي #إليسا، امرأة من خارج الرمادية. مناطقها المُحايدة ضئيلة. إما ستُقدِم أو تنسحب. أقلّه ليست متلوّنة ولا تحكم الديبلوماسية المنافقة لسانها. أعطت #زافين حقّه كمُقدّم ورجل لقاءات. وأنصفت نفسها. التصالح مع الذات كنزٌ لا يُثمّن.
#عشرين_سنة_اليسا