تبون الصدق؟
العائق الوحيد بالدراسة بالجامعة هو الانقلش، مافي عائق غيره !
ما افهم الي يقولون الانقلش مو عائق أجل وش العائق؟ مجهددد جدًا جدًا افتح شابتر كله كلمات بعمري ماشفتها والوضع كاني اقرا جريدة الواحد يفهم ولا يحفظ ولا يترجم ولا ايش بالضبط؟ المشكلة الاختبار يجي من عالم موازي
اول دخول للمستشفى ك مكان عمل 🤍🤍!
سوينا patient interview والبيشنت كانت مره عسل متعاونة الله يشفيها ويعافيها يارب، نحسب الوضع ممتع بس طلع لا لأن حزنت ع المرضى حالاتهم تحزن الله يقومهم بالسلامة 😔
طيب تدرون ان في فئة ادوية benzodiazepines
تسمى ( مصل الحقيقة ) ؟
تخليك ماتقدر تكذب لانك ماتكون واعي مين الي معاك ويستجوبك وبنفس الوقت إذا خلص مفعوله ماتدري وش قلت او وش صار لك اثناء تأثيره، كانوا يستعلمونه بالاستجوابات لكشف الحقيقة لكن بعدها وقفوا لأنه غير قانوني 💀
ياناس فخوره ومبسوطه مره
هذا الترم كنت احسب إني مو قدها، يشهد ربي انهرت كثير كثير كنت خلاص احس مستحيل اقدر اتجاوز اي شي بالترم لدرجة كنت افكر اعتذر عن اللابز واتخلى عن درجاتي فيها من كثر التعب مستوعبين؟ بالاخييير صار هذا الترم اعلى معدل لي! مره مره شعور حلو ياجماعه😢 الحمدلله
بخصوص الي دايم يسألوني عن التوظيف بالصيدلة، هنا سألت خريج فارم دي هالعام وهذا كان جوابه 👇🏻
وللأمانة هذا كان جواب أغلب الصيادلة الي تكلمت معاهم وحتى الشركات الي سألتهم في بوثات التوظيف 🤍
@MAlbumut
طيب صدق وين الكذبة .. عاد توي درست بعض اسباب ان ليه يكون في ادويه غالية عن الاخرى، لأن في مركبات لها enantiomers مالها تاثير بالدواء، لكن فصلها صعب جدًا وغالي ومكلف لكن بتعطيك نفس النتيجه لو فصلتها مافي اي فرق لكن في شركات تفصلها ويكون مكلف وهذا سبب غلاء شركة عن شركة
تجربة مارح انساها، أول حملة امسك تصاميمها بالكامل من شعار الى توزيعات وحتى اقتراح اسم الحملة وتصويرها ! سعيدة جدًا بهذا الانجاز مع فريق عمل مميز وكنز كبير جهودهم تذكر فتشكر، وشكر خاص للجمعية السعودية للصيدلة الإكلينيكية على هذي الفرص الرهيبة 🤍
#جرعة_آمنة
نكد ياخي مذاكرة مواد هذي الترم ثقيلة بشكل وتاخذ وقت اكثر من المتوقع، ولا فيه محصلة على التعب ! الواحد لما يشوف درجته كأنه نايم طول الترم ولا ذاكر الا ليلة الاختبار ماكأنه قعد يتابع مقاطع ويلخص ويحفظ ويراجع، وفعلًا الدكاتره يشوفون الدرجات ويقولون ماذاكرتوا ! واحنا مقطعين نفسنا
@_soamii
شعري كيرلي وكان فيه نفشه مره لما صرت استخدم هذا بعد الشاور بكمية كثيره صار يخليه هاجد وكيرلياته مرتبه وحلوه فادني مرره صدق اللي ماتشتريه مالها داعي
*(ثريد منقول من أصحاب الخبرة)*
الصيدلي جوكر! 🃏
لقب شهير ممكن تسمعونه في أي مكان
هل اللقب طلع من العبث؟ طبعًا لا
من أجمل المميزات بتخصص الصيدلة هو وجودها في مجالات وفي أماكن كثيرة، بعطيكم أمثلة يمكن ما تتوقعونها ✨
#Pharm444
#PharmD223
#PharmD
#SIPHA24
اللقاء السنوي للجمعية الصيدلية السعودية في نسخته السابعة 🤍 تنظيم وجهود جبارة يُشكر عليها وكالعادة الصيادلة يثبتون تميزهم في كل مؤتمر وأيضًا سعدت بمشاركتي اليوم كممثلة لفرع التجمع السعودي لسلاسل الإمداد الطبي
@SMSCA2030
فرص رهيبة لاتفوتون حضور اليومين الجاية 🤩!
انا مادري الناس متى تستوعب ان الوظيفة رزق، والله لو خريج ثانوي ومكتوب لك تتوظف بالمكان الفلاني بالراتب الفلاني بتاخذه حتى لو تشوفه مستحيل لأنه رزق من ربي، مين انتوا عشان تحددون رزق الشخص على حسب مكانه؟
الحمدلله ثاني مؤتمر بهالشهر أمثل فيه الآيسبور ويتم تكريمنا
@ISPOR_KSU
@sa_ispor
🏆
أول مره دوفات والثانية هنا في
#SIPHA24
، انبسطت مره بالإهتمام من الحضور للأشياء الي قدمناها حتى الي من جامعات ثانية والله شيء يسعد مره و ان شاءالله اننا قدمنا لكم الفائدة، أعشق كل الصيادلة وبس 🤍!!
صراحة اشوف ظلم جدًا على خطتنا هذي اننا للان نتساوى مع ال Pharm B ! حرام ان الهيئة للان ماعتمدت التخصص ك صيدلي اول والله !
والشي الغريب ان كلنا نفس اختبار الهيئة مو هذا ظلم بعد لحقين الفارم بي ؟ مادري
سعدت بمشاركتي في تمثيل الفرع الطلابي للجمعية العالمية لإقتصاديات الدواء ونتائج الأبحاث بجامعة الملك سعود
@ISPOR_KSU
في مؤتمر دوفات العالمي - الإمارات 🤍
#DUPHAT2024
الكروز من أرهب التجارب بحياتي🤍🤍!
مظلوم جدًا ومو الكثير يعرف عنه رغم انه رهييب ! هنا ثريد بتكلم فيه عن تجربتي في كروز MSC والاسئلة الي تخطر ببالكم بحاول أجاوب عليها كاملة بإذن الله
بما إن في اجازة قريبة فضلوا التغريدة🚢
@agnestheaggi
ترا واضح قصدها، ولا انتوا بس ودكم تهاجمون؟
سرعة القرارات والمشاعر فعلًا تصير وقت خربطة الهرمونات قبل الدورة او بعدها او اثناءها حسب جسم كل بنت، لأن الطبيعي انها تنخفض وترتفع
ثاني نقطه تقصد الي يعتبرون الانوثه بس ميكب وجسم وهذا فعلًا المتحولين كذا يحط لك ميكب وكم ابره ويعتبر نفسه…
@_iuranus
مو فاهمين باثوفسيولوجي الأمراض ويخترعون مؤامرات
البنكرياس متعطل مايسوي انسولين شلون بتخلين جسمك يسوي انسولين بدون عامل خارجي مثل الاجهزه والتطور الي قاعد نشوفه؟ العلم تطور وصار فيه شريحة واجهزة لمرضى السكري تغنيهم عن اكثر من شيء تبون يزرعون لكم بنكرياس من العدم ولا وش
اليوم الثاني 🤍
حبيت دوام صيدلية المجتمع !
ماتوقعته كذا كنت ظالمته خصوصًا ان كل الي يجون يطلبون أدوية ووصفة، نادر الي يجون يطلبون منتجات استهلاكية وإلخ.. الكل جاي يبغا يأخذ معلومة منك كصيدلي عشان تفيده والعجيب ان الصيدلي يدرس 6 سنوات ويجاوبك خلال ثواني وهذا دليل على المهارة !
قبل أسبوع كنت افكر اوقف كل شي من كثر الضغط كعادة اي طالب لما ينضغط، وهذا الاسبوع احس الدنيا وردية من كثر ان كل شي احسه متسهل علي رغم كثرة الاشياء بس تتيسر 🤍! والاسبوع الجاي بنرجع لاول سطر وهكذا، الحكمة هي لاتاخذون اي قرار بوسط اي ضغط لأنه يكون ناتج عن افكار مؤقتة تدركونها بعدين
@i14nn
اجيهم من نقطة ضعفهم
مثلا لما متكيسله وابي اختي الصغيره تجيبلي ايبادي من فوق ما اقولها جيبيه، اقول يوه وش ذيك اللعبه الي تلعبينها ابي زيك شرايك تحملينها بايبادي ونلعب؟ تقول اييي ، اقول يلا جيبيه من فوق
وتنجح الخطه وتروح تجيبه بكل حب😴