رسمتها السنه اللي فاتت 🙂‍↔️🙂‍↔️🙂‍↔️

كنت مستغربة الدنيا ولعا..نة ليه معايا الفترة دي كنت ناسيه أنه عيد ميلادي امممم والله نفسي اجرب اليوم ده يجي وانا مبسوطة وايه 21 دي رقم شكله وحش كنت مفكره زمان لما هوصل للرقم ده هكون شخصية ناجحة ومحققة احلامي ترا كل الاحلام اتبدلت ولسه موصلتش لحاجة 🥴🥴

الدنيا دي كل مرة بتثبلي انها مش على حال تبقى فرحان انها بدأت تفتح في وشك واهي خلاص هتتيسر فجأة تلاقيها بتقلب من كل حته وحاجات عمرها ما جت على البال يا بخت اللي ماتو والله خلصوا من الدنيا وقرفها

رحم الله الأحمدين، رحمةً واسعة، وجعل قبريهما روضةً من رياض الجنة، ونوّر لهما قبريهما، وآنِس وحشتهما، وجمعنا بهم على خير في دارٍ لا فراق فيها. اللهم اجعل ما قدّماه من خير في ميزان حسناتهما يارب ثبت علينا وعلي أهله العقل ، وصب علينا وعلي أهله الصبر صبًا صبًا @AhmedHa29577178

الدكتورة قالت لينا إن لو لقيت درجة حرارته عالية مش بتنزل وحسيت بضيق تنفس وانت قاعد وحاسس في تزييق في صدرك وضربات قلبك سريعة جدا وبتحاول تاخد نفسك كتير لدرجة انك تحس انك مخنوق بردو لسه وبيبقى فيه بلغم ف لازم تروح المستشفى بسرعة لانه احتمال كبير يكون pneumonia ولازم تتلحق فورا

من ساعة وفاة اختي وجدي قدام عيني وانا بخاف من الموت بذات موت الفجأة ده كنا بنضحك انا واختي والدنيا تمام وبنخطط لمستقبلنا فجأة كل حاجة تتقلب في اقل من ربع ساعة لما بشوف حد في سني واصغر مني مش بستحمل نهائي بحس الوجع بيتجدد في قلبي وطول الوقت خايفة واقعد افكر كتير

صدقة جارية على روح الدكتور احمد مصطفى اللهم اغفر له ذنوبه، ونقه من الخطايا كما ينقى الثوب الأبيض من الدنس واربط على قلوب أهله، واجعل مثواه الجنة

أحمد رحمه الله كان عامل للڤيديو ريبوست اسمعوه بنية صدقة جارية ليه

مصر فيها حاجات كتير قوي حلوة بس يا خسارة كان فيه دكتور قبل كده قال مصر دي شبه الطفل الجميل الذكي اللي فيه كل الصفات الحلوة بس مشكلته أنه عند ام واب مش مهتمين بيه كل همهم مصلحتهم فين وبيستغلوه عشان نفسهم وبس

كنت فاكرة أن لوحدي اللي كده 😭😭 الناس كلها بتحب التجديد كنت اي نظارة عندي لما كانت تتكسر كنت بزعل جامد عليها ،لاني كنت بتعلق بيها وكنت بحاول بكل الطرق اصلحها وماما وبابا يتخانقو فيا ويقولو ليا بطلي عبط والبسي الجديدة لدرجة أن ساعات كنت بجيب نفس النظارة ولو اللون اختلف بتضايق

أنا من محبين فترة الكورونا جدا وكنت حاسة اني حرة طليقة في الفترة دي كنت بعمل كل الحاجات اللي بحبها عشان قاعدة في البيت

بحس دمي كبدة وانا واقفة قدام حواجز وهمية ومخلياها تتحكم فيا

فتحت الايميل بتاعي اللي كنت عاملاه وانا عندي 16 سنة اكتشفت أن كنت واخدة ٣٦ كورس وكنت متطوعة في 4 مؤسسات أنا ممتنة لجروب no zero days لأن هو اللي كان عرفني على حاجات وناس كتير وكنت بردو حاسة اني not good enough نفسي ارجع لمرحلة الشغف وابطل التفكير الكتير اللي بيمنعني اتحرك

طب ايه هرجع السكن امته الوضع بقى لا يحتمل في البيت كل ما ادخل في نقاش معاهم ،بقيت احس انهم مستنين امته الضيف التقيل عليهم ده هيمشي

فكرتني ب طنط لما ماما كانت بتتكلم بتقول أن اختي بتعمل كل ٣ شهور منظار و٣ سنين لف على الدكاترة وأدوية واتحجزت في المستشفى وكل ما تبدأ تخف ترجع تتعب تاني اكتر من الاول راحت قالت كل دي فلوس وكان معاكو فلوس لعلاجها اللي هو وات ذا يا ولية هو احنا بنقولك بنفسحها في ديزني لاند🥴🥴

مكنتش بصدق في حوار البعد بيعلم الجفا لحد ما لقيت صحابي بتوع المدرسة من ايام زمان مشوفناش بعض من سنة وبدأنا نبعد عن بعض بالتدريج مش عشان حد وحش أو مؤذي لا عشان مبقناش عارفين نشوف بعض ف اتحولت العلاقة بينا لمجرد ريأكتات وكل واحد خايف يدخل يكلم التاني عشان خايف لا يكون تقيل😃

يعني دلوقتي البنوتة مطلوب منها متاخدش مهر عشان الظروف ومتطلبش دهب عشان الظروف ميجهزش البيت كله والبنت تشاركه عشان الظروف تقبل بإيجار أو بيت عيلة عشان الظروف مفيش ذمة مالية ليها منفصلة عشان الظروف مفيش حد يساعدها في البيت عشان الظروف مش حاسين انكو بقيتو اوفر سيكا ومجانين؟

حاسة الحياة هتبقى افضل لما ارجع اعمل ميموريز تاني وانزل اشارك في الحاجات اللي كنت بحب اعملها وارجع لشكل حياتي ما قبل الرهاب الاجتماعي

ليا صديق مغترب من ٢٠ سنة ، دايما عنده نفس الأتتيود ده ، بس هو متصالح مع نفسه وبقولها بصراحة : مصر حلوة اوي اوي طول ما انت بعيد ، كل حاجة بتفتكرها بتبقى حميمية ودافية ولطيفة ، وبتبقى احلى واحلى لما تنزل إجازة !! يا سلام قمة المتعة والاستمتاع حتى بتفاصيل العشوائية والزحمة والبلاوي

التويتة دي بشوفها من ايام ما الدهب كان ب1500 ولسه بردو الناس بتتجوز وهتتجوز وعادي ولسه بردو فيه ناس هوجيب ١٢٠ جرام عادي بردو 🤪

صعبه قوي انك تحاول تعيش وانت كل شوية حاجة جديدة تموت جواك الواحد مبقاش عارف يكمل ويحاول ي survive ولا يسبب نفسه وينعزل