اعتبر نفسي شخصيه تجاريه بشكل كبير و عندي اراء و معادلات ماليه تجارية اشوفها نقطه فارقه مميزة و مثبته صدق ! .ابي منصه اقدم فيها استشاراتي هذي قبل استغني و اطبقها و انجح فيها بتجارتي الشخصيه.

اتابع مسلسل مليون حلقه و لما اوصل للحلقه الاخيره ما اقدر اكملها و اسحب عليه ليه مدري.

موضوع البحث عن شنطه اخر سنه محزن شوي شووووي شووي بس.

والله ما الظاهر جبر الخواطر اشتغل الا بلاه خابر المكافاة توها نازله 😗😗😗.

تعرفون لما تدخلون محل بهدف الاستطلاع و بدون سابق كل الي بالمحل يختبون لك و يذوقونك و فجاه تلقين روحك طالعه و معك كيستين لجبر الخواطر.

راجع لي شغف الهاكثونات بشكل الله لا يوريكم لدرجه تو استوعبت اني مسجله بهاكثونين تواريخهم تتداخل ببعض 😵😵😵.يالله ان شاء الله انقبل بواحد منهم الي فيه الخييرة لانه التسجيل على عماك ما يصلح.

عالعموم اني ممنونه مره مره لدرجه جحدت اني ما تخرجت بس يعني حاليا احس راسي كبر 😇😇.

تعرفون كيف يعني شعور تجيكم هديه تخرج وانتم ما تخرجتووو !

المزاج النفسي يحتاج مطر كثييير بدون سابق حسبان.

Sometimes when you lose you win .🫧🫧.

اقصى احلامي البسيطه ان ابوي يصير هلالي.لانه وش ذنبه اخر مره فرح بفريقه مدري متى.😣😣😣😣.

احسن شي ان كل اخواني اصغر مني فا تقريبا كل فترة فيه فعاليه قدرات و تحصيلي و نتايجهم .حماااااااسسس.

تخرجي الثانوي و كان كورونا .طيب بقى لي هالسنه على خيرر .طيببب انا مقتنعه ان تخرج الجامعه هو العوض .والله كلن على همه سرا صدق.

الله يحفظنا و يحفظ اهلنا و جميع المسلمين في كل مكان و زمان.

عز الله انه من سبل سعادة الحياة باللي يرافقونك .🤍🤍🤍.

Same energy 😢😢😢😢

بحلقه المسلسل الممثل هكر سستم المستشفى كامل و شرط عليهم يخلون زوجته الاولى بقائمه التبرع علشان تطيب .ايباااااااه هذا الحب ولا بلاااش.

لو مهما تمر الايام و تمر السنين بس المعادن الاصيله ما تتغير 💕💕🌸💘💕🤍💘🌸💕💘🌸💕💘.ياحلو الشعور بس و حلو الناس الرهيبه

تو اخوي و ولد خالتي بقا معهم 30 ريال و راحو بنده توقعو وش شرو ؟ .كوره ؟ لا كاكاو ؟ لا كرتون ديو ؟ لا .شرو سمكه 😊😊 سمكه سمكه مخلوق حي لقو عليها عرض و شروها و جو للبيت بيسوون حفله شواء بالسمكه .امممم طيب لو شديتو حيلكم بالتفكير شوي كان شفتو انه فيه بالزاويه خرفان بينشوون بكرا😵.