ملك أختى الصغيرة -عندها ٧ سنين- .بقالها فترة بتحوش علشان تجيب باتيناج skate shoes….لقيتنى بتكلم انا وماما من شوية ع فلسطين والتبرعات وشاحنات بكره وكده….جت اديتنى ال ١٠٠ ج ده وده تقريبًا كل اللى هى حوشته وقالتلى "الالعاب مش مهمه صح؟ المهم الاطفال اللى فى سنى ياكلوا ويتعالجوا"

وبلاش والنبي نرسم الفضيله على شوية عيال ونسيب الحمار ونمسك البردعه ننزل فيها ضرب -الهواية المفضله للشعوب المكبوته قليلة الحيله-. ووالنبي اللي يعرف ليسته الحجات اللي بتهز قيم الأسرة يعرفهالنا علشان مش قادره احط إيدي على حاجه من كتر الهز، انا مش لاقيه قدامي غير شوية مبادئ متفتته!.

وكلنا عارفين هم اتحبسوا ليه ف بلاش جو ظهر الحق وزهق الباطل ده واللي طلع الشهاده من مؤخرته علشان يتعلم برمجه والماني ويشتغل بيها لا اتفضل رجع شهادتك مكانها تاني لانك كده كده once انك تجيب فلوس هتحصلهم ع المكان اللي اي حد من الطبقه الكادحه بيتعرف انه معاه فلوس بيروحه -السجن يعني-.

كلمتين وهرجع اختفي تاني. اخواتنا مدعيين الفضيله متفرحوش اوى بحبس العيال بتوع التيك توك لإن كلنا عارفين انهم متحبسوش علشان القيم المهلبيه للأسرة المصرية اللي مبيهزهاش الوحش اللي مبيريحش ف رمضان بس بيهزها اه الشارع اللي وراه -اللي جابت ضحك لما اتقالت ف مسلسلات رمضان عادي-.

وفى الآخر احنا اللى جيل مترباش وما يعلم بيه الا ربنا!.والواحده ولا الواحد من دول لما ترد عليهم يفتحوا ماسورة شتايم وقلة أدب ولما يلاقوك بترد يقولوا شوفتوا الجيل شوفتوا التربية دااحنا على أيامنا مكناش نقدر نرفع عنينا فى الأكبر مننا!! ما هو علشان كده طلعتوا جيل وسخ عنده استحقاقية.

بصراحه بقى انا عندى مشكلة ف انى اقوم، وعندى مشكلة ف انى علشان حجمي مقارنة بيكي صغير انك تزنقيني ف ربع كرسي وتغرزي كوعك ف بطني، ومش مضطرة احط شنطك ع رجلي او آجي ع نفسي بأي شكل من الأشكال ويخربيت الاستحقاقية بجد ومش هبطل اوقفهم عند حدهم ف المواصلات لحد ما نشوف الجيل ده مطوّل لامتى!.

صحيح انا مش لاإنجابيه بس قادره افهم أي ست قررت انها مش عايزه تحمل ومش عايزه تعيش الألم ولا التعب ده ولا تغامر بصحتها النفسيه أو الجسدية. اتمنى منقللش من وجع الستات ونسيبهم يتكلموا عن معاناتهم من غير أحكام . واتمنى ف يوم نوصل لمرحلة ان كل ست تبقى حرة ف جسمها وصاحبة القرار.

كنت طفلة ساذجه أوى، كنت فاكره ان لو حد جاع هيخبط ع أي بيت او هيروح لأي مكان يطلب منه أكل وان انسانيتنا وديننا هيمنعونا من اننا نسيب حد جعان. عمومًا كبرت ولسه ساذجه برده. كنت فاكره اننا عمرنا ما هنسيب غزة توصل للمرحلة ده ابدًا، بس سبناهم!. يا رب هونها عليهم وانصرهم ملهمش غيرك. .

وانا طفلة كنت بستخدم مصطلح "هموت من الجوع" ف كل مرة الأكل كان بيتأخر شوية، مجرد مصطلح للتعبير عن شدة الجوع، ولا مرة كان ممكن اتخيل ان فيه ناس ممكن تموت من الجوع بجد!!.أصل ازاي ناس تموت من الجوع والجيران موجودين والأكل مالي الاسواق!!. بس كبرت وفهمت، عمومًا ملعون ابو ده عالم قذر.

لما ارجع من الشغل واغير هدومي وآخد شاور واعمل الskin care بتاعي واتغدا واشرب الشاي واستلقي على ضهري على السرير شبه الصرصار المقلوب. مش بيبقى ناقصني حاجه غير ان الصيف يخلص علشان اكون اسعد انسانه ف الدنيا.

جالكم بال ازاي بجد تتناقشوا وتتخانقوا ف الصيف كده؟!!.طب وانتوا بتخوضوا ف عرض بعض ف الحر ده مفتكرتوش نار جهنم! 💀.

ورقبتي.

ايه يا ستات انتوا عينتوا متحدثه رسمية بإسمنا؟؟.مكنوش يومين اللي خدتهم أجازة من تويتر يعني ارجع الاقي نفسي مش عايزه ولا ڤيلا ولا عربية! 💀.

هي الناس نسيت ان ربنا اللي بيحاسب!. ولا كلها بقت آلهه كده ومن حقها تقرر مين داخل النار ومين الجنة ومين يستحق القتل!!.خلاص يعنى كلها بقت ملايكة والنار ده مش داخلها غير النواشز والمتبرچات وأدمن بيدچ speak up وضحايا الاغتصاب والستات اللي اتقتلت على إيد الرجالة!!!!.

وهل انتم بجد يا شوية مدعيين التدين والمثالية مستعدين تشيلوا ذنب خوضكم ف عرض واحده ميته واتهامها بالزنا!!. ابوها واخوها قتلوها يا ولاد الكلب وانتم واقفين عند انها ازاي تتجوز من وراهم!! اه يا مجتمع قذر عمره ما هينضف اه. ازاي قادرين تلاقوا مبررات لقضايا زي القت�� والاغتصاب بجد!!.

والله آخر همنا يا حيوان منك ليه اثبات ان واحده اتقلت ع ايد أبوها واخوها بطلة! لان guess what مش ده قضيتنا أصلًا يا بهايم. ومش هيبقى دار الافتاء والقانون المصري والمذهب الحنفي اجازوا ان الست البالغه الراشده ممكن تجوز نفسها وانت يا ابو شخه اللي تحرمه!. احنا بنهاتي فى خراا والله. .

كنت زمان فاكره ان عايش وسطنا دواعش وارهابيين. طلعنا احنا اللي عايشين وسطهم!! احنا الأقليه!!. خرجنا منها على خير يا رب.

أي حد بيقول مصر صالحة للمعيشة كداب من قبل ما يكمل كلامه، مصر غير صالحه لأجازة شهر كل سنتين ف لو انت مغترب متنزلش أجازة حتى. ولو فاكرين ان المشكلة ف عدم توفر الفلوس "الكتير". لكم فى سجن صفوان ثابت وابنه عبره وعِظه.

مع كل حادث أليم زي ده بفتكره الله يرحمه لما كان بيقول: "أنا عايز أحافظ على البنات". من ساعة ما ضيعنا ثورة ٢٥ يناير من ايدينا مشوفناش يوم حلو. ربنا يلطف بينا ويرحم البنات ويصبر أهاليهم.

انا مش مصدقة إن أطفال كتاكيت ف السن ده بيتقال عليهم "عاملات باليومية"!.مش مصدقة ان ده مش خبر عن الشهادة الإعدادية مثلًا لأ ده خبر وفاتهم وهم رايحين يشتغلوا يوم "الجمعة" علشان ١٣٠ج!.اللي بتجهز نفسها واللي بتجيب مصاريف دراستها واللي كان نفسها بس تجيب جزمة لأخوها!. الله المنتقم بس. .

بس بيقولك بقى البنات مبوظه علينا سوق العمل، والست فلوسها لنفسها واللي بيجهزها راجل والراجل اللي بيتجوزها أولى بالوظيفه ده لان هو اللي بيدفع مهر ومسؤولياته اكتر انما الستات بتشتغل علشان كاريرها والمنظرة. حسبنا الله ونعم الوكيل!.وربنا يرحم ال ١٩ بنت . فى الجنة يا حبايبي :".