YasMine👀
@Yasmeensamy
Followers
4,170
Following
461
Media
1,512
Statuses
15,407
Explore trending content on Musk Viewer
#บางกอกคณิกาep2
• 192957 Tweets
Caramelo
• 69943 Tweets
Guinea
• 63911 Tweets
VISA
• 43258 Tweets
#TimnasDay
• 37327 Tweets
Rodri
• 27439 Tweets
Witan
• 24568 Tweets
Foden
• 20383 Tweets
LALALI MV IS RIGHT HERE
• 20206 Tweets
FOURTH IG 3M 200K🧸
• 16795 Tweets
#THE夜会
• 16677 Tweets
ブレマイ
• 16010 Tweets
Peter Jackson
• 10123 Tweets
Pinned Tweet
وَلَقَدْ مَنَنَّا عَلَيْكَ مَرَّةً أُخْرَىٰٓ ❤️❤️
تم اجتياز امتحان زمالة الكلية الملكية البريطانية
Passed MRCOG part 2 🎉🎉🥳🥳
اللهم لك الحمد حمدا كثيرا طيبا مباركا فيه ❤️❤️❤️
28
4
927
صباح الخير ..
الماستر ونيابة الجامعه للي طلع ميتينا بسببها وفشختنا نفسيا ملهاش اي لازمة فالحياة .. الا لو ناوي تكمل فمصر وتحرق جاز فالدكتوراه
الزمالة المصرية احسن ١٠٠ مرة وبتسافر الخليج وانت حاطط رجل ع رجل وتبقي استشاري اد الدنيا 👌
16
25
1K
الحمد لله حمدا كثيرا طيبا مباركا فيه ❤❤❤
تم اجتياز امتحان زمالة الكلية الملكية البريطانية
MRCOG Part A 🥳🥳🥳💃💃💃💃
31
1
1K
كنت عاوزه اكتب ثريد حلو عن تخصص النسا ماله وما عليه .. عشان الاسئلة الكتير للي بتيجي.. واحاول اشجع عليه انه تخصص حلو وقمر.. من باب ان مفيش حد بيشجع اي حد ع تخصصه.. وازاي تتخطي نيابة الجامعة واستحملها!
بس Guess What!!
قدمت استقالتي امبارح 😎
27
20
1K
النهاردا اول يوم تعقيم فالشغل الجديد .. وحاسة اني في مسلسل Grey's Anatomy🙈
تبع المقولة للي بتقول " فلاح ابهرته اضواء المدينة "😅
فين ايام .. ي نااااصرة هاتي شوية بيتاادين .. وترد عليا ميرفت حاضر يا ضاكطورة ياسمين ..الله بشطف العياانة جااية اهووو 😤
الحمدلله الف مرة والله ❤️
8
4
692
عاوزة افكر الشباب للي لسه هيبداو نيابتهم سواء جامعة او صحة .. ان ان التارجت الاول للنيابة دا انك تخرج برا البلد باسرع وسيلة ممكنة ✌️
استغل الوقت حتي لو مفيش وقت انك تعمل شهادة محترمة او build up ur CV وانك تتحاول تتعلم كويس فمجالك
3
21
546
اول ما سافرت .. في شوية دكاتره مصريات كانو مستغربيني ازاي تسافر وهي سنجل مسم 🤔
ومش كانت تجوز الاول وتيجي مسم 🤔
بس في واحدة ناصحة فيهم جابت التايهه قالتلهم دي اكيد هربانه من قصة حب 😎
Guess what !! ي حبيبتشي انتي وهي .. انا هربانه من الديون وجايه اعمل فلوس عادي 👀😂
6
5
544
مش عارفة الكام شهر للي فاتو عدو ازاي !
واحدة عاشقة لل stability ..بيحصل التقلبات دي في حياتي
* افتح عيادة
* اغير مكان الشغل البرايفت لمكان ابعد
* اقرر استقيل من الجامعة
* استلم ف الصحة
* اقرر السفر
* اقفل العيادة
* اسافر السعودية واغير ستايل لبسي
فكويس اني still alive🥺
9
1
444
عندي مشكلة بتواجهني فالعيادة ان ازاي دكتورة نسا وصغيرة ! مش عارفة ازاي وانا بقيت امراة ثلاثينية 🫣
_ مرة حالة بتقولي بعد ما كشفت .. انا اتخضيت اول ما دخلت عشان شكلك صغير .. انا متعودة اكشف عند الدكاترة الكبار بس د محمد رشحك ليا .. الحمد لله الحالة اقتنعت بعد كدا وجابت خالتها 😅
3
2
348
كنت فاستقبال الاطفال وبكشف ع طفلة.. امها بتقولي عندها سخونيه وترجيع ووو.. فبشوف اللوز بسرعه كدا لاقيت اللون ابيض.. فبقولها اه عندها اللوز..
قالتلي ازاي وهي شيلاها! 😂 😂
لاقيتها سقعت فجاة
نشلها مرة تانية وتالتة.. واهي التالته تابتة 😂
2
17
333
كنت متعقمة النهاردا مع رئيس القسم وبيسالني ع الطريق للي جبني هنا وكنت فين وشرحتله اني قدمت استقالتي وقفلت عيادتي وجيت 🤷♂️
ومعايا واحدة اصغر مني سنتين .. قدمت استقالتها بردو وكانت معيدة وسافرت 😂
وان اخويا نيابه جامعه وبردو هيعمل كدا ومسافر وان دا حال الدفعات الحالية ..
3
4
292
حوار انك تشتغل ٨ سااعات بس وتقفل موبايلك من غير ما حد يدور عليك .. اديله ١٠ من ١٠ ونجمة 💚💚
الله يرحم ايام النبطشية ال ٧٢ ساعة وال ٩٦ ساعة 😥
3
3
213
اي حد ناوي ع سفر يهرب من الماستر ونيابة الجامعه دي اكذوبة ملهاش اي لازمة غير انك هتطلع مريض نفسي مش اكتر
والتنافس الفترة الجاية هيبقي اعلي والاولوية للزمالة المصرية فالسفر بعد كدا
1
1
147
كان في تويت كدا علي غسالة بتطلع هدوم مكوية .. مصدقتش وحسيت انها افورة يعني .. يمكن اللبس يكون مفرود سيكا انما مش مكوية !
Guess what ! اول مرة اغسل هدومي فالسكن الجديد و
literally الهدوم طلعت مكوية وقمر جدا 🙈😍
اعتمدتها خلاص ❤️
2
2
118
الدكتور بيبصلي وهو مصدوم !
للي هو من امتي الاستقاله من الجامعه بالسهولة دي ! وليه وصلتو للمرحلة دي !!
حتي وصلتو لمرحلة انكو متكملوش النيابة حتي !
محدش لسه من الاجيال للي فاتت قادر يستوعب ويكسر الثوابت في اكذوبة الجامعه والشغل في مصر عامة 🤦♂️🤷♂️
0
6
112
اهم نصيحة للدفعة للي هتستلم.. متطاطيش لحد.. ولا تسمح لحد انه يهينك او يقلل منك
احنا كلنا دكاترة والفرق بينا سنه او سنتين او تلاته!
خد حقك عطول.. ومتسكتش
اينعم هتعاني شويه.. بس متستسلمش
ومش معني ان للي قبلك رضيوا بكدا.. لازم ترضي!
كرامتك اولا..
1
5
113
عاوزه اقول اني كرهت سنه الامتياز جدا.. بسبب الفراغ والملل للي فيها..
انا محضرتش صوره الدفعه.. And no one missed me
بالرغم من معارف الواحد الكتير.. الا انه حاسس انه وحيد..! لانها سطحية..
مطلعتش ب 7 سنين الكليه دول غير ب 2 او 3! وللاسف مش دايمين!
this isn't what i look for!
2
0
101
طبيب مقيم بقسم النسا والتوليد .. الحمد لله كما ينبغي لجلال وجهك وعظيم سلطانه ❤️
5
0
108
السنيور للي معايا .. عارفة اد اي اني متوترة وخايفة ومترددة بسبب التغيرات الكتيرة للي حصلتلي واللغبطة للي انا عايشاها 😥
ف واحنا اعدين بنخلص شغل لاقيتها بتقولي سيبي للي فايدك دا .. ولفت الكرسي بيا وحضنتني يجي دقتين كدا واحنا ساكتين🥹🥹❤️❤️
1
0
86
و تظن أنك ذهبت إليه بإرادتك و لكنه هو من اصطفاك للقاءه
طاب اللقاء و قرت العيون و ارتوى القلب 🤍🤲
3
0
86
بعد فترة من الوقت .. بتكتشف انك مش لازم تكون اجمد واحد ولا اشطر واحد .. المهم يكون بالك مرتاح 👌
0
14
82
هو انا الوحيدة للي شايفة مصر خلال سنة او اتنين .. السيسي قافل علينا الباب وماسك الكرباج وبيدور فينا الضرب ومحدش هيعرف يخرج! 😅
ولا دا just nightmare in my head !🫣
بجد انا ب fight كل يوم فاي محاولة تخرجني من هنا 🥲
6
1
71
ماما نادتني عشان اخيطلها الحمام وتعرف تحشيه.. بتقولي عاوزاه خياطه تجميل متبنش 🙄
وكان في واحدة حالاتها صعبة اضطريت اركبلها graft..
وماما مبسوطة خالص وعامله تقولي بنتي دكتوره شاطرة ياختي ياختي 😂😂
2
4
71
خلصت امتحان يوم ٢٥ .. النتيجة ظهرت فجر يوم ٢٧ !
للي هو استنوو طيب ..ملحقتش اتوتر حتي 😅
Guess who passed 🙈💃🏼
اللهم لك الحمد دائما وابدا 🙏❤️
4
0
74
- الشاملة؟
= ماشي.. بس 10 ج
- تمام
= معلش يا استاذه الطريق واقف امشي ال خطوتين دول
- لا معلش، انا مدتكش ال 10 ج ناقصه.. والطريق مش واقف والعربيات بتدخل عادي
= ع فكرة ال 10 ج دي كانت لغايه هنا
- وانا قولت الشامله.. مش الشاملة مع البحر
طلعو ميتينهم عادي يا جماعة
1
3
68
تقريبا دا افضل تشبيه 👌
نفسي للي جوا الجامعه يطلعو برا الفقاعة دي ويشوف الدنيا والشغل والحياة عاملين ازاي ! بدل ما هم عايشين ف اكذوبة كبيرة ..
بضرب نفسي بالجزمة اني كملت فالمكان دا عشان وهم الماستر .. واني traumatized من للي عيشته ومش عارفه اتخلص من التروما دي
الجامعه دي عامله زي سجن كبير متحاوط بسور عالي بيقنعو اللي عايشين جوه انهم احسن من اللي بره بكتير ف بيجلدوا فيهم ويستهلكوهم نفسيا وبدنيا وذهنيا بلا اي مقابل حرفيا علشان "هنا احسن من بره بكتير ولو طلعت بره السور دا هتندم ف خليك هنا احسن"
4
15
175
4
1
67
راكبة مع سواق التاكسي.. بيسالني دكتورة!!
قلقت.. قولتله انزل ولا اي 🤦
قالي لا ع راسي من فوق.. الف تعظيم ليكو من اول رجال الامن عالبوابة لحد انتو والتمريض..
دا انا لو بعد الشر هتعدي منك.. ليا الشرف اني اكون بشارككو فللي بتعملو.. اخيرا خدتو حقكو فالبلد ومحدش ليه سيرة غيركو..
❤️❤️
1
0
66
Today I had my 1st case of Abdominal Hysterectomy as the main operator , and i am so proud of myself ❤️🙈
4
1
67
لما اقول ل بابا هطلع اذاكر برا ومحدش يكلمني كل شوية يقولي تعالي عشان اركز 🙊
A few moments later :
بابا : يلا ي نانو تعالي كفاية مذاكرة 😍😍😍
0
0
65
ببلغ حد من الاستاف مشافنيش 3 مرات ع بعض .. فبعرفه بنفسي بيقولي
- هو انتي الطويلة المليانة شوية كدا !
قفشت عليه وقولتله متقولش مليانه بس دنا عاملة دايت .. 😂😂
وفضلت وانا ببلغه لاوية بوزي .. حد يفوقني ويقنعني انه مش خطيبي 😂
3
0
63
@ZenabFaramawy
بابا قالي السفر دا هيبعدك عن الشوبينج والاونلاين .. كل يوم بيلاقي حد بيخبط الباب ويقولو في اوردر 🫣😹
0
0
62
من ساعة ما سافرت والفيس بوك عمال يجبلي اعلانات ل امتلك وحدة سكنية فالتجمع / خدلك شاليه بمقدم 900 الف وقسط الباقي ع فشخوميت سنة !
خير ي فيس بوك ي حبيبي ! دا انا مديونة لطوب الارض بالعملات المختلفة بالريال وبالدولار واليورو ولسه مسددتش !😂
2
0
52
مساء الخير .. كتير سالني علي طريق ال MRCOG .. فحاول افيدكو ع اد معلوماتي ..
بغض النظر انت ناوي ع اي فيما بعد ! بس هي كشهادة مفيدة ليك ع المستوي العلمي حتي لو انت مكمل ف مصر هتفرق معاك كدكتور نسا وانت شغال فعيادتك ..
هتبقي open minded بالتشخيص وطريقة حلول مختلفة ..
3
0
54
اتعلمتي ايه م الشغل؟
اتعلمت اشتم
اتعلمت اتعصب
اتعلمت حاجات كتشيييير اوي
مش خايفه الناس تكرهك!
ماتيجي اديلك قلمين
0
4
49
جربت تجيلك حالة Breech full term fully اوضة الكشف ومفيش ادامك غير انك تولدها !
جربت بقي ان العيل نزل بس لسه الراس معلقة وبتعمل محاولاتك انها تنزل وكل ثانية تاخير بحساب!
هتحس ان شعرك بيقف و tachycardia up to Atrial fibrillation
مش عارف تتلم ع نفسك من الخضة 🤦💔
اسوا لحظات العمر
6
0
51
كنت مرة في شفت.. والموب سيلنت مفتحتوش لاكتر من4 ساعات..
ولاقيت تلفون المستشفي بيرن.. هو داخلي يعني دكاتره وتمريض وريسبشن وبدعي ربنا يستر - الو.. دكتوره ياسمين!
= ايوا
- مبترديش ليه يابنتلكلب 😂😂😂
لاقيت ابويا جب رقم المستشفي وخلوهم يوصلوني بيه 😂
ايه يا حاج 🤦😂
0
0
48
بابا كل شويه يقولي متنسيش الفوطة..كيس المخدة افطري قبل متنزلي❤️
طب هو في مكان اجي اعد معاكي شويه واجبلك اكل..عندكو تلاجة احطلك اكل.. طب لما توحشيني اجيلك فين❤️
دُمْت عزيزي و عِزّي و عزتي فأنت حبيبي الأول و عيني الثالثة و ملجأي بعد الله طاب بك العمر و طبت لي عُمراً يا أبي♥️
1
0
47
الانسان اتحول من شخص كان بيشتغل عدد ساعات لانهائي بدون اي وجه حق
الي شخص لما بيزود ربع ساعه فشغله .. بيلم شنطته وللي مخلصش النهاردا يخلص بكرا ويدور ع التايم باك كمان 😎
2
2
48
دا ثريد عن تخصص النسا
طيب يا جماعة.. تخصص النسا دا في الاول كدا حلو وقمر وبسمسم.. ولو كانت الاستقالة مشيت.. كنت هختاره برا.. مره واتنين وتلاتة عشرة..
هتكلم عن تخصص النسا للفيميلز
بعتبره كتخصص ال Top بالنسبه لفيميلز ال Hard worker..للي بتحب يبقي في Direct contact مع ال patients..
4
0
48
هو باباكي معاكي ف السعودية ونس ولا شغل — ونس بلس محرم .. عشان هو مستحرم يسبني اسافر لوحدي
3
0
46
لما تروح كل شوية عند حد من قرايبك.. ويطلعولك التحاليل والاشعه وقصه حياتهم.. بصي عليهم كدا 🤦🤦
يارب ال references وال report يارب 😂😂
1
4
47
تالت حاله تيجي missed IUD.. وتكون متجهزه انها تدخل منظار.. والعبد لله يشيله من غير حاجة🙈
قسم نسا وتوليد تخصص لوالب 😂
1
0
48
خلصت بكالوريوس ! بتحضر ماستر ! بتحضر زمالة ! بقيت دكتور ! و ماذا بعد !
احمد زي الحج احمد .. علا زي مدام علا .. ايشي زي الشفتشي .. ولا اي حاجة 🥺
1
1
48
ومن علمات الساعه " كثره الهرچ"
قالوا و ما الهرچ يا رسول الله ؛ فقال كثرة القتلى، حتى لا يدرى القاتل لما قَتَلَ، ولا يدرى المقتول لما قُتِِل
0
26
43
عارفين البنت المخطوبة للي ماشيه تفرج الناس دبلتها وكل جملة تنطقها تلزق فيها كلمة خطيبي!.. انا هكون زيها لما اخلص الامتحان الزبالة دا.. للي هو ايام لما كنت طالبة كنت كذا.. انما انا دلوتي متخرجة.. معلش اصل انا اتخرجت.. اه منا اتخرجت.. هيهي اتخرجت 💃💃
2
1
47
بابا مشي معايا شارع البحر كله مرتين عشان يشجعني ع الدايت.. وفي الاخر كافئني وجابلي ايس كريم وبيبسي عشان نتسلي واحنا مروحين 😂 😂
بيقولي كلي كلي انتي حلوه كدا ❤️
1
0
43
in love é عنبر ج ❤️
Guess who is celebrating my birthday ❤️🙈
7
0
47
عاوزة اقول ان بعد ٤ شهور استخدام الايفون فهو اوفر ريتدد جدا ورخم فاستخدامه جدا وعشوائي والكاميرا مش احسن حاجة بردو 👀
وندمانه اني مبجبتش اي حاجة اندرويد تانيه وان samsung s24 /23 ultra برقبته🥹
وللي عاوز يعاركني يعاركني 🙅♂️👀
8
1
47
لما اخويا يسالني بتشربي القهوة بكام .. واقوله ب٢٢ ريال
يقولي يعني ب 330 جنيه !
انا : 👇
2
5
43
@AnasAlsayed15
وبالنسبة للمقابل المادي فمصر !
في مجموعه حفاظا ع الثقافة الدينيه مبيحبوش يسافرو اوروبا فالخليج بالنسبه لهم كويس
بلس لو حابب تسافر اوروبا يبقي الخليج ترانزيت عالاقل عشان توفر فلوس التحضير
امبارح زملتي بتسالني ع تكلفه بارت ٢ للي اخدتها كورس وامتحان بحوالي ٣٥ الف حاليا داخله في١٢٠
1
0
44
حاول تركن اي صراعات او مشاكل ع جنب ومتحرقش طاقتك ومشاعرك ..
حدد انت عاوز تسافر فين واشتغل عليه من دلوتي .. الحياة بعد النيابة مختلفة تماما و الوضع في مصر غير ادمي .. ف ذاكرو عشان تعرفو تهربو 😅
1
1
44
لما يكون عيد ميلادك .. بس انت نبطشي كالعادة 😎
My surprise birthday party 🥳🎉🎈
My lovely group 😍☺️
4
0
41
لو حد قالي من سنة انك هتفضلي في عنبر ج و تتمني تفضلي فيه النيابة كلها .. مكنتش هصدقه
بس Guess what .. ياريت اكمل نيابته كله فيه ❤️❤️
0
0
42
نخلص العيادة ونحضر 15 حالة للستة ونخلص شغل الساعة 6 وورانا بكرا نبطشية 48.. نكتئب!! نعيط !!
ابسولتلي.. ننزل نتمشي فالجو القمر دا ونشرب حمص الشام 💃💃
0
0
39
النهارده رحيم مات وطايع كمان مات ونادر الطوخي مات وسليم الانصاري مات و سامح للي في مسلسل رسايل مات..!
دي مش ليله عيد دي! قومو بينا نعزي 😂
4
5
39
وَلَقَدْ مَنَنَّا عَلَيْكَ مَرَّةً أُخْرَى ❤️
Guess who Passed Master's Degree 💃💃💃
2
0
39
مره كنت واقفة فالطواري والسماعة ع رقبتي.. لاقيت واحد معانا بيقولي السماعة يا دكتور! فبقوله دي بتاعتي.. قالي منا عارف وخدها 🙄🤦
ياريت ننشر ثقافة ان السماعات دي حاجة شخصية ومينفعش تستخدم من ودن واحد للتاني ✋
زيها زي فرشه السنان بالظبط..
1
0
35
كنت واخدة نايت شفت امبارح وفي حالات طواري كتير وحالات دخول .. ومش عارفه اعد لحظة
لاقيت مسؤل مكتب التنويم ... بيقولي تعالي يا دكتورة اجلسي .. ابكي شوي وبعدين ارجعي كملي شغل 🥹😂
1
0
38
أشد ما يُختَبَر فيه المرء.. الرضا في مواضع الحرمان مما تمنَّى، فيما وقع من أقدارٍ خالفت توقعاته، في كل موقفٍ وُضِع به باضطرارٍ، في كل أمرٍ ساقه إليه المقسوم، فيما يخوضه كله ويعارض هواه، فيهتز داخله، ويحاول مجاهدة قلبه.. ويروِّضه.. حتى يلين ويهدأ ويقنَع ..
1
4
37
النهاردا 10.30pm.. 5/8/2018
اول مرة اسمع صوت بابا من بعد ما عمل العملية.. صوته كان رايح وكنا قلقانين جدا..
خدني ع خوانة وناداني باسمي .. انا تنحت شوية ومعرفتش ابطل عياط من ساعتها ❤️
هاين عليا انزل اقول للناس كلها فالشارع 😊
9
0
33
في ثقب اسود اسمه رسالة الماستر 🥹
تخلص من تعديل الرسالة وحوارتها وتصويرها بفشخوميت جنيه 😩
تدخل في يوم المناقشة وتحضير اللبس والهدايا والبوفيه و عربية الممتحن وبلا بلا بلا 😰😰
مبروك ناقشت !
يلا ياحلو عشان تعمل بيبر و تنشر في مجلة بفشخوميت جنيه كمان 💔😭😭
3
0
37
♥️♥️♥️
0
0
37
بدي رقمي ل ريلاتيف الحالات في مواقف معينة.. امبارح زوج الحالة مكلمني الساعه ١٠ بليل بيقولي " الحكيمة بتقولي للي معتبر نفسع راجل يطلع برا عشان تدي العلاج، ينفع كدا يا ابلة!"
لحظة واحدة! انا مال امي!!!!
2
1
34
معلش ي جماعو هقلب البروفايل بشوية بهجة كدا 💃🙈
ناجح ومنقول للسمستر التاني 🥳🥳🥳
3
0
34
فكرة انك تكون دكتور.. فالعيله والاهل والمعارف بيتعاملو معاك انك وزير الصحة.. وممكن تخلص اي حاجة في اي وقت.. ولو محصلش فانت دكتور نص كم! 🤦
مفكرين ان سلطتك تقدر تحجز سرير في عناية مثلا وانت مش عارف اماكن الاقسام فالمستشفي ولا تمشي لنفسك الغياب حتي 🤦
تو مااتش كدا يا جماعة🙋
0
7
34
و تشعر أن فرحك خيانة .. وراحتك خيانة .. وسقف بيتك خيانة .. وتخجل أن تفرح حتى لا تخون حزنهم 🇵🇸
تكاد من فرط عجزك تعتذر لهم على بقائك على قيد الحياة ..
0
6
31
بتصل احجز عند دكتور ما.. للي هناك قالي مفيش مواعيد متاحة دلوتي.. وان ممكن يحجزلي الاربع!
قولتله للأسف شغالة ممكن الاسبوع الجاي!
قالي شغاله من 6 ل 1 بليل.. قلتله انا دكتورة شغالة 24 ساعه!
قالي لا طالما دكتورة يبقي تشرفينا النهاردة..
this make my day 😍❤️
1
0
31
المفروض الفن داي دا يبقي 3 او 4 ايام ورا بعض زي العيد كدا.. نقوم نهيص طول اليوم ونريح ننام ونصح نكمل تاني يوم.. مينفعش تغفيلة اليوم الواحد دا!!
رجعونا تاني 😍😍
0
2
32
امتحان القصر باطنة..
معندهمش شمر يلاااا.. اقلع يلاااا 🤦🤦
يخربيت الخرارة للي عايشين فيها..
مش يقول السؤال ابو 5 درجات تعملي Enumerate بس.. لا مع شوية رغي كده.
انا بكره الكلية الوسخة بتاعتنا دي 😭😭😭
4
1
29
انا لله وانا اليه راجعون.. توفي الي رحمه الله تعالى د أحمد الحلوجي.
2
1
31
وانا بخلص اجراءات الحكومة وبروح للموظف بملف ورقي من ساعة ما اشتغلت لغاية الوقت الحالي ومعايا من كل ورقة من ٥ ل ١٠ نسخ 😅
وكل ما يطلب مني حاجة اطلعهالو وهو مستغرب .. انا مش ادامي حل غير اني امضيلك بقي 😅
0
1
30
حرفيا قسم النسا الجامعي اليومين دول طواري وعيادة ولستة و IVF ..ماشي بقوة 5 نواب سناير قايمين بدور جناير وميدسناير وسناير .. وانا لوحدي شايلة عنبر ومتوزعة ع عيادتين في نفس الوقت .. عشان انا ادها وادود 😂💔
انا حقا اعترض والله 😎
1
0
31
عاوزة ابدي اعجابي بالدفعة بتاعتنا فكل مكان وبتخصصاتهم المختلفة .. اد اي كلهم شاطرين ومتميزين والواحد بيثق في كلامهم لو احتاجت نصيحة عن كلام اي حد تاني اكبر ❤️
غير ان كلهم رجالة ولو احتاجت ايوحد فاي وقت مبيتاخرش عن مساعدتك ❤️❤️
0
0
31
بقالي ٣ ايام ونص نبطشية.. رجلي وارمة مش عارفه ادوس عليها فعلا!
بابا سافر معرفتش اعد معاه غير نص ساعه!
ماما كلمتني ان اخويا وقع ومفيش حد معاها ومش عارفه تصرف ازاي!
جاتلي وطلع clavicle fracture!
وان نيابة الجامعة اوسخ اختيار فالدنيا ! وان مصر بلد وسخه عشان خلتنا مجبرين عالخرا دا
1
1
30
هنطلع من اخر لجنة.. نقع ع ركبنا ونبص لبعض وعنينا مدمعة.. زي the maze runner.. اول ما طلعو وشافو النور
We do it.. Still alive 🙌
We are heros
ونشوف حيطة نسند عليها ع ما نستوعب ان فعلا خلاص كدا..
2
6
31
بمناسبة نقص الادوات الطبية.. كنت نبطشية 3 ايام وكنا بنشحت ال gloves.. حالة دخلت ف fits وبدات تبقي cyanosed.. مكنش ادامي حل غير اني ادخل ال airway في بؤها من غير جلوفز وافضل مثبتاه فتره عشان متعضش لسانها او تبلعه!
1
2
29
هو ليه كل الولاد عندهم ثقة بنفسهم انهم استحالة يترفضو من بنت!
وانه رايح واثق انه هيتقبل وهتنبهر بيه!
بيخشو في صدمة كدا.. ازاي! هي مش عارفة انا مين!!
للي هو مين يعني يا حليتها!!
ما تفوقو كدا ياخوانا! 😂😅
5
1
27
الفرحة دخلت التاكسي حرفيا :D 🎉🎉
الهوم كلو نبيتي في مسطردة ولا تخرج جامعة هوجوارتس بتاعة هاري بوتر :D
وداعا لبوستات الحزن والكآبة وفرهدة الامتحانات.. واهلا ببوستات الشخلعة بعد الكلكعة 💃💃💃
احلي دفعة دي ولا ايه ❤️
0
1
29
بفكر اعمل حملة توعية اعرف فيها الناس بال PMS.. زي مسلسل اهدي يا مدام كدا.. عشان فيه عدد كبير مش مستوعب الموضوع ومش متفهم كميه البلاوي للي بتحصل فيها ومعندناش تفسير للي بيحصل غير دا.. 🤦
2
0
27