هذا الحساب ليس للبيع والمحتوي المعروض فيه غير قابل للجدال .. بحب الشاي وبعتبر من يشربه صديق شخصي ليا..يقضي علي ٩٩.٩ من الخنازير/
قصر العيني/
Vascular surgeon
دكتور بعتني لدكتور فاسكولار أتعلم معاه معرفوش ولا هو يعرفني في عيادته قام وقعدني ع الكرسي بتاعه بالمكتب واي حاله تدخل يقولها الدكتور حاتم اخصائي الفاسكولار جامعه القاهره وروحني بعربيته وبيقولي هعلمك اللي انت عاوزه عشان لو مت مبقاش كتمت علم وتدعيلي كنت عاوز ابوس أيده من باب الأدب
ابن سكشني وصديقي الذي دائما ما كان يتنمر علىّ لكوني فلاح اللهجه ورغم ذلك أحبه لأنه كثيراً ما كان يشد من أذري ويحبني
كنت شاهد علي لحظات كفاحه وعلي مشاكل عموده الفقري نتيجه الجلوس الغير منضبط لفترات طويله للوصل لهدفه . وها هو يلوح لي من أقاصي البلاد لقد وصلت يا صديقي هنيئاً لك .
بمناسبه الطفل ريان أتمني من الجميع أن يدعوا لزميلنا واأخونا محمد عبدالنبي اللي اتصاب بكرونا منذ أكتر من شهرين وعلي جهاز ECMO يعني رئه صناعي لو اتفصل من عليه هيموت
حد كان وسطنا بيقوم بدوره فجأه لاكتر من شهرين نايم نفسه النومه بدون حركه
ربنا يشفيك ي صاحبي ويخفف عنك
الرجاء الدعاء
واحد صاحبي قعد يعافر4سنين عشان يتجوز واحده أكبر منه ب6سنين ومكنش فيه اي بني آدم حتى انا موافقين على ده انهارده كان فرحهم وكنت واعده لو خدها هغنيله ف فرحه قدام الناس والحقيقه هو كسب الرهان وغنيتله ع المسرح قدام الناس وحاجه منتهى ال لسه فيه حب وناس تعافر عشانها وان ده مش كلام افلام
هقول كلمتين بمناسبه الصوره دي
خالد صاحبي معايا ف السكشن من سنه أولي
إصرار وعزيمة غير طبيعيه أنه يوصل للمكان دا لدرجه أنه في مره قاللي أنا مستعد أخسر اي حاجه عشان أسافر
خالد ضحي بكتير من وقته وفلوسه ومجهوده
واشتغل في صمت وحقق حلمه
خالد بطل وفخور بيه ♥️
ي جماعه بجد والله ومن كل قلبي الله يكون في عون طلبه طب اسكندريه انا فعلا لو مكانهم مش هستحمل كل الفتره دي ضغط وامتحانات وقرف بمنتهي الامانه ربنا يكرمهم ويوفقهم ويديهم طاقه تكفي لحد بعد الإمتحانات وهما قدها إن شاء الله ❤
The other side of the story
دخلت الطب ٢٠١٣
اتخرجت ٢٠١٩( مكنش معايا فلوس خالص )
خطبت ٢٠٢٠ ( باب رزق اتفتحلي مكنش معمول حسابه)
خدت اعفا ٢٠٢١ (دا في حد ذاته رزق كبير)
اتجوزت ٢٠٢٢ ( باب رزق تاني اتفتحلي )
- وما تدري نفس ماذا تكسب غدا -
ربنا اختص الرزق بعلمه وكلنا تكال عليه .
اللهم إنه كان تقياً نقياً صافياً صواماً قواماً فتقبله في عبادك الصالحين
صاحبي وحبيبي محمد عبدالنبي في ذمه الله بعد صراع مع مضاعفات كورونا
كان قدومه خفيفاً وذهب إلي لقاء ربه خفيفاً اللهم بهذه الخفه أدخله جناتك جنات النعيم . وإنا لله وانا اليه راجعون .
في أول ديت قولتلها ربنا قال ومن آياته أن جعل لكم من أنفسكم أزواجا ليه؟قالت لتسكنوا إليها قولتلها وأنا انهارده اخترت السكن اللي هرتاح فيه ومعاه باقي عمري قولتلها وربنا كمل وقال وجعل بينكم ايه؟قالت موده ورحمه قولتلها ودا اللي هيدوم بينا اللين والمعاملة الطيبه بس يا سيدي واتخطبنا
بمناسبه مشاكل التصوير اللي ف القصر حالياً فكرتني بالصوره دي لما اتصورتها الأمن كان مستنيني وودوني للوكيله وفتحوا تحقيق وكانت الوكيله عاوزه تعملي محضر وأمن دوله وكان موضوع كبير جدا لولا أني كان معايا حد أبوه تقيل والموضوع اتلم
وأنا باخد صوره عادي بمناسبه أخر امتحان
كان يوم عصيب
سبحان من له الملك والدوام.
حين تتوافق ارقام البشر مع ارقام القدر.. وهى والله لكرامه.
تحيا وبيدك تاريخ موثق لنومتك الابديه.
توفي جار لي اليوم وهذه بطاقته رحمه الله عليه
وائل غنيم دا بني آدم واصل لدرجه محدش وصلها تقريبا من السلام النفسي حتي لو غلط ف كفايه انه بيحاول وانا ع المستوي الشخصي بحبه حتي لو معترض علي أجزاء فيه وأفكار بس عاجبني أوي التصالح والمحاولات بتاعته لأنه يكون شخص سوي مش منافق
عيانه hypoglycemic coma سكرها 20 لمده اطول من اربع ساعات خدوني ع أساس أنها بتموت خلاص ابنها قاللي هي بتطلع ف الروح
اديتها واحد جلوكوز 25 % قبل ما يخلص كانت الست بتدعيلي والناس فكروني ساحر وأنا علي الله ..الساعه اتنين بالليل كنت بلعن الطب الساعه 4الفجر الحمد لله ع نعمه الطب ❤️
فيه كذا حد مقربين ليا دخلو بطريقه سخيفه يعلقوا علي صور بعملها من قبيل (ياعم ارحمنا بقي ) (هو انت الوحيد اللي معاك موبيل ) والموضوع اتكرر اكتر من مره في حبيت أقول إن مجرد الهزار في حاجه انا بحبها قله ذوق وحتي لو ضحكتلك ف الموضوع بيضايقني ..متقللوش من اهتمامات حد ي جماعه لو سمحتوا
أمجد صاحبي ودفعتي دكتور عايش حياته عادي جدا ولسه متجوز من فتره قريبه فجأه ربنا افتكره بمرض التصلب الضموري الجانبي ALS
رجاء من الجميع المشاركه للوصول لاكبر عدد من الناس لمساعدته
وافتكر أن ابتلاء ربنا مش بعيد عن أي حد فينا
محتاجين نوصل للوزير
٠١٠٩١١٦١٤٣٠
٠١٠١٢٧٨١١٧٧
#ادعم_امجد
عمي الله يرحمه توفي وأنا في سنه أولي كليه كان كل ما أنزل اجازه يقولي يارب أشوف أحمد أبني دكتور زيك كان إبنه في تالته ابتدائي وقتها
انهارده إبنه حقق حلمه وجاب ٩٥.٢ علمي علوم .. اللي خلف مماتش ربنا ينفع بيه وييسرله حاله ويكون أحسن مني ♥️
النايب كاتب علي جروب الواتس دم محمد محمود فين !؟ وجه ف بالي مشهد أحداث محمد محمود وللحظه حسيت اني لازم اقوله دم الشهداء مش هيروح محدش باع القضيه وبعدين يا دكتور تقدر تقولي كنت فين لما الإخوان باعونا ف محمد محمود ..!!؟ بس حد رد قاله علقت الدم خلاص ونهي المشهد
جاتلي بنت من يومين الساعه 2 الصبح مغمي عليها عشان أهلها مش راضيين يجوزوها للي بتحبه وجاي وراها المستشفي خدني علي جنب وقاللي يا دكتور ممكن لو سألوك عن الحاله تقولهم إن علاجها الوحيد تتجوزني ولو دا محصلش ممكن يجليها مرض في القلب ويجروا بيها طول العمر . كان جاد أوي بس انا ضحكت 😂😂
فيه حوالي اكتر من ألف أكونت جديد اتعمل عشان الناس تدعم الهاشتاج ع تويتر دمتم سند يا قصراويه❤
#امتياز_قصر_العيني_٢٠٢٠
#مش_هنستلم_الامتياز
#عايزين_حقوقنا
خرج عقبه ابن نافع ب 10 آلاف مقاتل ليواجه 80 ألف من جيش الروم فقالت له زوجته :- أين أجدك إن حمي الوطيس ؟!
فقال :- في خيمة قائد الروم أو في الجنة ! .
هذه كانت العقيده وهكذا كانت روح المجاهدين والآن نلوم بعضنا البعض علي التعاطف بكلمه
لعن الله كل من أمات فينا الوقوف على الحق .
بالصدفه الراجل اللي انتحر امبارح لقيته صاحب الراجل اللي ورايا في لجنه الامتحان وكاتبله بوست بيقول فيه انه كان ديما بيقوله لازم نصلي ف الجامع صلاه البيت للبنات.. واتمني الناس اللي بتقول انتحر عشان علاقته بربنا وحشه تتهد بقي وتسكت وتعرف ان الموضوع تعب نفسي مش جن وعفاريت ورقيه شرعيه
إزالة جلطه من شريان صناعي مزروع في يد مريض فشل كلوي
Removal of thrombus from synthetic graft in a CKD patient
لحظات تشكر فيها ربنا علي كونك وسيله لتنفيذ إراده الله في مساعده الناس ♥️
@fouadhdad
كانوا فـ وقت الضيق بيفضفضوا وياك
و السر جنب السر خبوه فـ مكان جواك
عملت روحك بير ، وسمعتهم بضمير
و اما الوجع دغدغك مالقتش حد معاك !
- مصطفي ناصر
دخلنا الطب ف أيام ثوره وخرجنا منها ف وباء كنت حاطط أمل كبير أتعلم ف سنه الامتياز بس تقريبا ليس كل ما يتمناه المرء يدركه وكان نفسي أعرف هتخصص ايه من بعد ساته واركز عليه وبرضه محصلش ولسه مش مستقر ولحد اخر لحظه مش هبقي مستقر يارب اخترلي ولا تخيرني فإني لا أحسن الإختيار او التدبير
دكتور الشفوي انهارده اللي دخلتله قاللي اضحك ضحكتك تستاهل ال fullmark واديهالي كنت عايز اقوله انا اقسم بالله هعيط بقالي 22 سنه عايش ويوم مسمع الكلمه اسمعها من دكتور شفوي بس كانت احلى full mark من احلي دكتور اقسمبالله
بعد ثلاثه أشهر من العمل الجاد وشيفتات 12 و16 ساعه بل قد تصل إلي 24 ساعه تم تقدير هذا المجهود من قبل الدوله بقيمه 2600 جنيه .. هههههههه لا يا عزيزي ليس للشهر الواحد ولكن هذا قيمه عمل ثلاث شهور متتاليه .. فيما يعادل 870 جنيه شهريا .. أهلا بك في مصر
#نسر_الصعيد
التحول اللي وصله محمد رمضان من الألماني وعبده موته لشخصيته ف نسر الصعيد تخليه فعلا أقوى كارت ف مصر بس مش كارت اتصالات لا كارت إرهاب لكل الممثلين المنافسين
يعني انا المفروض أنزل الحد الجاي شايل شنطتي علي كتفي انزل مصر واستلم امتياز واشيل شيفت ف نفس اليوم واخر الشيفت أدور علي مكان أقعد فيه عشان عندي شغل الصبح !!! مالها الفلاحه والأرض وتربيه الفراخ !؟
قولتلها لو بتدوري علي حد مناسب وجاهز فأنا مش مناسب ف الوقت الحالي ولا جاهز لكن لو بتدوري علي حد يحبك وشاريكي وحارب عشانك مش هتلاقي حد يحبك قدي ..ردت عليا بعد فتره طويله بس الرد الحقيقي كان ف عينيها قريته من أول مره
عموماً هي الوحيده اللي شقلبتلي كياني وغيرت كل مفاهيمي ❤️
بمنتهي الاريحيه صباح الخير علي كل شخص هنا أعرفه شخصيا او الكترونيا او مجرد عاملين لبعض فولو ببعتلكم باقه ورد وحب قبل ملبس تيشرت التخرج وبدعيلكم كل الهنا يجيلكم وفرحه من ربنا تدهشكم زي فرحتي ❤🌹🌻🌼🌺