زرت شركة في اليابان في رحلة عمل وحينما علمو بقدومنا وفرو مصلى وخصصو لنا وقت ( بريك ) للصلاه وعطونا لسته بالمطاعم الحلال القريبه ، فعلاً دوله وشعب يستحق الاحترام .
الحمدالله على نعمة الاسلام.
لا يزعجني وجود الأطفال في صلاة التراويح..مايزعجني النظرات الترهيبيه لهم من بعض المصلين بعد كل تسليمه..فحركة الطفل في المسجد طبيعيه من النشاط اللي فيه..فالإبتسامه له والكلام الطيب افضل من نظرات الغضب..فرؤيت الطفل جنبك يرفع يده في دعاء القنوت يجعلك تطمئن على جيل المسجد القادم..
كثرت الشكاوي من الناس بخصوص ضياع الشنط والتأخير في المطارات خاصه هالفتره اجازة عيد و موسم سفر..
الحل بسيط في شي اسمه air tag من ابل تلقاه في المحلات اخذ لك ١ او ٢ على عدد الشنط اللي عندك وقطهم بوسطهم..واشبكهم مع تلفونك وريح راسك بتعرف وين مكان الشنط وتحركاتهم وفي اي مطار ضاعت..
اللهم عليك به ومن يسانده اللهم ارنا فيه يوماً هو وكل من على شاكلته الذين يرمون المحصنات العفيفات..اللهم ارنا فيه عجائب قدرتك في الدنيا والاخرة وافضحه على الخلائق يارب العالمين...قولوا امين 👐🏻
#ليله_القدر
نصيحة للجميع:
ركبوا كاميرات مراقبة أمام منازلكم
اليوم الصبح جارنا رجع من صلاة الفجر للبيت وما لقى سيارته..
وبعد الرجوع لتسجيل الفيديو حسب كاميرات المراقبة اكتشف إنه راح للمسجد بالسيارة ورجع مشي..
قبل ١٤ سنه في افتتاح اسياد الدوحه كل هل قطر ومن يشاهد الشاشه انحبست انفاسهم 🥺😰 لحظة صعود الفارس الشيخ #محمد_بن_حمد لاشعال الشعله🐎
و بتعليق المعلق الكبير يوسف سيف اللي زاد اللحظه اثاره خاصة لما قال يالله تعينه ..
الخدم والسائقين اللي على كفالتنا يفرحون بالعيد مثلنا..وبما إن العيد بيصادف بداية الشهر..ف اللي يقدر يعطيهم رواتبهم من اليوم او بكره عشان يكون عندهم وقت يرسلون مبلغ لأهلهم يفرّحونهم في العيد..
ماشاءالله اول مره اشوف حاكم يوصي أبناء شعبه من المسجد بأهمية تعليم الابناء وتعويدهم من الصغر عالصلاه..عجبني لما قال:
"اني انا احس الى اليوم وكأن يد ابي في يدي"💕
فعلاً تعليم كتاب الله و الصلاه..هي مسؤلية الاب والام ومن أولى الأولويات..ولا يجب ان ننتظر من المدرسه او المجتمع بأن
ناس ضيوف عندنا وجايه تشجع منتخبها باحترام يتم تصويرهم والاستهزاء بهم ..ترا عيب .. هذا ان دل على شي يدل على قل التربيه .. لو كانت عندي صلاحيه لأمرت بمحاسبة من صورهم ونشر التصوير ..
#قطر_الامارات
افتقدت المزارع المصري (علاء) اللي يهتم بحديقة بيتي كم يوم ما له حس ، ولما سألت عنه بلغوني انه توفى في حادث سياره من ثلاث ايام ، الله يرحمه كان حسن الخلق وطيب وصادق وامين ، الله يرحمه ويغفر له ويعفو عنه ويدخله فسيح جناته..
أسعار الحج VIP ٣٠٠ ألف ريال قطري..و اسعار الحج العادي تتراوح بين ٣٠ ألف إلى ٨٠ ألف ريال قطري..
اسعار الحج عند الحملات السعوديه لا تتجاوز ١٦ الف ريال..!!
الموضوع صار تجاري بحت من قبل الحملات القطريه..
مواليد الستينات لين الثمانينات لطفا اقرأ المنشور لأنه واقعي..
اكبركم سناً عمره 63 وأصغركم سناً عمره 35
هل تدرون من نحن ؟
نحن جيل نشأنا و تربينا على ان هناك ساعه قيلوله للاب بعد الغداء... فلا يجرؤ أحد منا على الكلام بصوت عال بالبيت ..
وكان موعد التلفاز السادسة مساء ثم افلام
بعض الموظفات/الموظفين اللي خلف الكونترات فيي الدوائر الحكوميه لو يركزون على طلبات المراجعين ويخلصونهم افضل من انهم طول الوقت منشغلين بالجوال..
الواحد لما يراجعهم يستقبلونه وهم منشغلين بالجوال ويردون عليه كأنهم يقولون له مب فاضين لك..
اتمنى من المسؤولين عليهم النظر الى هؤلاء
تصرف له ارض في المكان اللي يبيه هو وعياله واخوانه..
يصيف كل سنه ٣ شهور ..
شركاته ماتتعطل في المناقصات وطلبات الفيز..
اعياله وظيفتهم جاهزه اول مايتخرجون ..
عنده شاليه و زرع و عزبه وتصريح مخيم كل موسم!!
من يتوظف ولده عقب سنتين يصير مدير !!
ايش هالحظ اللي عليه..
كثير صرت اسمع من كذا شخص بشكل متكرر بإحساسهم بنقزات في القلب او سرعة دقاته في هالفتره ولا يعرفون هذه الاسباب..مع تأكيدهم بإنهم يستمتعون بصحه جيده ولم يكونوا يعانوا من اي مشاكل صحيه..وانها بدأت تظهر عليهم هذه المشاكل منذ عدة شهور قليله..
هناك أبطال يعملون ٢٤ ساعه بعيداً عن الانظار يخاطرون بأنفسهم و بصحتهم للحفاظ على اقتصاد الدوله بالرغم من الظروف الصعبه و انتشار الوباء الا انهم صامدون فلهم منا كل الشكر
(موظفين مصانع البترول والغاز )
اللي صار امس كان اختبار للمطبلين اللي قالوا ان التنظيم عالمي ولا غلطه!!..مايدرون ان المسؤولين يبون يكتشفون الاخطاء وتجميع الملاحظات عشان يتفادونها في المستقبل..
هناك هدف وطموح اكبر تريد الدوله ان تصل اليه فإذا استمروا هؤلاء المطبلين وتقريبهم فلن نتقدم خطوه واحده الى الامام..
عيادات الأسنان عندنا اذا كان الدكتور هندي او باكستاني تلقى اسعارهم معقوله ومناسبه..ام اذا كانت العياده الدكاتره فيها من اخوانا العرب تلقى الاسعار عندهم غاليه ومضاعفه..!!مع ان نفس الشغل والعلاج اللي بيسونه لك..
السويكه الاوربيه منتشره حالياً في المدارس بين المراهقين والمراهقات بعض المشاهير فالسوشيل ميديا للاسف يستخدمونها وابناءنا يستخدمونها لمجرد التقليد
فهي مضره للصحه حالها حال الشيشه والسجاير
احد اولياء الامور وجدها في حقيبة ابنه عمره ١١ سنه
حتى ان بعض المدرسين و الاباء لايعرفون شكلها
الله مخسر الوزاره عالفاضي بخصوص توزيع اجهزة الفحص المنزلي الاسبوعي للطلاب..
لن يكون هناك مصداقيه من الكل بخصوص خلو ابناءهم من المرض..
هنيئاً لوكيل اجهزة الفحص السريع على هذه الصفقه المربحه..
مشاهير محسوبين علينا كقطريين دخلاء على مجتمعنا عندهم اجنده لنشر الانحطاط الاخلاقي والتربيه الغير سليمه والغاء شي اسمه حياء بين ابناءنا وبناتنا يبونهم يصيرون مثلهم..!!
للاسف فئه كبيره من المراهقين يتابعونهم او يظهرون لهم على مواقع التواصل الاجتماعي..بين كل فتره وفتره يتعمدون
ايش الفرق بين المدير القطري و المدير الاجنبي ؟
ليش المدير الاجنبي راتبه اعلى من المدير القطري ؟
لو على اللغه اغلب المدراء القطريين عندهم لغه ..
اذا على الخبره القطريين عندهم خبره ونظره مستقبليه ومعرفه باللي تحتاجه بلادهم اكثر من الاجنبي..
الفاشينيستا يصور حياته اليوميه دايماً وهو رايح مطعم او في السياره او يرقص او في حفله او يخت او سفره وهو يشتري له شي بس ليش مايصور وهو رايح المسجد مثلاً او يذكّر متابعينه بأوقات الصلاه او يحث متابعينه على فعل الخير و مجالسة كبار السن وصلة الرحم .. ليش مايذكر هالاشياء في تصويره !!؟
اشدعوه ابي اقضي الاجازه في الدوحه الشاليهات اسعارها ٢٠ الف وفوق و كلها فل..وين السياحه الداخليه اللي يتكلمون عنها..
ليش مايتم استغلال الشواطئ والوجهات في الدوله ويتم افتتاح منتجعات وشاليهات اكثر..
حاليا مافي الا ٣ او ٤ منتجعات عالبحر وغير كافيه..
القطري اذا قدم استقالته يدفع كل التزامته اذا كانت عليه..وإذا ارتكب شي يضر دوامه او خانهم يفنشونه وينحرم من مكافأت الخدمه هذا اذا ماحالوه الى القضاء وهالشي طبيعي ولا عليه خلاف..
اما العامل اللي يشتغل عند قطري يبوقك ويخسرك ويشرد ولما ينصاد يقولون لك مسكين ادفع تذكرته عشان يسافر..!!
في الطياره كان جالس جنبي رجل افريقي وفي وقت إحضار الاكل سأل الافريقي المضيف هل هذا الاكل حلال ؟..فرد عليه المضيف بسأل لك وبرجع ..رجع المضيف بعدها وقاله نعم الاكل حلال ايش تحب اجيب لك تشربه مع الاكل ؟
رد الافريقي واين 🥂..😂
انزين وسؤال الحلال وين😅..
القطري #أصل_و_منشأ كرامته ماتسمح له ياخذ فلوس من ورا دعايات مطاعم برقر او يصير ارجوز او يرقص عشان يضحك الناس اللي تتابعه ، لانه شايف خير و ماتربى على هالشي الا اذا كان عادي عنده يلهط ويضلل ويكذب و يكون ويهه "ويه بن فهره".. يعني السالفه لاهي بحسد ولا غيره..#اوصلت ؟؟
حياكم في كرنڤال الخور سعر التذكره للعائله الاجنبيه تدخل ب ١٠٠ ريال فقط اما اذا عائله قطريه يحسب على كل شخص من افراد العيله ب ١٠٠ ريال للتذكره الوحده..
ملاحظه : مانعطيك وصل للدفع عند شراء التذاكر 😉..
خريج ثانويه نسبته فوق ٩٠٪ عنده قبول جامعه و ايلتس ومستوفي الشروط مب قادر يحصل له على بعثه لاستكمال دراسته الجامعيه..
زملاءه متخرجين معاه جايبين اقل نسبه منه حصلوا لهم بعثه وخلصوا امورهم بدون اي تعقيدات..
السؤال هل هو حظ او نصيب او واسطه..؟
ودع الشعب التشيلي الرئيسة ميشيل باشليت بالقبلات والأحضان بعد انتهاء ولايتها بدون تعديل الدستور وبدون تزوير الإنتخابات لها وبدون تدخل معارضة لخلعها بدون مليشيات لقتل شعبها او كره شعبها لهابدون خيانة وفساد بدون دبابات وجيوش اجنبيه لقتل شعبها..درس للدول العربيه👌🏻
صاحب شركه وتجيب لك موظف تشغله مندوب للشركه..وتدفع له رسوم بطاقة مندوب وتمشي له راتب شهري..وتشتري له سياره بس عشان لما يروح إدارة العمل يطردونه ويقبضونه الباب عشان انت تجي و اتابع المعامله بنفسك..🤷🏻♂️
زملائك ايام الدراسه اللي كانوا فاشلين في الالتزام بالدراسه ومشاغبين في الصف ومستواهم ضعيف في اغلب المواد فكر وشوف وين اوصلوا الحين..؟؟
صدقني بتنصدم..😅!!
الشحاتين اكثروا في هالفتره وللاسف جنسيات عربيه..يراقبك ويتتبعك وبعدها يفتح معاك موضوع وانت ترحب فيه كأي مشجع من خارج الدوله جاي يحضر المباريات..وعقب يقولك ممكن مبلغ بسيط اشتري فيها حاجه اكل..!!
أبناءنا الى المدينه المنوره في برنامج مكثف لحفظ القرآن الكريم برعاية مركز النور القرآني التابع لوزارة الاوقاف
@AwqafM
..مع نخبه من الاستاذة الافاضل والمشرفين..ربي يحفظهم ويوفقهم..
الكل مستهدف جيب المواطن القطري برفع الاسعار عليه..
خطوط الطيران
مكاتب الشحن
الفنادق
وكالات السيارات
شركات البناء و الديكورات
مكاتب العقارات
المطاعم والكافيهات
مكاتب تجهيز الافراح والمناسبات
محلات بيع المواد الاستهلاكيه
المدارس الخاصه
العيادات
بسبب (أعلى مدخول في العالم)..
قرية اثريه تقليدية اسمها #اليميل "الجميل" تقع القريه الساحليه شمال غرب #قطر التي تحمل الكثير من الدلالات التاريخية الصامده لحد الان ولا زالت تحن إلى الماضي كما صورها لنا المبدع دائماً..
@a_fakhro_qtr
راعي دعايات البرقر صار يملك عقارات في الداخل و وصل للخارج !! وانتو خلكم ذابحين اعماركم في الدوام عشان ترقيه او زياده ١٠٠٠ ريال عالراتب 🤕
مابيصرش هيك يازلمه..
لحد يتسبب ويقطع معاش الشؤون الاجتماعيه او يقلله على عجايز وشيبان هل قطر بدواعي تقليل المصروفات..ف والله هم الخير والبركه..ومافي اغلى منهم هم هل قطر اللي تحملوا الشقى في عسرها والدعوات الصادقه منهم بالامن والامان وان الله يحفظ هذا البلد والحكومه دوم يرددونها ونسمعها على السانهم..
شكراً مستشفى Bumrungrad في بانكوك عنايه وخدمه ولا اروع..أجريت فحوصات شامله للجسم أمس وطلع التقرير اليوم..الحمدالله جميع الفحوصات سليمة..و أدعو جميع الأخوة من عدى سن 40 بإجراء فحص شامل كل سنه ويطمن على صحته وخاصة القلب والرئه و الضغط والسكري عافانا وعافاكم الله من جميع الامراض..
"الحد الأقصى لساعات العمل اليومية لعمال الخدمة المنزلية هو 8 ساعات بالاضافة إلى ساعتين من العمل الإضافي المدفوع الأجر"
مافي الا نطلب خدامتين او ثلاث ونشغلهم شفتات..
قرار غير صائب ومايخدم الاسره..وبتأدي الى حدوث مشاكل اجتماعيه واخلاقيه في المجتمع..
الولاء للدوله له مفهوم مغلوط عند البعض ..
لما تشوف اموال دولتك اللي تدعي انت ان ولائك لها تسرق وتنهب وتبذر وتصرف في غير محلها و في الاخير تمدح الفاسد والسارق لمجرد انه صاحب منصب او نفوذ !!
فأين الولاء في الموضوع..؟
اذا تبي تشوف القطيع ادخل على حساب احد الهوامير وبتشوف انه لويكتب نقطه ( . ) بتلقى القطيع يرتوت ولايك واللي معلق كاتب لك نظره بعيده في هالتغريده واللي كاتب صدقت طال عمرك واللي يحط له بيتين شعر واللي يمدح في ابوه و جده وللاسف تلقى بينهم مشاهير على اساس ان له علاقه معاه ويمون عليه.
معلومه حزينه..
وزارة العمل :
الموظف الاجنبي عند إتمامه سنتين من عقد العمل يستحق مكافأة نهاية خدمة لهذه الفترة..
هيئة التقاعد :
الموظف القطري لا تحتسب له مكافأة نهاية خدمه لأول ٢٠ سنة خدمة عمل..
يعني ٢٠ سنه من خدمتك ملغيه بعد عطاء وتعب وشقى..!!
أصحاب الشهادات والخبرات في الاقتصاد والتجاره من أهل قطر وينكم!؟..نبي نسمع صوتكم في موضوع غلاء المعيشه والتضخم وارتفاع الاسعار..لاتقولون محد بيسمعنا ومافيه فايده..انشروا مقترحاتكم..وبنسمعكم وبنتثقف من كتابتكم..لا تتركوا الساحه للمهرجين والمطبلين والمرتزقه اللي ماتهمهم قطر واهلها..
الوضع الحالي بالنسبه للسيارات الجديده عندنا في قطر مشكوك في امره..تروح الوكاله يقولك السياره غير متوفره وانتظر سنه عشان توصل..وفي نفس الوقت تلقى السياره نفسها متوفره في معارض السيارات باسعار اعلى من الوكاله توصل ١٠٠ الف و اكثر فوق سعرها الاصلي!!؟؟
يومياً امر صوب هذا السوق وما اشوف فيه حركه..ميت مافيه روح..خالي من الزوار..
توقعت في رمضان بينتعش وبتصيير فيه فعاليات وانشطه وعوامل جذب للزوار..من تم افتتاحه تقريبا من سنتين وهو على هذا الوضع..
ترهيب الناس عن الشكوى و ابداء الرأي و المطالبه بحقوقهم او الاصلاح من اساليب الدول القمعيه .. ومن احدث الاساليب واسخفها الاستعانه بمشاهير السوشيل ميديا ..
اي حد من العماله السائبه حالياً لا شغل ولا مشغله ف من الطبيعي انه يتمنى يصيده كورونا 🦠 مره ومرتين وثلاث عشان يتمتع بالرفاهيه في الحجر الصحي اللي موفرته الدوله لهم عندنا اطول مده ممكنه ، احسن من المكان اللي هو ساكن فيه ومن الحجر في بلاده اذا بيرجع لها #حقيقه