ما يلحق الواثق مشاريه وظنون ولا به كبيرٍ يلتفت للصغيرة.

( باب المواقف، لأهل الشجاعة ).

اجي قد الهقاوي البيض ولو فيها علي ارهاق ما اجي بكيف الظروف اللي عليّ الوقت فارضها.

ينجرح قلب لكن ترتفع هامه والله اني لاموت ولا انحنى راسي لو رماني زماني وسط دوامه العواصف شديده والجبل راسي انقل الحزن وامشي منتصب قامه قاسي الوقت لكنّي بعد قاسي.

ارفع مقامك عن علوم المذله وربك على طيب النوايا بيعطيك، واللي يثير الشك والكره خله إرسم على بيض النوايا مباديك.

رضيت بكل ما ربي قسم لي والنفوس إعزاز ولو شان بي الحظ الردي ماشانت اخلاقي.

ترى الهقاوي ثقيله مثل الأمانه مايقنع العذر راعيها لامن ضاعت.

ما يلحق التقصير عزمي وباسي لكن ظروف الوقت عيّت ترفق ٰما عاد ابي عقل الذكي والسياسي، اليوم ابي حظ الغشيم الموفق.

نقدم على رقي المصاعب ما نهيب و نموت ما تاطى لنا الدنيا طرف، نقصر خطاوينا على الدرب المعيب والموقف اللي يبهج الخاطر نقف.

(من لاعسف نفسه يشوف الهزايم).

راعي الهوى ما يلتفت للعذاريب يشوف خله كاملٍ في وصوفه.

إن زان حظك إلزم السر والصمت وإن شان لا تجعل عدوك يشوفه.

سقنا فعول الطيب لو الزمن شاح على الوفا بروس المراقيب نرقى ولا أحدٍ يقول ان الوفا بالزمن راح دور ومن دور مع الناس يلقى.

دور على اللي يموت ولا ظهر زيفه يبقى لك اقرب من اخوك و ولد عمك ٰوخلك من اللي مشاريهه على كيفه، اليا رضا يمدحك واليا زعل ذمك.

ماني أقل وماني أزود من الناس ولحدٍ يشابهني ولا أشبه لغيري من طاب لي شلته على العين و الراس ومن صد ما حثيت خلفه مسيري.

حنا طوال وجيه ونفوسنا عزاز وأقدارنا بأمر الولي سيّرتنا نعتاز يوم ويوم نفزع لـ معتاز ، تومي بنا الدنيا ولا غيّرتنا.

كل الأمور اللي تجينا مقادير تدور فينا الارض وندور فيها ٰيالله براحة بال وبخاتمة خير وأعمال قبل الموت نحسد عليها.

شخصين جنب عنهم وابعد خطاك لو ما تخاوي بالعمر غير ظلك اللي تسوي به جميله ويجفاك واللي يسوي بك جميل ويذلك.

والله اني ما تردى ولا أحب القصور، واتجاهل كل من هو ضعيف ومبتلي رافعتني عزة النفس لحد الغرور والثقه بالنفس لأعلى مكانٍ معتلي لا دعولي والديني بـ تيسير الأمور، ما علي من باقي الناس لو تدعي علي.

يالبيب القلب والنفس الكريمة، النصيحة يشتريها كل صاحي لاجفاك الوقت وايقنت الهزيمه، في مقام الهون لاترضى المطاحي، سجها وابعد عن الدار الوخيمه الوخم ماذكر في نبته صلاحي.