مرحوم يالي خذاك الموت من بدري وياجعل لقياك يابنتي في الجنة أنتقلت إلى جوار ربها بنتي شفيعة بنت ناصر بن غالب بن عمر التميمي وأسال الله عزوجل أن تكون شفيعه لوالديها في يوم القيامة ويجمعنا بها في جنات النعيم وإنا لله وإنا اليه راجعون.

ترى الخليج اليعربي كله اخوان 6 ستة دول لكن بالضيق دوله قولولها ايران والي وراء ايران ماتنتكس راياتها بالسهوله حنا وطن واحد تحت ضل اوطان وقاداتنا اهل الكرم والرجوله اصقورنا صدت نعم كل عدوان كنها تقول الدار منته بحوله #الشاعر_ناصر_غالب_التميمي #جديدي

دمعة وطن هلت معى دمعة تميم كنها تعزي بالوطن ****** كل غالي فقد النشاما غير ***والله العظيم في جنة الله ****ياعسى والظلالي قامو بواجبهم على النهج السليم يوم الوطن تفداه**روس الرجالي يادوحة الأمجاد***والعز المقيم رايتك خفاقه ***بروس المعالي #الشاعر_ناصر_غالب_التميمي #قطر

هذي ابيات معايدة إلى ابن العم خالد محمد الخاطر التميمي ويستاهل ا��ومحمد ربي يطول عمره : مايجبر الخاطر إلا خالد الخاطر الي يعامل جميع الناس بإخلاقه أشبهه بالسحاب المغدق الماطر ونفسي على شوفته بالحيل مشتاقه رجال ناجح ومتفرد وهو شاطر وكم منصبٍ من تفاني الخلق قد لاقه

حبيت اهني كل الأجواد بالعيد وكل عام وانتو بخير دوم ومسره أرسل تهاني العيد من دون تحديد ولـكل غالي توصله في مقره لابوي وامي وأهلي وصاحبي الجيد ووأجب علينا كل غالي نمره انشهد ان العيد في شوفكم عيد ياهل الوفاء والطيب واهل المبره #الشاعر_ناصر_غالب_التميمي #عيد_الفطر_المبارك

٢٩ رمضان 🌙 فمان الله ياشهر الفضايل والعطاء والخير فمان الله ودموع المحبه*** ماتبي فرقاك لياليك الجميله وانقضت وانشهد انها غير عسانا من عوادة شهر هذا الخير حن وياك قضيناها عباده واجتماع ووصلٍ وتقدير وجمع أرحامنا والصحب تبقى في صدى ذكراك #الشاعر_ناصر_غالب_التميمي

مرثية في الشيخ عبدالله بن علي المهيدب التميمي رحمه الله رجل الخير لاتنسوه من دعاكم: مرحوم ياراعي المواجيب مرحوم مرحوم ياراعي اليدين الكريمه مرحوم يالي مجلسك دوم مزحوم والناس من طيبك تراها مقيمه مرحوم ياشيخٍ فقدناه بالقوم عبدالله الي له مواقف عظيمه #الشاعر_ناصر_غالب_التميمي

هذي قصيدة مهداة إلى الشيخ ناصر بن عبدالله المهيدب التميمي وأسرة المهيدب الكرام ويستاهلون ياهاجسي واكتب حروفٍ جزيله في حق شيخٍ يستحق الجزايل ناصر عريق الجد مافيه حيله ابن مهيدب هو عريق السلايل انشهد انه رجل جمل قبيلة وجمل تميم العز بين القبايل #الشاعر_ناصر_غالب_التميمي #جديدي

24 رمضان🌙 يالمملكة بالقلب والروح نفديك عهدا علينا مانخون الامانه حنا نحب اهلك وأرضك وواليك سلمان هو بقلوبنا له مكانه هذا المليك الصادق الحر ينبيك ونشهد انه صدق سيد زمانه ياسيدي ابشر بعزك ولبيك دون الوطن جندك وشعبك حصانه #الشاعر_ناصر_غالب_التميمي #جديدي #يوم_الجمعة

١٠ | رمضان 🌙 يالله بخيرٍ كبير ودعوةٍ مستجابه وعفوٍ وغفرانك ولقياك والجنة ياواسع الرزق رزقك مانقفل بابه الحمد لك والشكر والفضل والمنه شهرٍ جمع كل محبوبٍ باحبابه والي فقدناه يالله جعله الجنة #الشاعر_ناصر_غالب_التميمي #يوم_الجمعة

يالي تصور للضيوف الكرامه ضاع الأجر بين الرياء والتصاوير تصويركم للزاد ذنب وملامه وسنابكم مافيه حشمه وتقدير بعض الصور ياناس تجرح كرامه يمكن تمر إنسان محتاج وفقير تصويرك المحتاج ماهي شهامه يالي تذيعون العطاء والدنانير #الشاعر_ناصر_غالب_التميمي

4 رمضان يارب ترزق ابوي وامي الجنة وتغفرلهم يا الهي عالم النيه أبوي وجه السعد مايختلف ضنه وأمي سقتني الغلا من زود حنيه لي حبهم واجبٍ بالفرض والسنه ياجعل قلبي مايفقد شوف غاليه في شوفهم كل هم القلب يجلنه والبيت بوجودهم ياحيه وحيه #الشاعر_ناصر_غالب_التميمي #جديدي

هذي أبيات في ذكر الأمير الكريم سلطان البراهيم التميمي رحمه الله من امراء وفرسان وكرماء بني تميم بحائل، وذكر الشيخ سعود بن فهيد البراهيم التميمي ، وذكر اخي احمد بن محسن البراهيم التميمي ويستحقون الثناء والذكر :

العز له ناسٍ وللطيب له ناس وانته جمعت اثنينها يالتميمي لانك كريم الجد ومعرب الساس والمجد والتاريخ لك من قديمي يا فريح انته للمطاليق نوماس تفخربك العزوة تميمي تميمي ولك مجلسٍ يجمع عريبين الأجناس وفي شبة الأثنين دايم مقيمي #الشاعر_ناصر_غالب_التميمي #جديدي

هذي ابيات ردية بين الشعراء واتمنى تنال إعجاب الجميع :

عليك بأذكارك صباح ومسيه ترى الذكر يجلب لك الرزق والخير وأقرب من الله كان تبغي الوصيه من يقبله ربي قبله المناعير ولاتهجر القرأن وأقراء بنيه فيه انشراح الصدر حكمة وتدبير وعلى النبي خلي لسانك طريه في ذكر خير الخلق نور وتباشير #الشاعر_ناصر_غالب_التميمي #يوم_الجمعة

ياصاحبي خلك شريف الخصومه ولا يغرك الواشين بالقيل والقال ترى الكفو دايم رفيعه علومه والطيب ماينساه نشمي ورجال حذرى تخلي النفس دايم ضلومه خلك شريف الطبع في كل الأحوال صارح خويك قبل يبدي همومه ترى الخوي ينصح خويه إلا مال #الشاعر_ناصر_غالب_التميمي #جديدي

هذي قصيدة مهداة إلى أسرة البراهيم وال مفيد عامة من بني تميم بحايل ويستاهلون الزود: أحب أنا السبعان وأحب حايل أهل الكرم واهل السلوم الأصيله سلم للبراهيم روس الحمايل أهل المجالس والقصور الضليله أهل الفعول معدلة كل مايل هم فخرنا مابين كل القبيله #الشاعر_ناصر_غالب_التميمي #جديدي

ياصاحبي من قبل لا يدخل الصوم سامح جميع الناس والاجر ع الله وأقرب من الله دام لك بالعمر يوم والي مشى بالطيب خالقه يجزاه وأبعد عن اللي يقرب الشك واللوم وأقراء من القرأن وأفهم بمعناه اليا رضى الله عنك ماعشت مهموم والله غفور وكل مخلوق يرعاه #الشاعر_ناصر_غالب_التميمي #جديدي

الله ما أروع زمان الطفوله وقتٍ مضى لكن لازال بالبال أضحك وكل الي بصدري أقوله وأحلامي أرسمها بدفتر وتمثال أرتاح في وقت المطر مع نزوله ويذهلني البراق مع كل مخيال من طبع ابوي أخذت عز الرجوله ومن مدرسة أمي تخرجت رجال #الشاعر_ناصر_غالب_التميمي

قصيدة مهداة إلى ابن العم ناصر بن راشد ال عبدالله التميمي رجل المواقف والأفعال ليت البشر كلها مثل ناصر الطيب الي جمع كل المراجل بيمناه غلاه في وسط الضلوع المحاديب وفي عيوني اسمه الناس تقراه ولو الزمن مع طول الأيام بيشيب ماشاب طيبك ياراع الوجه والجاه #الشاعر_ناصر_غالب_التميمي