اللهم لا تجعل ذكر [ والدي ] منقطع وسخر له الدعوات كل العمر، اللهم أرحمه وأغفر له و أرفع درجاته و أجمعني بـه يارب في جنتك

ياربِّ وأنا اللي كل ما تمضي الأيام أنا الضعيف اللي رجاه سترك الضافي ما تغريني دروب الملذات ولا الأحلام ما دام إني بترك هالزمن كله إخلافي

ليلة رمضان والله يا أن فيها وحشة على قلوب الفاقدين

يارب وعْبادك لها عيون وتشوف اللي خفانا لا تخلّيه بيّن صدورنا توكل من الضيق والخوف ودموعنا تنزل على كل هيّن نركض ورى دفعة بلا وأجر معروف عسى تطيع ظروفنا يوم عيّن ويارب مرّر لحظةٍ ماهي تْطوف وخْذ الشعور اللي هقيناه ليّن

┊ ┊ ┊ ┊ ┊ ┊ ┊ ✦ ˚ ⊹ ☾｡ ┊ ☾ اللهُـم اجعلهـا ثلاثين ليلة من الجبر والطمأنينة والغفران والسعادة وتحقيق الأمنيـات

مبـارك عليكـم الشهـر ، أعاننا الله وإياكم على صيامه وقيامه 🤍

يالله ترحم وجه غالي فقدناه كل رمضانٍ فات معنا يصومه

في بعض الاحيان ما تقبل الموت العقول شفني اصافحك و اشكي عليك من السنين قسوة الفجعه من الموت لو تبطي تزول أكثر من الموت قسوه بقايا الراحلين تاخذ الايام من وجهي الضاحك ذبول كل ما يضحك حجاجي تقول الضحك دين ان جرعت من المراره ، جزعت من الذهول و ان صبرت من الصلابه ، بكيت من الحنين

ترى غناة النفس هي أصدق غناه وترى جمال الشي ما قلّ و ندّر وترى التغافل أكثر أوصاف الدهاه وترى الذكي هو أغلب العالم حذر وترى البعاد أحيان نوع من النجاة وترى السكوت أحيان من باب العذر لا تكبرون إلا على ظروف الحياة ولا تحزنون إلا على غالي قدر

سلامي على المتعامي الواثق اللماح يمر الخطا في الدرب ماقص له جره شجاعٍ لاشاف الخصم قدام عينه طاح يخليه لين يقوم ويعاود الكره مايسلك طريق الضعف لو من وراه ارباح يشوف المكاسب فيه ماتازن الذره

مايهلكك ويحط قدرك غير ظلمك وجهلك هامتك في غبة حياتك لاتضيع أفلاكها والماضي اللي فات لايثّر على مستقبلك تبقا رهين أحداث يصعب حربها واعراكها من مرحلة دنياك مالك غير جهدك وعملك والنّيه اللي جاك نور الحق من شباكها وإخفظ لشيبانك جناح الذل يرقى منزلك ماكل فرصه لاتعدت يسهل استدركها

تزاحمت حول الظنون المعاذيّر وفضلت عن كثر الكلام إنعزالي ماعاد أصدق سالفة سرك فبيّر قطعت عن بير السوالف حبالي أسجّ من تفكير وأرجع لتفكيّر وأبرك رحالي وأشدد رحالي إن زانت الأخلاق تنبت نواويّر وإن شانت الأخلاق زعلت غالي

مثل ما للخصومة شان يبقى للفضيلة شان مانيب اللي تخونه شيمته لا منّ نقص وده - عويد النجود

يا الله بـ لطفك تدارك نفسي الملتاعه أنت تعلم وش يهنّيها و وش يشقيها رحمتك تغني عن الأعوان و الفزّاعه و نصرةٍ ماهيب من عندك ما عاد أبيها

صراع الحياه اكبر من العقل والتفكير لا حنا على قدّه ولا رِتمنا رتمه نشوف الحياه بوجه خيّر ونية خير ورا سيرةٍ لابد في يوم منختمه من يحس فالغربه ورا موجة التغيير سوات اليتيم اللي محد حس في يتمه يعيش ابن ادم بين يمكن وبين يصير وهو خيط مربوطٍ من النور لـ العتمه

السنين تدور والخطوة حثيثه والعقول أنواع لكن وين نوعي؟ ضعت مابين النظيفه والخبيثه جعل نفسي ماتحرّف دون طوعي كم لي ألحّق ورى الجمرة: وريثه ودي أخذ سجتي وأنسى رجوعي كيف أواكب: طقة الناس الحديثه وأغلب الوقت الحديث يزيد روعي لا ضحك سن الغثيث من الغثيثه تندبل كبدي وتطلع من ضلوعي

ياراسي الممتلي ضجّة وحيرة وطيش لا ترخص أيامك اللي مامعك غيرها إذا شربت البحر قلّ للهوى: ماعليش أوهامك توّرد الظامي على بيرها مامن ورى الحلم خير ولا مع الحلم عيش ماغير خذها وقدها وأشعب بعيرها الناس ماعاد تبغى شيء ، تبغى تعيش عن مغريات الدروب وعن مشاويرها

الله عطانا عقل يدرك وعين تشوف نعرف خطايا البشر ونميّز اسبابها بعض السوالف تغث النفس لكن تطوف نغض عنها نظر ونقفل ابوابها تقفي وجيهٍ كريهه ماعليها حسوف نرتاح من شرها لا طوّل غيابها الشمس ماضرها بالكون طول الكسوف لا بد تشر�� علينا من ورا حجابها

"انا العريب اللي خواله عمامه معرّبٍ تبدي بي الشمس وتغيب" — ضيدان بن قضعان

يا سليلة بيرقٍ فالمواقف ما يطيح يوم يمنى الموت بين القبايل طايله عرّب عياله على أسمٍ يضيّفه المديح من يضيف أسمك رباعي بـ كرت العايله

الطيب كايد والردى سهـل ينساق لكـن مبادي والـدي علمتني إليا قريت اسمه ورا اسمي بالأوراق كـن الجبال النايفـة فـوق متني ما خفت من ضيم الليالي والإرهـاق خوفي أدنّــق هامـةٍ كبرتني ! يا رب قدرني على حسـن الأخــلاق وآصـون ذكـرى بالوفـا شرفتني 🤍