بيني و بينها ما هو أعظم من الحُب .. بيننا أُلْفة وكأنها بجواري منذُ مئة عام ، أعرفها جيدًا كَباطن يدي ، خوفها ، قلقها ، دلالُها ، خجلها ، إغوائها ، وضحكتها ، حتى أفكارها أتنبأ بها معها و أحياناً أسبقها .. أعرفُها كأنّها منّي و تسكن بداخلي 🖤
يا بخته اللّي في حياتُه سِت تنكشُه وتدلعُه وتهنّيه ، سِت قافلة دُنيتها عليه وعاملة من حياتهم دُنيا ليهم لوحدهم ، سِت عايش في دماغها و ساكن في قلبها وقاسمين التفاصيل سوا ، سِت تنسي الواحد إسمُه وتفاصيل الحياة الصعبة ، سِت تكلبش فيها وتشيلها في نن عِينيك وأنت الكسبان ..
كل ما بنكبر كل ما بنتصالح أكتر مع فكرة أننا مش عايزين نكون الأفضل ولا الأجمل أو الأحسن ولا محتاجين حتى نكون الأكتر سعادة ، إحنا بس عايزين نعيش رايقين وفى هدوء و راحة بال و رضا و قناعة و تصالح مع الذات ..
الإنسان ما بيبقاش شكله حلو من شوية لبس وبيرفيوم والحاجات اللي كلها بتتمحور المظهر الخارجي ، الإنسان بجد بيكون شكله حلو لما نفسيته تبقي مظبوطة ومستقرة ساعتها بيبقي شكله حلو ويشوف كل حاجة حلوة ، وكل حاجة عليه بتبقي فعلاً حلوة من غير مجهود.