يا أخى الزمالك ده فريق عجيب معندوش لاعيبة وزيزو وفتوح كمان مبيلعبوش وبرميدز بنجومه الكبيرة يتعادل معاه لأ وأية انطرد من الزمالك لاعب فى الدقيقة ٨٠ عجبت لك يا زمن
من الواضح كده أن أمريكا ودول أوروبا تنظر إلى قضية حرب غزة من منظور العرب والاسلام فى مواجهة الغرب بتأييدهم الأعمى لاسرائيل وكأن العمى أصابهم عما يتعرض له النساء والأطفال بقطاع غزة
أعتقد أن السبب الرئيسى فى تقدم الغرب عننا كعرب ، أن أحنا فى الأصل وحشين مع بعض نحقد على بعض ونغل على بعض ونبص لبعض كل واحد شاغل باله بغيره وعينه على اللى عند غيره ، عكس الغرب كل واحد ملوش دعوة الا بنفسه وبس أحنا شعوب حشرية وده اللى أحنا فالحين فيه
الواحد وصل لمرحلة أن الأحد بقه زى الاتنين والخميس ميفرقش حاجة عن الثلاثاء كل الأيام شبه بعض ، وتحولنا جميعا إلى ألات ليس لها عقل تميز به كل ما يدور حولها ،، تماثيل بلا روح عايشه وخلاص اللهم رحماك .
القضية التى نشرناها اليوم بموقع عيون الخريف حول تفاصيل تصوير أفلام الجنس العربية من أحدى وسائل حرب الغرب على العرب القضية القادمة ستكشف مصائب التوتوك وربنا المستعان
يا جماعة الخير الاخوة الأماراتيين اللى بعتولى رسائل على الخاص بيلومونى على الموضوع المنشور بالموقع حول اتفاقية ابرهام ،، لازم تعرفوا الشعوب ملهاش علاقة كلم على راسى الموضوع متعلق بالحكومات فقط
معظم المحللين وخبراء السياسة أكدوا أن الحرب فى غزة لو استمرت شهر كمان هيكون مفيش أمام أسرائيل إلا وقف الحرب والتفاوض للاعتراف بالدولة الفلسطينية ،، كلام جميل بس هو بعد شهر هيفضل فلسطينيين علشان يعيشوا فى الدولة بعد الاعتراف بها
قضى الأمر الذى فيه تستفتيان ،، عدم التعامل مع أى شخص مهما كان وجها لوجه ،، الواحد تعب يا جدعان كل واحد بتتعامل معاه محتاج كتلوج لوحده ، طب نجيب صحه منين للناس دى مش عارف
بص بقه قالولهم أخرجوا على جنوب القطاع خرجوا فى أمان وهم فى الطريق ضربوهم بالطيران فسقط 70 شهيد ده ممكن نسميه أيه بصراحة تعليقى ماينفعش أكتبه ،، ربنا الستار
واحد بيسألنى بيقولى يا ترى أيه السبب فى اللى بيحصل فى الدول العربية ده زلازل أعاصير وهلاك ، قلتله أدخل تويتر كده وشوف صورة واحدة بترقص ولا بتغمز بعنيها شوفها جايبة كام مشاهدة ولايك وتعليق وأنزل تحت هتلاقى تغريدة فيها أية قرأنية مثلا وأنت تعرف السبب ، اللهم رحماك
المتحدث باسم جيش الاحتلال خرج من شوية على الجزيرة يدعى عن اكتشاف نفق أسفل مستشفى لا وأيه بيحاول يثبت أن فى حجرات تحت المستشفى كانت كتائب القسام موجودة فيها وتركت أسلحتها فى الحجرة يا راجل ده هم فى عرض حتة سلاح هيسيبوا كل الأسلحة دى يا كداب
الله أكبر دبابات الجيش الاسرائيلى تحاصر الآن مستشفى الرنتيسي للأطفال بقطاع غزة ده انتصار رهيب بيحققه الجيش الصهيونى جتكم خيبة مستشفى أطفال أنتم مش قادرين تحاصروا المقاومة فحاصرتوا مستشفى أطفال
والذى رفع السماوات والأرض كل الدول التى وقفت تشاهد شعب عربى وهو يباد بتلك الطريقة الوحشية ، سوف ينال غضب من الله قريبا وياريت كل اللى يقرأ التويتة دى يفتكرها كويس
بس فالحين يقولوا لك الجيش الذى لا يقهر وكلام فارغ ملوش لازمة وشوية رجالة من المقاومة احتلوهم فى 4 ساعات.. تخيل بقه لو ده جيش نظامى كان عمل فيهم أيه أحنا العرب أقوى من أى حد بإذن الله
بعد بكرة يوم الاتنين فى مباراة ودية بين مصر والشقيقة الجزائر والملعب هيكون إن شاء الله عن أخره أتمنى أن يرفع جمهور المنتخبين أعلام فلسطين ويهتفون لغزة والمسجد الأقصى مش مهم المباراة مش هتفرق
أفسم بالله بعد مشاهدة أشلاء أطفال غزة والطفل ابن السبع سنوات وهو يلقن أخوه ابن الخمس سنوات الشهادة قبل استشهادة بلحظات والواحد مش قادر حاجة صعبة جدا فوضت أمرى لك يا رب
يا أخى أوباما ده لعيب حير الواحد معاه كل جماهير الكورة فى مصر بتقول عليه لعيب تعبان ورغم كده كل المدربين بجنسياتهم المختلفة بيلاعبوه اساسى وليه مباريات تحس أنه لاعب أوروبى ومباريات ميت تماما
واحد صديقى عارف أنى زملكاوى أتصل بيه بعد هدف الزمالك التالت بيقولى أيه رأيك سنفونية ،، بصراحة الواحد نفسه أتسدت عن كل حاجة أطفال المسلمين بتدبح واللى عايش بيرتعش من الخوف وتقولى زمالك وأهلى كورة أيه بس دلوقتى لازم يبقه عندنا دم شوية
حصيلة حرب غزة حتى الأن مصرع وقتل ٣٤١ جندى أسرائيلى مقابل استشهاد ٣٢١٤ طفل من أكثر من ١٠ ألاف مدنى ، عشنا وشوفنا جيش كامل مدجج بالأسلحة يحارب أطفال بالبمبرز بصراحة قمة التوازن بين القوتين
أجتمعتوا قلنا الحمد لله فوقتوا ،، خدتوا قرارات قلنا تمام كده ،، طلع النتن ياهو قالك مش هنفذ،، طب أيه رأيكم هتعملوا أيه قمة جديدة فى بلد تانية وقرارات جديدة لا تنفذ ودوخينى يا لمونا
إيه اللى بيحصل ده يا جماعة وبعدين المستشفيات انضربت مجزرة بمعنى الكلمة لأخواتنا ،،، الشهداء بالمئات وأخرتها إيه يا حكام العرب هتفضلوا تتفرجوا لحد أمتى وأخوانكم يذبحون بدم بارد تحركوا التاريخ لن يرحمكم تحركوا يا صخور تجلس على كراسى