أهلًا وسهلًا 🤍 .أنا خريجة كلية القانون، وبما إنّ نقل العلم وبيان الحق له أجر عظيم، وكما قال رسولنا الكريم ﷺ: {إذا مات ابن آدم انقطع عمله إلا من ثلاث:…. أو علم ينتفع به…} . راح أخصص حسابي لنشر المعرفة القانونية، وأحاول أفيد أكبر شريحة ممكنة بإذن الله🤍.خلكم قريبين 😍.

وزير العدل الدكتور وليد الصمعاني يعتمد قواعد السلوك المهني للمحامين، ومن أبرزها السماح للمحامي بالإعلان عن نفسه. #وزارة_العدل

بعيدًا عن الإسهاب، وللمهتمين بتفاصيل أكثر، شيكوا على المادة الثالثة من نظام المحاماة:.

طبعًا أغلب الوظائف ما تحتاج لرخصة محاماة، مجرد شهادتك وبعض الخبرات كافية ✅ .طيب وش شروط رخصة المحاماة؟ .⁃بكالوريوس (قانون، حقوق، أنظمة -اختلاف مسميات فقط- شريعة).⁃خبرة ٣ سنوات كمحامي متدرب بعد البكالوريوس.

أيضًا كثير يتوقعون إن أي خريج قانون = محامي .وهالشيء غلط، خريج القانون نقدر نقول إن كل مكان يحتاجه.سواء كمحامي مثل ما هو متعارف عليه .أو في المستشفيات كمستشار، أو في الشركات كأخصائي عقود أو مراجع عقود، أو في الوزارات بمختلف مسمياتها .يعني نقدر نقول مافي مجال ما يحتاج للقانونيين.

بخصوص ��لدراسة أغلب الجامعات بالتخصص مواد الدين عندهم قليل. بقية المناهج هي الأنظمة المتبعة عندنا، يعني ندرس النظام وشرحه وتطبيقاته بشكل دقيق. مثل النظام الإداري والنظام الجنائي والقانون الدولي وغيرها… .وحفظ القرآن غير مطلوب. وأغلب الجامعات ما تدرس قرآن بتخصص القانون.

طيب مثل ايش؟ .مثل نظام مكافحة الجرائم المعلوماتية 💻.يعتبر نظام وضعي ماله مصدر من الشريعة، بس برضو ما يخالفها 🙏🏻.يعني أي نص نظامي عندنا مخالف للشريعة استحاله يُطبق ولا راح تلقون أي مادة نظامية بهالوصف.

التشريع عندنا يُستمد من الشريعة الإسلامية وهالشيء مافيه شك. طيب شلون يعتمد عالشريعة بس مافيه مواد دين؟ وشلون فيه أنظمة وضعية عندنا؟.الأنظمة الوضعية هي الأنظمة اللي ما ورد لها تشريع في القرآن والسنة، فنجي احنا نُسن أنظمة تنظم حياتنا وبنفس الوقت ما تكون موادها مخالفة للشريعة ✅.

كثير يتوقعون ان التخصص فيه:.- حفظ مواد الأنظمة. - أو حفظ قرآن، أو مواد دين. لأن المعروف إن الأنظمة عندنا مستنده عالشريعة الإسلامية، ويعتقدون ان أي قانون وضعي هو مخالف للشريعة . بس هذا كله غلط ❌.

أهلًا أهلًا🤍 . بداية حبّيت أتكلم لكم عن طريقة تدريس القانون عندنا بالسعودية، وش المفاهيم المغلوطة عن التخصص؟ وكيف أحصل على رخصة المحاماة؟ 📝. فضلوا التغريدة واستمتعوا😍.