لو في بقلبك بذرة محبة اشتغل عليها واعتني فيها وكبرها، لانو هي الي حتكون خلاصك من كل المشاكل والأفكار السودة من القناعات البشعة من شرور نفسك والشرور المحيطة فيك.. من الحقد والكره من الغيرة وحتى من الإحباط واليأس
بإمكان المحبة تعمل منك شخص احسن ارقى إنسانياً قادر أكتر على العطاء ❤️
بعد العطل الي صاير لل #الواتساب و #إنستغرام و #فسيبوك بتمنى من قلبي يصير عطل عام لكل الاپليكيشنز ومنصات التواصل الاجتماعي وناخد بريك لمدة شهر نرجع فيها لحياتنا القديمة بتفاصيلا الصغيرة الحلوة وبحميميتا قبل جنان وادمان السوشال ميديا وتطبيقات التواصل
بتتمنوا هالشي؟ وقديش بتتحملو؟
بترجاكن اذا دعيت للبنان لاحدا يقلي ليش مادعيتي لسوريا وإذا دعيت لسوريا ماحدا يقلي نسيتي فلسطين وإذا دعيت لمصر ماحدا يقلي وين العراق ولو دعيت لتونس لاتقولولي طب وين السودان
مابتقدرو تقولو آمين وتتمنوا الخير للغير بدون توجيه
الله يحفظ كل بلادنا ويحميها ويعمر قلب أهاليها بالمحبة🙏🏻❤️
#التنمر ليس قسراً على الأطفال
فالهجوم السخيف والمؤذي الموجه ضد فنانة ك #دينا_الشربيني وفنانات كثير غيرها هو ابشع انواع التنمر
ان لم يعجبك فستان هذه الفنانة او تلك فعبر عن رأيك بأدب أماالسخرية من الشكل بسبب زاوية تصوير سيئة او فقدان الوزن او زيادته او..الخ فهو فعل عنصري لاانساني
#السوريين_منورين_مصر هاشتاغ جميل وكلو محبة.. لقيتو متصدر التريند في مصر فرحت جداً الصراحة
هل في سبب أم مجرد موجة حب جماعية عفوية ❤️❤️❤️
وانا مني #المصريين_منورين_الدنيا ☀️❤️
بعض المتابعين بيعتبو ليش بحكي مصري ببعض اللقاءات
دائما برد وقت يكون اللقاء على قناة عربية مابحكي غير سوري
ووقت يكون اللقاء على قناة مصرية بحكي مصري كونو اكتر من ٩٩٪ من متابعينا مصريين ولأنو صرلي عشر سنين عايشة وبشتغل بمصر كنوع من رد الجميل
ودائما بحكي عن بلدي سوريا بحب وفخر كبير
كلامك عالسوشال ميديا هو واجهتك
انا مابشوف وشك بقرا كلامك.. كلامك هو وشك وصوتك وحضورك وتربيتك وأخلاقك
خلي كلامك محترم نضيف حلو وراقي لانو بيعبر عنك حتى اذا حابب تنتقد او تشتكي انتقد باحترام وبأدب
الملافظ سعد عبر عن رأيك بكل الحرية الي بالكون بس اختار الفاظك ومفرداتك وأسلوبك..
الزواج موصورة حلوة وضحكة مرسومة وفستان عرس وشهر عسل
الزواج طلعات ونزلات مواقف صعبة ومواقف حلوة بكي وضحك خناق وحب الزواج اهتمام ومحاولة دائمة للحفاظ على شغف الأيام الأولى
الزواج صعب ينجح بالحب والدعوات والنوايا بس لانو بيحتاج شغل وتفكير وصبر
اليوم بيصيروا تلت سنين يارب العمر كلو
صباح الخير.. يااارب صباح يوم جديد يحمل معو الخير للجميع والشفا لكل مريض.. قولو آمين 🙏🏻🙏🏻
ادعوا معي ياارب اشفي كل مريض واشفي الكبيرة الغالية #رجاء_الجداوي ❤️🙏🏻🙏🏻
لما تبقى الناس في كل مكان ومن جميع الطبقات بتمر بظروف اقتصادية صعبة من الواجب علينا نحس بغيرنا ونساعد على قد مانقدر
وفي الظروف دي يستحسن نراعي مشاعر الناس ونخفف من مظاهر الترف والتباهي في الحياة وعلى السوشال ميديا حتى لو كانت ظروفنا أحسن من غيرنا.. في ناس حقيقي تعبانة
مليون شكراً للمليون متابع على تويتر
شكراً لمتابعتكم ومحبتكم ودعمكم
يتمنى كون على قد ثقتكم، انا بشوف السوشال ميديا فضاء للتعبير عن الرأي باحترام وبث الروح الإيجابية واحترام الآخر المختلف.. بتمنى نكون عم نلتقى بهاد التوجه وبتمنى يكون حضوري ودمي خفيف عليكم 🌺❤️
جريمة الاعتداء على الطفل السوري مرعبة ومؤلمة إلى أبعد الحدود لايجب السكوت عنها.. تحية لكل شخص حر يدافع عن هذه القضية بعيد عن أي اصطفاف قومي عنصري طائفي
يارب ارحمنا من هذه النماذج من الوحوش البشرية وأمراضها وقذاراتها وانزل بهم أشد العقاب 🙏🏻🙏🏻
وقد كان لموته هذا الوقع الجلل لانه جاء كالصفعة على وجوهنا جميعاً من يعرفه منا ومن لايعرفه
جاء ليذكرنا بأن الموت حق قد يطرأ في أي حين لأي منا فمن العبث ان نضيع عمرنا بالكره والحقد والحزن والهم
فلنسامح ونغفر ونحاول ان نستمتع بالحياة مهما كانت ظروفنا صعبة ولنعتني دوماً بمن نحب..❤️
رح العب معكن لعبة رح اكتبلكن بيتين شعر بحبن كتير لأبو فراس الحمداني تذكرتن اليوم وأنتو كتبولي شعر بتحبو.. بس پليز لاتغشو من غوغل
فليتك تحلو والحياة مريرة
وليتك ترضى والأنام غضاب
وليت الذي بيني وبينك عامر
وبيني وبين العالمين خراب
إذا صح منك الود فالكل هين
وكل الذي فوق التراب تراب
نشر على لساني (لاأسمح للخادمات بلمس ابنتي) أولاً أنا لااستخدم لفظ خادمة بل عاملة أو مدبرة منزل
وماقلته كالتالي (لاأحد يساعدني في تفاصيل ابنتي فأنا وحدي من اهتم بها وبتفاصيلها)
ليس لدينا في منزلنا خادمات بل عاملة منزل واحدة تحمل ابنتي وتلعب معها
ولكني وحدي من اعتني بكل مايخص ابنتي
لمايكون في مجرم حرامي او قتيل هي الألقاب بتكفي للكلام عن متهم
وقانونياً مابتستخدم جنسية المتهم للدلالة عنه، أكيد الضرر الواقع على أسرة فيها أطفال هو ضرر نفسي كبير منتمنى يتجاوزها بأسرع وقت
بس الفتنة خطرا كبير ياريت المواقع والمنابر الإعلامية تكون أكثر وعي بصياغة الخبر
اذا أنا باخد الاحتياطات المتعلقة بالتعقيم والنضافة بكل الأحوال.. بس ماعندي هوس وهلع ورعب الكورونا الي حاسة انو جزء كبير منو بروباغندا وضجة إعلامية ومو شايفة انو لازم نوقف حياتنا او ننحبس ببيوتنا مشانو هل بكون غلطانة او مستهترة ؟
لا يمكن تشبيه اسرائيل بأي شيء غير السرطان.. ورم خبيث نمى في جسم غير جسمه وجلب السقم لكل أعضاء هذا الجسم.. سرطان لن يشفى البدن منه إلا باستئصاله أو بالقضاء عليه نهائياً
لا يمكن التعايش معه ولا يمكن الوثوق به
داء وبلاء وشر مطلق لا أمل للشفاء منه إلا بزواله..
كم الأخبار المزعجة مدمر.. نحن في حرب دائمة للحفاظ على المعنويات عالية
الكورونا والحروب والحوادث و.. و.. 🤦🏻♀️🤦🏻♀️
مهما حاولنا نبعد عن الأخبار السلبية بتوصلنا من اي منفذ
الواحد صار يحلم يصحى على خبر حلو
الله يستر علينا وعلى بلادنا وأهالينا وولادنا
قولوا آمين 🙏🏻🙏🏻
I will always be your number one fan 😍🥰❤️😘
@AYoussef
from yesterday’s wedding
مليوون مبرووك #أحمد_فهمي وعروستو القمر #هنا_الزاهد ياارب أيامكم كلها فرح وسعادة 🙏🏻🙏🏻❤️
لما تدعوا بالصحة والسلامة ادعوا لكل البشر لاتختصوا جنسية ودين وفئة.. نحن بهالوقت لازم ندعي لكل البشر لكبار السن من كل الأديان للممرضى للي وضعهم الصحي او المادي صعب للناس الي محتاجة الدعى بكل مكان خلينا نكون كريمين بدعواتنا وصلواتنا ونفتح قلبنا ونتمنى الخير لكل البشر.. 🙏🏻❤️❤️
ياااااارب يااارب انزل رحمتك على كل ضعيف.. كل طفل كل عجوز كل مريض وكل محتاج ياارب فلتشمل رحمتك الجميع 🙏🏻🙏🏻 يااارب ارفع الأذى عن عبادك.. يااارب أعطنا خير هذه الرياح..
الله يحمي أهلي بالشام ومصر ولبنان.. وبكل البلاد من العواصف ومن الوباء ومن كل الشرور 🙏🏻🙏🏻
ألف مبرووك وبالتوفيق.. مسؤولية كبيرة بس أنا متأكدة إنك حتكون قدا 🙏🏻🙏🏻❤️❤️☘️☘️
مسلسل سيف الله.. #خالد_بن_الوليد 🗡
للنجم #عمرو_يوسف #رمضان٢٠٢٠
إنتاج: سينرجي
تأليف: إسلام حافظ
إخراج: رؤوف عبدالعزيز
@amryoussefofficial
@SynergyTamer
الكلمة الحلوة مش بس صدقة ومفتاح للقلوب والعقول الكلمة الحلوة راحة للي بيكتبها والي بيقراها، استخدمو الكلام الحلو حتى في الانتقاد وفي الاعتراض ممكن نعبر عن اي فكرة سياسية اجتماعية او فنية مهما كانت قاسية بس نختار الكلام الصح.. نبعد عن الشتم والتجريح والإهانات والفكرة اكيد حتوصل 🌺
شكراً من قلبي لكل الي باركولنا ودعولنا واتمنولنا الخير.. شكراً لكل الأصدقاء والمحبين وبعتذر أني مارح لحق رد عالكل.. والشكر الأكبر لرب العالمين الي بعتلنا أحلى هدية (حياة عمرو يوسف ) الله…
#ب١٠٠_وش سكر وعسل وشربات
عمل دمو خفيف ذكي ممتع ورشيق.. 😍
شكراً كاملة على المجهود الي باين واحترام عقول الناس
شكراً نيللي وآسر وعلا وإسلام وكل الكاست على المتعة الي بتقدموها 😍❤️
شكراً للكتاب ولكل الي نفذوا العمل 👏🏻👏🏻
@AsserYassin
@NellyKarim
@olaroshdy
بتمنى ولو بس اسبوع واحد بالسنة تكون كل الأخبار الي منسمعها إيجابية ومفرحة
بقنوات الأخبار بالمواقع عالسوشال ميديا بكل مكان
ناخذ اجازة من أخبار الحروب والموت والحرايق والفيضانات والجرايم والفضايح والمؤامرات.. ونسمع عن الانجازات والإبداعات والمصالحات.. بتمنى من قلبي بس مستحيل 🤦🏻♀️🤦🏻♀️
الطاقة يلي بيصرفها الواحد مشان يعمل كونترول ومايرد على الفتايين والمسيئين وملفقي الشائعات والناصحين والمنظرين والسلبين والعدائيين وشافطي الطاقة مهووولة.. يارب الهمنا الصبر
أظن انو الحل الوحيد انو الواحد ياخد كل أسبوع اجازة اربع تشهر من السوشال ميديا.. 🤦🏻♀️🤦🏻♀️
إذا كانت حلقة من مسلسل #الاختيار مؤثرة ومؤلمة إلى هذا الحد
فكم من الألم ذاقه أبطال وشهداء #ملحمة_البرث وكيف كان وقعها على ذويهم
ننحني أمام بطولاتكم وآلامكم وتضحياتكم
رحمة الله على كل الشهداء الأبطال 💔🙏🏻
وتحية كبيرة لكل صناع هذا العمل الاستثنائي
أحياناً كتير بتمنى لو ماكنت معروفة مشان عبر عن رأيي بصراحة وبدون حساب
لو كان في اسبوع بالسنة يقدر الواحد يحكي ويكتب فيه الي بدو يابأي موضوع اجتماعي سياسي ديني فني
بدون خوف وبدون تابوهات وبدون مايعمل حساب لاي شخص او جهة او مؤسسة
اكيد كانت تلت رباع الجلطات قلت
مين متلي بيتمنى هالشي
حبيبتي وحبيبة الكل كنا بندعي وبنصلي كل يوم تقوميلنا بالسلامة لكن قدر الله وماشاء فعل
فراقك مؤلم والي مؤلم أكتر انك شخصية مش حتتكرر طيبتك وخفة دمك محبتك الكبيرة للناس وحبك للحياة والجمال وتمسكك الدائم بالسعادة
الله يرحمك ياحبيبتي ويصبر قلب أميرة وكل وأهلك وحبايبك #رجاء_الجداوي
خبر قاسي وحزين مع بداية العام.. رحيل الإعلامية الرائعة والصديقة #نجوى_قاسم نجوى اللبنانية حتى العظم والتي كانت مع وجع المواطن العربي في كل مكان.. رحيلك مؤلم عزائي لأهلها ومحبيها.. 💔💔
ادعوا بالشفاء العاجل للغالين على قلبي وقلب الناس كلها النجوم الأساتذة مصدر الفرح والبهجة سمير غانم ودلال عبد العزيز اللهم اشفهما شفاءً ليس بعده سقما أبداً، اللهمّ خذ بيدهما، اللهمّ احرسهما بعينيك الّتي لا تنام ❤️❤️🙏🏻🙏🏻🙏🏻🙏🏻🙏🏻🙏🏻
@Donia
@RamyRadwan
حاسة العالم واقف على شعرة
توتر بكل مكان بين البلاد والعباد بتمنى من قلبي هالسنة تكون أحسن من العشر سنين الي قبلا تفاءلت انو رقم 2020 يحمل خير بس يمكن هبل لإنو البداية متعسرة
الحياة صعبة بمافيه الكفاية بتمنى يكون حضوري لطيف وبحلم انو الناس تبطل قسوة واحكام مسبقة وإساءة لبعضن البعض
انا مابعلق على ڤيديوهات التيك توك ولاعلى اي محتوى عظيم او خفيف
بس في ڤيديو استفزني لماشخص بيوقف وحدة بالشارع وبيسألا عن اللوك تبعها وبتقولو الشوز ديور ب 5000$ والشنطة فيندي ب 7000$ واللبس بكذا ألف انتو معقولين عنجد؟ بهاد الزمن بهي الظروف !
الي الله رازقو الله يوفقو بس حسوا بالناس
رح أسألكن سؤال ورح قلكن بكرة ليش سألت هالسؤال
وين بترتاحو وبتتسلو أكتر برا البيت بين صحابكن بالأماكن العامة (مطاعم، مقاهي، سينمات.. ) أو بالبيت لحالكن أو مع أسرتكم وتمارسو نشاط بتحبو (تشوفو فيلم، مسلسل، تقروا كتاب أو أي نشاط تاني.. ) ؟؟
#صباح_الخير 😍☀️
صباحكم كما تتمنوه
من أهم اللحظات بحياتنا هي بداية اليوم اول مانصحى لحظتها منقرر ومنختار او نبدأ يومنا بإقبال ونشاط وايجابية أو بالشكوى والانزعاج والسلبية وهالقرار بينعكس على باقي يومنا
مافي شي بيستاهل حتى الي عندو مشاكل يحاول ماتكون اول شي بيفكر فيه
والله بيسر
عظمة #محمد_صلاح مش بس انو واحد من أهم لعيبة الفوتبول في التاريخ وانو هداف عظيم ولاعب استثنائي لعب في أهم الأندية العالمية وشهرته ونجوميته وصلت العالم
عظمته في انو مثل أعلى لأجيال محتاجة مثل أعلى مش بس في مصر والبلاد العربية وفي العالم.. نموذج للاجتهاد والاخلاص والاحترام والاحتراف
كل التحية لإليسا الشجاعة القوية الي تغلبت على محنتا من غير استعراض او ابتزاز.. ومن غير ماتوقف لحظة عن العطاء والشغل..
تحية لكل امرأة هزمت المرض بشجاعة وانتصرت عليه والله يشفي يلي لسه على هالدرب
@elissakh
you’re such an inspiring woman god bless you ❤️❤️🙏🏻
#اليسا
هذا اليوم سيذكره التاريخ والعالم كله سيشهد.. حدث تاريخي عظيم واستثنائي ليذكر العالم بأن مصر منبع الحضارات وأم الدنيا
شكراً لكل القائمين على هذا الفعالية العظيمة ولكل شخص بذل مجهود ليظهر هذا الحدث على أكمل وجه
#نقل_المومياوات_الملكية
يارب كون مع لبنان وأهلو الله يحمي أهل لبنان الله يرحم القتلى ويشفي الجرحى.. والله يطمنا على أهلنا وأصدقاءنا وحبايبنا ببيروت ياااارب الرحمة #انفجار_لبنان 🙏🏻💔💔
لما بتكبر المحبة بقلبك.. بتنضف قلبك وراسك من كل السموم بتطرد المشاعر والأفكار السودا والبشعة متل وقت بتعمل ديتوكس لجسمك، رح تلاقي المساحة البيضة كبرت والسودا كل مالا عّم تصغر.. بيصير الواحد أكتر قدرة على السماح أكتر قدرة على الصبر أكتر قدرة على تقبل الآخر مهما كان مختلف وبعيد ❤️
اليوم نزلت أعمل معاملة في أحد الجهات الرسمية
الازدحام كان شديد وشهادة ان التنظيم والاهتمام والتعقيم كان استثنائي الجميع بدون استثناء موظفين وأمن ومراجعين يرتدون الكمامات مع الحفاظ على مسافة أمان بين الناس وتعقيم كل شخص يدخل الصرح
تحية كبيرة للمسؤولين على التنظيم وسلامة المواطنين
يااارب تحمي بلدي التاني الغالي #مصر بيتي وحياتي.. وتحمي شعب مصر الغالي وكل البلاد والشعوب العربية من كل الشرور من الفتن والفقر والمرض ويارب تعدي هالفترة العصيبة على خير ❤️❤️🙏🏻🙏🏻🙏🏻🙏🏻
العدائية.. الكراهية.. الفظاظة.. العنف بأنواعه ابتداءً من الكلمة المؤذية وصولاً للقتل.. الأذى.. أذى الإنسان والحيوان والنبات والجماد.. القسوة.. الظلم.. العنصرية.. الجهل.. الفقر
هي الأوبئة الأخطر والأكثر انتشاراً وفتكاً منذ بداية البشرية وحتى اليوم
صباح الخير
ظروفنا مختلفة لهيك صعب الواحد ينظر او ينصح غيرو
بس التفاؤل والإيجابية طاقة ممكن كلنا نتحلى فيها وتساعدنا نتغلب على أصعب الظروف
اذا حاولنا نركز طاقتنا باللحظة الي عّم نعيشا نشتغل ونعد النعم الي حوالينا
حنرتاح من القلق الي بسببو التفكير بالماضي والخوف الزايد من المستقبل
مبرووك حبيبتي الموهوبة االحقيقية الحساسة القمر من برا ومن جوا تستاهلي التكريم العظيم ده 😍😍👏🏻👏🏻👏🏻👏🏻❤️❤️❤️ #منة_شلبي #مهرجان_القاهرة_السينمائي_الدولي
@Menna_Shalaby
@CairoFilms
رح اعترفلكن بسر مابكره شي بحياتي قد التدخين وبتمنى عيش لشوف اللحظة الي انمنع فيها التدخين من كل الأماكن العامة وحتى الخاصة والشوارع.. واذا كان اي شي ممكن يعتبر حرية شخصية إلا التدخين لإنو مزعج ومضر للمحيطين مو بس للمدخن 🚬 🚬 🚭🚭
لسان حال الجميع: ما الذي بينك وبين الله حتى يحبك الناس كل هذا الحب ما الذي بينك وبين الله حتى يحزنوا عليك كل هذا الحزن ويشيعونك بالألوف.. ويصلون ويدعون لك بالملايين.. رحمة الله عليك #حاتم_علي 💔🙏🏻
المحترمين المحبين الإيجابيين هنن الأشخاص الي بيحسنو أي بيئة بيتواجدو فيها بالواقع أو بالسوشال ميديا كلامك المحب مرايتك مراية قلبك وتربيتك وأهلك
والي عندو اعتراض او انتقاد بيقدر يقولو باحترام ومحبة أما المسيئين المزعجين فالله يشفيهم من الكره ومن السواد الي بقلوبن مابيئذو غير حالن
والله الموضوع مالوش علاقة بالمديح
بس الكلام الحلو نعمة لمابلاقي حد ذوق ومحترم وكاتب كلام شبهو بيعطيني دفع وشعور ايجابي رائع
الكلام الحلو ثقافة ورقي
والله مش غلط حتى لو عايزين ننتقد ظاهرة أو نقول رأينا في موضوع مش عاجبنا إننا نقولو بطريقة لطيفة ومحترمة ونختار ألفاظنا ومصطلحاتنا 🌸
كل عام وانتو بخير
كل عام وقلوبكم عامرة ومنيرة بالحب بتمنى يجي يوم ونصير نحتفل بالحب كمفهوم شامل مو بس بين الرجل والمرأة
الحب هو أسمى المشاعر هو الدافع الحقيقي للحياة حب الله والامتنان الدائم حب الذات حب الحبيب والأطفال والأهل والأصدقاء حب البلد حب الخير للجميع بشر وحيوانات..❤️❤️