يعني الكهرباء قطعت في مستشفى ٣ ساعات معندهاش الا مولد احتياطي مدة ٤٥ دقيقة و الدكاترة مرعوبة على العناية المركزة.
وقطع على لجان امتحانات طب لمدة ٣ ساعات!
وقطع على ناس كتير في بيوتها الله اعلم بأحوال كل واحد/ة فيهم!
نكبة مصر الحديثة
تقريبا محدش هنا ما جابش سيرة قطع النور النهاردة!
انتوا بتعملوا ايه يا جماعة في فلوس المدارس؟
سؤال حقيقي... بتقسطوا المصاريف؟ بتدخلوا الاولاد حكومي او تجريبي و تكملوا تعليمهم بكورسات تحسن مستوياتهم اللغوية والفكرية ومهاراتهم؟
هل ممكن اسمع تجاربكم رجاءا. بدون إحراج.
شكرا ليكم
موضوع الاسعار و الفلوس ومتطلبات البيت ده بقى جنان، مش نافع فيه هزار او تريقة او سخرية، الموضوع بقى يخوف و يوجع، هنعيش ازاي كده!
هناكل ايه و نلبس ايه! مش هنتعلاج! هنعمل ايه بجد!
انا بتكلم على الاساسي مش كماليات!
حسبي الله ونعم الوكيل
انا أخدت كورونا من أخر اسبوع في رمضان.
كل ده راقدة في السرير.
كان صعب جدا جدا الاوجاع بتاعته.
البيت كله أخده بس كل واحد على حسب مناعته وجسمه.
بدأت اخف، التنفس كان اصعب شئ، الحقيقة كل شئ كان صعب جدا جدا.
بس طلعت بحاجات مهمة من الراقدة والمرض دول.
لسة بتعافى، دعواتكم.
ازاي كل أدوية القلب مش متاحة في الاسواق!!!!!
ايه الناس هتموت! هيموتوا الناس حرفيا خلاص! حقيقي مش عارفة استوعب! يعني محتاجين يرفعوا الاسعار ولا مافيش استيراد للمواد الفعالة او للأدوية نفسها!
كونكور العبيط! وبيتاكور اللي لا غنى عنه! ازاي كده!
امبارح اختي وقعت تليفونها الجديد في الشارع، ولقاه شاب صاحب عربية فول.
رد عليها واستناها في منطقة قريبة ورجع لها التليفون.
طبعا قدمت له هدية رمزية، وبتقول انه في العشرينات وخاطب وبيجهز نفسه. كان متعفف ومارضيش ياخد الهدية وتقريبا بكى لما اختي اتحايلت عليه ياخدها.
ادعوا له 💚
انا في الحسين من ١٥ سنة.
البنية التحتية كانت بتغرق في مياه الامطار كل شتاء، اللي شايفينه ده بنية تحتيه تأسست عام ٢٠٠٨ من مؤسسة أغاخان لترميم و حفظ التراث. شارع المعز كان مبني فوق آراضي تعج بالمياه الجوفية.
روح يا شيخ، ربنا يبتليك في صحتك وصحوك ومنامك
يارب يقتص لمل يوم من عمرهم آلاف المرات منك ومن ذريتك ونسلك
ربنا لا يبارك لك في نفس ولا اكلة ولا يهنيك بغمضة عين ولا راحة ابدا ابدا ابدا يارب
دخلت كزبونة لمحل للفضة في ٢٠٠٢
اشتغلت فيه في ٢٠٠٣
سيبت التدريس في الجامعة ٢٠١٢
كملت شغل الفضة وعملت لشخص جميل من تويتر ميدالية في ٢٠١٩ ودلوقتي متجوزين من سنتين وبحبه جدا ومؤمن بيا وبيدعمني في شغلي كمصممة ومصنعة
انا بقى هسيب كل حاجة ومتضايقة جدا جدا على سفالة اللي لبس البنات دي فساتين بالشكل ده في البرد ده والبشوات والهوانم لابسين شتوي! ماتقولوش لحظة تقديم ورود وخلاص!دي عالم جزم والله!
يا قوم، لما حيوان او طائر هائم ينام جنبكم بدون سابق معرفة، ده شئ فيه كرم كبير من ربنا ومن الطبيعة.
في حالة حدوث شئ مماثل،رجاءا لا تهشوهم ولا تضربوهم ولا تصحوهم.
كل اللي اقدر اطلبه منكم انكم تسمحوا لنفسكم تستقبلوا وجود هذا الضيف الغريب بدون احكام او مخاوف.
بلاش رفض،خليكم قد المنحة
المرض بالفيروس ما يخوفش.
اتطمنوا، هو بيهد ويكسر جامد.
بس احنا ٤ في البيت ومحدش كان زي الثاني في الأعراض والوجع.
تباينات كتيرة قوي، طبعا الأعمار بيد الله.
واحد فينا عمل مسحة وكانت ايجابي، فالتزمنا بالعزل كلنا لحد ما الأزمة عدت.
صعب على البعض وخفيف او غير ظاهر خالص على البعض
لسة رافضة عزومة نسايب جدد كانت هتكون فخيمة وفي مكان مفتوح وضروري الحضور علشان خاطر اخويا، بس الصحة مش بعزقة.
ضربة الكورونا فيها تعجيز لمده ٣ شهور، وده شئ مش في مقدوري ولا صحتي الحالية تتحمله.
ان شاء الله التجمعات تتعوض لكن الصحة والحياة مش هيتعوضوا.
خلوا بالكوا من نفسكم.
يارب بحق الايام والساعات المفترجة يارب يارب ما تموت موتة راحة ولا تلاقي مكان ترقد فيه بكرامة لا انت ولا اهلك ولا عصابتك والمتسترين عليك والمتواطئين معاك ولا كل فرد في نظامك الظالم يارب.
اتمنى من قلبي كل البنات اللي اتأذت من الحقير اللي اسمه احمد مصطفى تتكلم وترفع صوتها.معظمكم كنتوا تحت تأثير أدوية نفسيةوابتزاز من طبيب نفسي عارف هو بيعمل ايه كويس قوي.احمد مصطفى شيطان.
و حقكم تقدروا تاخدوه يا بنات و ببلاغ بصور و هيتم في منتهى السريةالحيوان ده ممكن يتطرد من النقابة
زمان كانوا بيخلونا نكتب كنوع من العقاب، كبرت وعرفت اني لازم اكتب كتير قوي واتعب قوي علشان ابقى متمكنة قوي ومتقنة لفن غالي جدا اسمه الخط العربي... من انجازاتي في ٢٠١٨ اتقان الخط الديواني
اللهم لا ترفع عنا غطاء سترك ,ولا تبتلينا فيما لا نستطيع عليه صبرآ ,اللهم إنا نسالك راحه في البدن وراحه في القلب وراحه في النفس ,واجعل لنا يارب من كل ضيق مخرجآ ومن كل هم فرجآ ومن كل دعاء قبول واستجابه
طبيبة تحت التمرين بتشتغل ��ي عيادة طبيب بتابع معاه، بتسألني عن تاريخي المرضي ولو في امراض مزمنة او أدوية باخدها باستمرار.
قلت لها باخد مودابكس للاكتئاب، ابتسمت بسخرية وبتقول لي ليه يعني! قلت لها زي ما جيت لكم علشان تعبانة وزي ما بروح لطبيب اسنان، لما نفسيتي تعبت روحت لطبيب نفسي
الخروج من بين براثن الأهل-في الطبقة المتوسطة-بمثابة ميلاد جديد. شاق ومؤلم ومرعب لا نعرف ما بعده ولا نتكلم عنه ولم يحدثنا عنه من وصلوا قبلنا. ولكنه يستحق المقاومة والاستبسال.فلنضمد جراح بعضنا البعض ولنكمل المسير
مين قال الاطفال مش بتحمل هموم!
فرضية غير صحيحة.
اذا دخلت مجموعة علاجية group therapy هتعرف قد ايه الاطفال شايلين هموم لا قبل لهم بها، ربنا يعين الأهالي على الإحسان لأطفالهم والمدرسين على حاجات كتير تانية.
الخلاصة اطفال كتير بتشيل حمول ينوء بحملها جبال.
سواق مقطورة بيعدي الطريق الدايري الاوسطي بالعرض علشان يكمل الطريق في الجهة المقابلة!
حصل له ايه الراجل الطيب؟
مات هو و١٨ واحد في ميكروباص ماشي في حاله على طريق سريع!
مقطورة بتعدي بالعرض علشان تمشي الجهة المقابلة!!!
يا ترى لقوا شرطة مرور ولا نروح احنا نكتب المحضر!!!
منتج مصري ١٠٠%
اكتشفته بالصدفة
مصنع خصيصا لأحدى الصيدليات المصرية.
رهيب من اول غسلة، مافيش احساس القزاز على شعرك اللي اي شامبو بيسببه نتيجة غسل الشعر من كل االدهون الطبيعية والمفيدة.
يا بنات ويا شباب... حد مهتم يعرف نوع شامبو جديد خالي تماما من السلفات وجميل عن تجربة؟
فيفوريت واعملوا منشين لاصحابكم المهتمين، لأني لقيت اكتشاف رائع بالصدفة
انا سعيدة وانا شايفة الحيوانات في الشارع ازاي حاسين بسكينة واستحقاق ونايمين في اي مكان ومتجاوبين جدا مع اي لطف و طبطبة.
زي ما تكون الدنيا بتطبطب عليهم.
الحمد لله على راحة الأرواح التعبانة دي.
الحمد لله.
اكبر مشاكل الفلوس دلوقتي هي سرعة هبوط القيمة الشرائية.
مثلا عايزة اشتري مرتبة سرير كويسة،لازم الحق ادور واعرف الفرق بين الماركات والانواع،اسأل عن تجارب ناس، اقارن بين اسعار والفرق بين الوكي�� ومنفذ بيع المصنع والمعارض وكله بسرعةلأن كل يوم تأخير قيمة الفلوس تقل وسعر المرتبة تزيد
اكتشفت كنز النهاردة في الأزهر.
الشركة المصرية للمنسوجات.
ما هذا الجمال والمتاتة والشياكة!
اسعار غالية نسبيا بس ٤٠% تخفيض في حالة الجملة او كمية كبيرة، لكن منتهى الجمال والقيمة.
الصناعات المصرية مازال فيها كنوز.
ربنا يديم الحلو يارب.
النهاردة يوم من أصعب وأغرب الأيام في حياتي.
النهاردة ربنا استخدمني في منع موت صديقة لي منتحرة بعد ما اخدت عدد من اقراص المنوم.
انا عايزة ارتاح ومش عارفة ارتاح
قلقانة جدا ومنهكة وخايفة ومرتاحة
ومحتاجة حد يحسسني بالاطمئنان
ارحموا اولادكم وما تخوفهومش ولا تطلعوا عليهم شد اعصابكم
صحيح، بخصوص دموع الجرابيع، محتاجين تعرفوا ان من اساليب المُبتز (الجنسي) ابتزاز الآخرين عاطفياً بالدموع.
واخص بالذكر سيئ الذكر أدناه، ومش اي حد تاني.
ده توضيح لنمط سلوك المتحرش/المبتز
لما اكتشفت اني مش هقدر اضيع عمري في الشغل واستقالت من السلك الجامعي، عدد من الزميلات عملوا زيي لأنهم لقوا ان الحياة بتضيع في الشغل. الشغل وبس. ودي مش حياة. اعتقد ان ده من أهم الاسباب اللي سيبت علشانها مهنة التدريس الجليلة الجميلة والمرهقة جدا في زماننا بعد ١٠ سنين من الممارسة
طيب انا عندي نظرية منزلية، يبدو ان الفيروس فعلا موجود في مصر بس احنا عندنا اجسام مضادة بالهباب والبلاوي اللي بناكلها ونشربها، فهو مش قادر ينشط في اجسامنا، لكن لما بيتنقل لحد اجنبي مش عنده نفس تركيبة دمنا الملوث بكل الاشكال من مأكل ومشرب، المساكين بيتأثروا بيه.
بس كده 😌😂
متخيلين مدام سيلتو بليه وهي داخلة البرطمان يوم الاحد والنواب بيسقفوا لها وهي ماشية ماشية شموخ وعلى كتفها فرو أرنوب زعلان حكم عليه الزمان يوصل لهذه البقعة الرذيلة داخل القطر المصري
حصل لي موقف جميل النهاردة مسح آثار حادثة مؤلمة.
من شهر ونص وانا نازلة من البيت، على اخر الشارع جري متوسيكل عليه اثنين شدوا شنطة ايدي. ما سيبتش الشنطة وسحلوني في الشارع. ما اخدوهاش وايدي اتعورت جامد و جالي صدمة طبعا فضلت مأثرة علي.
النهاردة في نفس المكان كان في ٣ كلاب شوارع+
البوليمر كلاي polymer clay او الصلصال الحراري فن كبير و موجود من زمان في حضارات قديمة أولها أفريقيا و بعدها انتقل لإيطاليا و دول تانية استخدمت زجاج مش صلصال.
ليه تقنيات كتير، مرهقة جدا ومغرية جدا جدا.
دي أمثلة لبعض أدوات التشكيل اليدوية، لأن في كمان ماكينات تساعد الفنان
استهجانها وحكمها عليا كان الغريب فيه انها مازالت طبيبة صغيرة،لسةطالعةمن الكلية وعارفة ان في قسم نفسية وعصبية عندهم، ده غير الضغوط النفسيةعلى طلبةطب في مصر وانها مؤكد بتعاني منه.
الوصم في العلاج النفسي من اغرب حاجات في مجتمع مطحون نفسيا، و للاسف معشر الأطباء اكبر مروجين لهذا الوصم
أقرب جامع جنبنا فيه مؤذن جميل قوي كل أذان يستعمل مقام غير اللي قبله!
و الفجر دلوقتي بيأذن بمقام نهاوند علشان الصحيان مايكونش تقيل على الناس!
جميل جميل يعني
ربنا يحفظه
@HendZayedJwlry
من أكثر القطع اللي استمتعت جدا بالشغل فيها ❤
فضة ٩٢٥
طلاء ذهب عيار ٢٤
القطعة منفذة باليد بداية من الخط (ديواني) مرورا بتقنية نشر الفضة وأخيرا الطلاء
عملت النهاردة خاتم جميل جدا، و فخورة بيه وبفكرته و التغيرات اللي الفكرة مرت بيها وبالصدفة اللي وصلت التصميم والتنفيذ انه يطلع بالجمال ده.
الحمد لله.
قريبا بقى انزل الصور ان شاء الله
اللي اتأذيت فيه.
كنت النهاردة تعبانة ومتضايقة جدا.بس الكلاب دول من غير ما اعرفهم واول مرة تعامل لي معاهم غيروا لي مزاجي وحسيت بأمان واطمئنان. بس لية عندي فوبيا من اي متوسيكل معدي جنبي.
كلاب الشارع ذكية وجميلة،عشرية ومش مؤذية. وتقريبا عندهم آشعة سينية للي بيحبوهم وبيبادلوهم الحب❤
مش هقدر اوضح لكم سهولة الكذب والتلفيق في المعلومات والفيديوهات.
لو لينا دور من على الكنبة، يبقى نتقصى مليون مرة اي فيديو او معلومة جاية منين و من مين قبل ما نعمل ريتويت.
ولو عرفت ان اللي بعته مغلوط او شكيت فيه، امسحه فورا و ياريت تكتب توضيح بده.
دمنا في ايدين بعض.
مصر اهم.
ممكن طلب صغير لعلاء مش ليا...
ممكن تدعوا له؟
هو بخير بس محتاج دعوات ناس بتحبه.
❤️ادعوا لعلاء بالتوفيق والنجاة من اي شر❤️
(وكل اللي يجي على بالكم ادعوا بيه)
خالي الجميل الله يرحمه كان بيجيب لنا دعوات دائمة لمعرض الكتاب كل سنة
(مخي بيقول لي ربنا يخليه 😆)
انا متأكدة انه عامل شلة في الجنة وعمال يضحك ويهزر معاهم،خالي كان زي العسل وشبه محمد فوزي قلبا وقالبا
مش من حقك تصور احد المدعوات بترقص في فرح او مناسبة عائلية، ولا تنشر الفيديو وتقول انها جامدة فورتيكة، دي حاجة شخصية جدا الا اذا كانت عارفة انها بتتصور و الفيديو هينزل على مشاع الانترنت. ده انتهاك لخصوصيتها ولحاجات تانية كتير. مش من حقك، ومرفوض وغلط يا روح امك منك له
موضوع عودة الطائرات الورقية ده عايز له فيلم من اخراج حد جميل كده.
يتتبع قصص منطقة شعبية وقصة كل طفل اكتشف الهواية دي تاني.
فيلم يبين لنا ان وراء الجمال ده حاجات كتير مش كلها جميلة.
يسميه "طيارة ورق".
النهاردة في وقفة كبيرة قدام الغلط ومواجهة حتمية اتأجلت سنين، و على قدر احساسي بصعوبتها ولكنها خطوة في بداية الطريق لمواجهة كبيرة.
دعواتكم لي بالثبات و الإحسان في القول وعدم الجور كما جاروا علي.