ياصاحبي ماجيتك * بوجه ثاني *
يوم الوجيه ألوان واشكال واجناس
.
وجهي طويل وسعد من هو نصاني
بين العرب وافي ولاهوب ينقاس
.
حدتني ظروف العنا وجيت عاني
وانا احسب ان بْفزعتك ترفع الراس
.
ماكسر عزومي و حطم كياني
الا الظروف وقولة :- الناس للناس
حصل خير لَكنك تماديت بالتقصير
ولو ماانت غالي ماتماديت بعتابي !
.
وش يفيدك التأويل والشك والتبرير
جمال الحياة تعيشها وانت متغابي
.
تراك انت عندي غير والناس عندي غير
ياملهم احاسيسي وشعري وعرابي
.
من الارض اخذني للسما مستعد اطير
انا فيك اولى بك مثل ماانت اولى بي
علينا العلوم الطيّبه مثل فرض العين
نتم الفروض الخمس معْ صالح الاعمال
.
على خطوة الشيبان وأصحابنا الوافين
خذينا وْتعلمنا النصيحه من العقال
.
يرزّك فعل يمناك والله عطاك ايدين
وهنا يفرق الرجال فعله عن الرجال
أتفقنا ... ما نغيب ولا نغايب
الغياب يقطع قلوب الاحبه
.
والعهد يبقى وعد بين الحبايب
من يخوّن فالعهد * ودك تكبه *
.
والله ان الشوق ملعون الصلايب
ياكل ويشرب معك فاللي تحبه
.
كن من بينك ومن بينه طلايب
لارحل من هو تحبه .. دون سبه
هٰذي سنة راحت وهٰذي سنة جات
وانا .. انا باقي ... على حطت أيدك
.
ماغيّرتي لا ثواني و ساعات
شفني ! مقيّد في المحبة بقيدك
.
حسبي على طول المدى والمسافات
ياليتني اقدر .. أقرب بعيدك
يعيش البنادم في حياته صبر واجهاد
ولايدري خطواته على وين .. يرسيها
لو يعايش الدنيا جلادة و ألم و عناد !
ترى الحاجه اللي في خياله .. يسويها
قياس النظر / نظرة " ثلاثية الابعاد "
على النادر المنعور ... يبعد مراميها
كم كانت آمالي / حليفة عزومي
واليوم عزمي و الاماني تخاصم !
.
انهارت عزومي / و زادت همومي
مثل انهيارات الدول و العواصم
.
ماعاش من يتْذمر بشكل يومي :-
يعيش منهو بْصدر الامجاد باصم
من يحسْب المال ساس الكرم ماهو بخير
غـرتـه دنـيــاه .. بـ المــال وابليسـه غــواه
الفقر ... ما عـذرب القرم لو قالوا : فقيـر
كـم فـقـيـرٍ من عطـايـاه ماتـلـحـق جــزاه
سيـّدي / أذن بِنا ناتي .. حجيج
من سنة جدي / وحنا في ذراك \
.
شلت هم الشعب وأحوال الخليج
ولو تشيل الأرض شلناها معاك !
.
.
#صباح_الاحمد #القمة_الخليجية #القمة_الخليجية_بالكويت #القمه_الخليجيه_38
القيادة و الكتيبه و السرية
وكل رجلٍ فالبلاد وكل عنصر
.
يفتخر بك ياسمو المقدرية
راس حربة فاللقا تظفر وتنصر
.
ماتضدك اي قوة عسكرية
ولو تضدك شلتها بأطراف خُنصر
.
لو يقال ان الولاء لك عنصرية
سجلوني أكثر انسان .. مْتعنصر
الصدقْ لصدور الرجاجيل مفتاح
وصدقك وطيبة نيّتك تملي العين
.
يقولها اللي ... كاتم الجرح ماباح
مابين تأويل و توهم و تخمين !
.
قد لي ثـلاث سنيـن ماني بمرتاح
واليوم انا مرتـاح من صفعة سنين
.
كان الالم في داخل القلب وانزاح
الله يتمم فرحتي .. قولوا آمين !!!
ما انكسر لو كنت انا المعني
وَلا تهاوت ذروة صروحي
الله ليامن طحت يرفعني
خُلِقتْ أعبْده وأبني طْموحي
.
ماني بحاجة من يلمعني
لو صفق العالم على جروحي
.
وان مالقيت اللي يشجعني
انا .. اشجع روحي بروحي ،،