دي فرقة أفراح شعبي قبل ما يخلصوا الفرح علطول لاحظوا وجود شخص "رقيق الحال" جنب سور الفرح بيرقص على مزيكتهم بانسجام وسعادة غير عادية، فقرروا يعملوله فقرة لوحده
جبر الخواطر علي الله 🤍
تحية لكل أعضاء الفرقة الجدعان
بهجة ولطافة الدنيا
بناء على طلب الاصدقاء
الكبدة الاسكندراني ايووه ياجدعان
الكبدة بتبتدي من عند الجزار وعمتا مفيش جزار بيعرف يقطع كبدة اسكندراني ، طب نعمل ايه اقولك
اولا اطلب منه يشيل القشرة الخفيفه اللي على الكبدة واطلب منه يقطع الكبده بوفتيك رفيع خالص زي ورقه البافرة وبعدين بنقطعها في حجم 👇🏻
تعالوا نعمل واحده من اغلى واطعم الشوربات في العالم دعونا نرحب ب
شوربة البصل الفرنسية 🇫🇷
كيلو ونص بصل ولو بالعدد يبقى 6 حبات بصل نقطعه جوانح رفيعه زيك وفي الحلة الحلوة زيت وزبد وانزل يامعلم نص ساعه من التقليب لحد مرحله الكرملة مش الحرق هااا👇🏻١/٢
بناء على طلب الاصدقاء
تحت الثريد دا تعالوا نتكلم عن اهم قطعيات اللحوم وافضل استخدام ليها 👨🏻🍳🤞🏻
١- الرقبة Neck
لو بنتكلم في السعر هي ارخص نسبيا وهي لحم متداخل مع عظم الرقبة تاخد منها شوربة تحفه ونعمل بيها الفتة ، كباب الحلة والخضار
الشيف اسامة السيد واحد من اساتذة الطهاة وكان المسؤول عن المطبخ في اهم شركات الحفلات في العالم Braun’s Fine Caterers ومنها اصبح مسؤول اعداد مأدب البيت الابيض ووزارة الخارجية الاميركية ، مستشار تغذية ومؤلف كتب اشتهر باسلوبة الراقي البسيط الله يرحمه 🙏🏻
إنا لله وإنا إليه راجعون
اللي في الصوره اسمه عمر الدفراوي الشهير أن جوز عمته لما مات مراحش يدفنه عشان هو واد جامد ومهم ومش عاوز يضيع ساعتين من غير تمرين الشاب ده لعب ماتش في مصر واتعجن ضرب
سافر ودخل معسكر تدريبي من سنه قطع فيها علاقته بكل الناس ويعمل فيديوهات انتظروني
النهارده رجع للماتشات واتعجن تاني
بناء على طلب الاصدقاء
دعونا نرحب بسلطه الكول سلو
في بوله حلوة زيك ننزل بنص كوبايه مايونيز عليهم خمس معالق سكر كبار مع معلقتين خل ونضيف نص معلقه صغننه ملح و فلفل اسود وبصل بودر ونص لمونه اخلط ابشر عليهم نص كرنبة مقلبظه 🤐وجزره و ربع بصله قلب ياحلو وفي التلاجة ٢٤ ساعه واستمتع👨🏻🍳🤞🏻
بناء على الوحدة الوطنية ✌🏻
دعونا جميعا نرحب بصديق الطفولة والشباب
المنقذ الاول من الجوع ورفيق الكرش
الكشري المصري 🇪🇬 👏🏻
بعد اذنك حطي ربع كيلو عدس في مياه سخنه ساعه ، وهاتي بصلتين نقطعهم شرايح رفيعه زيك ننشفهم ونحط عليهم معلقه دقيق ونشا وطاستك الحلوة زيك شويه زيت يغطي البصل
٢/٤👇🏻