{وَقالُوا الحَمدُ لِلَّهِ الَّذي أَذهَبَ عَنَّا الحَزَنَ..}

مخاوفي مش منها إطلاقًا، مخاوفي كلها مادية بصراحة يعني اتمنى أكون غني ومعايا فلوس كتير أوي عشان أدلعها واجيبلها كل حاجة وأخليها مش محتاجة تتعب أو تشقى معايا أو تستحمل حاجة غصب عنها بس

بحب أبويا وأمي أوي وبسمع كلامهم حتى لو مش على هوايا ولو دخلنا نقاش بسيبهم يكسبوا النقاش وانا بكسبهم وبقول لنفسي هما اللي علموني اتناقش، بتعامل دايمًا مع كل يوم إنه أخر يوم ليا معاهم عشان أفضل أبرهم والشيطان ميخلنيش ازعلهم

الناس عمالة تتفلسف في الكوتس ومعاها حق تخيل تطلب من حد قميص يقولك خد الجينز ده حلو مشي نفسك بيه أصل احنا أخر الشهر هي كانت عايزة الأكل ومطلبتش يكون غالي، أهم حاجة يغطي احتياجها في حدود الموجود براحتها واللي كان هياخد الجينز ويمشي عريان من فوق براحته، كل واحد بياخد اللي عايزه

بالمناسبة من يومين قولت كده والناس اعترضت وقعدت تقول عايزين دفى وعيلة ومش عارف ايه اتفضلوا بقى عيشوا الواقع ودفى العيلة وخدمة العيلة

الواحد محتاج يتأقلم على انه اتولد مصري وهيفضل يدفع ضريبة الموضوع (الضريبة انك هتفضل متأخر دايمًا وبتعاني حتى لو (عرفت) تسافر برا مصر هتكون متأخر شوية عن اللي حواليك في الأول بسبب جنسيتك خصوصًا لو دولة عربية)

٩٠٪ من الأهالي في الأرياف معندهمش مشكلة يرموا عيالهم في النار ولا يقعدوا معاهم شوية لغاية ما تجيلهم جوازة مناسبة

عندي خبر وحش هما مش بيوافقوا ولا حاجة، بيتغصبوا

الصيغة الصحيحة : عاوز خدامة لإمي وهنام معاها شهر كل سنة

أنا برضو اتولدت عندي تشهوات وعندي ست صوابع في كل ايد ومع ذلك تأقلمت واستغليت الموضوع واتعلمت بيانو وبتعلم برمجة وصيني وبتكلم اسباني وايطالي والماني وبلعب رياضة ومعايا ماجستير وبشتغل معيد في الكلية الصبح وبعد العصر عندي توكتوك واستشهدت في ٣ غزوات قبل كده

الحب والشهوة وجهان لعملة واحدة دي غريزة بشرية مستحيل تتغير بس ربنا ميزنا بالعقل دونًا عن كل المخلوقات اللي عندها نفس الغريزة عشان نتحكم في شهوتنا لغاية ما تكون في إطار الجواز انت المفروض تتحكم في نفسك، مش تبطل تشوفها بنظرة شهوانية كده انت عندك مشكلة تانية

البتاع ده مرعب، مش عشان شكله عشان بيحسسني اني متأخر وبتمرقع كل ما بشوفه وضميري بيأنبني أوي

{رَبَّنَا إِنَّكَ تَعْلَمُ مَا نُخْفِي وَمَا نُعْلِنُ}

على فكرة ممكن تتطور من نفسك وتنام بدري وتصحى تاخد دش ساقع وتتعلم برمجة او الماني وتنزل القاهرة تشتغل كول سنتر وتعيش فيها وتروح چيم بس انت اللي فاشل وجربوع

العصر اللي احنا فيه ده عصر السرعة والمقارنة، كل حاجة حوالينا سريعة واحنا فاتحين السوشيال ميديا نشوف مين عدى مين.. ياااه لو كان الواحد شغال تقليدي يخلص شغله ويرجع الساعة ٢ ولا ٣ يعيش طبيعي بعيد عن ضجيج كل حاجة

نفسي أعيش في السبعينات، عصر ما قبل هوس الناس بالسوشيال ميديا كانت الناس شكلها شيك ولبق مكنش في سرسجية ولا زحمة كان الواحد كل طموحه يدخل السيما يشوف فيلم ولا يحضر حفلة للعندليب وام كلثوم، ولو عايز يكلم حبيبته يبعتلها جواب وكده كانت الحياة هادية وبطيئة

خدوها قاعدة الأهالي اللي مبتعرفش تربي عيالها بتخاف يكون معاهم فلوس ويخرجوا عن طوعهم ويتمردوا الراجل اللي مش واثق مراته مرتاحة وبتحب عشيتها معاه ولا لا هيقص جناحها ويقطع عليها مصادر الدخل عشان يمسكها من رقبتها ويقولك دي القوامة والفطرة اني اصرف وانا اكون مصدر دخلها الوحيد

مفيش حاجة اسمها تايب عامةً، الشخص المناسب هو التايب بتاعك عشان كده بنشوف ناس بتعيب في الراجل القصير والأقرع طول حياتها وتلاقيها متجوزة السسي

ماهو لو كان اسمها date مكنش حد اتكلم بس رؤية شرعية؟ لازم نتكلم عنها بإسلوب منحط

زمان كنت منزل صورة موبايلي المكسور على النت للبيع وكاتب عليها كسر زيرو زي ما الناس بتكتب وحد دخل شتمني