غادي تبقى وليدتي الأولى.. وإن أنجبت بعدها مئات الروايات❤️ -مقبرة الذاكرة☄️

دخلو سمعو🥹

واش فايتين خفتو من داكشي اللي مخبي فوسطكم؟ خفتو من راسكم لداخل؟ خفتو من داكشي اللي ماعارفو تاحد ؟

Maerftch wlah .. hna hmaq

أوقات هتكون كويس جداً، وأوقات هتحس وكأنك لسه مجروح من خمس دقايق. هو التخطي كده.

تويتر.. ياسمينة بدات كاتهضر! ✨

﴿إِنْ أَحْسَنتُمْ أَحْسَنتُمْ لأَنفُسِكُمْ وَإِنْ أَسَأْتُمْ فَلَهَا﴾

بقوة ماداكشي غارق فوسطي .. ماعارفاش شنو ندعي باش نخرجو كلمات مستفين لسيدي ربي.. عارفا باللي هو مطلع على القلوب شنو فيها.. ولكن هاد الغصة بصح ماعندهاش تعبير..

انك تكون زعلان على نفسك ده إحساس مفيش أوحش منه والله .

كانحس بيه بحال شي cancer فوسطي ..

عشت بزاف مع خيالك ، صاف هاادا لله.. جا الوقت اللي نعيش مع حقيقتي.

"الألم الطويل يجعل الإنسان غريبًا عن نفسه." — عبدالرحمن منيف.

فاش كانوقف ونشوف راسي لداخل .. كاتكون هاديك اصعب مواجهة واحق الله..

المحاولات اللي كانديرها على ود راسي باش نكون بيخير.. ماكرهتش شي حضن طويل عليها..

عرفتو علاش انا عمري نسا شنو ضرني؟ حيت كلهم حطيتهم كتوبة غادي يبقاو طول الحياة..

ماكنتش بغيت نطلق من راسي اللي فوسط داك الفراغ ونخرج نجري مانضورش مورايا.. حيت هاداك الفراغ عطاني شي حاجة لقيتها غير فيه بصح.. وماكنتش باغا نتخلا عليها.. نسيت باللي الفراغ شنو ماكان كايبان ليك فيه راه ماشي حقيقي.. الفراغ غايبقا فراغ.. وراسك بوحدو اللي غايحاول يعمرو

عييت مانعيش تحت جناح ظل . ونوكلو ونشربو ونغذيه باش يكبر. وهو مصر باش يبقا كيف هو .. فقط ظل.. مانستاهلش.. بصح مانستاهلش.. مانستاهلش نزيد نعطي شوية مني فهاد الكوكب الفارغ.. اللي سميتو واحد النهار .. سمية فالحقيقة عندها قيمة عليه.. ماعرفتش واش غادي نقدر نرجع شنو مشا مني بصح!

كنت مستمتعة بداك الغرق البطيء. مستمتعة وانا كانكتب عليه. مستمتعة وانا كانلون الفراغ . وكانزوقو بالاوهام.. وكانحاول نكون واقعية هههههه.. عار الله واش كاينا شي واقعية وانا كل ما انا فوسطو هو اصلا حلمة. ماكايناش . بكل ماتحمله الكلمة من معنى .. عَدَم

كان كايخليني ديما ماني ناعسة ماني فايقة . ماني راجعة لور ماني زايدة لقدام . واقفة لوسط ، وسط شي حاجة مابايناش . ماعندهاش سمية. ماعندهاش تعريف . كل مرة كانو رجلي كايعياو وكانبغي نطيح كيوقفني داك الامل وبسيف عليا خاصني نبقا واقفة . واخا كولشي واي حاجة كايكبو لجهة وحدة: كاتغرقي

ماعمري كنت بغيت نحسبها قصة وسالات. ولا فترة ومشات، كنت ديما عايشة وفوسط مني كولشي كايستنا شي حاجة طرا.. كنت كانستنا وكانقول باللي باقي شي حاجة.. مازال ماطلعات الكتبة.. هاداك "الامل" اللي كان كايحيا ويموت كل فترة وفترة كان كاياكل مني لداخل كاياكل من طاقتي وصحتي وافكاري ..

جاتني لحظة ادراك تبعث السخرية واحق الله مدة طوييييلة وانا كانجري وراء ظل، وراء فراغ، وراء حاجة ماعمرها وقفات قدامي شامخة ، وراء فتات بغيت نصنع منو انا شي حيط كبير نتخبا موراه ..راه لحظة ادراك كاينا ف داك الظل .. اللي عارفا ومتأكدة منو.. انني الى مشيت حتى كملت دابا ماعمري نرجع